Kohima, May 29, 2016 (VIRTHLI): Major Crossmawi Lalnuntluong Hmar S/o Lalremlien Nungate, Shillong chu Indian Army ah Permanent Commission alo hmu tah. Major Crossmawi Lalnuntluong Hmar hi UPSC huoihawtna hnuoia Combined Defence Services (CDS) exam a Short Service Commission hmu alo nia, tulai hnai el khan Permanent Commission hmuna dinga tul- training, exam le interview hai thataka zofel in Permanent a Commissioned alo ni tah.

Major Crossmawi Lalnuntluong Hmar hi tuhin Assam Regiment a um in, Kohima hmuna posting mek a nih.

Major Crossmawi hi 6th Assam Regiment a a thang lai RR hmingin kum 2011 khan Kashmir fe in, ama inrawina hnuoia helpawl hai leh an inkaptuo a, an umna hluo dawkin an kaphlum vawng a, vangduoi tlak takin silaimu hung khieng kuol velin a nakawr bul takah a hung deng fuk a, a mit khawm tawk sa in,tha taka enkawl a ni hnungin a hung tha dawk nawk a nih. Huoisen taka a rawihai leh Kashmir helpawl an beina lei hin kum 2012 Indian Republic Day Ceremony huna khan huoisen lawmman/chawimawina "Sena Medal" inhlan alo a nih.

Post a Comment

Powered by Blogger.