Aizawl, May 27, 2016 (VIRTHLI): Tulai hnai el khan Aizawl District Court chun Mizoram Police hai hma hrat nawk zuola la thar ding le HPC (D) criminal case nei hai man dingin a hril.

Aizawl District Court chun HPC (D) cadre mi 10 chuong hai thubuoi (case) chu May 3, 2016 khan hearing na a neia, hi huna hin SS Army Chief Pu Lalropuia Famhoite chungchang khawm Court chun a ngaituo nawk a. Court chun HPC (D) cadre mi 18 case nei zing hai le man tah hnung baila suok inlang ta lo hai man phawt a Court hmaa an ngir theina dingin Gauhati Hight Court Justice BD Agarwal, Additional District and Sessions Judge Vanlalenmawia hai chun Mizoram Police hai chu inhriettirna an pek nawn nawk a, tuta neka hrat nawk zuola hma laa man ngei dingin an hrilsa bawk a nih.

2014 HC Judgement, CrPC VI C dungzuia Police hai hin action la thar dinga ti a nia, hi dungzui bawk hin HPC(D) case nei hai hming le an thlalak hai "Wanted List an thlalak hai leh" chu mipui pungkhawmna hmun a hai le an veng a hai dam tarlang dinga ti a nih. (VIRTHLI)

YMA in HPC (D) le Mizoram sawrkar hai inbiekna dawkan awttlang nawk dinga hma alak mek lai le Mizoram sawrkar khawmin inbiekna nei nawk a nuom thu a hril lai zinga hieng anga Court in Mizoram Police hai hma la thar nawk dinga inhriettirna a pek hi ngatuona a suksei hle a nih. 

Post a Comment

Powered by Blogger.