Shillong, April 8, 2016 (Virthli): Assam Rifles a Lieutenant Colonel nilaizing Dr. Mary Hranngul, D/o Rev. Challienkung Hranngul, Shillong chu vawisun khan Colonel rank ah alo kaisang tah.

Dr. Mary hi Assam Rifles a nuhmei Medical Officer Commandant Rank a kai hmasatak le Medical Officer Police Gallantry Medal dawng la umsun a nih. Hi Gallantry Medal a dawng hi counter insurgency operations-a sin a thaw that lei a nia, kum 2013 khan inhlan a nih. Northeast hmun dang dang hieng Assam, Mizoram, Manipur le Nagaland a hai khawm lo posting ta hlak, tuhin Headquarters Director General Assam Rifles, Shillong hmuna Staff Officer in a posting mek a nih.

Ama hi Hmar nuhmei Colonel kai hmasatak ala nih, Hmar nauhai lai hiengang chen kai thei ei um hi lawm a um tak zet a, Virthli chun a kaisangna hi a lawmpui tak zet.




Post a Comment

Powered by Blogger.