Hmar Inpui Finance Committee in ngenna an siem

CCPUR, May 02, 2016 (VIRTHLI): Finance Committee, Hmar Inpui chun May 3, 2016 zing dar 7:30 PM khan Finance thil le inzawmin Meeting pawimaw tak el President, Hmar Inpui, GHQ chengna in ah an nei a. Hi hun a hin a petu ta dinga awlsam lem le hrat lema hnam hmalakna haia hmang ding sum bituk siema, dawl suok dan ding an ngaituo bakah tuta inthawka hun sawtnawte ah sum dawlna ding le inzawma hmalak dan ding chu sukfel dingin thutlukna an siem. Hi huna hin tum mumal tak neia sum dawl le hmalak dan ding hai an hriltlang bawk.

Chun, term thar a hmalakna a fe mek tah leiin term hlui a mi sum la submit lo le sukfelloa la um hai chun May 2016 thla sung ngei le an hmatienga Finance Secy., Hmar Inpui, GHQ Upa Laltlanmawi a kut ah pe lut dingin inhriettirna le ngenna Chairman le Secretary, Finance Committee, Hmar Inpui, GHQ chun an siem.

Hi Finance Committee meeting neina huna hin Ex-Officio member anni angin President le Gen. Secy., Hmar Inpui, GHQ hai khawm an thang bakah Jt. Secy., (Info. & Media), Hmar Inpui, GHQ khawm a thang. Hmar Inpui le inzawma Office kan hun chu 10 am  - 1 pm (Monday - Friday) le Hmar Inpui Inawp dan (Constitution) Lekhabu Copy khat ah Rs. 50/-  chu Hmar Inpui Head Office, HSA Campus, Rengkai, CCPur (Manipur) hmun ah inchawk thei zing a nih tiin Jt. Secy., (Info. & Media), Hmar Inpui, GHQ chun a hril.
--------------------------------------
Office of the
Finance Committee
Hmar Inpui (Hmar Supreme House)
General Headquarters

Inhriettirna le Ngenna
May 3, 2016

Finance Committee, Hmar Inpui May 3, 2016 zing dar 7:30 PM a President, Hmar Inpui, GHQ chengna in a Finance thil le inzawma Meeting thurel angin term thar a hmalakna a fe mek tah leiin term hlui a mi sum la submit lo le sukfelloa la um hai chun May 2016 thla sung ngei le an hmatienga Finance Secy., Hmar Inpui, GHQ Upa Laltlanmawi a kut ah pe lut dinga inhriettir le ngen ei nih.

Hnam tadinga in ṭhahnemngaipui;

Sd/- Upa (Dr.) Rosiem Pudaite
Chairman


Sd/- Upa Laltlanmawi
Secretary