CCPUR: HYA GHQ chun April 21, 2016 zing dar 7-9 AM vel khan an Head Office, Rengkai, CCPur hmunah Executive Meeting an nei a, resolutions 8 an passed. Chuonghai chu Gen. Secy. lo ni hlak Mr. Francis Songate in Hmar Inpui ah Gen. Secy. sin a chel a, a’nban tah leiin Asst. Gen. Secy. nilai Mr. Hmangkhum Songate in Gen. Secy. sin a chel ding, Asst. Gen. Secy. sin ruok chu Mr. Alan Famhoite in a chel ding, Fin. Secy. Upa Laltlanmawi khawm Hmar Inpui a Fin. Secy. sin a chel tah leiin Mr. Lalsanhim Sanate in Fin. Secy. sin a chel ding.

Chun, Secy. Games & Sports dingin Mr. Lalramsang F. Tusing ruot le Upa Laltlanmawi le Mr. LRS Puruolte hai chu Executive Member dinga laklut thar an ni a. Information & Publicity Dept. chu Mr. LRS Puruolte in a į¹­hangpui ding, CCPur laia HYA Ambulance Project le inzawma March 7, 2016 zana 31st HYA Founding Day Celebration huna Hmar-Mizo-Zomi-Kuki Top Artiste hai perform-na Music Video Album siem ngei tha ti tlang le hma lo latu dingin Founding Day Celebration Committee kut ah an sie thu, HYA Annual Membership Fee Branch tin ah kum 2015 le 2016 a mi khawn dinga inhriettirna siem nawn ding, membership fee khawn a ni hun ah dawl suok a um hai a renga Gen. Hqrs ah hming list leh a sumfai submit vawng phawt a, a khawhnunga Branch/JHQ chan ding chu Gen. Hqrs in a peksuok nawk ding ti hai an nih.

Post a Comment

Powered by Blogger.