Parbung/CCPur, April 12, 2016 (Virthli): Hun iemanichen ainthawka Hmarbiel Pastor Organisation (HPO) Seminar le thuoitu intlangna nei dinga riruongna lo um chu beisei bakin hlawtling takin tarik 29th-31st March, 2016 khan hmang zo a lo ni tah.
Hi hun a hin Hmarram a’nthawk Palai 182 laizet Kohran dang dang a’nthawk fekhawm a nih. CCPur anthawk khawmin Recourse Person Rev. Huolthangsei Thiek (EAC), Rev. Lalneikhup Hmar (ICI), Rev. Saithanglur Joute (RPCNEI), Rev. Tlanghmingthang (Methodist), Pu Francis Songate (HI G/Secy), Pu Laldawnlien Varte (HYA G/President), Pu LRS Puruolte (Media), Pu Alan Famhoite (Media) Pu Lalnunthang Songate (Secy. Info.& Media, HPO) le midang dang fe a nih.
Hi Seminar hi- A sietnalai siemthat- ti thupuia hmangin Resource person haiin thahnemngai takin sub-topic dang dang an present a, nihni sung hin sunhun a Seminar & Consultation le zanhun a hai Pathien thu seminar thupui le inmil in ngaithlak pei a nih. Hi taka thanghai hin hieng ang khawp a inhnik le nihni sung hun ditkhawp lo tak a hmang ani hi a ropui an ti thu hai an hril.
Hmarbiel Pastor Organisation a hming hi, hi neka a huoplien thei na dinga thlak dinga ti angin Palai fekhawmhai hin - Hmar-ram Kohran Inzawmkhawm- ti hmingin lungruol takin an thleng a nih. Hi hun/Program hmangna ding hin sum a umsa umnaw de sienkhawm Pailai fekhawm an uluk na le ursunna en in Kohran thuoitu, mimal mithahnemngai han contribution an hung thaw tawl hai leiin deficit a um naw el chau ni lo in, a nihni ni hin ruoi khawm the nghe nghe a nih.
Intlangna nei a nia, hi hun ahin thuoitu pangngai hai bawkin term dang la chel dinga ruot/tlang nawk vawng an nih. Hi Organization hmangin ei Hmarram chite hi Pathienin a la tung ding ngei ding niin mipui hai chun anhmu tlat, chun Hmarram tienga Organisation umhai po poin a tul chun thi-le-thau chen senga thlawp tlat dingin support an pek.
Hi Seminar cum Consultation hun a hin Resolution 08 thlak le Plan of Action point 4 ziek dawk a nih. Resolution le Action Plan hai hi a hlawtling ngei theina dingin OB hai in thilthaw dan ding/a hlawtling ngei theina dingin chipchier takin la hung ziek dawk an ta, a hlawtling theina ding chun ara dinghai hi phet-le-phut a hmu thei nghal chu ni naw vawng a tih.
Resolution le Action Plan a tawi zawng in mipui hmu thei dingin a hnuoi a ang hin pek dawk a nih.
Res.No.1 Hmar-biel Pastor Organisation thiltum le hma lakna hai hrât lema fea, a huom len deu theina dingin Hmar-biel Pastor Organisation (HPO) ti hming hi thleng ṭha ti tlang a nih a, a hming dingin “Hmar-ram Kohran Inzawmkhawm” tia thleng dingin kan rêl. Hi inzawmkhawma hin hrat tak le lungiruol taka ei ṭhang tlang theina dingin kohran tin le pawltin hai kuomah inthuruolna bân chel tlang dinga ngenna le inhriettirna siem nisien kan tih.
Res.No.2. Hmar-biel Pastor Organisation (HPO) ṭhuoitu haiin Bye-law siem dinga Rev. Hrangchunghnung a ruot anga a hung siem entlangna kan neia, Hmar-ram Kohran Inzawmkhawm inṭhuoina dingin in-principle (a tlangpuia) pawm phawt nisien, siemṭhat ṭûl hai unit tinin hung entlanga general body meeting huna ennawn dingin kan rêl.
Res.No.3. MLA election a hin mimal tinin vote indik le thienghlim taka an thlak seng theina dingin Hmar-ram Kohran Inzawmkhawmin hma lak nisien kan tih a, hma lak dan ding ruok chu office bearers/general body meeting in hung siem sien kan tih.
Res.No. 4. Naupang chawmna le kohran schoola teachers insawrtuona hi pawla thang dinga inzawrnaa hmang ni ta ngai naw sien kan tih.
Res.No.5 Hnam sipai hai hmalakna le kalchâwi dan enin thurawn pek ṭha kan tih a, Hmar-ram Kohran Inzawmkhawm hmingin Hmar Inpui General Headquarters intlun nisien kan tih a, Hmar Inpui ṭhuoituhai hmalâkna hnuoiah thurâwn ṭha inpêktuo nisien kan tih.
Res.No.6 Tukum 2016 sunga Action Plan – phursuok ding hai hieng ang hin kan siem:-
1) Civil Right ei nei le inmila Transport and Communication ṭhatâwk ei nei theina ding le Sawrkar thawktu mani post a umlo hai an um ngei theina dinga sit-in-protest/public rally nei.
2) Social evils hieng inruithei le pornography dodâlna.
3) Sawrkar le khawtlang thuomhnaw vênghimna/humhal
4) Suol thupha châwina dingin Pastor hai le upahai in khuo fangna nei ding le bunghei ṭawngṭaina nei.
Res.No.7 Kum 2016- 2018 sânga Hmar-ram Kohran Inzawmkhawm ṭhuoitu dingin a hnuoia hai hi lungruol taka thlang an nih:-
Chairman : Rev. Hranchunghnung
Vice Chairman : Rev. Lalrohlu
Secretary : Rev. Chawngrosiem
Asst. Secretary : Rev. John Vanlalsan
Secretary Finance : Rev. Lalruotsang
Treasurer : Rev. Lalnghillo
Secretaries; Social – Media, Networking and Information :
Mr. Lalnunthang Songate
Mr. LRS Puruolte
Mr. Alan Famhoite
Mr Vanlallien Pulamte
Auditors : (Office bearers haiin an hung ruot dinga rêl)
Palai (Presbytery/District) : (DS/PS/PO tinin mani kohran senga inthawk pakhat seng an hung ruot dinga rêl)
Res. No 8 31st March 2016 zan inkhawm programme ah ṭhuoitu ding thlang thara umhai Commissioning Service nei nisien ṭha ti a nih a. Commissioning Service neitu dingin Pastor Lalthangkung kan ruot.
Hun tawpna taka Chairman in hmun dang dang anthawka chanvo hlutak pek a um han ngaipawimaw taka an hun chang an hung hloubit le Parbung Jt. Churches haiin Hmarbiel sunga Palai hai fe-le- hungna dinga truck pahni an tumna chunga hai hin abik takin lawmthu hrilin le hmun dang dang a Hmarnau Organization umhai le mimal tuel khawm thei tawp a sum/tha/lekha ziek/etc thangpui le thlawp tlat dingin ngenna a siem
Reporter:
Lalnunthang Songate
Secretary (Info. Media & Networking).
Hi hun a hin Hmarram a’nthawk Palai 182 laizet Kohran dang dang a’nthawk fekhawm a nih. CCPur anthawk khawmin Recourse Person Rev. Huolthangsei Thiek (EAC), Rev. Lalneikhup Hmar (ICI), Rev. Saithanglur Joute (RPCNEI), Rev. Tlanghmingthang (Methodist), Pu Francis Songate (HI G/Secy), Pu Laldawnlien Varte (HYA G/President), Pu LRS Puruolte (Media), Pu Alan Famhoite (Media) Pu Lalnunthang Songate (Secy. Info.& Media, HPO) le midang dang fe a nih.
Hi Seminar hi- A sietnalai siemthat- ti thupuia hmangin Resource person haiin thahnemngai takin sub-topic dang dang an present a, nihni sung hin sunhun a Seminar & Consultation le zanhun a hai Pathien thu seminar thupui le inmil in ngaithlak pei a nih. Hi taka thanghai hin hieng ang khawp a inhnik le nihni sung hun ditkhawp lo tak a hmang ani hi a ropui an ti thu hai an hril.
Hmarbiel Pastor Organisation a hming hi, hi neka a huoplien thei na dinga thlak dinga ti angin Palai fekhawmhai hin - Hmar-ram Kohran Inzawmkhawm- ti hmingin lungruol takin an thleng a nih. Hi hun/Program hmangna ding hin sum a umsa umnaw de sienkhawm Pailai fekhawm an uluk na le ursunna en in Kohran thuoitu, mimal mithahnemngai han contribution an hung thaw tawl hai leiin deficit a um naw el chau ni lo in, a nihni ni hin ruoi khawm the nghe nghe a nih.
Intlangna nei a nia, hi hun ahin thuoitu pangngai hai bawkin term dang la chel dinga ruot/tlang nawk vawng an nih. Hi Organization hmangin ei Hmarram chite hi Pathienin a la tung ding ngei ding niin mipui hai chun anhmu tlat, chun Hmarram tienga Organisation umhai po poin a tul chun thi-le-thau chen senga thlawp tlat dingin support an pek.
Hi Seminar cum Consultation hun a hin Resolution 08 thlak le Plan of Action point 4 ziek dawk a nih. Resolution le Action Plan hai hi a hlawtling ngei theina dingin OB hai in thilthaw dan ding/a hlawtling ngei theina dingin chipchier takin la hung ziek dawk an ta, a hlawtling theina ding chun ara dinghai hi phet-le-phut a hmu thei nghal chu ni naw vawng a tih.
Resolution le Action Plan a tawi zawng in mipui hmu thei dingin a hnuoi a ang hin pek dawk a nih.
Res.No.1 Hmar-biel Pastor Organisation thiltum le hma lakna hai hrât lema fea, a huom len deu theina dingin Hmar-biel Pastor Organisation (HPO) ti hming hi thleng ṭha ti tlang a nih a, a hming dingin “Hmar-ram Kohran Inzawmkhawm” tia thleng dingin kan rêl. Hi inzawmkhawma hin hrat tak le lungiruol taka ei ṭhang tlang theina dingin kohran tin le pawltin hai kuomah inthuruolna bân chel tlang dinga ngenna le inhriettirna siem nisien kan tih.
Res.No.2. Hmar-biel Pastor Organisation (HPO) ṭhuoitu haiin Bye-law siem dinga Rev. Hrangchunghnung a ruot anga a hung siem entlangna kan neia, Hmar-ram Kohran Inzawmkhawm inṭhuoina dingin in-principle (a tlangpuia) pawm phawt nisien, siemṭhat ṭûl hai unit tinin hung entlanga general body meeting huna ennawn dingin kan rêl.
Res.No.3. MLA election a hin mimal tinin vote indik le thienghlim taka an thlak seng theina dingin Hmar-ram Kohran Inzawmkhawmin hma lak nisien kan tih a, hma lak dan ding ruok chu office bearers/general body meeting in hung siem sien kan tih.
Res.No. 4. Naupang chawmna le kohran schoola teachers insawrtuona hi pawla thang dinga inzawrnaa hmang ni ta ngai naw sien kan tih.
Res.No.5 Hnam sipai hai hmalakna le kalchâwi dan enin thurawn pek ṭha kan tih a, Hmar-ram Kohran Inzawmkhawm hmingin Hmar Inpui General Headquarters intlun nisien kan tih a, Hmar Inpui ṭhuoituhai hmalâkna hnuoiah thurâwn ṭha inpêktuo nisien kan tih.
Res.No.6 Tukum 2016 sunga Action Plan – phursuok ding hai hieng ang hin kan siem:-
1) Civil Right ei nei le inmila Transport and Communication ṭhatâwk ei nei theina ding le Sawrkar thawktu mani post a umlo hai an um ngei theina dinga sit-in-protest/public rally nei.
2) Social evils hieng inruithei le pornography dodâlna.
3) Sawrkar le khawtlang thuomhnaw vênghimna/humhal
4) Suol thupha châwina dingin Pastor hai le upahai in khuo fangna nei ding le bunghei ṭawngṭaina nei.
Res.No.7 Kum 2016- 2018 sânga Hmar-ram Kohran Inzawmkhawm ṭhuoitu dingin a hnuoia hai hi lungruol taka thlang an nih:-
Chairman : Rev. Hranchunghnung
Vice Chairman : Rev. Lalrohlu
Secretary : Rev. Chawngrosiem
Asst. Secretary : Rev. John Vanlalsan
Secretary Finance : Rev. Lalruotsang
Treasurer : Rev. Lalnghillo
Secretaries; Social – Media, Networking and Information :
Mr. Lalnunthang Songate
Mr. LRS Puruolte
Mr. Alan Famhoite
Mr Vanlallien Pulamte
Auditors : (Office bearers haiin an hung ruot dinga rêl)
Palai (Presbytery/District) : (DS/PS/PO tinin mani kohran senga inthawk pakhat seng an hung ruot dinga rêl)
Res. No 8 31st March 2016 zan inkhawm programme ah ṭhuoitu ding thlang thara umhai Commissioning Service nei nisien ṭha ti a nih a. Commissioning Service neitu dingin Pastor Lalthangkung kan ruot.
Hun tawpna taka Chairman in hmun dang dang anthawka chanvo hlutak pek a um han ngaipawimaw taka an hun chang an hung hloubit le Parbung Jt. Churches haiin Hmarbiel sunga Palai hai fe-le- hungna dinga truck pahni an tumna chunga hai hin abik takin lawmthu hrilin le hmun dang dang a Hmarnau Organization umhai le mimal tuel khawm thei tawp a sum/tha/lekha ziek/etc thangpui le thlawp tlat dingin ngenna a siem
Reporter:
Lalnunthang Songate
Secretary (Info. Media & Networking).
