Guwahati, April 27, 2016 (Virthli): Hmar Students’ Association (HSA) chun thusuok siemin 21st Executive Council, Hotel Rajmahal, Guwahati hmuna 23rd April, 2016 nia an nei tum khan Hmar hnam issue le inzawma mimal le pawl, a bik takin Mizoram a YMA hai hmalakna lawmum an ti thu an puong.

Mizoram a Hmar issue sukfel lova la um zing chu sukfel vat nia, Sinlung Hills Development Council (SHDC) huom sunga inremna tluongtling uma, a ra mipuiin an chen thei ngei na dingin mawphurna neitu haiin mipui rawl ngaithla dingin an ngen. Hun iemanichen buoina umin, hringna chen iemanizat zetin an chan pha taa, buoina le inremnawna um hai chu inbiekna dawkan ah sukfel thei ani thu hai HSA chun an hril.

HSA chun HPC (D) le Mizoram inbiekna chawlsan a um ta chu sukthar nawk hunlai tak ani thu an hrila, Village Council election um ding chu lawmum an ti thu an hril bawk a nih.

Assam a Hmar political issue Hmar People’s Convention – Democratic (HPC-D),Assam Region hminga bawzui meka um hai le Manipur a KNO/UPF hminga nawr mek hai chu hma sawna hlawtling ngeia Hmar nauhai hmun dang danga cheng haiin zalen taka mipui rorelna hnuoia hamthatna hai intem ve ngei hai sien an nuom thu hai HSA thusuok chun a tarlang a nih.







Post a Comment

Powered by Blogger.