CCpur, March 31, 2016 (Virthli): Vawizan dar 7;00 PM, March 31, 2016 khan VETC Auditorium, Muolhlum Rengkai ah NPT Central Choir Album Vol III ‘KAN NGHATNA LALPA’ chu mipui enthei dingin Pu Ramnunsiem Sanate in a lo tlangzar tah. Hi album hi tlangzar ani zoin Rev. Rosung Sinate in Pathien kuomah inhlanna a nei. Hi huna hin Upa Lalmanlien,Co-ordinator, NPT a'nthawk le thuoitu thenkhat hai a'nthawk thutha tak tak ngaithlak a nia. Hi album sukpuitlingna dinga thahnemngai taka lo sawmdawltu Pu Ramnunsiem Sanate chu chawmawina (memento) inhlan ani bakah hi album a hla a sponsortuhai khawm thilpek inhlanna an nei. Huntawp tawngtaina Upa Lalnuntluong Faiheng in a nei zoin mipui fekhawm haiin refreshment hnienghnar takel an kiltlang.
 


Hi Album a hin hla mawi tak tak 13 a um a, video & editig Pu Lalditsang, Jacksy khawbung le Angels Vision in mawi le uluk taka an lak a nih. A Music chu James Hriler (NPT Choir Conductor) in a siem a nia, DCS Studio a record a nih. A Choir combination a tha in an thiem a, en le ngai an hawi hle.

Hi Album hi a dit hai chun hieng ahnuoia contact number peka um hai a hin ngaiven thei a nih.

Pu Diamonthang, Saikawt: +91 8131939021
Methew Tryte, Saidan: +91 9612497728.
Jenny, Rengkai: +91 9612639526.

----------------------------------
Reporting & Photograph: Muona Infimate








Post a Comment

Powered by Blogger.