Responsive Ad Slot

Diphu ah Martyrs' Day inser, Marryrs' Trophy Jirpo Chingri in a'nlak

Tuesday, May 17, 2016

/ Published by VIRTHLI
Diphu, May 17, 2016 (VIRTHLI): Diphu a Hmarnauhai chun May 16 Hmar Martyrs' Day chu zanikhan an inser ve a nih. School hai chawl a um naw leiin program chu zantieng tan chauh ania, prokram tan tawm charin ruo le thlipui nasatak el hrangin Hall bawl hai po po dang hne ruollo in a mut dar vawnga, vaihnurama hmasarum in Parachute 2 la kei fawmin Football Final inkhel ding ani bawk leh inkhel tawm darkar chenve program hmang a nih.


Hi huna hin Tv. Joseph Keivom SI chu Khuollien a hmang niin Martyr Flag keipharna a nei zo in, Martyr hai sunna hunser minute 1 hmang a nih. Khuollien in Hnam tadinga hringna chen lo inhlantu hai ngaisang an umzie le hnam hmangaina inthuoktak nei a thei ang tawk tawk a ei hnam damna dinga sin thaw ve dingin mipui hai fielna a siema, hnam dang karah um ni inla khawm ei Hmar hnam nungphung hai hi vawng tlat tu ni pei dingin mipui hai a ngen. Khawmuolin a zir ta naw leiin hnam lam, hlasak le item chidang dang prokrama induonga um hai chu nei ani ta naw nih.

Hmar Martyrs' Football Final chu Jirpo Chingri (Karbi Club) haiin Young Chester (Hmar Club) hai chu 6-0 a hne in hratna an chang a nih. Winner Cash award hi Chief Guest Tv. Joesph Keivom in inhlanna a nei a, chun Peoples' Choice Award chu Guest of Honour Tv. Jonathan Joute in inhlanna a nei bawk.
Don't Miss
© all rights reserved
made with by Simon L Infimate