Mizoram panin an inzin suok
CCPUR: JAC Against Anti Tribal Bills a Chief Convenor H. Mangchinkhup inrawinain JAC thuoituhai le Manipur Tribal Movement Road Construction member mi 12 hai Mizorama inzin dingin zani 7:30AM khan Churachandpur an suoksan. Khuol inzin ding hai hi Rev. S. Vung Minthang, Gen. Secy. EBC in tawngtainain an thla liem.
Zani zan khan Singngat khuioah Singngat Area a JAC thuoitu hai inpawlpui an ta, hi zo hin Guite road zula khuo tum tum hai sirin Bills 3 han tlangmi hai ta dinga harsatna a tlun ding hai hrilhrietna neiin JAC pamphlet sem an tih. Chun, Singngat le Mualnuam inkar Barti Infrastructure Ltd. sin thawna; Sinzawl le Tuivai inkara MTMRC sinthawna hai enfel bawk an tih. Aizawl, Mizorama an cham sungin Mizoram CM Lalthanhawla le MNF President Zoramthanga; CYMA, MZP HQ, MSU thoituhai inhmupui an ta, Manipur a tribal hai harsatna chungthu hrilpui an tih. Nagaland khawm hun remchangah inzin an tum bawk.
CCPura thli le ruo in thil a suksiet zat
CCPUR: DC, CCPur chun Churachandpur district sunga thli, ruo le riel in thil a suksiet zat report a siemthar chu zanikhan Manipur Cheif Secretary kuomah a peklut. Hi dungzui hin CCPur District sunga subdivision tum tuma thli, ruo le riel khuo 79 haia In a suksiet zat chu 870 a ni a, thlai tam tak a suksiet bawk. In a suksiet hai lai hin CCPur SubDivisiona khuo 8 haiah In 123; Henglep subdivisionah khuo 26 haiah JB school 1 le Community Hall 1, Praivate school building 2 le Biekin 1 thangin In 451 a suksiet. Singnngat ah khuo 7 haiah Community Hall 1 thangin In 32; Thanlon subDivisionah khuo 12 haia inthawk private school 2 thangin In 71; Tipaimukh Sub Divisionah khuo 17 haia inthawk PHSC building 1 le Community Hall 2 thangin In 138 a suksiet a; Tuibuong blockah khuo 8 haia intahwk private fencing thangin In 50 a suksiet a, Sangaikotah khuo 1 a inthawk In 5 a suksiet. Hienghai baka hin Thanlon subdivisionah lo hectares 15 a lien ding thlai a suksiet bawk.
Relief Committee a vailiem
CCPUR: Saichang areaa thli, ruo le riel in a nuoi leia harsatna tuortu hai sawmdawlna sem dinga suok Relief Committee member hai chu zani zingkar khan Committee Chairman S. Thienlaljoy Gangte, MCS, SDO/CCPur in Chiengkonpangah a vailiem a, Upa Lamkhodem in tawngtainain an thlaliem. Relief committee team hin bufai bag 43, silpauline 7, dal bag 3, allu (potatoes) bag 3, Purun kg 15, mustard oil , salt kg 15, Rs. 70,000 manhu ding an phur.
AMWTSCPC le Manipur sawrkar inremna
CCPUR/IMPHAL: All Manipur written test successful candidates of Police constable Male 2013 ( AMWTSCPC) thuoituhai le Manipur sawrkar tienga CM bakah Dy. CM le Addl. Secretary April 25, 2016, 12:30PM khan Imphal hmunah inbiekna an nei a. An inbiekremna dungzui hin May 2016 first week or 2nd week velah Viva Voce la zo lo hai Viva voce inneitir ding; June, 2016 1st or 2nd week vel chenah 2013 batch result puong ding ti le 2013 batch result puong a ni hma chun recruitment thar buotsai lo ding ti a nih.
Chun, 2013 batch Churachandpur districta mi hai ta dingin April 29, 2016, 11:30AM khin Tuibuong community Hallah meeting a ko a, hi huna hin Imphal tienga inthawk khawmin AMWTSCPC hotu hai hung thang an tih. 2013 batch hai chu hi meetinga thang seng dingin AMWTSCPC/CCPur
President chun an hriettir.
Raise NE Regional Action on Inclusive Education
CCPUR: April 27, 2016, 10:30AM hin Life Cafe, Rengkai Road, CCPur hmunah ‘Raise North East, Regional Action on Inclusive Education in the North East’ ti thupui hmangin program hmang ning a tih. Wanneilen Serto Aimol, MFS, Finance Controller, SSA khuollienin thang a ta, Guest of Honour in T.Goukhomang, ZEO/CCPurr thng a tih. Program hi Rev. Dr LH Jackey Simte, Supdt., AGI Manipur district in tawngtainain hawng a tih. Hi hun hin Keylie Lalrokim, UN Volunteer, Project Coordinator, Raise NE Manipur chun lawmlutna thucha hril a ta, khuollien bakah Bibhu Dutta Sahu, Project Director, RaiseNE le Vunglallian, Vice Chairman, Centre for Community Initiative han thuhrilna hun hmang an tih.
ZPYF Diamond Jubilee
CCPUR: May 8, 2016, 1PM khin Zou Presbyterian Church Synod (ZPCS), Central Church, Zomi Colony Road Zou Presbyterian Youth Fellowship (ZPYF) kum 60 tling Diamond Jubilee lawmna um a ta, H.Kapneithang, Chairman, DJCC in competition booklet le Action Plan hawng a ta, Rev Stephen Chinzathang, Executive Secy, i/c Youth, ZPCS chun thuoitu hai ta dinga tawngtaipekna le infuina thucha hril a tih.
Mary Kom thangin mi 5 han RS MP dingin intiemkamna an nei
NEW DELHI: Nuhmei boxinga world champion tum 5 zet lo ni ta le Olympic medalist Mangte Chungneijang Mary Kom (MC Mary Kom) thangin Rajya Sabha Member (MP) dinga Prime Minister’s Office (PMOs) in a nominate mi 5 hai chun zanikhan Rajya Sabha member dingin Rajya Sabha Chairman Md. Hamid Ansari hmaah a office chamberah intiemkamna (oathtaking) an nei. Zanita RS MP dinga intiemkamna nei dang hai chu Union minister hlui Subramanian Swamy, journalist Swapan Dasgupta, Shiromani Akal Dal a inthawk Sukhdev Singh Dhindsa, Dr. Narendra Jadhav hai an nih. MP and cricket commentator Navjot Singh Sidhu, Malayalam actor Suresh Gopi hai khawm RS MP dingin PMOs chun a nominate a nih. Zani hmasa khan Congress member 5 thangin RS member dinga thlangtling thar mi 9 han MP dingin intiemkamna an lo nei ta bawk.
MC Mary Kom (33) hi Rio Olympica medal lak ngei tuma inbuotsai lai mek a nih. International Boxing Association (AIBA) chun kum 2016 AIBA Women’s World Boxinga Brand Ambassador dinga a lo ruot ta niin kum 2015 khan Padma Bhushan award inhlan a ni a, amateur athlete hai laia hiengang chawimawina dawng hmasa tak a nih.
India constitution dungzui chun nominated MPs hai chun MP dinga intiemkamna an neia inthawk thla 6 sungin party (political) an zawm thei a; amiruokchu, 10th schedule of the constitution dungzuiin political party a member ni tasa nominated member (MP) hai chu Rajya Sabhaah an umna partya member nisa (automatically) a ngai an nih.
Hi dungzui hin Subramanian Swamy le Navjot Singh Sidhu hai chu BJP member nisa an nih. Nominated MP hai hin vote lak, debates le discusion haiah huntha an nei tam naw a, a tlangpuiin discussion huna minutes tlawmte chau thu hril theina hun an nei hlak.
Malayam actor Suresh Gopi chun BJP zawm a tum tiin BJP thusuok chun a hril a, Narendra Jadhav chun party zawm a tumnaw bakah MC Mary Kom khawm hin ieng party khawm a zawm ring a ni naw bawk. Hi lei hin BJP chun Rajya Sabhaa member sukpungna dingin Juornalist Swapan Dasgupta chu BJP zawm dingin an fiel mek a nih.
Hrietzingna lungdaw an hmang
IMPHAL: India President Pranab Mukherjee in April 23, 2016 a Khongjom War Monumentcum Tourist Centre October 21, 1972 a, kha hun laia India President V.V. Giri in Khongjom War Martyrs hrietzingna lungdaw a hawng hai chu an hmang a, hi lai hmuna hin Hindu pathien Mahadeva lim hmu a nih tiin Moirangthem Mahanta, President, Khongjom War Memorial Trust chun a hril. Hi thil tlung le inzawm hin Police station hnai taka complaint siem le sawrkar thlungpui kuoma intlun ning a tih tiin BJP Manipur Spokesperson ni bawk Moirangthem Mahanta chun a hril.
Pasal pakhat inkhaihlum saa hmu
IMPHAL: Sagolsem Prashanta Singh @ Abung (27), s/o Roshan of Kakwa Nameirakpam Leikai chu zani zing dar 6 vel khan Lilong Police station huop sunga Haoreibi Awang Leikai Trainer Makhong hmuna inkhai hlum saa hmu a nih. Mithi hi a zakuo hmanga a mit tuom a ni leiin Police chun ama le ama inkhai hlum ni lovin that a ni hnunga khai ni dinga an ring thu an hril. Hi thina le inzawm hin JAC indin a ni a, tuolthattu man a ni hmakhat Singjamei le Lilong Bazar inkarah bandh an thaw ding niin JAC thusuok chun a hril.
KCPMJC thil thaw niin an hril
IMPHAL: April 25, 2016 a RIMS OPD a Hand Grenade va sietu kha Kangleipak Communist PartyMilitary Joint committee (KCPMJC) Group an nih. Director, RIMS, Medical Superintendent, RIMS le Dy. Director, RIMS hai last warning naa thaw a nih tiin zanikhan Thouba Lywang, President, KCPMJC chun email fethlengin press statement an suo.
Tamenglong Hqrts le infepaw theilo
IMPHAL: Tamenglong Headquarters le hmun danghai motor a infepaw thei lova a um chu ni 2 a tling tah. Tulaia ruosur natat leia Khongsang bula lamlien a siet leia Tamenglong Headquarters le hmun danghai hi motora infepaw thei lova um a nih.
Rajaya Sabha sukchawl nawk
NEW DELHI: Uttarakhand President Rule hnuoia sie a nina le inzawma selkaltu pawl members han Rajya Sabha rorel thei lo khawpa an khek khum leiin zanikhan Rajya Sabha chu sukchawl nawk a nih. A zawna ni 2 sung Rajya Sabha rorel thei lova sukchawla a umna a ni tah. Congress member hai chu a thungna hmuna inthawk ngirsuokin Rajya Sabha Chairman umna bul hnaiah ngir tlarin an khek ruol sup sup el a nih.
Ama le ama a ringah an at hlum
ALLAHABAD: Zani hmasa khan Mr Kuldeep Nishad chu Kakraha Ghat, Meerapur hmuna an chengna in tuolah ama le ama a ringah an at hlum. A nuhmei le an insel leia hi thil hi a thaw niin Police chun an hril. Kuldeep hi thluok tiengpang buoina nei leia kum 2 liemtaa inthawka kha damdawia inenkawl ta niin a pa chun Police kuoma a hril. Kuldeep hin a nuhmei naupai lai a vuok leiin thenum khaw veng hai van rawlin Kuldeep hi an hal a, chu huna Kuldeep hin ama le ama a chem ngei tak hmanga a ringa inat el nia hril a nih. An atna hmuna hin a thi nghal a nih.
Delhia National Museum of Natural Historyah kangmei a suok
NEW DELHI: Zani zingkar 1.45 AM vel khan New Delhia National Museum of Natural History (NMNH) umna FICCI buildinga inthawk kangmei nasa tak a suok a, Museum a thil hai chu a kangsiet vawng niin ei thu dawngna chun a hril a, kangmei theltu 6 in hliemna an tuok a, Ram Manohar Lohia Hospital panpui an nih. Kangmei suokna san hriet a la ni nawh.
NMNH hi kum 1972a kha India Independence Silver Jubilee le inzawma indin a ni a, Ministry of Environment and Forest enkawlna hnuoia Central New Delhia FICCI building hluo (rented) a um niin India rama thlai le hlo chi hrang hrang le ramsa (flora and fauna) tiengpang chanchin siekhawmna le environment humhalna tiengpanga sin thaw, ramsa le vate chi thi hnung tam tak hai siethat/siekhawmna hmun a nih.
Environment minister Prakash Javadekar chun FICCI buildinga kangmei suok chu thil vangduoi thlak tak a ni thu a hril. NMNH hi India rama nature tiengpang awna museum um pahni hai laia pakhat a nih.
Meghalayaah helpawl 7 an inpe
SHILLONG: Meghalayaa chun zani hmasa khan helpawl 7 hai chu North Garo Hills districta Resubelpara hmunah SP incharge MGR Kumar hmaah an inpe. Helpawl inpe hai laia 5 hai chu LAEF cadre Jim G Momin @ Walku, Sengnang G Momin @ Nikrak, Salseng Momin @ Wanted, Sengtingberth K Sangma @ Sanggra, Sengsil G Momin @ Dakchak hai an nih. Helpawl dang 2 hai chu GNLA cadres Simple Ch Momin @ Saljipa le Clever Ch Marak @ Dompa hai an ni a, Williamnagar Police kuta inpe an nih.
IAF jawan ama le ama an kap hlum
COIMBATORE: Indian Air Force (IAF) jawan Revi Kunji Raman of Kalipramba village, Kanpur district, Kerala chu zani hmasa khan Sulur Air Force basea officers quarter tuolah a service silai INSAS (Indian Small Arms System) pistol hmangin a lu takah ama le ama an kap hlum. Revi hi ni 20 sung chawl hmang zo, a thawkna hmuna hung kir nawk chau a nih. An hotu hai chun Revi hi mi fel le record tha tak nei a ni leiin hiengang thil a thaw el nasan ding awm hriet a la ni nawh tiin an hril.
IndoPak. Foreign secretary meeting
NEW DELHI: India le Pakistan Foregin secretaries, S. Jaishankar le Aizaz Ahmed Chaudhry hai chun zanikhan New Delhi hmunah inbiekna an nei. Hi huna hin S. Jaishankar le Mr Chaudhary hai chun India le Pakistan ram han Comprehensive Bilateral Dialogue (CBD) an nei naw thei dan ding lampui ngaituoin an hriltlang. Tuta hma meta Pathankot AIF base terrorist han an hlukhum na thuah khan terrorist hai kha Pakistana inthawka hung an nih tia intumna leia Pakistan le India sawrkar han inbiekna an nei lai mek sukchawla lo um ta a nih.
Sonowal bullet proof car pek
GUWAHATI: Union ministr of state for Youth Affairs & Sports (Independent charge), BJP Assam Pradesh President le Assam Assembly electiona BJP Chief Ministerial candiate Sarbananda Sonowal chu bullet proof car pek a nih. Ama hma hin Assam Chief Minister nilai mek Tarun Gogoi le Assam CM hlui Prafulla Kumar Mahanta hai khawm bullet proof car pek an nih. Assam state sawrkarin bullet proof Car hi pek tula a hriet leia hieng mi 3 hai hi bullet proof car pek an nih.
Jeje Indian Player of the Year inhlan
MUMBAI: Football Players Association of India (FPAI) chun, India le Mohun Bagan forward Jeje Lalpekhlua (25) chu ‘Indian Player of the Year’ an hlan. Annual FPAI award semna hi Cooperage Ground, Mumbai hmuna zani hmasaa kha nei a nih.
Jeje hi 2015 khan Indian Super League (ISL) ah ‘Emerging Player of the Year’ le kum 2011 khan FPAI Junior Indian Footballer of the Year Award inhlan a ni bakah kum 2013 khan AIFF Emerging Player of the Year inhlan a lo nita bawk a nih. Sunil Chhetri, Bikash Jairu, David Lalrinmuana le Dhanachandra Singh hai khawm ‘Indian Player of the Year’ nomination an hmu a, sienkhawm Jeje in a lan vawng a nih.
ILeaguea East Bengal teama thang Nigerian striker Ranti Martins ‘Foreign Player of the Year.’ inhlan a ni a, Bengaluru FC’sa Udanta Singh chu ‘Young player of the Year’ inhlan a ni a, Bengaluru FC head coach Ashley Westwood chu ‘Best Coach of the Year’ le Mohun Bagan –a Debjit Majumder chu ‘Fans’ Player of the Year’ award inhlan a nih.
VAWISUN THUPUI
Nang, lungzingna tam tak le nasatak min hmutirtu chun, Mi sukhring nawk i ta, hnuoi inthuktaka inthawkin mi thuoisuok nawk i tih. Sam 71:20
Editorial: Thu hril bawzui
Manipur mipui han ei nghakhla em em el National Food Security Act (NFDA) chu April 25, 2016 a inthawk khan Manipur a khawm hmang tan a ni ta a. Thil lawmum tak el a nih. Hi Act hi indik taka thaw a hung ni chun mi retheihai sawkzangkhaitu a hung ni ngei beisei a um. Churachandpur district a mihriem umzat chu 2,74,143 nia hril a ni a, NFSA hnuoia hamthatna dawng ding hi mi 2,35,919 an ni a. Chu umzie chu ei district sunga NFSA in a huopsa 86.056912 percent niin official thusuok chun a hril. Hi Act dungzuia thla khata bufai ei mamaw zat dinga ti chu quintals 13,488.25 a nih. Hiengang zat thla tina bufai man tlawm a hung lut tak tak a ni chun ei thatpui hle ring a um. Hi lei hin thuneitu han ei district a khawm tan ve nghal a ni theina dingin hma hung la h ai sienla nuom a um takzet a nih.
Ei CM in NFSA hmang tan dinga a hawng huna thu a hrilna a khan, NFSA hi sawiselna um lo ding, tukhawma mimal hlawkna a hmang lo ding, politics thila lalut lo ding le hmang lo dingin ngenna a siem bakah hi Act hmang suolhai chu NFSA dungzuia an chungah action lak a ni ding thu a hril a. Thu tha le thu lawmum tak a nih. CM hin a thu hril ang hin hma hung la tak tak sienla ti chu mipui dit dan a ni ngei ring a um. Hi Act hlawtlingna ding chun CM, ministers le MLA han uluk taka an bawzui thil tul makmaw ning a tih. Thil indiklo taka thawtuhai hrem ngam sawrkar hi ei mamaw hle a nih.
Ei hril rawp ta angin ei ram thuoituhaiin thil indik tak tak, thu tha tak tak le inzaum tak tak an hril rawp ta hlak. Amiruokchu, bawzui hi a um ngai meu naw a. Hieng a ni lei hin tuta inthawk hin chu an thu hril hi hung bawzui ta ngei hai sienla chu mipui lawm hleng an tih. Thil fel lo le thil indiklo hi thawktuhai inthlada lei a ni vawng kher naw a, a system a fel naw lei dam, thuneina insang cheltuhai fel zonaw lei dam a ni nuom hlak. Chuleiin, thawktuhai le thuneina insang cheltu, CM, minsiters le MLAs hai khawma thil tha le indik taka a fe theina dingin indikna le ringuma hung changchawi hai sienla chu an hnuoia sawrkar thawktuhai chun an hung zui ve el ring a um. Hienganga thil a fe chun ei ram le hnamin hma a sawn pha ngei ring a um.
Ram thuoituhai hin an thu hril hi hril liem mei mei lovin an thu hril hi a ngaithlatuhai ta dingin umzie a nei am, tangkaina le hlawkna an nei pha hlak am ti hai khawm enzui hlak hai sienla nuom a um hle. Mipui tiengpang khawma thaw suol le indiknawna an lo nei chun dan angin hrem ngam peihai sienla chu ei rama hin indikna a hung um thei deu ring a um. Ei hril ta sa angin ram thuoituhai khawma iem mipui lai ka hril a, iem thaw pek dingin kan tiem a ti hai hi an ennawn a, an bawzui rawp ding a nih. Chuong a ninaw chun mipui ngaiah ram thuoitu khel hril hmang, mani thu hril bawzui lo an hung ti el ding a nih. Chuongang hlaw ding chun ram thuoituhai hi an pamhmai a nih.
Ram thuoituhai hi mipui chung en, an thu hril le an thutiem hai sukpuitling thei ngei dinga mipui ringzo le besei an ni a. An thu hril anga an hung um naw pha chun mipui lungril a na hle hlak a nih ti hi an lungrila um tlat sienla nuom a um. An thu hril an bawzui naw ding chu hril mei mei lo hi an ta ding le mipui ta ding khawmin a tha lem ngei ring a um. Mipui lawmna dinga thu hril mei mei le thutiem mei mei ram thuoitu an um hlak leiin, ram thuoituhai hi an hlut ding angin an hluzo ngainaw hlak. Hi lei hin hril thei a nih, thu tiem nei thei a nih ti lei ela h ril mei mei hi chu ram thuoitu han thaw ta ngainaw hai sienla nuom a um.
Manipur a hin thil indiklo a tlung rawp hlak. Hiengang huna h in mawphurtu ding an nuom ngai naw a, hril hril a ni a, a tawpah chemtattepu tienami an hril angin intum ding le mawphurtu um lovin a liem el hlak. Thil indik lova chun a mawphurtu an um ngei ding a ni leiin ram thuoitu han an zawng dawk ngam a tul a nih. Manipurah NFSA hmang a hung ni ding an leiin dawr tam takah intieng hner hnura um hlak ration bufai or supply bufai or superfine rice ti kha tulai hin hmu ding a um der ta naw ang a nih. Hmu theia umsun hai khawm kg. 1 ah Rs. 2628 a zawr a nih. HI lei hin thil indiklo chu a um niin an lang. Hi thua kahwm hin tum a mawphurtu ning a ta? Hiengang bufai fa hlak hai chun harsatna namen lo takel an tuok pha mek a nih.
CCPUR: JAC Against Anti Tribal Bills a Chief Convenor H. Mangchinkhup inrawinain JAC thuoituhai le Manipur Tribal Movement Road Construction member mi 12 hai Mizorama inzin dingin zani 7:30AM khan Churachandpur an suoksan. Khuol inzin ding hai hi Rev. S. Vung Minthang, Gen. Secy. EBC in tawngtainain an thla liem.
Zani zan khan Singngat khuioah Singngat Area a JAC thuoitu hai inpawlpui an ta, hi zo hin Guite road zula khuo tum tum hai sirin Bills 3 han tlangmi hai ta dinga harsatna a tlun ding hai hrilhrietna neiin JAC pamphlet sem an tih. Chun, Singngat le Mualnuam inkar Barti Infrastructure Ltd. sin thawna; Sinzawl le Tuivai inkara MTMRC sinthawna hai enfel bawk an tih. Aizawl, Mizorama an cham sungin Mizoram CM Lalthanhawla le MNF President Zoramthanga; CYMA, MZP HQ, MSU thoituhai inhmupui an ta, Manipur a tribal hai harsatna chungthu hrilpui an tih. Nagaland khawm hun remchangah inzin an tum bawk.
CCPura thli le ruo in thil a suksiet zat
CCPUR: DC, CCPur chun Churachandpur district sunga thli, ruo le riel in thil a suksiet zat report a siemthar chu zanikhan Manipur Cheif Secretary kuomah a peklut. Hi dungzui hin CCPur District sunga subdivision tum tuma thli, ruo le riel khuo 79 haia In a suksiet zat chu 870 a ni a, thlai tam tak a suksiet bawk. In a suksiet hai lai hin CCPur SubDivisiona khuo 8 haiah In 123; Henglep subdivisionah khuo 26 haiah JB school 1 le Community Hall 1, Praivate school building 2 le Biekin 1 thangin In 451 a suksiet. Singnngat ah khuo 7 haiah Community Hall 1 thangin In 32; Thanlon subDivisionah khuo 12 haia inthawk private school 2 thangin In 71; Tipaimukh Sub Divisionah khuo 17 haia inthawk PHSC building 1 le Community Hall 2 thangin In 138 a suksiet a; Tuibuong blockah khuo 8 haia intahwk private fencing thangin In 50 a suksiet a, Sangaikotah khuo 1 a inthawk In 5 a suksiet. Hienghai baka hin Thanlon subdivisionah lo hectares 15 a lien ding thlai a suksiet bawk.
Relief Committee a vailiem
CCPUR: Saichang areaa thli, ruo le riel in a nuoi leia harsatna tuortu hai sawmdawlna sem dinga suok Relief Committee member hai chu zani zingkar khan Committee Chairman S. Thienlaljoy Gangte, MCS, SDO/CCPur in Chiengkonpangah a vailiem a, Upa Lamkhodem in tawngtainain an thlaliem. Relief committee team hin bufai bag 43, silpauline 7, dal bag 3, allu (potatoes) bag 3, Purun kg 15, mustard oil , salt kg 15, Rs. 70,000 manhu ding an phur.
AMWTSCPC le Manipur sawrkar inremna
CCPUR/IMPHAL: All Manipur written test successful candidates of Police constable Male 2013 ( AMWTSCPC) thuoituhai le Manipur sawrkar tienga CM bakah Dy. CM le Addl. Secretary April 25, 2016, 12:30PM khan Imphal hmunah inbiekna an nei a. An inbiekremna dungzui hin May 2016 first week or 2nd week velah Viva Voce la zo lo hai Viva voce inneitir ding; June, 2016 1st or 2nd week vel chenah 2013 batch result puong ding ti le 2013 batch result puong a ni hma chun recruitment thar buotsai lo ding ti a nih.
Chun, 2013 batch Churachandpur districta mi hai ta dingin April 29, 2016, 11:30AM khin Tuibuong community Hallah meeting a ko a, hi huna hin Imphal tienga inthawk khawmin AMWTSCPC hotu hai hung thang an tih. 2013 batch hai chu hi meetinga thang seng dingin AMWTSCPC/CCPur
President chun an hriettir.
Raise NE Regional Action on Inclusive Education
CCPUR: April 27, 2016, 10:30AM hin Life Cafe, Rengkai Road, CCPur hmunah ‘Raise North East, Regional Action on Inclusive Education in the North East’ ti thupui hmangin program hmang ning a tih. Wanneilen Serto Aimol, MFS, Finance Controller, SSA khuollienin thang a ta, Guest of Honour in T.Goukhomang, ZEO/CCPurr thng a tih. Program hi Rev. Dr LH Jackey Simte, Supdt., AGI Manipur district in tawngtainain hawng a tih. Hi hun hin Keylie Lalrokim, UN Volunteer, Project Coordinator, Raise NE Manipur chun lawmlutna thucha hril a ta, khuollien bakah Bibhu Dutta Sahu, Project Director, RaiseNE le Vunglallian, Vice Chairman, Centre for Community Initiative han thuhrilna hun hmang an tih.
ZPYF Diamond Jubilee
CCPUR: May 8, 2016, 1PM khin Zou Presbyterian Church Synod (ZPCS), Central Church, Zomi Colony Road Zou Presbyterian Youth Fellowship (ZPYF) kum 60 tling Diamond Jubilee lawmna um a ta, H.Kapneithang, Chairman, DJCC in competition booklet le Action Plan hawng a ta, Rev Stephen Chinzathang, Executive Secy, i/c Youth, ZPCS chun thuoitu hai ta dinga tawngtaipekna le infuina thucha hril a tih.
Mary Kom thangin mi 5 han RS MP dingin intiemkamna an nei
NEW DELHI: Nuhmei boxinga world champion tum 5 zet lo ni ta le Olympic medalist Mangte Chungneijang Mary Kom (MC Mary Kom) thangin Rajya Sabha Member (MP) dinga Prime Minister’s Office (PMOs) in a nominate mi 5 hai chun zanikhan Rajya Sabha member dingin Rajya Sabha Chairman Md. Hamid Ansari hmaah a office chamberah intiemkamna (oathtaking) an nei. Zanita RS MP dinga intiemkamna nei dang hai chu Union minister hlui Subramanian Swamy, journalist Swapan Dasgupta, Shiromani Akal Dal a inthawk Sukhdev Singh Dhindsa, Dr. Narendra Jadhav hai an nih. MP and cricket commentator Navjot Singh Sidhu, Malayalam actor Suresh Gopi hai khawm RS MP dingin PMOs chun a nominate a nih. Zani hmasa khan Congress member 5 thangin RS member dinga thlangtling thar mi 9 han MP dingin intiemkamna an lo nei ta bawk.
MC Mary Kom (33) hi Rio Olympica medal lak ngei tuma inbuotsai lai mek a nih. International Boxing Association (AIBA) chun kum 2016 AIBA Women’s World Boxinga Brand Ambassador dinga a lo ruot ta niin kum 2015 khan Padma Bhushan award inhlan a ni a, amateur athlete hai laia hiengang chawimawina dawng hmasa tak a nih.
India constitution dungzui chun nominated MPs hai chun MP dinga intiemkamna an neia inthawk thla 6 sungin party (political) an zawm thei a; amiruokchu, 10th schedule of the constitution dungzuiin political party a member ni tasa nominated member (MP) hai chu Rajya Sabhaah an umna partya member nisa (automatically) a ngai an nih.
Hi dungzui hin Subramanian Swamy le Navjot Singh Sidhu hai chu BJP member nisa an nih. Nominated MP hai hin vote lak, debates le discusion haiah huntha an nei tam naw a, a tlangpuiin discussion huna minutes tlawmte chau thu hril theina hun an nei hlak.
Malayam actor Suresh Gopi chun BJP zawm a tum tiin BJP thusuok chun a hril a, Narendra Jadhav chun party zawm a tumnaw bakah MC Mary Kom khawm hin ieng party khawm a zawm ring a ni naw bawk. Hi lei hin BJP chun Rajya Sabhaa member sukpungna dingin Juornalist Swapan Dasgupta chu BJP zawm dingin an fiel mek a nih.
Hrietzingna lungdaw an hmang
IMPHAL: India President Pranab Mukherjee in April 23, 2016 a Khongjom War Monumentcum Tourist Centre October 21, 1972 a, kha hun laia India President V.V. Giri in Khongjom War Martyrs hrietzingna lungdaw a hawng hai chu an hmang a, hi lai hmuna hin Hindu pathien Mahadeva lim hmu a nih tiin Moirangthem Mahanta, President, Khongjom War Memorial Trust chun a hril. Hi thil tlung le inzawm hin Police station hnai taka complaint siem le sawrkar thlungpui kuoma intlun ning a tih tiin BJP Manipur Spokesperson ni bawk Moirangthem Mahanta chun a hril.
Pasal pakhat inkhaihlum saa hmu
IMPHAL: Sagolsem Prashanta Singh @ Abung (27), s/o Roshan of Kakwa Nameirakpam Leikai chu zani zing dar 6 vel khan Lilong Police station huop sunga Haoreibi Awang Leikai Trainer Makhong hmuna inkhai hlum saa hmu a nih. Mithi hi a zakuo hmanga a mit tuom a ni leiin Police chun ama le ama inkhai hlum ni lovin that a ni hnunga khai ni dinga an ring thu an hril. Hi thina le inzawm hin JAC indin a ni a, tuolthattu man a ni hmakhat Singjamei le Lilong Bazar inkarah bandh an thaw ding niin JAC thusuok chun a hril.
KCPMJC thil thaw niin an hril
IMPHAL: April 25, 2016 a RIMS OPD a Hand Grenade va sietu kha Kangleipak Communist PartyMilitary Joint committee (KCPMJC) Group an nih. Director, RIMS, Medical Superintendent, RIMS le Dy. Director, RIMS hai last warning naa thaw a nih tiin zanikhan Thouba Lywang, President, KCPMJC chun email fethlengin press statement an suo.
Tamenglong Hqrts le infepaw theilo
IMPHAL: Tamenglong Headquarters le hmun danghai motor a infepaw thei lova a um chu ni 2 a tling tah. Tulaia ruosur natat leia Khongsang bula lamlien a siet leia Tamenglong Headquarters le hmun danghai hi motora infepaw thei lova um a nih.
Rajaya Sabha sukchawl nawk
NEW DELHI: Uttarakhand President Rule hnuoia sie a nina le inzawma selkaltu pawl members han Rajya Sabha rorel thei lo khawpa an khek khum leiin zanikhan Rajya Sabha chu sukchawl nawk a nih. A zawna ni 2 sung Rajya Sabha rorel thei lova sukchawla a umna a ni tah. Congress member hai chu a thungna hmuna inthawk ngirsuokin Rajya Sabha Chairman umna bul hnaiah ngir tlarin an khek ruol sup sup el a nih.
Ama le ama a ringah an at hlum
ALLAHABAD: Zani hmasa khan Mr Kuldeep Nishad chu Kakraha Ghat, Meerapur hmuna an chengna in tuolah ama le ama a ringah an at hlum. A nuhmei le an insel leia hi thil hi a thaw niin Police chun an hril. Kuldeep hi thluok tiengpang buoina nei leia kum 2 liemtaa inthawka kha damdawia inenkawl ta niin a pa chun Police kuoma a hril. Kuldeep hin a nuhmei naupai lai a vuok leiin thenum khaw veng hai van rawlin Kuldeep hi an hal a, chu huna Kuldeep hin ama le ama a chem ngei tak hmanga a ringa inat el nia hril a nih. An atna hmuna hin a thi nghal a nih.
Delhia National Museum of Natural Historyah kangmei a suok
NEW DELHI: Zani zingkar 1.45 AM vel khan New Delhia National Museum of Natural History (NMNH) umna FICCI buildinga inthawk kangmei nasa tak a suok a, Museum a thil hai chu a kangsiet vawng niin ei thu dawngna chun a hril a, kangmei theltu 6 in hliemna an tuok a, Ram Manohar Lohia Hospital panpui an nih. Kangmei suokna san hriet a la ni nawh.
NMNH hi kum 1972a kha India Independence Silver Jubilee le inzawma indin a ni a, Ministry of Environment and Forest enkawlna hnuoia Central New Delhia FICCI building hluo (rented) a um niin India rama thlai le hlo chi hrang hrang le ramsa (flora and fauna) tiengpang chanchin siekhawmna le environment humhalna tiengpanga sin thaw, ramsa le vate chi thi hnung tam tak hai siethat/siekhawmna hmun a nih.
Environment minister Prakash Javadekar chun FICCI buildinga kangmei suok chu thil vangduoi thlak tak a ni thu a hril. NMNH hi India rama nature tiengpang awna museum um pahni hai laia pakhat a nih.
Meghalayaah helpawl 7 an inpe
SHILLONG: Meghalayaa chun zani hmasa khan helpawl 7 hai chu North Garo Hills districta Resubelpara hmunah SP incharge MGR Kumar hmaah an inpe. Helpawl inpe hai laia 5 hai chu LAEF cadre Jim G Momin @ Walku, Sengnang G Momin @ Nikrak, Salseng Momin @ Wanted, Sengtingberth K Sangma @ Sanggra, Sengsil G Momin @ Dakchak hai an nih. Helpawl dang 2 hai chu GNLA cadres Simple Ch Momin @ Saljipa le Clever Ch Marak @ Dompa hai an ni a, Williamnagar Police kuta inpe an nih.
IAF jawan ama le ama an kap hlum
COIMBATORE: Indian Air Force (IAF) jawan Revi Kunji Raman of Kalipramba village, Kanpur district, Kerala chu zani hmasa khan Sulur Air Force basea officers quarter tuolah a service silai INSAS (Indian Small Arms System) pistol hmangin a lu takah ama le ama an kap hlum. Revi hi ni 20 sung chawl hmang zo, a thawkna hmuna hung kir nawk chau a nih. An hotu hai chun Revi hi mi fel le record tha tak nei a ni leiin hiengang thil a thaw el nasan ding awm hriet a la ni nawh tiin an hril.
IndoPak. Foreign secretary meeting
NEW DELHI: India le Pakistan Foregin secretaries, S. Jaishankar le Aizaz Ahmed Chaudhry hai chun zanikhan New Delhi hmunah inbiekna an nei. Hi huna hin S. Jaishankar le Mr Chaudhary hai chun India le Pakistan ram han Comprehensive Bilateral Dialogue (CBD) an nei naw thei dan ding lampui ngaituoin an hriltlang. Tuta hma meta Pathankot AIF base terrorist han an hlukhum na thuah khan terrorist hai kha Pakistana inthawka hung an nih tia intumna leia Pakistan le India sawrkar han inbiekna an nei lai mek sukchawla lo um ta a nih.
Sonowal bullet proof car pek
GUWAHATI: Union ministr of state for Youth Affairs & Sports (Independent charge), BJP Assam Pradesh President le Assam Assembly electiona BJP Chief Ministerial candiate Sarbananda Sonowal chu bullet proof car pek a nih. Ama hma hin Assam Chief Minister nilai mek Tarun Gogoi le Assam CM hlui Prafulla Kumar Mahanta hai khawm bullet proof car pek an nih. Assam state sawrkarin bullet proof Car hi pek tula a hriet leia hieng mi 3 hai hi bullet proof car pek an nih.
Jeje Indian Player of the Year inhlan
MUMBAI: Football Players Association of India (FPAI) chun, India le Mohun Bagan forward Jeje Lalpekhlua (25) chu ‘Indian Player of the Year’ an hlan. Annual FPAI award semna hi Cooperage Ground, Mumbai hmuna zani hmasaa kha nei a nih.
Jeje hi 2015 khan Indian Super League (ISL) ah ‘Emerging Player of the Year’ le kum 2011 khan FPAI Junior Indian Footballer of the Year Award inhlan a ni bakah kum 2013 khan AIFF Emerging Player of the Year inhlan a lo nita bawk a nih. Sunil Chhetri, Bikash Jairu, David Lalrinmuana le Dhanachandra Singh hai khawm ‘Indian Player of the Year’ nomination an hmu a, sienkhawm Jeje in a lan vawng a nih.
ILeaguea East Bengal teama thang Nigerian striker Ranti Martins ‘Foreign Player of the Year.’ inhlan a ni a, Bengaluru FC’sa Udanta Singh chu ‘Young player of the Year’ inhlan a ni a, Bengaluru FC head coach Ashley Westwood chu ‘Best Coach of the Year’ le Mohun Bagan –a Debjit Majumder chu ‘Fans’ Player of the Year’ award inhlan a nih.
VAWISUN THUPUI
Nang, lungzingna tam tak le nasatak min hmutirtu chun, Mi sukhring nawk i ta, hnuoi inthuktaka inthawkin mi thuoisuok nawk i tih. Sam 71:20
Editorial: Thu hril bawzui
Manipur mipui han ei nghakhla em em el National Food Security Act (NFDA) chu April 25, 2016 a inthawk khan Manipur a khawm hmang tan a ni ta a. Thil lawmum tak el a nih. Hi Act hi indik taka thaw a hung ni chun mi retheihai sawkzangkhaitu a hung ni ngei beisei a um. Churachandpur district a mihriem umzat chu 2,74,143 nia hril a ni a, NFSA hnuoia hamthatna dawng ding hi mi 2,35,919 an ni a. Chu umzie chu ei district sunga NFSA in a huopsa 86.056912 percent niin official thusuok chun a hril. Hi Act dungzuia thla khata bufai ei mamaw zat dinga ti chu quintals 13,488.25 a nih. Hiengang zat thla tina bufai man tlawm a hung lut tak tak a ni chun ei thatpui hle ring a um. Hi lei hin thuneitu han ei district a khawm tan ve nghal a ni theina dingin hma hung la h ai sienla nuom a um takzet a nih.
Ei CM in NFSA hmang tan dinga a hawng huna thu a hrilna a khan, NFSA hi sawiselna um lo ding, tukhawma mimal hlawkna a hmang lo ding, politics thila lalut lo ding le hmang lo dingin ngenna a siem bakah hi Act hmang suolhai chu NFSA dungzuia an chungah action lak a ni ding thu a hril a. Thu tha le thu lawmum tak a nih. CM hin a thu hril ang hin hma hung la tak tak sienla ti chu mipui dit dan a ni ngei ring a um. Hi Act hlawtlingna ding chun CM, ministers le MLA han uluk taka an bawzui thil tul makmaw ning a tih. Thil indiklo taka thawtuhai hrem ngam sawrkar hi ei mamaw hle a nih.
Ei hril rawp ta angin ei ram thuoituhaiin thil indik tak tak, thu tha tak tak le inzaum tak tak an hril rawp ta hlak. Amiruokchu, bawzui hi a um ngai meu naw a. Hieng a ni lei hin tuta inthawk hin chu an thu hril hi hung bawzui ta ngei hai sienla chu mipui lawm hleng an tih. Thil fel lo le thil indiklo hi thawktuhai inthlada lei a ni vawng kher naw a, a system a fel naw lei dam, thuneina insang cheltuhai fel zonaw lei dam a ni nuom hlak. Chuleiin, thawktuhai le thuneina insang cheltu, CM, minsiters le MLAs hai khawma thil tha le indik taka a fe theina dingin indikna le ringuma hung changchawi hai sienla chu an hnuoia sawrkar thawktuhai chun an hung zui ve el ring a um. Hienganga thil a fe chun ei ram le hnamin hma a sawn pha ngei ring a um.
Ram thuoituhai hin an thu hril hi hril liem mei mei lovin an thu hril hi a ngaithlatuhai ta dingin umzie a nei am, tangkaina le hlawkna an nei pha hlak am ti hai khawm enzui hlak hai sienla nuom a um hle. Mipui tiengpang khawma thaw suol le indiknawna an lo nei chun dan angin hrem ngam peihai sienla chu ei rama hin indikna a hung um thei deu ring a um. Ei hril ta sa angin ram thuoituhai khawma iem mipui lai ka hril a, iem thaw pek dingin kan tiem a ti hai hi an ennawn a, an bawzui rawp ding a nih. Chuong a ninaw chun mipui ngaiah ram thuoitu khel hril hmang, mani thu hril bawzui lo an hung ti el ding a nih. Chuongang hlaw ding chun ram thuoituhai hi an pamhmai a nih.
Ram thuoituhai hi mipui chung en, an thu hril le an thutiem hai sukpuitling thei ngei dinga mipui ringzo le besei an ni a. An thu hril anga an hung um naw pha chun mipui lungril a na hle hlak a nih ti hi an lungrila um tlat sienla nuom a um. An thu hril an bawzui naw ding chu hril mei mei lo hi an ta ding le mipui ta ding khawmin a tha lem ngei ring a um. Mipui lawmna dinga thu hril mei mei le thutiem mei mei ram thuoitu an um hlak leiin, ram thuoituhai hi an hlut ding angin an hluzo ngainaw hlak. Hi lei hin hril thei a nih, thu tiem nei thei a nih ti lei ela h ril mei mei hi chu ram thuoitu han thaw ta ngainaw hai sienla nuom a um.
Manipur a hin thil indiklo a tlung rawp hlak. Hiengang huna h in mawphurtu ding an nuom ngai naw a, hril hril a ni a, a tawpah chemtattepu tienami an hril angin intum ding le mawphurtu um lovin a liem el hlak. Thil indik lova chun a mawphurtu an um ngei ding a ni leiin ram thuoitu han an zawng dawk ngam a tul a nih. Manipurah NFSA hmang a hung ni ding an leiin dawr tam takah intieng hner hnura um hlak ration bufai or supply bufai or superfine rice ti kha tulai hin hmu ding a um der ta naw ang a nih. Hmu theia umsun hai khawm kg. 1 ah Rs. 2628 a zawr a nih. HI lei hin thil indiklo chu a um niin an lang. Hi thua kahwm hin tum a mawphurtu ning a ta? Hiengang bufai fa hlak hai chun harsatna namen lo takel an tuok pha mek a nih.
