Responsive Ad Slot

HPC (D) leh inbiekna Sawrkârin ngaituo’ng a tih: R. Lalzirliana

Friday, April 8, 2016

/ Published by Unknown
AIZAWL, 8 APR,2016 (VIRTHLI): Hmar People’s Convention -Democratic (HPC-D) hai hi sawrkâr ditzawng anga an um thei phawt chun sawkârin inbiekna ngaituo’ng a tih, Mizoram Home Minister Pu R. Lalzirliana chun a tih.

Vawisun khan Mizoram Pradesh Congress Committee (MPCC) political session, Congress Bhavan, Aizawl-a neina ah thu hrilin Home Minister Pu R. Lalziriana chun Hmar area-ah HPC(D) haiin harsatna an siem leiin Village Council (VC) inthlangna nei thei loin a um a, sienkhawm HPC(D) hai hin sawrkâr leh inbiek an nuom thu kan hriet a nih a tih.

Sawrkâr dit dân anga an um phawt chun HPC (D) hai leh inbiek pawi an ti naw thu hrilin, Pu Zira chun “Silai intunga Hmar area sungah ‘hel’ dang an um ṭhak ta nawna dinga hma anlâk theia, kan police hai silai an lo man ta hai an hung pek kir thei a ni phawt chun sawrkârin inbiekna ngaituo’ng a tih,”a tih.

A hril peina ah Pu Zira chun India state chinhai laia sinthawṭha takah a pakhatna ngirhmun Mizoram in a hluo thei chu lawmum a ti thu a hrila,  April ni 4 a Ministry Human Resource Development (MHRD) in India rama university ṭhabik 100 a tarlang hai laiah Mizoram University in 51-na ngirhmun a hluo phak chu ropui a ti thu a hril bawk.
Don't Miss
© all rights reserved
made with by Simon L Infimate