Pu Lalthlirlien Hmar @Thlira = Pu Thlira, Virthli (Online News Portal) = Virthli

A hmasa'n Virthli'n VC i tling Lawmpuina Vochuom Chibai kan buk che.

Hming: Lalthlirlien Hmar
DoB: 25th Jan. 1986
A Nuhmei: Rebecca Lallawmkim Thiek
Nau nei ta zat: 1 (nuhmeite- Jesicca Lalrokim Thiek)
Qualification: HSSLC
Address: Saiphai, Sinlung Hills (Mizoram)
School/College/University: Lakhipur Junior College


Virthli: VC inthlangna nei zo ta a hin Saiphai Khuo, Sinlung Hills, Mizoram ah VC member dinga thlangtlingin i um ve ti kan lo hriet a, iengang zatin am vote i hmu phak a?
Pu Thlira: Votes 742 ah 255 ka hmu.

Virthli: VC hin power iengang chie in am in nei a?
Pu Thlira: VC hi khawtlang ah development iengkim enkawltu le 3rd Magistrate an nih.

Virthli: VC a thlangtling i hung ni ta si chun iengangin am hmalak i tum?
Pu Thlira: Theitawpin thalai, khawtlang le hnam ta dinga hma lak ka tum.

Virthli: VC ni hi iengleia i lo nuom le tum am a ni a?
Pu Thlira: Nuom le nuom naw thu ni lovin hnam party chu muolpho le muolpho pui el ding ti a ngir ka nih.

Virthli: HPC Party hi Election Commission of India (ECI) i recognised a ni a, iengleia MLA Election a hai dam in ngir ngai naw am?
Pu Thlira: HPC Party hi hnam party nisienkhawm political party pakhat ang chauva ngaiin a um ta leiin political party lien hieng INC, MNF etc zawm ei tam tak leiin MLA thaw alan tak a nih.

Virthli: Tuta VC Bye-Elaction a khan HPC Candidate iengzat am in um a? Khawlai lai am a ni a?
Pu Thlira: HPC Ticket a ngir 13 kan um a, Saipum 5, Saiphai 5 le Phainuam 3.

Virthli: HPC Demand Area nisi ieng leia HPC Party hi hienganga hrat naw am a ni a?
Pu Thlira: Inthruolna le ringumna ei tlaksam lei nin ka hriet.

Virthli: SHDC le HPC Party hin inlaichinna in nei am?
Pu Thlira: Aw kan nei.

Virthli: HPC Party hi tuhin a Headquarter deu a in nei khawlai am a ni a? A thuoitu hai dam hriet nuom a um a, i mi hril thei ding?
Pu Thlira: Hqrs chu Sakawrdai, Sinlung Hills ana President chu Pu Thangliensung a nih.

Virthli: HPC Party hin hma iengtin am lak pei in tum a?
Pu Thlira: Hnam ta dingin theitawpa hma lak kan tum.

Virthli: Saiphai a HPC Candidate 5 in um a nang chau i tling a  ni?
Pu Thlira: Aw.

Virthli: Saiphai khuo VC thlang tlinga um hai chu tutu hai am inni a?
Pu Thlira: Mi 5 (Panga) kan nih. INC 3, MNF 1 le kei HPC 1.

Virthli: Hun phawt sien hun remchanga hai ei la hohlim nawk pei dingah sie phawt ei ta. Pu i hun hlutak i mi pek a kan lawm tak zet che. Virthli chun hmatienga hai khawtlang, kohran, hnam le mipui hai tadinga malsawmna hung ni ngei dingin kan ditsakna insangtak kan inhlan che.

Post a Comment

Powered by Blogger.