Raise NE Regional Action on Inclusive Education hawng
CCPUR: April 27, 2016, 10:30AM khan Life Cafe, Rengkai hmnah Raise North East, Regional Action on Inclusive Eduation in the North East program hmang a nih. Hi huna hin Wanneilen Serto Aimol, MFS, Finance Controller, SSA khuollienin a thang a, Guest of honor in T. Goukhomang, ZEO/CCPur a thang a, Dr Rev. LH Jacky Simte, Supdt. AGI Manipur district in tawngtainain program a hawng a, Keylie Lalrokim, UN Volunteer, Project Coordinator, Raise NE Manipur in lawmlutna thucha a hril a, Bibhu Dutta Sahu, Project Director, Raise NE le Vunglallian, Vice Chairman, Centre for Community Initiative hai khawmin thuhrilna hun an hmang.
Hi huna khuollien in thu a hrilnaa chun, piengphunga ruolbanlo le mi pangngai (differently able le normal persons) han ei hringnuna hlawtlingna ei chang theina dingin ‘will power’ ei nei a ngai a, differently able person hai khawm will power nei hai Mount everest tlang kai thei le ke (leg) a milim ziek thei an um a nih tiin a hril. SSA hnuoia teachers hai le students hai lekha inchukna dingin scheme le facilities tum tum an nei a, sienkhawm student hai hlawtlingna dinga pawimaw ‘will power’ tiengpang SSA in a focus naw nia hriet a ni a, RAISE chun naupang han will power an nei theina dingin theitawpin hma a hung lak ding a nih tiin a hril.
T. Goukhomang chun, disable persons hai ngirhmun dawmsangna dinga RAISE in CCPur districta project an hung nei chu lawmum a ti thu hrilin, nu le pa piengphunga ruolban lo nau nei hai ta dinga RAISE chu awareness tamlem buotsai pek dingin a ngen.
HI in Mary Kom a lawmpui
CCPUR: Hmar Inpui (HI) General Headquarters chun Boxinga world champion vawi 5 lo nita le Olympic medalist Dr M.C. Mary Kom Rajya Sabha Member (RSMP) dinga ruot/nominated a nina a lawmpui thu a puong a, kum tam tak dam ding le hmatieng hlawtlingna insang lem chang pei dingin Hmar Inpui GHQ chun ditsakna an hlan.
HNU EWC meeting nei
CCPUR: April 26, 2016, 11AM khan Manipur Secretariat meeting Hallah meeting/inkhawm nei a nih. Hi huna hin 57th HNU Gen. Assembly in kum 5 sunga thuoitu ding le OBs, EWC members le Advisers hai kim takin an thang. Hi huna hin HNU hmatieng hrat lem le hnam sunga inzamkhawmna tha lem a hung um thei na dinga hmalak dan ding; Tipaimukh Hmar hminga thleng nisien ti le Tuiruong dunga Hmar khuo iemanizat Vai tawnga um hai sukdanglam nisien tia HNU Assembly in a lo rel ta angin, Tipaimukh chu Ruonglevaisuo tia thleng nisien tiin an rel a, a remchang anga hi thu bawzui ni raw seh tiin hi meeting chun an rel tiin Alfred L. Pudaite, Secy. Inf. & Publ. in ei chanchinbu palai a hril.
Motor hmang man lak thei
CCPUR: Kum 2015a Autonomous District Council, CCPur Election huna motor hmanga um neitu hai ta dingin motor hmang/hire man April 28, 2016May 31, 2016 inkar office hour sungin Reguisition Order le Duty slip chawiin DC/DEO Officeah lak thei ning a tih tiin DC, CCPur chun zanikhan inhriettirna a siem.
Primary School building hawng
CCPUR: SSA 20142015 Fund hmanga bawl Samulamlan Blocka Lailampat Primary School building chu zani 8:30AM khan T. Goukhomang, ZEO/CCPur in a hawng. Hi huna hin Special invitees in N. Pakasana, DI of Schools, Samulamlan Block le Ashong Kom, AI of School hai an thang.
Lungthulienah World Malaria Day
CCPUR: April 30, 2016 khin Tipaimukh Block sunga Lungthulien Dispensaryah World Malaria Day 2016 hmang ning a tih. Hi huna hin CHC Parbung le PHC Senvawn hnuoia Medical Staffs, ASHA workers, MHW & MPW, Supervisoer, Microscopiest hai matheilova thang dingin Dr Liankhojam Guite, District Malaria/Nodal Officer, CCPur chun an hriettir. World Malaria Day hi State Hq. NVBDCP le District Malaria, CCPur hai huoihawtnaa nei ding a ni a, Imphala inthawk State Malaria Officer iemanizatin uop bawk an tih.
JNV in annual day
CCPUR: JNV Tuinom chun zani 10:00AM khan JNV Campus,M.P.hallahAnnual Day cum Parents Day Celebration an hmang a; T. Goukhomang, ZEO/CCPur khuollienin a tha ng a, functional president in Pumsuanthang, DI of Schools, ZEO/CCPur a thang.
HNA in Press Release an siem
CCPUR: Zanita Japhet C.C. Mawia, Secretary, Information & Publicity Wing, HNA in Press Release a siema chun hieng a hnuoia thu hai hi an ziek.:
Hmar National Army (HNA) chun ei tulai khawvel politics boruok inlumlet dan hi nguntaka thlira hnam pumpuiin a hmasuon dan ding nia a suisuok chu hi a hnuoia ang hi a nih.
1. Mipui mimir beisei, “Hnam sipai HPC (D) pawl pahnihai le HNA chu pumkhatin an um naw khawma lungril hmunkhat putin, an hmazawn sengah ram le hnam tungdingna sin thaw theihai sien” tina leia HCLF in hun sawttak beiseina insang tak neia alo buoipui chu, HPC (D) pawl pahnihai inkarah dawkan kil hmunkhat la remchang hri naw sienkhawm, la bawzui mek zing a nih a. Chuonglaizing chun, ei politics boruok inlumlet dan dungzuiin, HCLF huoihawtna hnuoiah hnam sipai pawl pathumhaiin dawkan an kiltlang huna thurel ding (agenda) HNA in a putlut, “Hmunkhata insungkhawm (merger), Pawl (common platform) pakhata thawkhawm le Mani pawl mal theina zawn senga ram le hnam tungdingna sin thawa pawl dang le insukbuoi lo” tihai pathum hi rel tlang la ninaw sienkhawm, HNA chun, a pathumna, “Mani pawl bing theina zawn senga ram le hnam tungdingna sin thawa, pawl dang sukbuoi lo” ti hi a lo fepui tasa a ni ang hrimin, a lo fepui zing tho ding a nih.
2. Hnam pumpui lampui hraw ding: May 5th 2015 kuma Hmar Inpui keihruoinaa, HYA, HSA, Mizoram Hmar Welfare Committee ha’n Union Home Minister kuta memorandum an pek,“Sinlung Hills Accord sukpuitlingna ding, Barak Valley Hill Tribes Accord sukpuitlingna ding, NC Hills sung bika Dimasa ni lohai chengna biel le Barak Valley Hill Tribes Development Council huom sung po keikawpin Assam state sungah Hmar Autonomous District Council ngenna, Pherzawl ADC suk hmasawnna ding le KNO/UPF hmalakna sukhratna ding” memorandum an pekhai chu, a puitling theina dinga bawzuina kawngah, mipui atu el khawma mani theina zawn sengah thaw hlawk tak eini seng theina dinga lampui hraw chu, Hmar Inpui mawphurna a ni ang hrimin, Hmar Inpui chun a mawphurna chu a hlen ngei theina dingin, HNA chun a theina kawngtin rengin a thangpui ding a nih.
3. Khi a chunga point 1naa HNA lampui hraw tum dan, “Mani pawl mal theina zawn sengah hnam tungdingna sin thawa pawl dang sukbuoi lo ding” ti khi, HPC (D) President pawl le Chairman pawlhai khawmin ram le hnam hmakhuo ngaina lei choin fepui ngam ve ngei hai sien, ti hi, mipui fethlenga HNA ngenna chu a nih. Point 2na khi, Hmar Inpui / Hmar mipui kalchawi dan ding indik tak nia HNA suisuok dan a ni a. Khieng neka tha le awm lem hretu dam ei lo um a ni chun, HNA hin a thutlukna hi zuilui kher a tum chuong nawha; Hmar hnam ta dinga thiltha chu khawlaia inthawka suok khawm nisien, a iei ngai naw ding a nih. Sienkhawm, tuta Hmar hnam damkhawsuokna dinga lampui umsun tah nia hriet, Hmar hnam sunga tlawmngai pawl (Philantropic Orgainization) laia a lien thal, pali meu hmalakna hi a kal zawng le a do zawnga hmalatuhai chu tosana en liem el a tum ta ngai naw ding a nih. Chu chungchanga chun, mimal le pawl chungah ieng thil khawm lo thlung ta ang sien, HNA le mipuiin a maw an phur ngai naw ding a nih.
HSA Saidan Unit thuoitu thar hai
CCPUR: April 17, 2016 khan HSA CCPur JHQ inrawinain HSA Saidan Unit thuoitu thar ding thlangna nei a ni a, President dingin Lalruotsang, Vice President in Stephen Fimrokung, Secretary in Joseph Ramthangkhu; Asst. Secy. inJehova Lalzamlo, Treasurer in Joselyn le Fin. Secy.in Lalthatling hai thlangtling an ni bakah Departmental Secretaries Educationah Lalnunthieng, Social Sungtharkim, Inf. Lalzarlien, Public Ruolsangthang le G&S ah Joseph Lalditsak hai thlangtling an nih.
Supreme Court in Uttarakhand President Rule la hmang pei ding le April 29 ah floor test neilo dingin
NEW DELHI: Supreme Court chun zanikhan Uttarakhandah President Rule la hmangzui pei ding le April 29, 2016 a Uttarakhand Assemblyah floor test la nei lo hri phawt dingin a rel. Hi chungchanga hearing chu May 3, 2016 a nei nawk ding le hi chungthua thutlukna chu May 13, 2016 liem hmain a puonglang ding niin Supreme Court thusuok chun a hril.
Uttarakhand hi sawrkar thlungpuiin March 27, 2016 a President Rulea a puong a ni a. Amiruokchu, Uttarakhand High Court in President rule hi hlip a, floor test April 29, 2016 a nei dinga a rel a ni a. Nisienlakhawm sawrkar thlungpuiin High Court thu rel hi Supreme Courtah a challenge leia Supreme Court in President Rule hlipna hi a stay le zanita floor test nei lo dinga a rel nawk bakah President Rule stayna hun hi a suksei nawk a nih.
Uttarakhand CM lo ni hlak Harish Rawat chun, BJP chu Bharatiya “Jhoot” party or khelhip party a nih tiin an tum. Court ka ringzo, sienkhawm floor test hun sukhnuk hin inchawmkalangna (horse trading) an umtir an lau thu Harish Rawat hin a hril. Hieng laizing hin Uttarakhan CM hlui le Uttarakhand dissident Congress MLA 9 hai thuoitu Vijay Bahabuna chun tu ta Assembly fe mek hi thiek a, a thara election nei nawk chu Uttarakhand Assembly buoi chingfelna tha tak ning a tih tiin zanikhan a hril. MLAs 9 hai hi Uttarakhand Asembly Speaker Govin Singh Kunjwal in a disqualifed ta hnung an nih.
P.A. Ashang thina le inzawmin 1 man
IMPHAL: April 18, 2016 a P.A. Ashang a thisaa hmu a nina le inzawmin Police han pasal pakhat Ngamminlen Baite an man ta a, hi tuolthatnaa thang ve midang 3 hai hming khawm Police hai kuoma an puongnaah a hrillang ta nia hril a nih.
Padmashree Lhingjaneng Gangte a thi
CCPUR/IMPHAL: Manipura inthawk nuhmei Padmashree Award dawngtu hmasatak Mrs Lhingjaneng Gangte (79) w/o (L) Dr TS Gangte chu zani hmasa zan dar 10:30PM khan Dimapur, Nagalandah a thi. Lhingjaneng hi Education Diector hlui a nih. A ruong hi vawisun CCPurah vuiliem ni dingin ei thu dawngna chun a hril.
Manipur CM in DIPR Website a hawng
IMPHAL: Manipur CM O.Ibobi singh chun zanikhan CM’s Secretariat, Imphalah Department of Information and Public Relations, Manipur official Website le Coffee Table Book “Mainipur at a Glance” a tlangzar. Hi huna hin CM chun informational documentary film “Manipur in 2015” ti chu a tlangzar sa nghal bawk. DIPR website chu www.diprmanipur.gov.in a nih. Hi huna hin Dy. CM Gaikhangam, Principal Secy (IPR) Letkhogin Haokip, Director (IPR) Somorjit Salam le DIPR officers and staff hai khawm an thang.
Traffic Police pakhat a hliem
IMPHAL: Zani 3:30 PM vel khan Singjamei Chingamathak hmuna UBI bulah Pulser Bike MN1D8435 in The Blossom School Bus MN012089 a baw a, bike a chuong Manipur Traffic police chu a hliem inrik hle leiin JNIMS panpui a nih tiin ei thu dawngna chun a hril.
Tentative Intersesenority list
IMPHAL: Directorate of Education (S), Govt. of Manipur hnuoia Tentative Interseseniority list of Graduate Teachers (DPC 20092006) to 21102016 inkara neihai) le Tentative Intersesenority list of Primary Teacher/Under Graduate Teacher/Hindi Matriculate Teacher/ Under Matriculate Teacher (16051971 to 25082011 inkara appointment pekhai) siem a ni a, sawiselna le sukdikna siem nuom han May 16, 2016 chen (Graduate Teacher) le Teacher danghai ta dingin April 26, 2016 a inthawk ni 30 sungin hnina lekha peklut thei a nih tiin Director of Education (s), Govt. of Manipur in inhriettirna a siem. Hi list le thu chieng lem Department website:www.manipureducation.gov.in ah en le hmu thei ning a tih.
MSPDCL hnuoiah sin ruok post 15
IMPHAL: Manipur State Power Distribution Company Limited (MSPDCL) hnuoiah Contract engagement dingin Manager (HR) Post 1 (UR), Dy. Manager (HR /Admin) post 2 (UR); Assistant Manager (Establishment) post 2 (UR); AccountcumCommercial Assistant Manager post 8 (UR 3, ST4, OBC(MP) 1) le Junior Establishment Assistant post 2 (UR 1, ST 1) a ruok. Hieng sin ruokhai hi Employment Exchange fethlengin May 11, 2016 chenah hnina peklut thei ning a tih.
AFSPA hlip dingin an ngen
NEW DELHI: Zanita Lok Sabha a DoNER a dinga Demands for Grants hriltlang a ni laiin Congress MP Dr Thokchom Meinya le BJP MP Tathagata Satpadhy hai chun NE biela inthawk Armed Forces Special Powers Act (AFSPA) hlip dingin ngenna an siem. Hi Act hin venghimna kawngah tangkaina a nei naw a, mipui han an nghawk ta hle a nih tiin Manipur Inner Lok Sabha MP Dr Thokchom Meinya chun a hril.
PM in Arunachalah Central team a tir
NEW DELHI: Tulai hnaia Arunachal Pradesha Tawang district sunga mimkei nasa tak tlung le inzawmin PM Narendra Modi chun a hmuna thil umdan enfel dingin member 2 umna Central team a tir. Central team Arunachal Pradesha tir hai chu Niti Aayog a Senior Advisor le Ministry of Home Affairs a Joint Secretary hai an nih.
April 22, 2016 nia Arunachal Pradesha Tawang hmuna mimkei tlung lei khan mi 16 in thina an tuok a nih. Central team hin a hmuna thil umdan an enfel hnungah state le district officials hai inhmupui bawk an tih. PM chun thina tuok sungkuo hai kuomah zangnadawmna Rs. 2 lakh seng pek ding le hliemna tuok hai kuoma thangpuina Rs. 50,000 seng pek dingin tuta hma khan a lo puong ta a nih.
BJP han Rs. 50 crore pek dingin an thlem niin an hril
DEHRADUN: Uttarakhanda Congress MLA pahni hai chun, BJP han BJP zawma Rs. 50 crores pek dingin an thlem niin an hril. BJP han Rs. 50 crores pek dingin an thlem nia hriltu hai chu Rajendra Bhandari le Jeet Ram hai an ni a, Uttarakhanda Mr Harish Rawat inrawi Congress sawrkar sukthlukna ding le Assembly Election kum thara hung um dingah an sungkuoa mi pakhat party ticket pek ding le Rajya Sabha seat pek ding chenin an thlem niin an intum bawk.
MLA pahni hai le Dy. Speaker Anusuya Prasad Maikhuri hai chun Congress suoksanin BJP an zawm el thei nia hril rik a um a, Congress MLA hel 9 hai Speaker in a disqualify na thua high courta an khing leia hearing zani hmasaa nei dinga ti chu April 28, 2016 nia nei dinga sawn a nih.
Hieng laizing hin Bhandari le Ram hai chun BJP an zawm tum nia hrilna um chu thu vuongva mei mei a nih tiin an hniel. Badrinath MLA Bhandari chun, ama thanga Congress MLA hai BJP in pawisa pek dinga an thlemna hi Uttarakhand sawrkar buoi hlima intan ta a ni thu a hril. A bul chun Rs. 2.5 crore pek ding tiin an thlem a, a hnungin Rs. 5 crores, Rs. 10 crore le a tawp takah Rs. 50 chen pek dingin an thlem niin Bhandari chun a hril.
Sum le paia inchawk thei an ninaw thu le Congress ta dinga sipai ringum tak an ni thu hieng MLA pathum hai chun an hril. An intumna hi BJP spokesman Munna Singh Chauhan chun choletin sukchiengna pe dingin hieng MLA 3 hai hi an hriettir a, an intumna chu mipui ngaidan thuoisuol tumna mei mei a nih tiin a hril.
HSA YMA hmalakna lawmum a tih
GUWAHATI: April 23, 2016 nia Hotel Rajmahal, Guwahati hmuna 21st HSA GHQ Executive Council inthung chun, Mizorama Hmar hnam issue thuah mimal le pawl, a bikin YMA hmalakna lawmum a ti thu a puong a. Mizorama Hmar Political issue sukfel lova la um hai sukfel a hung ni a, Sinlung Hills Development Council (SHDC) huom sunga inremna le muongna tluontling a hung um theina dinga thuoitu hai a bikin Mizoram sawrkar chu mipui rawl ngaithla dingin a ngen a; HPC(D) le Mizoram sawrkar inbiekna an lo nei sukchawla lo um ta chu sukthar nawk le inremna a um theina dinga inbiekna an nei tan nawk an nuom thu; SHDC huom sunga May 19, 2016 nia Village Council election nei thei dinga hung um chu lawmum an ti thu hai April 26, 2016 nia HSA GHQ in thupuong a siema chun an zieklang.
Hi baka hin HSA chun Assama Hmar political issue thua HPC(D) Assam Region hminga bawzui mek le Manipura UPF/KNO hminga hma lak mek hai khawm a hung hlawtling a, state hran hrana cheng Hmar nau han zalen taka mipui rorelna hnuoia hamthatna an dawng le intem ve thei ngei HSA chun a nuom thu thupuong a chun an tarlang bawk.
NSCN(R) le in ceasefire an keisei nawk
NEW DELHI: India sawrkar le National Socialist Council of Nagaland (Reformation) (NSCN/R) hai chun April 28, 2016 a inthawk hmang tan dingin kum 1 sunga dingin ceasefire agreement keisei nawk an rem tih. Agreement a hin India sawrkar aiawin Satyendra Garg, Joint Secretary,Ministry of Home Affairs in hming a ziek a, NSCN/R tiengpang chu Imlongnukshi Chang le Kavishe Sumi han hming an ziek.
Helpawlhai ralthuom dapdawk
SHILLONG: Meghalay Police chun April 26, 2016 khan West Khasi Hills le South Garo Hills ramria Khalu –Rongcheng areaah United People’s Revolutionary Alliance (UPRA) helpawl hai ralthuom thupruk dapdawkin an man. Tulaia Garo Hills sunga security forces han dappui nasa taka an thaw leia ralthuom hai hi an thupruk niin Police thusuok chun a hril. Ralthuom an dapdawk le man hai lai SLR Rifle 3, .303 sniper rifle 3, AK magazine, SLR magazine 2, .303 magazine 2, China siem Grenades 3, VHF radio set 7, AK silaimu 50, SLR mu 134, .303 silaimu 23 le lekhapawimaw thenkhat a thangsa. UPRA a nuhmei cadre pahni an man hai inpuongnaa inthawka hieng ralthuom hai hi dapdawk le mana hung um a nih. UPRA nuhmei cadre 2 man hai chu Nosanchi M Sangma (19) le a nu Stilla M Sangma (50) of Rongcheng village hai an nih.
President PNG le N. Zealand ramah
NEW DELHI: President Pranab Mukherjee chu ni 5 sung thang dingin Papua New Guinea (PNG) le New Zealand ram hai panin zanikhan an zin suok. President hi Minister of State for Agriculture Sanjeev Balyan thangin high level delegation team in an zui. President hi PNG ah inzin hmasang a ta, a cham sungin Prime Minister Peter O’Neill le ram thuoitu dang dang hai inhmupuiin Papua New Guinea Universityah thuhrilna hun hmang bawk a tih. PNG an zin zo hnungin President hin New Zealand ram pan nawk a ta, Governor General Jerry Mateparae, PM John Key le Opposition leader Mr Mazumdar hai khawm inhmupui a tih.
EVM 14 lakh inchawk dinga rawtna GoM in a remti
NEW DELHI: Kum 2019 Lok Sabha Election hmain Election Commission chun Rs. 5000 crores sengin Electronic Voting Machines (EVMs) inchawk dingin rawtna a siem a, hi rawtna hi Home Minister Rajnath Singh inrawinaa Group of Ministers (GoM) chun a remtipui ta a, hi le inzawm hin recommendation khawm Prime Minister’s Office (PMO) ah a thawn tah. EVM inchawk dinga rawtna GoM meeting in a remtina hi PMO in a pawmpui hnungah Union Cabinetah ngaituo ning a tih tiin senior government official thusuok chun a hril. Election Commission chun EVMs 14 lakh inchawk dinga rawtna hi kum 2015 a kha a lo peklut ta a nih. Electronic voting machines hmang lai mek 9 lakh hai chu expiry (kum 15) a hnai ta leia EVMs thar inchawk dinga rawtna hi a siem a nih.
Tibetan PM dingin Sangey bawk
DHARAMSALA: Mr Lobsang Sangey chu a term hnina dingin Tibetan ‘governmentinexile’ Prime Minister dinga thlangtling nawk a nih. Sangey (48) hin an khingpui Tibetan Parliament Speaker Pempa Tsering chu votes 9,012 in a hne a nih tiin Chief Election Commissioner, Tibetan ‘governmentinexile’ Sonam Chhopel chun a hril. Tibetan ‘governmentinexile’ Prime Minister thlangna dinga hin registered voters 90,377 an um a, hi laia 59,353 in votes an thlak a, Sangey hin votes 33,876 a hmu a, Tsering in votes 24,864 a hmu a nih.
VAWISUN THUPUI
Ei suolnahai angin ei chungah a thaw nawh a, Ei ritlona angin ami thung bawk nawh. Van khi hnuoi chung insangtakah a um angin, Ama tituhai chungah a ngilneina chu a nasa a nih. Sam 103:1011
Editorial: Mi rethei ei va tam awm de!
Narendra Modi Prime Minister nina le BJP thuoina hnuoia National democratic Alliance (NDA) sawrkar chun India ram hmasawn theina ding le a ram mipuihai hmakhuo ngaina leiin India ram pumpui huopin development le welfare programme bakah scheme chi tum tum an din a. Hieng programme le scheme tum tum hai hin a tlungna ding hmun tlungin, a dawngtu ding indik tak han dawng ngei hai sienla chu ei ram hin hmu theiin hmel danglamna le hmasawnna a hmu ngei ring a um. Amiruokchu, a kar lakah a dawng lo ding han an dawng a, a fa lo ding han an fak lem hlak leiin ei ram le a mipuihai hi ei changkang theinaw pha niin an lang. Hieng a ni lei hin ei ram sawrkar hin India ram pumpui huopa welfare le development programme le scheme chi hran hran an duonghai hin a tlungna ding a tlung am, a fatu ding ti han an fak am ti le an sawr tangkai am ti hai enkaitu ding bik ruot sienla, sawrkar schemehai hi bawzui sienla nuom a um khawp el.
Manipur a khawm National Food Security Ordinance 2013/National Food Security Act 2016 chu April 25, 2016 a inthawk khan hmang tan a ni ta a. Hi Act dungzuia hamthatna dawng dinga ti han an dawngin an fak phak seng dim ti hi ngaituo tham takel a nih. Section 10 of National Food Security Ordinance 2013 guidelines dungzuia NFSA hnuoia hamthatna dawng thei dinghai chu Chanchinbu haiah insuo a ni ta leiin ei hriet ta seng ring a um. NFSO 2013 guidelines dungzui pela hamthatna dawng ei lo um pal chun thil indiklo a nih. Hi thil buoipuitu han suksuol an nei thei a, an suksuol leia beneficiary list ah an mi lo inthangsatir pal a lo ni khawma a buoipuitu hai kuoma an suksuolna va hril thei mi ni inla nuom a um. Chuongang mi chu mi ngaisang um, ei ramin a mamaw em em el a nih.
April 18, 2016 a Deputy Commissioner, Churachandpur in brief report on present status of NFSA in respect of Churachandpur ti an suo dungzui chun, Churachandpur district sunga mihriem umzat (population) chu 2,74,143 ei ni a, NFSA in mi a huopsa chu 2,35,919 ei ni a. Hi dungzuia NFSA hnuoia hamthatna dawng dingzat percentage (percentage of population covered under NFSA) chu 86.056912% a nih tiin an ziek. Hi thil hi a buoipuituhai sawiselna ni lovin thil indik a ni thei dim ti hi suizui a, sukchieng chi a nih. Hieng zat zat NFSA hnuoia beneficiaries ei um el hi a tam taluo, a percentate hi an sang deu an naw maw? Hi thil hi thudik a ni chun Churachandpur district ah mirethei ei va tam awm de! Annawleh mi rethei ni hi a nuom ei tam a ni ding? A tak taka mi rethei tia ko nuom ruok chu hieng zozai hi ei ni ring a um nawh.
Ei ram sawrkarin mi rethei (BPL) a a siehai chu nitina fakfawm ding zawnga inhlawfahai hi an ni tlangpui a. BPL Ration Card neihai ta dingin sawrkar lakah hamthatna dawng thei ding hi a tam a, chuleia mirethei a ei inzieklut a ni ding? Chuong a lo ninaw khawmin piengphunga ruolbanlo, piengsuol, kebai, mitdel, kebawng, kutbawng, enkawltu ding neilo naufahra, hmeithai, HIV/AIDS invawi ei tam hle a ni ding? Ngaituo chet chet a tul khawp el. Mani ninawna puia ei inzieklut chun sawrkar hlem chau ninawng ei ta, mani le mani inhlem ei ni ding a nih. Siemtu Pathienin iengtin am mi ngai tawl a ta? Thaw tha mi tinaw ni a, mi lawm bawk naw nih. Thil indiklo ei thaw chun a ra ei sik hun la um a ta, a rasuok ruok chu a tha ring a um nawh.
Section 10 of National Food Security Odinance 2013 guidelines dungzuia NFSA hamthatna dawng thei dinga indik tak hai chauin hamthatna hi dawnghai sienla chu ei ram sawrkar ta ding khawmin thain a zangkhai pha hle ding a nih. Amiruokchu, tuta ei rama beneficiaries list siem ang dungzui hin chu ei ram sawrkar ta dingin phurrik takel a ni ding a nih. NFSA khawm hi a tak takin a hung sukpuitling thei ding am ti khawm hriet an ta nawh. Ei ram sawrkarin guidelines a siem dungzuia hmu dinghai chauin hmu hai sienla chu sawrkar khawma harsa lo tak le thla tinin a pek thei zat zat ring a um. Mi retheihai thangpuina dingin mirethei ni lo hai hin NFSA hnuoia hamthatna hi ei dawng naw ngam a tul a nih.
A tak tak chun mi rethei ni hi tukhawma ei nuom naw a, ei dit naw seng bawk. Mi rethei ni ei inlau luot leiin ka sawl ie, ka kham ie, inzak a um, inphalam a um ti thei lo hiel khawpin hma ei lak seng a. Chu dungzui chun Pathien malsawmna tam takel ei dawng a, mi retheihai chungah ei Pathienin a mi sie le a mi dawmsang lem zing laia mi rethei, sawrkar thangpui ngai ding hai laia inzieklut hi thil inzakumah ngai thei inla nuom a um. A fatu ding le a dawngtu dinghai ei inken hi ei thaw dan ding, thiltha em em el, mipuitling nina, ei Pathien ditdan le lawm zawng khawm a ni ngei ring a um. Upa han lak nekin pekin lukhawng a nei lem ti hi hriezing a, sawrkar thangpui ngai ni nekin mi retheihai petu le thangpui hlaktu ni tum lem seng ei tiu.
CCPUR: April 27, 2016, 10:30AM khan Life Cafe, Rengkai hmnah Raise North East, Regional Action on Inclusive Eduation in the North East program hmang a nih. Hi huna hin Wanneilen Serto Aimol, MFS, Finance Controller, SSA khuollienin a thang a, Guest of honor in T. Goukhomang, ZEO/CCPur a thang a, Dr Rev. LH Jacky Simte, Supdt. AGI Manipur district in tawngtainain program a hawng a, Keylie Lalrokim, UN Volunteer, Project Coordinator, Raise NE Manipur in lawmlutna thucha a hril a, Bibhu Dutta Sahu, Project Director, Raise NE le Vunglallian, Vice Chairman, Centre for Community Initiative hai khawmin thuhrilna hun an hmang.
Hi huna khuollien in thu a hrilnaa chun, piengphunga ruolbanlo le mi pangngai (differently able le normal persons) han ei hringnuna hlawtlingna ei chang theina dingin ‘will power’ ei nei a ngai a, differently able person hai khawm will power nei hai Mount everest tlang kai thei le ke (leg) a milim ziek thei an um a nih tiin a hril. SSA hnuoia teachers hai le students hai lekha inchukna dingin scheme le facilities tum tum an nei a, sienkhawm student hai hlawtlingna dinga pawimaw ‘will power’ tiengpang SSA in a focus naw nia hriet a ni a, RAISE chun naupang han will power an nei theina dingin theitawpin hma a hung lak ding a nih tiin a hril.
T. Goukhomang chun, disable persons hai ngirhmun dawmsangna dinga RAISE in CCPur districta project an hung nei chu lawmum a ti thu hrilin, nu le pa piengphunga ruolban lo nau nei hai ta dinga RAISE chu awareness tamlem buotsai pek dingin a ngen.
HI in Mary Kom a lawmpui
CCPUR: Hmar Inpui (HI) General Headquarters chun Boxinga world champion vawi 5 lo nita le Olympic medalist Dr M.C. Mary Kom Rajya Sabha Member (RSMP) dinga ruot/nominated a nina a lawmpui thu a puong a, kum tam tak dam ding le hmatieng hlawtlingna insang lem chang pei dingin Hmar Inpui GHQ chun ditsakna an hlan.
HNU EWC meeting nei
CCPUR: April 26, 2016, 11AM khan Manipur Secretariat meeting Hallah meeting/inkhawm nei a nih. Hi huna hin 57th HNU Gen. Assembly in kum 5 sunga thuoitu ding le OBs, EWC members le Advisers hai kim takin an thang. Hi huna hin HNU hmatieng hrat lem le hnam sunga inzamkhawmna tha lem a hung um thei na dinga hmalak dan ding; Tipaimukh Hmar hminga thleng nisien ti le Tuiruong dunga Hmar khuo iemanizat Vai tawnga um hai sukdanglam nisien tia HNU Assembly in a lo rel ta angin, Tipaimukh chu Ruonglevaisuo tia thleng nisien tiin an rel a, a remchang anga hi thu bawzui ni raw seh tiin hi meeting chun an rel tiin Alfred L. Pudaite, Secy. Inf. & Publ. in ei chanchinbu palai a hril.
Motor hmang man lak thei
CCPUR: Kum 2015a Autonomous District Council, CCPur Election huna motor hmanga um neitu hai ta dingin motor hmang/hire man April 28, 2016May 31, 2016 inkar office hour sungin Reguisition Order le Duty slip chawiin DC/DEO Officeah lak thei ning a tih tiin DC, CCPur chun zanikhan inhriettirna a siem.
Primary School building hawng
CCPUR: SSA 20142015 Fund hmanga bawl Samulamlan Blocka Lailampat Primary School building chu zani 8:30AM khan T. Goukhomang, ZEO/CCPur in a hawng. Hi huna hin Special invitees in N. Pakasana, DI of Schools, Samulamlan Block le Ashong Kom, AI of School hai an thang.
Lungthulienah World Malaria Day
CCPUR: April 30, 2016 khin Tipaimukh Block sunga Lungthulien Dispensaryah World Malaria Day 2016 hmang ning a tih. Hi huna hin CHC Parbung le PHC Senvawn hnuoia Medical Staffs, ASHA workers, MHW & MPW, Supervisoer, Microscopiest hai matheilova thang dingin Dr Liankhojam Guite, District Malaria/Nodal Officer, CCPur chun an hriettir. World Malaria Day hi State Hq. NVBDCP le District Malaria, CCPur hai huoihawtnaa nei ding a ni a, Imphala inthawk State Malaria Officer iemanizatin uop bawk an tih.
JNV in annual day
CCPUR: JNV Tuinom chun zani 10:00AM khan JNV Campus,M.P.hallahAnnual Day cum Parents Day Celebration an hmang a; T. Goukhomang, ZEO/CCPur khuollienin a tha ng a, functional president in Pumsuanthang, DI of Schools, ZEO/CCPur a thang.
HNA in Press Release an siem
CCPUR: Zanita Japhet C.C. Mawia, Secretary, Information & Publicity Wing, HNA in Press Release a siema chun hieng a hnuoia thu hai hi an ziek.:
Hmar National Army (HNA) chun ei tulai khawvel politics boruok inlumlet dan hi nguntaka thlira hnam pumpuiin a hmasuon dan ding nia a suisuok chu hi a hnuoia ang hi a nih.
1. Mipui mimir beisei, “Hnam sipai HPC (D) pawl pahnihai le HNA chu pumkhatin an um naw khawma lungril hmunkhat putin, an hmazawn sengah ram le hnam tungdingna sin thaw theihai sien” tina leia HCLF in hun sawttak beiseina insang tak neia alo buoipui chu, HPC (D) pawl pahnihai inkarah dawkan kil hmunkhat la remchang hri naw sienkhawm, la bawzui mek zing a nih a. Chuonglaizing chun, ei politics boruok inlumlet dan dungzuiin, HCLF huoihawtna hnuoiah hnam sipai pawl pathumhaiin dawkan an kiltlang huna thurel ding (agenda) HNA in a putlut, “Hmunkhata insungkhawm (merger), Pawl (common platform) pakhata thawkhawm le Mani pawl mal theina zawn senga ram le hnam tungdingna sin thawa pawl dang le insukbuoi lo” tihai pathum hi rel tlang la ninaw sienkhawm, HNA chun, a pathumna, “Mani pawl bing theina zawn senga ram le hnam tungdingna sin thawa, pawl dang sukbuoi lo” ti hi a lo fepui tasa a ni ang hrimin, a lo fepui zing tho ding a nih.
2. Hnam pumpui lampui hraw ding: May 5th 2015 kuma Hmar Inpui keihruoinaa, HYA, HSA, Mizoram Hmar Welfare Committee ha’n Union Home Minister kuta memorandum an pek,“Sinlung Hills Accord sukpuitlingna ding, Barak Valley Hill Tribes Accord sukpuitlingna ding, NC Hills sung bika Dimasa ni lohai chengna biel le Barak Valley Hill Tribes Development Council huom sung po keikawpin Assam state sungah Hmar Autonomous District Council ngenna, Pherzawl ADC suk hmasawnna ding le KNO/UPF hmalakna sukhratna ding” memorandum an pekhai chu, a puitling theina dinga bawzuina kawngah, mipui atu el khawma mani theina zawn sengah thaw hlawk tak eini seng theina dinga lampui hraw chu, Hmar Inpui mawphurna a ni ang hrimin, Hmar Inpui chun a mawphurna chu a hlen ngei theina dingin, HNA chun a theina kawngtin rengin a thangpui ding a nih.
3. Khi a chunga point 1naa HNA lampui hraw tum dan, “Mani pawl mal theina zawn sengah hnam tungdingna sin thawa pawl dang sukbuoi lo ding” ti khi, HPC (D) President pawl le Chairman pawlhai khawmin ram le hnam hmakhuo ngaina lei choin fepui ngam ve ngei hai sien, ti hi, mipui fethlenga HNA ngenna chu a nih. Point 2na khi, Hmar Inpui / Hmar mipui kalchawi dan ding indik tak nia HNA suisuok dan a ni a. Khieng neka tha le awm lem hretu dam ei lo um a ni chun, HNA hin a thutlukna hi zuilui kher a tum chuong nawha; Hmar hnam ta dinga thiltha chu khawlaia inthawka suok khawm nisien, a iei ngai naw ding a nih. Sienkhawm, tuta Hmar hnam damkhawsuokna dinga lampui umsun tah nia hriet, Hmar hnam sunga tlawmngai pawl (Philantropic Orgainization) laia a lien thal, pali meu hmalakna hi a kal zawng le a do zawnga hmalatuhai chu tosana en liem el a tum ta ngai naw ding a nih. Chu chungchanga chun, mimal le pawl chungah ieng thil khawm lo thlung ta ang sien, HNA le mipuiin a maw an phur ngai naw ding a nih.
HSA Saidan Unit thuoitu thar hai
CCPUR: April 17, 2016 khan HSA CCPur JHQ inrawinain HSA Saidan Unit thuoitu thar ding thlangna nei a ni a, President dingin Lalruotsang, Vice President in Stephen Fimrokung, Secretary in Joseph Ramthangkhu; Asst. Secy. inJehova Lalzamlo, Treasurer in Joselyn le Fin. Secy.in Lalthatling hai thlangtling an ni bakah Departmental Secretaries Educationah Lalnunthieng, Social Sungtharkim, Inf. Lalzarlien, Public Ruolsangthang le G&S ah Joseph Lalditsak hai thlangtling an nih.
Supreme Court in Uttarakhand President Rule la hmang pei ding le April 29 ah floor test neilo dingin
NEW DELHI: Supreme Court chun zanikhan Uttarakhandah President Rule la hmangzui pei ding le April 29, 2016 a Uttarakhand Assemblyah floor test la nei lo hri phawt dingin a rel. Hi chungchanga hearing chu May 3, 2016 a nei nawk ding le hi chungthua thutlukna chu May 13, 2016 liem hmain a puonglang ding niin Supreme Court thusuok chun a hril.
Uttarakhand hi sawrkar thlungpuiin March 27, 2016 a President Rulea a puong a ni a. Amiruokchu, Uttarakhand High Court in President rule hi hlip a, floor test April 29, 2016 a nei dinga a rel a ni a. Nisienlakhawm sawrkar thlungpuiin High Court thu rel hi Supreme Courtah a challenge leia Supreme Court in President Rule hlipna hi a stay le zanita floor test nei lo dinga a rel nawk bakah President Rule stayna hun hi a suksei nawk a nih.
Uttarakhand CM lo ni hlak Harish Rawat chun, BJP chu Bharatiya “Jhoot” party or khelhip party a nih tiin an tum. Court ka ringzo, sienkhawm floor test hun sukhnuk hin inchawmkalangna (horse trading) an umtir an lau thu Harish Rawat hin a hril. Hieng laizing hin Uttarakhan CM hlui le Uttarakhand dissident Congress MLA 9 hai thuoitu Vijay Bahabuna chun tu ta Assembly fe mek hi thiek a, a thara election nei nawk chu Uttarakhand Assembly buoi chingfelna tha tak ning a tih tiin zanikhan a hril. MLAs 9 hai hi Uttarakhand Asembly Speaker Govin Singh Kunjwal in a disqualifed ta hnung an nih.
P.A. Ashang thina le inzawmin 1 man
IMPHAL: April 18, 2016 a P.A. Ashang a thisaa hmu a nina le inzawmin Police han pasal pakhat Ngamminlen Baite an man ta a, hi tuolthatnaa thang ve midang 3 hai hming khawm Police hai kuoma an puongnaah a hrillang ta nia hril a nih.
Padmashree Lhingjaneng Gangte a thi
CCPUR/IMPHAL: Manipura inthawk nuhmei Padmashree Award dawngtu hmasatak Mrs Lhingjaneng Gangte (79) w/o (L) Dr TS Gangte chu zani hmasa zan dar 10:30PM khan Dimapur, Nagalandah a thi. Lhingjaneng hi Education Diector hlui a nih. A ruong hi vawisun CCPurah vuiliem ni dingin ei thu dawngna chun a hril.
Manipur CM in DIPR Website a hawng
IMPHAL: Manipur CM O.Ibobi singh chun zanikhan CM’s Secretariat, Imphalah Department of Information and Public Relations, Manipur official Website le Coffee Table Book “Mainipur at a Glance” a tlangzar. Hi huna hin CM chun informational documentary film “Manipur in 2015” ti chu a tlangzar sa nghal bawk. DIPR website chu www.diprmanipur.gov.in a nih. Hi huna hin Dy. CM Gaikhangam, Principal Secy (IPR) Letkhogin Haokip, Director (IPR) Somorjit Salam le DIPR officers and staff hai khawm an thang.
Traffic Police pakhat a hliem
IMPHAL: Zani 3:30 PM vel khan Singjamei Chingamathak hmuna UBI bulah Pulser Bike MN1D8435 in The Blossom School Bus MN012089 a baw a, bike a chuong Manipur Traffic police chu a hliem inrik hle leiin JNIMS panpui a nih tiin ei thu dawngna chun a hril.
Tentative Intersesenority list
IMPHAL: Directorate of Education (S), Govt. of Manipur hnuoia Tentative Interseseniority list of Graduate Teachers (DPC 20092006) to 21102016 inkara neihai) le Tentative Intersesenority list of Primary Teacher/Under Graduate Teacher/Hindi Matriculate Teacher/ Under Matriculate Teacher (16051971 to 25082011 inkara appointment pekhai) siem a ni a, sawiselna le sukdikna siem nuom han May 16, 2016 chen (Graduate Teacher) le Teacher danghai ta dingin April 26, 2016 a inthawk ni 30 sungin hnina lekha peklut thei a nih tiin Director of Education (s), Govt. of Manipur in inhriettirna a siem. Hi list le thu chieng lem Department website:www.manipureducation.gov.in ah en le hmu thei ning a tih.
MSPDCL hnuoiah sin ruok post 15
IMPHAL: Manipur State Power Distribution Company Limited (MSPDCL) hnuoiah Contract engagement dingin Manager (HR) Post 1 (UR), Dy. Manager (HR /Admin) post 2 (UR); Assistant Manager (Establishment) post 2 (UR); AccountcumCommercial Assistant Manager post 8 (UR 3, ST4, OBC(MP) 1) le Junior Establishment Assistant post 2 (UR 1, ST 1) a ruok. Hieng sin ruokhai hi Employment Exchange fethlengin May 11, 2016 chenah hnina peklut thei ning a tih.
AFSPA hlip dingin an ngen
NEW DELHI: Zanita Lok Sabha a DoNER a dinga Demands for Grants hriltlang a ni laiin Congress MP Dr Thokchom Meinya le BJP MP Tathagata Satpadhy hai chun NE biela inthawk Armed Forces Special Powers Act (AFSPA) hlip dingin ngenna an siem. Hi Act hin venghimna kawngah tangkaina a nei naw a, mipui han an nghawk ta hle a nih tiin Manipur Inner Lok Sabha MP Dr Thokchom Meinya chun a hril.
PM in Arunachalah Central team a tir
NEW DELHI: Tulai hnaia Arunachal Pradesha Tawang district sunga mimkei nasa tak tlung le inzawmin PM Narendra Modi chun a hmuna thil umdan enfel dingin member 2 umna Central team a tir. Central team Arunachal Pradesha tir hai chu Niti Aayog a Senior Advisor le Ministry of Home Affairs a Joint Secretary hai an nih.
April 22, 2016 nia Arunachal Pradesha Tawang hmuna mimkei tlung lei khan mi 16 in thina an tuok a nih. Central team hin a hmuna thil umdan an enfel hnungah state le district officials hai inhmupui bawk an tih. PM chun thina tuok sungkuo hai kuomah zangnadawmna Rs. 2 lakh seng pek ding le hliemna tuok hai kuoma thangpuina Rs. 50,000 seng pek dingin tuta hma khan a lo puong ta a nih.
BJP han Rs. 50 crore pek dingin an thlem niin an hril
DEHRADUN: Uttarakhanda Congress MLA pahni hai chun, BJP han BJP zawma Rs. 50 crores pek dingin an thlem niin an hril. BJP han Rs. 50 crores pek dingin an thlem nia hriltu hai chu Rajendra Bhandari le Jeet Ram hai an ni a, Uttarakhanda Mr Harish Rawat inrawi Congress sawrkar sukthlukna ding le Assembly Election kum thara hung um dingah an sungkuoa mi pakhat party ticket pek ding le Rajya Sabha seat pek ding chenin an thlem niin an intum bawk.
MLA pahni hai le Dy. Speaker Anusuya Prasad Maikhuri hai chun Congress suoksanin BJP an zawm el thei nia hril rik a um a, Congress MLA hel 9 hai Speaker in a disqualify na thua high courta an khing leia hearing zani hmasaa nei dinga ti chu April 28, 2016 nia nei dinga sawn a nih.
Hieng laizing hin Bhandari le Ram hai chun BJP an zawm tum nia hrilna um chu thu vuongva mei mei a nih tiin an hniel. Badrinath MLA Bhandari chun, ama thanga Congress MLA hai BJP in pawisa pek dinga an thlemna hi Uttarakhand sawrkar buoi hlima intan ta a ni thu a hril. A bul chun Rs. 2.5 crore pek ding tiin an thlem a, a hnungin Rs. 5 crores, Rs. 10 crore le a tawp takah Rs. 50 chen pek dingin an thlem niin Bhandari chun a hril.
Sum le paia inchawk thei an ninaw thu le Congress ta dinga sipai ringum tak an ni thu hieng MLA pathum hai chun an hril. An intumna hi BJP spokesman Munna Singh Chauhan chun choletin sukchiengna pe dingin hieng MLA 3 hai hi an hriettir a, an intumna chu mipui ngaidan thuoisuol tumna mei mei a nih tiin a hril.
HSA YMA hmalakna lawmum a tih
GUWAHATI: April 23, 2016 nia Hotel Rajmahal, Guwahati hmuna 21st HSA GHQ Executive Council inthung chun, Mizorama Hmar hnam issue thuah mimal le pawl, a bikin YMA hmalakna lawmum a ti thu a puong a. Mizorama Hmar Political issue sukfel lova la um hai sukfel a hung ni a, Sinlung Hills Development Council (SHDC) huom sunga inremna le muongna tluontling a hung um theina dinga thuoitu hai a bikin Mizoram sawrkar chu mipui rawl ngaithla dingin a ngen a; HPC(D) le Mizoram sawrkar inbiekna an lo nei sukchawla lo um ta chu sukthar nawk le inremna a um theina dinga inbiekna an nei tan nawk an nuom thu; SHDC huom sunga May 19, 2016 nia Village Council election nei thei dinga hung um chu lawmum an ti thu hai April 26, 2016 nia HSA GHQ in thupuong a siema chun an zieklang.
Hi baka hin HSA chun Assama Hmar political issue thua HPC(D) Assam Region hminga bawzui mek le Manipura UPF/KNO hminga hma lak mek hai khawm a hung hlawtling a, state hran hrana cheng Hmar nau han zalen taka mipui rorelna hnuoia hamthatna an dawng le intem ve thei ngei HSA chun a nuom thu thupuong a chun an tarlang bawk.
NSCN(R) le in ceasefire an keisei nawk
NEW DELHI: India sawrkar le National Socialist Council of Nagaland (Reformation) (NSCN/R) hai chun April 28, 2016 a inthawk hmang tan dingin kum 1 sunga dingin ceasefire agreement keisei nawk an rem tih. Agreement a hin India sawrkar aiawin Satyendra Garg, Joint Secretary,Ministry of Home Affairs in hming a ziek a, NSCN/R tiengpang chu Imlongnukshi Chang le Kavishe Sumi han hming an ziek.
Helpawlhai ralthuom dapdawk
SHILLONG: Meghalay Police chun April 26, 2016 khan West Khasi Hills le South Garo Hills ramria Khalu –Rongcheng areaah United People’s Revolutionary Alliance (UPRA) helpawl hai ralthuom thupruk dapdawkin an man. Tulaia Garo Hills sunga security forces han dappui nasa taka an thaw leia ralthuom hai hi an thupruk niin Police thusuok chun a hril. Ralthuom an dapdawk le man hai lai SLR Rifle 3, .303 sniper rifle 3, AK magazine, SLR magazine 2, .303 magazine 2, China siem Grenades 3, VHF radio set 7, AK silaimu 50, SLR mu 134, .303 silaimu 23 le lekhapawimaw thenkhat a thangsa. UPRA a nuhmei cadre pahni an man hai inpuongnaa inthawka hieng ralthuom hai hi dapdawk le mana hung um a nih. UPRA nuhmei cadre 2 man hai chu Nosanchi M Sangma (19) le a nu Stilla M Sangma (50) of Rongcheng village hai an nih.
President PNG le N. Zealand ramah
NEW DELHI: President Pranab Mukherjee chu ni 5 sung thang dingin Papua New Guinea (PNG) le New Zealand ram hai panin zanikhan an zin suok. President hi Minister of State for Agriculture Sanjeev Balyan thangin high level delegation team in an zui. President hi PNG ah inzin hmasang a ta, a cham sungin Prime Minister Peter O’Neill le ram thuoitu dang dang hai inhmupuiin Papua New Guinea Universityah thuhrilna hun hmang bawk a tih. PNG an zin zo hnungin President hin New Zealand ram pan nawk a ta, Governor General Jerry Mateparae, PM John Key le Opposition leader Mr Mazumdar hai khawm inhmupui a tih.
EVM 14 lakh inchawk dinga rawtna GoM in a remti
NEW DELHI: Kum 2019 Lok Sabha Election hmain Election Commission chun Rs. 5000 crores sengin Electronic Voting Machines (EVMs) inchawk dingin rawtna a siem a, hi rawtna hi Home Minister Rajnath Singh inrawinaa Group of Ministers (GoM) chun a remtipui ta a, hi le inzawm hin recommendation khawm Prime Minister’s Office (PMO) ah a thawn tah. EVM inchawk dinga rawtna GoM meeting in a remtina hi PMO in a pawmpui hnungah Union Cabinetah ngaituo ning a tih tiin senior government official thusuok chun a hril. Election Commission chun EVMs 14 lakh inchawk dinga rawtna hi kum 2015 a kha a lo peklut ta a nih. Electronic voting machines hmang lai mek 9 lakh hai chu expiry (kum 15) a hnai ta leia EVMs thar inchawk dinga rawtna hi a siem a nih.
Tibetan PM dingin Sangey bawk
DHARAMSALA: Mr Lobsang Sangey chu a term hnina dingin Tibetan ‘governmentinexile’ Prime Minister dinga thlangtling nawk a nih. Sangey (48) hin an khingpui Tibetan Parliament Speaker Pempa Tsering chu votes 9,012 in a hne a nih tiin Chief Election Commissioner, Tibetan ‘governmentinexile’ Sonam Chhopel chun a hril. Tibetan ‘governmentinexile’ Prime Minister thlangna dinga hin registered voters 90,377 an um a, hi laia 59,353 in votes an thlak a, Sangey hin votes 33,876 a hmu a, Tsering in votes 24,864 a hmu a nih.
VAWISUN THUPUI
Ei suolnahai angin ei chungah a thaw nawh a, Ei ritlona angin ami thung bawk nawh. Van khi hnuoi chung insangtakah a um angin, Ama tituhai chungah a ngilneina chu a nasa a nih. Sam 103:1011
Editorial: Mi rethei ei va tam awm de!
Narendra Modi Prime Minister nina le BJP thuoina hnuoia National democratic Alliance (NDA) sawrkar chun India ram hmasawn theina ding le a ram mipuihai hmakhuo ngaina leiin India ram pumpui huopin development le welfare programme bakah scheme chi tum tum an din a. Hieng programme le scheme tum tum hai hin a tlungna ding hmun tlungin, a dawngtu ding indik tak han dawng ngei hai sienla chu ei ram hin hmu theiin hmel danglamna le hmasawnna a hmu ngei ring a um. Amiruokchu, a kar lakah a dawng lo ding han an dawng a, a fa lo ding han an fak lem hlak leiin ei ram le a mipuihai hi ei changkang theinaw pha niin an lang. Hieng a ni lei hin ei ram sawrkar hin India ram pumpui huopa welfare le development programme le scheme chi hran hran an duonghai hin a tlungna ding a tlung am, a fatu ding ti han an fak am ti le an sawr tangkai am ti hai enkaitu ding bik ruot sienla, sawrkar schemehai hi bawzui sienla nuom a um khawp el.
Manipur a khawm National Food Security Ordinance 2013/National Food Security Act 2016 chu April 25, 2016 a inthawk khan hmang tan a ni ta a. Hi Act dungzuia hamthatna dawng dinga ti han an dawngin an fak phak seng dim ti hi ngaituo tham takel a nih. Section 10 of National Food Security Ordinance 2013 guidelines dungzuia NFSA hnuoia hamthatna dawng thei dinghai chu Chanchinbu haiah insuo a ni ta leiin ei hriet ta seng ring a um. NFSO 2013 guidelines dungzui pela hamthatna dawng ei lo um pal chun thil indiklo a nih. Hi thil buoipuitu han suksuol an nei thei a, an suksuol leia beneficiary list ah an mi lo inthangsatir pal a lo ni khawma a buoipuitu hai kuoma an suksuolna va hril thei mi ni inla nuom a um. Chuongang mi chu mi ngaisang um, ei ramin a mamaw em em el a nih.
April 18, 2016 a Deputy Commissioner, Churachandpur in brief report on present status of NFSA in respect of Churachandpur ti an suo dungzui chun, Churachandpur district sunga mihriem umzat (population) chu 2,74,143 ei ni a, NFSA in mi a huopsa chu 2,35,919 ei ni a. Hi dungzuia NFSA hnuoia hamthatna dawng dingzat percentage (percentage of population covered under NFSA) chu 86.056912% a nih tiin an ziek. Hi thil hi a buoipuituhai sawiselna ni lovin thil indik a ni thei dim ti hi suizui a, sukchieng chi a nih. Hieng zat zat NFSA hnuoia beneficiaries ei um el hi a tam taluo, a percentate hi an sang deu an naw maw? Hi thil hi thudik a ni chun Churachandpur district ah mirethei ei va tam awm de! Annawleh mi rethei ni hi a nuom ei tam a ni ding? A tak taka mi rethei tia ko nuom ruok chu hieng zozai hi ei ni ring a um nawh.
Ei ram sawrkarin mi rethei (BPL) a a siehai chu nitina fakfawm ding zawnga inhlawfahai hi an ni tlangpui a. BPL Ration Card neihai ta dingin sawrkar lakah hamthatna dawng thei ding hi a tam a, chuleia mirethei a ei inzieklut a ni ding? Chuong a lo ninaw khawmin piengphunga ruolbanlo, piengsuol, kebai, mitdel, kebawng, kutbawng, enkawltu ding neilo naufahra, hmeithai, HIV/AIDS invawi ei tam hle a ni ding? Ngaituo chet chet a tul khawp el. Mani ninawna puia ei inzieklut chun sawrkar hlem chau ninawng ei ta, mani le mani inhlem ei ni ding a nih. Siemtu Pathienin iengtin am mi ngai tawl a ta? Thaw tha mi tinaw ni a, mi lawm bawk naw nih. Thil indiklo ei thaw chun a ra ei sik hun la um a ta, a rasuok ruok chu a tha ring a um nawh.
Section 10 of National Food Security Odinance 2013 guidelines dungzuia NFSA hamthatna dawng thei dinga indik tak hai chauin hamthatna hi dawnghai sienla chu ei ram sawrkar ta ding khawmin thain a zangkhai pha hle ding a nih. Amiruokchu, tuta ei rama beneficiaries list siem ang dungzui hin chu ei ram sawrkar ta dingin phurrik takel a ni ding a nih. NFSA khawm hi a tak takin a hung sukpuitling thei ding am ti khawm hriet an ta nawh. Ei ram sawrkarin guidelines a siem dungzuia hmu dinghai chauin hmu hai sienla chu sawrkar khawma harsa lo tak le thla tinin a pek thei zat zat ring a um. Mi retheihai thangpuina dingin mirethei ni lo hai hin NFSA hnuoia hamthatna hi ei dawng naw ngam a tul a nih.
A tak tak chun mi rethei ni hi tukhawma ei nuom naw a, ei dit naw seng bawk. Mi rethei ni ei inlau luot leiin ka sawl ie, ka kham ie, inzak a um, inphalam a um ti thei lo hiel khawpin hma ei lak seng a. Chu dungzui chun Pathien malsawmna tam takel ei dawng a, mi retheihai chungah ei Pathienin a mi sie le a mi dawmsang lem zing laia mi rethei, sawrkar thangpui ngai ding hai laia inzieklut hi thil inzakumah ngai thei inla nuom a um. A fatu ding le a dawngtu dinghai ei inken hi ei thaw dan ding, thiltha em em el, mipuitling nina, ei Pathien ditdan le lawm zawng khawm a ni ngei ring a um. Upa han lak nekin pekin lukhawng a nei lem ti hi hriezing a, sawrkar thangpui ngai ni nekin mi retheihai petu le thangpui hlaktu ni tum lem seng ei tiu.
