Responsive Ad Slot

MUOLHOI-AH MARTYR DAY INSER A NIH

Monday, May 16, 2016

/ Published by VIRTHLI
Muolhoi, 16th May 2016 (VIRTHLI): Vawisun khan NC Hills khawpui Muolhoi a Muolhoi Val-Upa hai huoihawtna hnuoia Martyrs' Day ursun taka inser a nih. Zingkar dar 7:00 in Hmar puonzar ngul chenve a khaina le sunnna hun nei a nih. Hi huna hin Khuollien Pu Rev. Dr. Hrilrokhum Thiek a thang a, martyr thucha a hril a nih.

Zan huna hin HSA Choir, Tv. Lalzarlien, Churachandpur, Nk. Immanuel Amo haiin mipui hla'n an inawi a, Martyr thucha HYA, INPUI, HWA, HSA GHQ&JHQ, Val Upa le khuosung thuoitu haiin an hril.


Hmar Lanu ti Album chu hi huna hin Pu L Rosang Hrangchal, President Hmar Inpui, NC Hills & Karbi Anglong in a tlangzar a, hi album hi Pu Prasanta Chetia JE, Agri. Dept. in a produce a nih. Ama hi Assamese (Ahom) hnam ni sienkhawm Kristien niin Muolhoi PCI a inkhawm ani a, Hmar Lanu ti hla mawitak le hi Album a hla hai hi ama phuok deu vawng a nih. Mi tlawmngai thei tak el hnam in a tangkai pui em em hai laia pakhat ani a, Hmar Lanu Album sengso popo a tum vawng khela hi album hlawk popo hi Assam rama Hnam movement fe mek a hmang dingin a'n hlan bawk a nih. HPC (D) Assam Region kuoma CD Copy 100 an hlan bawk a nih. Pu Mortimor Joute le Nk. Angela Khawlremzo Sungte hai in hla mawi tak tak hi album a hin an sak a nih.

Muolhoi khuo a chau niloin NC Hills khuo tinah Martyrs' day hi inser a hun hmang a nih.











Don't Miss
© all rights reserved
made with by Simon L Infimate