ECCI 4th General Leaders Conference
CCPUR: ECCI chun April 22-25, 2016 inkar sung hin Rengkai EAC Biekinah 4th General Leaders ConferencecumGeneral Election nei an tih. Hi hun sunga thuhriltu dinghai chu Rev. Bruce Hill, Bishop EC., Church USA le Rev. Randy Sizemore, Exe. Director GMC, EC Church, USA hai ning an tih. Zanita business session huna kum 201617 sunga ECCI Head Office budget dingin Rs.1,32,22,032/ an passed. ECCIa EAC, ECA, EOC, ESC, BBEC, EUC, ECCI kohran hai an um.
Kum 20162020 sunga ECCI General Director dingin Rev Dr. Kaitinkap thlangtling a ni a, Board of Trustee Chairman in Upa Er. Lalthanzam Amo; Vice Chairman Upa Henkholun Doungel;Mission Deptt ah Chairman in Rev. D. Jangkholam, Vice Chairman Upa Thangkholien. ECT Managing Board Chairman in Rev L.Sata, Vice Chairman Rev Laldonglian. Finance Committee Chairman in Rev. Dr Lalhmuoklien, Vice Chairman Rev Thangkhopau, Women Deptt.ah Chairperson in Miss Kimkhonei, Vice Chairperson Biakkim Haokip, Youth Deptt. ah Chairman Rev Thangzakap, Vice Chairman Rev Roparlien hai thlangtling an nih.
Interschool competition an buotsai
CCPUR: Young Learners’ School, CCPur chun October 7, 2016a an school Silver Jubilee lawm ding le inzawmin zanikhan Painting, Sketching, Poetry le Story Writing haiah interschool Competition a buotsai. Competitiona hin CCPur District Private Schools Assn. (CDPSA) hnuoia schools 13 a inthawk students 140 an thang. Painting –ah (Junior Class IVVI) students 24, Sketching ah (Senior Class VIIX) students 27, Poetry Writing (Junior) ah students 14 le (Senior)ah students 26 an thang a, Story Writing Competitionah (Junior) students 22 le (Senior) students 28 an thang.
AG Kohran in khawmpui
CCPUR: Assemblies of God Manipur District le Manipur Hill District chun April 2224, 2016 inkar sung hin M. Ramthar AG Churchah Vision 2020 Joint Mission ConferencecumOrdination service hmang an tih. Hi hun sunga thuhriltu ding hai chu. Rev. Dr. Moses Murry, General Superintendent, AGEI; Rev. R Sanga Keivom, General Secretary, AGEI le Rev. Dr. Nongrem, Asst. General Superintendent, AGEI hai ning an tih. Vawisun hin Ordination service hmang an tih.
HWC thuoitu thar hai charge inhlân; Kumtin lekhabu 1 bek publish a tum
CCPUR: Hmar Writers’ Academy lo nih hlak Hmar Writers’ Club (HWC) tia thleng tah thuoitu hlui le tharhai charge inhlânna zani 1PM khan Upa L. Kiemlo Pulâmte In, Peace Lane ah nei a nih.
Charge inhlâna um thuoitu tharhai chu President Upa L. Kiemlo Pulâmte, Secretary Pu Joseph Joute, Asst. Secretary Pu David L. Lungtau, Finance Secretary Pu L. Thanzâm Pulâmte, Treasurer Pu Lalsângzuala le Publication Board Secretary Pu Timothy Z. Zote le Chief Consultant Prof L. Ruoivêl Pangamte hai an nih.
Executive Committee Member Pu Thangsawihmâng, Pi Zosângkim Puidaite le Rev Dr Lalkhawlien Pulâmte hai khawm charge pek nghâl an ni a, Zântieng thlaithlêng awt tlângin ruoi kîl a nih.
Hmar Writers’ Club chun kum tin lekhabu pakhat bêk publish a, Best Article le Book of the Year hai Hmar tawng ziek le tiem promotena dingin buotsai a tum a. Zo hnathlâk thu le hla, comic ziek tienga hma nasataka lo latu Pu Lalsângzuala (Sudden Muanga) a contribution leia chawimawina pêk ding ti le thil dang dang rêl a nih bawk.
Sudden Muanga hi Mizoram ah a film siemin tuhin YMA chun vêng tinah mipui en thei dingin public show (screening) a nei mêk a. Manipur tieng khawm a CD a la hung tlung ding niin author Pu Lalsângzuala chun a hril.
HWC ah hin khawvêla Hmar mi tukhawm ziek le tiem inhnik tawphawt chu membership fee Rs.100/ pein member ni thei zing a nih a. Thuchieng lem President or secretary kuomah hriet thei nîng a tih.
Ex MDC M. Ginzapau motor eksiden leiin a thi
CCPUR: Mr M. Ginzapau, ExMDC s/o Thongkhopau of Elim Veng, New Lamka chu zanikhan Bolero motor eksiden leiin a thi. Ama thangin mi 3 han CCPura inthawk Thanlon SubDivision an pan lai mekin Chongkhojou le Khozim inkarah 407 Truck le an inpel huna, an chuongna Bolero hi changsuolin lamthlang tieng a tlanliem leia eksiden hi tlung niin ei thu dawngna chun a hril.
M. Ginzapau hi motor in a luah a del leiin a hmuna a thi nghal a, midang pahni George Thang le motor driver Mungnou hai khawmin hliemna an tuok. Hi thil tlung an hriet le inruolin ADC Chairman Langkhanpau Guite le MDCs hai bakah sung le kuo han ADC Ambulance thuoiin eksidenna hmun hi an pan tawl. M.Ginzapau hi kum 20102015 inkara Thanlon SubDivisiona Ngazam Constituency a MDC lo nita a ni a, April 24, 2016 hin New Lamka YPA thlanmuolah a ruong vuiliem ning a tih.
Hmarbiela tui harsatna chungthu an hriltlang
CCPUR: Tipaimukh Area Development Agency (TADA), Hmarbiel tienga inthawk thuoitu hai le CCPura SubCommittee haileh Hmarbiel, a bik takin Parbung khuoa tui harsatna chungthuah zanikhan District PHED Administrator, Pu Th. Baite, EE; Pu Thangkhanlian AEIII, Pu Lalringdik, SO1 le Pu Hranga, Clerk hai an hohlimpui a; Upa L. Hmunsang In, Rengkai vengtlangah bufakpuina an nei bawk.
TADA chun Parbung Convention huna a lo rel ta anga tuchena hmalakna report pein PHED tieng hotu hai chu an hmabak sunzawmna dinga an thei ang anga thangpui dingin TADA chun a ngen.
Pu Th. Baite, EE chun, mipui hmalakna lawmum le tha a ti thu hrilin, PHED thir tuilawng 100 (tluon) pek an ni ding thu, sawrkarin a thei ang anga thangpuina sum thawn theina ding (Bank Account hawng nghal dingin an hriettir bakah tui lakna dinga sanction lo um ta khawm release thei a ni ngei a ring thu hrilin a thei ang anga TADA hmalakna a thangpui ding thu a hril. (Lalnunthang Songate)
Rev. Thangngur Awardee Felicitation
CCPUR: April 25, 2016, 6:30PM khin New Delhi hmuna 32nd ICI Central KTP inkhawmpuilien, 2016 nei huna Rev. Thangngur Award dawngtu Nk. Lalhlunmawi of Neithang Veng, Cachar lawmpuina hunser Sielmat ICI KTP in Roberts’ Jubilee Chapel, Sielmat hmuna neipui a tum. Lawmpuina hunsera thang dingin Sielmat ICI KTP chun mitin an fiel.
MEMCOS meetingcumElection nei
CCPUR: Manipur ExServicemen Multipurpose Cooperative Society Ltd (MEMCOS) chun zani 11:00 khan MEMCOS office, Vengnuam, New Lamkaah General Body meetingcumElection of B.O.D 20162019 an nei. Hi huna hin member muol lo liem ta hai sunna hun an hmang bakah Auditor haia inthawk report ngaithlak a ni a, Feb. 3, 2016 a B.O.D meeting thurel hai an pawm bakah NOK chungthu hriltlang a nih. Board of Directors (BoD) electionah mi 9 thlangtling an ni a, April 26, 2016 khin OB ding insiem an ta, chu zovah charge inhlanna nei an tih.
GYO/CCPur election nei
CCPUR: Zani zantieng 1PM khan Tuibuonga Gangte Tribe Council (GTC) Officeah kum 20162018 inkar sunga Gangte Youth Organisation (GYO), CCPur Branch thuoitu thar ding thlangna nei a nih. President dingin Hensonthang of Gangte Veng, V.President Khailalson of Gangpimual,Gen.Secy. Paulalthuom of Tuibuong, Jt. Secy Zamboi of Gangte Veng, Fin.cumTreasurer Lalkim of Chiengkawnpang; Adviser in Henkholun of Chiengkawnpang le B. Genboi of Gangpimual hai thlangtling an nih.
Khongjom Day ursun taka hmang a nih; President in Khongjom War Monument-cum-Tourist Centre a hawng
IMPHAL: Zanikhan Thoubal District a Khaba Ching Khongjomah Khongjom Day a vawi 125na ursun taka hmang a nih. Hi huna hin India President Pranab Mukherjee chu khuollienin a thang a, Khongjom War MonumentcumTourist Centre bawlzo thar hlim chu a hawng. Khongjom Day hmangnaa hin Governor V. Shanmuganathan; CM O.Ibobi Singh; dy. CM Gaikhangam; Assembly Speaker Th. Lokeshwar; MPCC President T.N. Haokip; Ministers, MLAs, political party tum tuma thuoituhai, Manipur Chief Secretary; DGP Manipur, Civil, Police le sipai tienga officer lienhai an thang tawl.
President Pranab Mukherjee in thu a hrilnaa chun, Khongjom chanchin tlangpui a hril bakah ei ram le hnam ta dinga hringna chan hiela thang lo latu hai hi ngaisang an um a, an inpumpekna le huoisenna hai theinghil chi ding a ni nawh. Tuta ei umkhawmna Manipur independence hmuna dinga British sipaihai an lo dona nuhnung tak a ni a, hi lei hin vawisun ni hi, ni pawimaw le hmatieng hun la hung um pei ding haia khawm ni pawimaw a la hung ni pei bawk ding a nih. Mihrang pasaltha hai chun ei hmakhuo dingin an theina, an hratna le an hringna h ai an lo inhlan ta a nih tiin President chun a hril.
President Pranab Mukherjee hi zani 2:30PM khan Tulihal International Airport, Imphal a hungtlung a. Governor V. Shanmuganathan, CM O.Ibobi Singh, Chief Secretary O Nabakishore, DGP LM Khaute, Imphal West le Imphal East DC han mawikhat taka tuokin an lo lawmlut. Kodompokpi Helipadah chun Education Minister Dr Kh. Ratan Kumar; Agriculture minister Md. Abdul Nasir, Additional Chief Secretary; Additional DGP le DC, Thoubal han an lo hmuok. President hin a thaw ding a zo hnungin zani ma khan Manipur suoksanin New Delhi a pan nawk nghal.
President kuomah Memorandum an pek
IMPHAL: August 31, 2016 a Manipur Assembly in bills 3 a pasi le inzawmin zanikhan JCILPS thuoitu han points 24 umna Memorandum President Pranab Mukherjee kuomah an pek. An memoranduma an thil ngen hai tak chu hieng bills 3 hai pawmpui vat le suoi thaw dinga an ngenna a nih. JCILPs thuoituhai hin PResident hi inhmupui dingin ngenna an si em a, sienkhawm remti pek an ni nawh. Hi chungthua hin an lungawinaw hle thu JCILPS thuoituhai chun an hril.
Henglep bielah In 150 vel a suksiet
IMPHAL: Zani zingkar dar 5 vela ruo, thlipui le riel nasa taka a sur le hrang khan CCPur district sunga Henglep SubDivision sungah In 150 vel a suksiet. In a su ksietna khuo hai chu, Saichang, Santing, K. Zoar le Maumual hai an nih. A hmuna thil umdan enfel dingin S. Thienlaljoy Gangte, SDO Henglep le Rev. Thangkhosiem hai chun hi lai biel hi an pan nghal. Chun, zani zantienga ruo, thlipui le riel nasa taka a sr le tlak lei khawm khan CCPur, Chandel, Thoubal le Bishnupur District haiah thil tam tak a suksiet nawk niin ei thu dawngna chun a hril.
IMC Election seat reservation
IMPHAL: June 2, 2016 a Imphal Municipal Corporation (IMC) election hung um dinga Scheduled Castes, Scheduled Tribe le nuhmeihai ta dinga seat reservation chungthu sukfelna chu April 27, 2016 khin G.M. Hall, Imphalah nei ning a tih. Hi huna hin political parties, DC, Imphal EAst le DC, Imphal West district hai, MAHUD officers le IMC Executive officers hai thang an tih. Scheduled Tribe hai ta dingin seat reservation hi 3 le nuhmeihai ta dinga seat huol hi 9 ni dinga hril a nih. Ward member thlangna a ruok chun seat reservation a um naw ding nia hril a nih.
April 25 a inthawk NFSA
IMPHAL: April 25, 2016 a inthawk Manipurah National Food Security Act (NFSA) hmang tan ni dingin sawrkar thusuok chun a hril. Hi le inzawm hin April 25, 2016 khin CAF & PD Directorate, Sangaiprou, Imphalah hun hmang ning a ta, hi huna hin CM O.Ibobi Singh in April 25, 2016 a inthawk Manipura NFSA hmang tan a ni ding thu a puonglang ding niin official thusuok chun a hril.
Sakhipui inrai lai pakhat man
IMPHAL: April 20, 2016 khan Khundrakpam khaw mi han Sakhipui inrai lai an man a, Central Forest Division, Mantripukhri thuneituhai kutah an inhlan. Khundrakpam khaw a inthawka hla rak lo, Heingang reserved forest chu tu ti hrietlo han an raw a, Sakhipui hi ti leia Khundrakpam khawsunga va tlan lut nia hril a nih. Sakhipui inrai lai dam le him taka sansuoktuhai chungah Safe Environment Campaign Committee (SECC) chun lawmthu an hril.
HPC(D) in lawmthu an hril
AIZAWL: Demand Area Group YMA pathum, Chalfilh Group, Tuivai Group le Tuisual Group hai hmalakna fe peia, Central YMA hmalakna chu inza tlak niin HPC(D) chun a ngai. Inremna tluontling hung um theina dinga ei Central YMA hmalakna hi thil awm kan ti zawng niin lawmthu kan hril. Hi le inruol hin kan demand areaah inremna tluontling a um ngei theina dingin an hmalakna hi sunawm p ei dinga ditsakna inhlanin, kan incha bawk. Central YMA in inremna a um theina dinga phut a nei chun zawm pei tum veng kan tih tiin zanita John F. Hmar, Secretary, Information & Publicity, HPC(D), HQ. Sinlung in Press Release a siem chun a hril.
HSA 21st Executive Council
GUWAHATI: Zanikhan Hotel Rajmahal, Guwahati hmunah Hmar Students’Association (HSA) 21st Executive Council nei a nih. Hi huna hin HSA Jt. Hqrts/branch tum tuma inthawk palai le Advisers hai an thang a, Muolhoi, Haflong hmuna HSA 55th General Assembly thlirkirna nei a ni a, General Assembly Organising Committee (GAOC) in finance report a pek bawk. Council inthung huna budget phar a ni a; Tipaimukh le Vangai haia Education Campaign nei dingin a rel bakah Competitive exam le inzawma HSA Free Coaching thawhai Rs.10,000/ senga thangpuina pe dingin an rel. Chun, 56th General Assembly, 2017 chu Ankhasuo, Manipura innghat dingin an rel bawk.(Virthli)
Mimkei leia thi 18 an tling tah
ITANAGAR: Arunachal Pradesha Tawang hmuna mimkei nasa tak tlung leia mihriem thina tuok zani chen khan mi 18 an tling tah. Mi thi sungkuo hai zangnadawmna Rs. 1 lakh seng pek dingin Arunachal Pradesh Governor chun a puong bakah CM Kalikho Pul chun thina tuok sunghai Rs. 4 lakh seng; hliem inrik hai thangpuina Rs. 2 lakh seng le hliem dang hai chu Rs. 50,000 le Rs. 4,000, an hliem dan izira pek dingin a puong bawk. Hi mimkei –a thi mi 16 hai chu Assam mi an nitawl.
3Bills thuah HM le Sonia an inhmpui
NEW DELHI: Manipur Assembly in August 31, 2015 nia Anti Tribal Bills 3 a passed hai dodalna le inzawma movement fe mek le inzawmin Manipura inthawk tlangmi nuhmei pawl a thuoitu 4 hai chun tulai hnai khan BJP MP Tarun Vijay inrawinain New Delhi hmunah Union Home Minister Rajnath Singh le Congress President Sonia Gandhi hai an inhmupui a. Manipur Assembly in bills 3 a passed hai lakkir ni ngei a tih tia intiemna (assurance) an hmu hma lo chu Bills dodalna leia thi mi 9 hai ruong CCPur District Hospital Morguea la um zing hai chu an vuinaw ding thu an intlun niin The Hindu Chanchinbu chun a zieklang. Homeminister le Sonia hai inhmupuitu hai lai hin Pi Buonzamawi khawm a thang ve.
Prez. N. Zealand le Papua ah an zin ding
NEW DELHI: President Pranab Mukherjee chu karthar khin Papua New Guinea (PNG) le New Zealand ram haiah inzin a tih. President hi April 28, 2016 khin PNG ah inzin a ta, a cham sungin education, health, connectivity, economic, agriculture le dairy farming tiengpanga thawtlangna ding agreement ziek ring a nih. President hi Minister of Food Processing Industries Harsimrat Kaur Badal le Parliament delegation team in zui an tih. President hi April 30, 2016 khin New Zealand tlung a tih.
NPP in Conrad Sangma
TURA/SHILLONG: May 16, 2016 nia Meghalayaa Tura Lok Sabha Constituencya byelection hung um dingah National People’s Party (NPP) chun (L) PA Sangma naupa le NPP President Conrad Sangma chu an party candidate dingin an ruot. March 4, 2016 nia New Delhi hmuna Mr PA Sangma lungphu chawla a thi leia Tura LS seat hi hung ruok a nih.
Meghalayaa sawrkarna siemtu Congress chun Meghalaya CM Mukul Sangma nuhmei le MLA ni lai mek Dikkanchi Shira an candidate dingin an lo ruot ta bawk.
Nepal President a hung inzin ding
NEW DELHI: Nepal nuhmei President hmasatak Bidhya Devi Bhandari chu President Pranab Mukherjee fielna angin May, 2016 khin India rama hung inzin a tih tiin External Affairs Ministry Spokesperson Vikas Swarup chun a hril. Nepal Prime Minister KP Sharma Oli khawm tukum February thla khan, PM a ni hnunga a vawikhatna dingin India ram a lo hung inzin ta bawk.
India thangin rambung 170 chuong han Climate agreement
UNITED NATIONS: Khawvel lumna hung zuol pei (global warming) dona kawnga thawtlangna dingin India thangin khawvel rambung tum tum 170 chuong hai chun zanikhan United Nations, New York hmuna Paris climate agreementah hming an ziek. India ram aiawin agreement a hin Environment minister Prakash Javadekar in hming a ziek. Agreement ziekna inkhawm hi UN Secy. General Ban Kimoon in an rawi a, khawvel rambung thuoitu, foreign ministers, corporate leaders le artist hai an thang.
VAWISUN THUPUI
Ama chu ka bauin ka ko a, Ka leia chawimawiin a um a. Ka lungrila suolna ka ngaisak chun, Lalpa chun mi ngaisak naw nih. Sam 66:1718
Editorial: Fimkhurna ding a tam
State dang le rambung dang danga thil tlung tha naw tak tak chanchinbu, TV le internet haiah ei hmu rawp hlak a, ei rama tlung ve dinga ei ngai lo tam tak ei ramah ngei khawm hin a tlung ve zing el a, a tlung pei ding a nih ti inla ei hril suol taluo ring a um nawh. Thil tha nekin thil thanaw tiengpang hi ngaiven lemin a langsar el bakah ei entawn nuom lem am a ni ding aw ti theiin a um. Chun, suol tiengpang ngaiven chi hrim hrim mihriem ei u m ve bawk leh, ei fimkhur hle a ngai khawp el. Fimkhurna ding hi a tam em em el a, hril seng vawng naw inlakhawm, a then a zar hang tarlang ei tih.
Facebook le SMS fe thlenga ngaizawng inhmu, inhmu dinga intiema tuoksiet tuok ta ei ni lai ngei khawm an um ta thu ei hriet. Hriet chieng lo hai le dating hi thil tha tak a ninaw a, ching tam lo dinga tha a nih. Hiengang mihai leh ei inhmu ding a ni chun ei fena ding, ei ruol pawl le inhmupui ding hming le address hai mani sunghai, sunghai ei hril ngam naw a lo ni khawma ei ruolhai bek hril ngei ngei ding a nih. La hriet ngai lo mi le inhmu ding ei ni lem chun ruol thuoi sa ngei ngei ding a nih. Mani khat chauva inthawksuok le fe hi tulaia ding chun thil tium tak a nih. Chun, hiengang mihai leh ei lo inhmu a ni khawma fak le dawn fimkhur hle ding a nih. Misuol an lo ni pal chun fak le dawn dinga khan inrui theina le thi theina tur annawleh damdawi an pawl thei a nih ti hi hriet kar ding a nih.
Motor le Rel chuongna haia khawm fimkhur hle ding a nih. Ei bul ela thunghai kha mi hlemtu le mi rawktuah an thang thei a nih ti hriet tlat ding a nih. Motor khaltu fel le tha tak tak an um laiin misuol thenkhat han remchang an lak thei ti lungrilah sie a tha. Passenger tlanhmangpuia suollui tuok ta dam, passengerhai inthla kuola passenger nuhnungtak suollui ta dam, pawisa nei si lova motor hire a driver thata a motor lakpek ti dam ei hriet ta hlak a, ei rama khawm hiengang suolna le tuoksiet hai hi a tlung rawp ta hlak. A bikin nuhmei ta dingin hmel hrietlo motor a mani khat chauva chuong ngailo ding a nih. Hienganga chuong, nuhmei tuoksuol tuok ta khawm an bo bik nawh. Chun, mitin deuthawin Cell phone/Mobile phone ei nei ta a,ei chuongna motor hming, number le ei tlungna hmun chen hai mani sunghai annawleh mani ruolhai hril pei hlak ding a nih. Inveng kar a um zing ding a nih.
State dang le ramdang (foreign contry) haia sin thaw ding hmupek thei dinga inhril, misuol le mi hlem hmang tam tak an um. Hiengang misuol le mi hlem hmanghai lei hin nuhmei thenkhat an thu le hla lova inzawr, nawchizawrna dawra zawr dam, hlaw nei mang lova inrim taka sin inthawtir dam, hlem an ni leia vai rama harsatna nasa tak le rimsi ngawi ngawia nun hmang tam tak el an um ta hlak. Hieng a ni lei hin hiengang thila hin fimkhur a tul bek bek el a nih. Thawkna ding sin hmu pek thei dinga inhrilhai hi belchieng hmasa phawt ding a nih. Sin hmu thei dinga an hril le a hmun hrietchieng le a hre ta hlakhai kuomah thil chinchang kan hmasa phawt ding a nih. Chuong naw chun a ti a um a nih ti hriet ding a nih. Mi thenkhat an fimkhur zo tawknaw leiin hlembawla an um el bakah sum cheng singtel an chan pha hlak.
State dang le vai ramah sin ei hmu a, ei lo thawk a ni khawmin ei sin thawna khawpui le hmuna khan ei ni mi student le sin neia lo u m tasa an u m am ti kan a, an lo um a ni chun an umna, an sinthawna le phone number hai laka a tul huna inbiekpaw thei dinga um ngei ngei ding a nih. Chun, Association, Welfare le Fellowship dam an lo indin ta chun zawm le thang ngei ngei ding a ni tawp el a nih. Hiengang thil ngaisak naw leia harsatna tuok an lo um ta hlak ti hi hriet a tha. Vai rama hrim hrim chu mani hnam chanpuihai bel tluka tha a um nawh. Damna le himna lampui tha tak a nih.
Thangpui ngaia inhril dam, mifahrahai enkawlna hmun le rehabilitation home a thawk anga inhril, pawl hminga thil zawr le thangpuina thil khawn hlak ei ramah mi tam tak an um tah. Hiengang mihai hi an nina le an thu hril hai an dik le an dik naw hrietchieng hmasak phawt hlak ding, hrietchieng lo hai chu pek lo el ding an nih. Chun, Gas siem thiem, Company agent annawleh sawrkar tir ni anga inhrila in tina lut hlak, a tak tak ni si lo, a lem an um hlak leiin hiengang mihai lakah hin fimkhur ding a nih. A chang chun mi hlem hmang le rukru dam an ni hlak. In sungah an hunglut le mi um laiin thil inru nawhai sienkhawm a hnungah mi hung rawktu dam an hung ni nuom hlak. Rukru khawm tulai chu ni danga rukruhai ang an ni tanaw leiin hriemhrei nei lo chun mimala hnawt el hi thil remchang a ni ta nawh. Chun, khawlai hmun le rama khawm um inla sietna le harsatna tuok thei ei ni leiin Police station or Police Outpost phone number nei le kawl hlak ding a nih.
CCPUR: ECCI chun April 22-25, 2016 inkar sung hin Rengkai EAC Biekinah 4th General Leaders ConferencecumGeneral Election nei an tih. Hi hun sunga thuhriltu dinghai chu Rev. Bruce Hill, Bishop EC., Church USA le Rev. Randy Sizemore, Exe. Director GMC, EC Church, USA hai ning an tih. Zanita business session huna kum 201617 sunga ECCI Head Office budget dingin Rs.1,32,22,032/ an passed. ECCIa EAC, ECA, EOC, ESC, BBEC, EUC, ECCI kohran hai an um.
Kum 20162020 sunga ECCI General Director dingin Rev Dr. Kaitinkap thlangtling a ni a, Board of Trustee Chairman in Upa Er. Lalthanzam Amo; Vice Chairman Upa Henkholun Doungel;Mission Deptt ah Chairman in Rev. D. Jangkholam, Vice Chairman Upa Thangkholien. ECT Managing Board Chairman in Rev L.Sata, Vice Chairman Rev Laldonglian. Finance Committee Chairman in Rev. Dr Lalhmuoklien, Vice Chairman Rev Thangkhopau, Women Deptt.ah Chairperson in Miss Kimkhonei, Vice Chairperson Biakkim Haokip, Youth Deptt. ah Chairman Rev Thangzakap, Vice Chairman Rev Roparlien hai thlangtling an nih.
Interschool competition an buotsai
CCPUR: Young Learners’ School, CCPur chun October 7, 2016a an school Silver Jubilee lawm ding le inzawmin zanikhan Painting, Sketching, Poetry le Story Writing haiah interschool Competition a buotsai. Competitiona hin CCPur District Private Schools Assn. (CDPSA) hnuoia schools 13 a inthawk students 140 an thang. Painting –ah (Junior Class IVVI) students 24, Sketching ah (Senior Class VIIX) students 27, Poetry Writing (Junior) ah students 14 le (Senior)ah students 26 an thang a, Story Writing Competitionah (Junior) students 22 le (Senior) students 28 an thang.
AG Kohran in khawmpui
CCPUR: Assemblies of God Manipur District le Manipur Hill District chun April 2224, 2016 inkar sung hin M. Ramthar AG Churchah Vision 2020 Joint Mission ConferencecumOrdination service hmang an tih. Hi hun sunga thuhriltu ding hai chu. Rev. Dr. Moses Murry, General Superintendent, AGEI; Rev. R Sanga Keivom, General Secretary, AGEI le Rev. Dr. Nongrem, Asst. General Superintendent, AGEI hai ning an tih. Vawisun hin Ordination service hmang an tih.
HWC thuoitu thar hai charge inhlân; Kumtin lekhabu 1 bek publish a tum
CCPUR: Hmar Writers’ Academy lo nih hlak Hmar Writers’ Club (HWC) tia thleng tah thuoitu hlui le tharhai charge inhlânna zani 1PM khan Upa L. Kiemlo Pulâmte In, Peace Lane ah nei a nih.
Charge inhlâna um thuoitu tharhai chu President Upa L. Kiemlo Pulâmte, Secretary Pu Joseph Joute, Asst. Secretary Pu David L. Lungtau, Finance Secretary Pu L. Thanzâm Pulâmte, Treasurer Pu Lalsângzuala le Publication Board Secretary Pu Timothy Z. Zote le Chief Consultant Prof L. Ruoivêl Pangamte hai an nih.
Executive Committee Member Pu Thangsawihmâng, Pi Zosângkim Puidaite le Rev Dr Lalkhawlien Pulâmte hai khawm charge pek nghâl an ni a, Zântieng thlaithlêng awt tlângin ruoi kîl a nih.
Hmar Writers’ Club chun kum tin lekhabu pakhat bêk publish a, Best Article le Book of the Year hai Hmar tawng ziek le tiem promotena dingin buotsai a tum a. Zo hnathlâk thu le hla, comic ziek tienga hma nasataka lo latu Pu Lalsângzuala (Sudden Muanga) a contribution leia chawimawina pêk ding ti le thil dang dang rêl a nih bawk.
Sudden Muanga hi Mizoram ah a film siemin tuhin YMA chun vêng tinah mipui en thei dingin public show (screening) a nei mêk a. Manipur tieng khawm a CD a la hung tlung ding niin author Pu Lalsângzuala chun a hril.
HWC ah hin khawvêla Hmar mi tukhawm ziek le tiem inhnik tawphawt chu membership fee Rs.100/ pein member ni thei zing a nih a. Thuchieng lem President or secretary kuomah hriet thei nîng a tih.
Ex MDC M. Ginzapau motor eksiden leiin a thi
CCPUR: Mr M. Ginzapau, ExMDC s/o Thongkhopau of Elim Veng, New Lamka chu zanikhan Bolero motor eksiden leiin a thi. Ama thangin mi 3 han CCPura inthawk Thanlon SubDivision an pan lai mekin Chongkhojou le Khozim inkarah 407 Truck le an inpel huna, an chuongna Bolero hi changsuolin lamthlang tieng a tlanliem leia eksiden hi tlung niin ei thu dawngna chun a hril.
M. Ginzapau hi motor in a luah a del leiin a hmuna a thi nghal a, midang pahni George Thang le motor driver Mungnou hai khawmin hliemna an tuok. Hi thil tlung an hriet le inruolin ADC Chairman Langkhanpau Guite le MDCs hai bakah sung le kuo han ADC Ambulance thuoiin eksidenna hmun hi an pan tawl. M.Ginzapau hi kum 20102015 inkara Thanlon SubDivisiona Ngazam Constituency a MDC lo nita a ni a, April 24, 2016 hin New Lamka YPA thlanmuolah a ruong vuiliem ning a tih.
Hmarbiela tui harsatna chungthu an hriltlang
CCPUR: Tipaimukh Area Development Agency (TADA), Hmarbiel tienga inthawk thuoitu hai le CCPura SubCommittee haileh Hmarbiel, a bik takin Parbung khuoa tui harsatna chungthuah zanikhan District PHED Administrator, Pu Th. Baite, EE; Pu Thangkhanlian AEIII, Pu Lalringdik, SO1 le Pu Hranga, Clerk hai an hohlimpui a; Upa L. Hmunsang In, Rengkai vengtlangah bufakpuina an nei bawk.
TADA chun Parbung Convention huna a lo rel ta anga tuchena hmalakna report pein PHED tieng hotu hai chu an hmabak sunzawmna dinga an thei ang anga thangpui dingin TADA chun a ngen.
Pu Th. Baite, EE chun, mipui hmalakna lawmum le tha a ti thu hrilin, PHED thir tuilawng 100 (tluon) pek an ni ding thu, sawrkarin a thei ang anga thangpuina sum thawn theina ding (Bank Account hawng nghal dingin an hriettir bakah tui lakna dinga sanction lo um ta khawm release thei a ni ngei a ring thu hrilin a thei ang anga TADA hmalakna a thangpui ding thu a hril. (Lalnunthang Songate)
Rev. Thangngur Awardee Felicitation
CCPUR: April 25, 2016, 6:30PM khin New Delhi hmuna 32nd ICI Central KTP inkhawmpuilien, 2016 nei huna Rev. Thangngur Award dawngtu Nk. Lalhlunmawi of Neithang Veng, Cachar lawmpuina hunser Sielmat ICI KTP in Roberts’ Jubilee Chapel, Sielmat hmuna neipui a tum. Lawmpuina hunsera thang dingin Sielmat ICI KTP chun mitin an fiel.
MEMCOS meetingcumElection nei
CCPUR: Manipur ExServicemen Multipurpose Cooperative Society Ltd (MEMCOS) chun zani 11:00 khan MEMCOS office, Vengnuam, New Lamkaah General Body meetingcumElection of B.O.D 20162019 an nei. Hi huna hin member muol lo liem ta hai sunna hun an hmang bakah Auditor haia inthawk report ngaithlak a ni a, Feb. 3, 2016 a B.O.D meeting thurel hai an pawm bakah NOK chungthu hriltlang a nih. Board of Directors (BoD) electionah mi 9 thlangtling an ni a, April 26, 2016 khin OB ding insiem an ta, chu zovah charge inhlanna nei an tih.
GYO/CCPur election nei
CCPUR: Zani zantieng 1PM khan Tuibuonga Gangte Tribe Council (GTC) Officeah kum 20162018 inkar sunga Gangte Youth Organisation (GYO), CCPur Branch thuoitu thar ding thlangna nei a nih. President dingin Hensonthang of Gangte Veng, V.President Khailalson of Gangpimual,Gen.Secy. Paulalthuom of Tuibuong, Jt. Secy Zamboi of Gangte Veng, Fin.cumTreasurer Lalkim of Chiengkawnpang; Adviser in Henkholun of Chiengkawnpang le B. Genboi of Gangpimual hai thlangtling an nih.
Khongjom Day ursun taka hmang a nih; President in Khongjom War Monument-cum-Tourist Centre a hawng
IMPHAL: Zanikhan Thoubal District a Khaba Ching Khongjomah Khongjom Day a vawi 125na ursun taka hmang a nih. Hi huna hin India President Pranab Mukherjee chu khuollienin a thang a, Khongjom War MonumentcumTourist Centre bawlzo thar hlim chu a hawng. Khongjom Day hmangnaa hin Governor V. Shanmuganathan; CM O.Ibobi Singh; dy. CM Gaikhangam; Assembly Speaker Th. Lokeshwar; MPCC President T.N. Haokip; Ministers, MLAs, political party tum tuma thuoituhai, Manipur Chief Secretary; DGP Manipur, Civil, Police le sipai tienga officer lienhai an thang tawl.
President Pranab Mukherjee in thu a hrilnaa chun, Khongjom chanchin tlangpui a hril bakah ei ram le hnam ta dinga hringna chan hiela thang lo latu hai hi ngaisang an um a, an inpumpekna le huoisenna hai theinghil chi ding a ni nawh. Tuta ei umkhawmna Manipur independence hmuna dinga British sipaihai an lo dona nuhnung tak a ni a, hi lei hin vawisun ni hi, ni pawimaw le hmatieng hun la hung um pei ding haia khawm ni pawimaw a la hung ni pei bawk ding a nih. Mihrang pasaltha hai chun ei hmakhuo dingin an theina, an hratna le an hringna h ai an lo inhlan ta a nih tiin President chun a hril.
President Pranab Mukherjee hi zani 2:30PM khan Tulihal International Airport, Imphal a hungtlung a. Governor V. Shanmuganathan, CM O.Ibobi Singh, Chief Secretary O Nabakishore, DGP LM Khaute, Imphal West le Imphal East DC han mawikhat taka tuokin an lo lawmlut. Kodompokpi Helipadah chun Education Minister Dr Kh. Ratan Kumar; Agriculture minister Md. Abdul Nasir, Additional Chief Secretary; Additional DGP le DC, Thoubal han an lo hmuok. President hin a thaw ding a zo hnungin zani ma khan Manipur suoksanin New Delhi a pan nawk nghal.
President kuomah Memorandum an pek
IMPHAL: August 31, 2016 a Manipur Assembly in bills 3 a pasi le inzawmin zanikhan JCILPS thuoitu han points 24 umna Memorandum President Pranab Mukherjee kuomah an pek. An memoranduma an thil ngen hai tak chu hieng bills 3 hai pawmpui vat le suoi thaw dinga an ngenna a nih. JCILPs thuoituhai hin PResident hi inhmupui dingin ngenna an si em a, sienkhawm remti pek an ni nawh. Hi chungthua hin an lungawinaw hle thu JCILPS thuoituhai chun an hril.
Henglep bielah In 150 vel a suksiet
IMPHAL: Zani zingkar dar 5 vela ruo, thlipui le riel nasa taka a sur le hrang khan CCPur district sunga Henglep SubDivision sungah In 150 vel a suksiet. In a su ksietna khuo hai chu, Saichang, Santing, K. Zoar le Maumual hai an nih. A hmuna thil umdan enfel dingin S. Thienlaljoy Gangte, SDO Henglep le Rev. Thangkhosiem hai chun hi lai biel hi an pan nghal. Chun, zani zantienga ruo, thlipui le riel nasa taka a sr le tlak lei khawm khan CCPur, Chandel, Thoubal le Bishnupur District haiah thil tam tak a suksiet nawk niin ei thu dawngna chun a hril.
IMC Election seat reservation
IMPHAL: June 2, 2016 a Imphal Municipal Corporation (IMC) election hung um dinga Scheduled Castes, Scheduled Tribe le nuhmeihai ta dinga seat reservation chungthu sukfelna chu April 27, 2016 khin G.M. Hall, Imphalah nei ning a tih. Hi huna hin political parties, DC, Imphal EAst le DC, Imphal West district hai, MAHUD officers le IMC Executive officers hai thang an tih. Scheduled Tribe hai ta dingin seat reservation hi 3 le nuhmeihai ta dinga seat huol hi 9 ni dinga hril a nih. Ward member thlangna a ruok chun seat reservation a um naw ding nia hril a nih.
April 25 a inthawk NFSA
IMPHAL: April 25, 2016 a inthawk Manipurah National Food Security Act (NFSA) hmang tan ni dingin sawrkar thusuok chun a hril. Hi le inzawm hin April 25, 2016 khin CAF & PD Directorate, Sangaiprou, Imphalah hun hmang ning a ta, hi huna hin CM O.Ibobi Singh in April 25, 2016 a inthawk Manipura NFSA hmang tan a ni ding thu a puonglang ding niin official thusuok chun a hril.
Sakhipui inrai lai pakhat man
IMPHAL: April 20, 2016 khan Khundrakpam khaw mi han Sakhipui inrai lai an man a, Central Forest Division, Mantripukhri thuneituhai kutah an inhlan. Khundrakpam khaw a inthawka hla rak lo, Heingang reserved forest chu tu ti hrietlo han an raw a, Sakhipui hi ti leia Khundrakpam khawsunga va tlan lut nia hril a nih. Sakhipui inrai lai dam le him taka sansuoktuhai chungah Safe Environment Campaign Committee (SECC) chun lawmthu an hril.
HPC(D) in lawmthu an hril
AIZAWL: Demand Area Group YMA pathum, Chalfilh Group, Tuivai Group le Tuisual Group hai hmalakna fe peia, Central YMA hmalakna chu inza tlak niin HPC(D) chun a ngai. Inremna tluontling hung um theina dinga ei Central YMA hmalakna hi thil awm kan ti zawng niin lawmthu kan hril. Hi le inruol hin kan demand areaah inremna tluontling a um ngei theina dingin an hmalakna hi sunawm p ei dinga ditsakna inhlanin, kan incha bawk. Central YMA in inremna a um theina dinga phut a nei chun zawm pei tum veng kan tih tiin zanita John F. Hmar, Secretary, Information & Publicity, HPC(D), HQ. Sinlung in Press Release a siem chun a hril.
HSA 21st Executive Council
GUWAHATI: Zanikhan Hotel Rajmahal, Guwahati hmunah Hmar Students’Association (HSA) 21st Executive Council nei a nih. Hi huna hin HSA Jt. Hqrts/branch tum tuma inthawk palai le Advisers hai an thang a, Muolhoi, Haflong hmuna HSA 55th General Assembly thlirkirna nei a ni a, General Assembly Organising Committee (GAOC) in finance report a pek bawk. Council inthung huna budget phar a ni a; Tipaimukh le Vangai haia Education Campaign nei dingin a rel bakah Competitive exam le inzawma HSA Free Coaching thawhai Rs.10,000/ senga thangpuina pe dingin an rel. Chun, 56th General Assembly, 2017 chu Ankhasuo, Manipura innghat dingin an rel bawk.(Virthli)
Mimkei leia thi 18 an tling tah
ITANAGAR: Arunachal Pradesha Tawang hmuna mimkei nasa tak tlung leia mihriem thina tuok zani chen khan mi 18 an tling tah. Mi thi sungkuo hai zangnadawmna Rs. 1 lakh seng pek dingin Arunachal Pradesh Governor chun a puong bakah CM Kalikho Pul chun thina tuok sunghai Rs. 4 lakh seng; hliem inrik hai thangpuina Rs. 2 lakh seng le hliem dang hai chu Rs. 50,000 le Rs. 4,000, an hliem dan izira pek dingin a puong bawk. Hi mimkei –a thi mi 16 hai chu Assam mi an nitawl.
3Bills thuah HM le Sonia an inhmpui
NEW DELHI: Manipur Assembly in August 31, 2015 nia Anti Tribal Bills 3 a passed hai dodalna le inzawma movement fe mek le inzawmin Manipura inthawk tlangmi nuhmei pawl a thuoitu 4 hai chun tulai hnai khan BJP MP Tarun Vijay inrawinain New Delhi hmunah Union Home Minister Rajnath Singh le Congress President Sonia Gandhi hai an inhmupui a. Manipur Assembly in bills 3 a passed hai lakkir ni ngei a tih tia intiemna (assurance) an hmu hma lo chu Bills dodalna leia thi mi 9 hai ruong CCPur District Hospital Morguea la um zing hai chu an vuinaw ding thu an intlun niin The Hindu Chanchinbu chun a zieklang. Homeminister le Sonia hai inhmupuitu hai lai hin Pi Buonzamawi khawm a thang ve.
Prez. N. Zealand le Papua ah an zin ding
NEW DELHI: President Pranab Mukherjee chu karthar khin Papua New Guinea (PNG) le New Zealand ram haiah inzin a tih. President hi April 28, 2016 khin PNG ah inzin a ta, a cham sungin education, health, connectivity, economic, agriculture le dairy farming tiengpanga thawtlangna ding agreement ziek ring a nih. President hi Minister of Food Processing Industries Harsimrat Kaur Badal le Parliament delegation team in zui an tih. President hi April 30, 2016 khin New Zealand tlung a tih.
NPP in Conrad Sangma
TURA/SHILLONG: May 16, 2016 nia Meghalayaa Tura Lok Sabha Constituencya byelection hung um dingah National People’s Party (NPP) chun (L) PA Sangma naupa le NPP President Conrad Sangma chu an party candidate dingin an ruot. March 4, 2016 nia New Delhi hmuna Mr PA Sangma lungphu chawla a thi leia Tura LS seat hi hung ruok a nih.
Meghalayaa sawrkarna siemtu Congress chun Meghalaya CM Mukul Sangma nuhmei le MLA ni lai mek Dikkanchi Shira an candidate dingin an lo ruot ta bawk.
Nepal President a hung inzin ding
NEW DELHI: Nepal nuhmei President hmasatak Bidhya Devi Bhandari chu President Pranab Mukherjee fielna angin May, 2016 khin India rama hung inzin a tih tiin External Affairs Ministry Spokesperson Vikas Swarup chun a hril. Nepal Prime Minister KP Sharma Oli khawm tukum February thla khan, PM a ni hnunga a vawikhatna dingin India ram a lo hung inzin ta bawk.
India thangin rambung 170 chuong han Climate agreement
UNITED NATIONS: Khawvel lumna hung zuol pei (global warming) dona kawnga thawtlangna dingin India thangin khawvel rambung tum tum 170 chuong hai chun zanikhan United Nations, New York hmuna Paris climate agreementah hming an ziek. India ram aiawin agreement a hin Environment minister Prakash Javadekar in hming a ziek. Agreement ziekna inkhawm hi UN Secy. General Ban Kimoon in an rawi a, khawvel rambung thuoitu, foreign ministers, corporate leaders le artist hai an thang.
VAWISUN THUPUI
Ama chu ka bauin ka ko a, Ka leia chawimawiin a um a. Ka lungrila suolna ka ngaisak chun, Lalpa chun mi ngaisak naw nih. Sam 66:1718
Editorial: Fimkhurna ding a tam
State dang le rambung dang danga thil tlung tha naw tak tak chanchinbu, TV le internet haiah ei hmu rawp hlak a, ei rama tlung ve dinga ei ngai lo tam tak ei ramah ngei khawm hin a tlung ve zing el a, a tlung pei ding a nih ti inla ei hril suol taluo ring a um nawh. Thil tha nekin thil thanaw tiengpang hi ngaiven lemin a langsar el bakah ei entawn nuom lem am a ni ding aw ti theiin a um. Chun, suol tiengpang ngaiven chi hrim hrim mihriem ei u m ve bawk leh, ei fimkhur hle a ngai khawp el. Fimkhurna ding hi a tam em em el a, hril seng vawng naw inlakhawm, a then a zar hang tarlang ei tih.
Facebook le SMS fe thlenga ngaizawng inhmu, inhmu dinga intiema tuoksiet tuok ta ei ni lai ngei khawm an um ta thu ei hriet. Hriet chieng lo hai le dating hi thil tha tak a ninaw a, ching tam lo dinga tha a nih. Hiengang mihai leh ei inhmu ding a ni chun ei fena ding, ei ruol pawl le inhmupui ding hming le address hai mani sunghai, sunghai ei hril ngam naw a lo ni khawma ei ruolhai bek hril ngei ngei ding a nih. La hriet ngai lo mi le inhmu ding ei ni lem chun ruol thuoi sa ngei ngei ding a nih. Mani khat chauva inthawksuok le fe hi tulaia ding chun thil tium tak a nih. Chun, hiengang mihai leh ei lo inhmu a ni khawma fak le dawn fimkhur hle ding a nih. Misuol an lo ni pal chun fak le dawn dinga khan inrui theina le thi theina tur annawleh damdawi an pawl thei a nih ti hi hriet kar ding a nih.
Motor le Rel chuongna haia khawm fimkhur hle ding a nih. Ei bul ela thunghai kha mi hlemtu le mi rawktuah an thang thei a nih ti hriet tlat ding a nih. Motor khaltu fel le tha tak tak an um laiin misuol thenkhat han remchang an lak thei ti lungrilah sie a tha. Passenger tlanhmangpuia suollui tuok ta dam, passengerhai inthla kuola passenger nuhnungtak suollui ta dam, pawisa nei si lova motor hire a driver thata a motor lakpek ti dam ei hriet ta hlak a, ei rama khawm hiengang suolna le tuoksiet hai hi a tlung rawp ta hlak. A bikin nuhmei ta dingin hmel hrietlo motor a mani khat chauva chuong ngailo ding a nih. Hienganga chuong, nuhmei tuoksuol tuok ta khawm an bo bik nawh. Chun, mitin deuthawin Cell phone/Mobile phone ei nei ta a,ei chuongna motor hming, number le ei tlungna hmun chen hai mani sunghai annawleh mani ruolhai hril pei hlak ding a nih. Inveng kar a um zing ding a nih.
State dang le ramdang (foreign contry) haia sin thaw ding hmupek thei dinga inhril, misuol le mi hlem hmang tam tak an um. Hiengang misuol le mi hlem hmanghai lei hin nuhmei thenkhat an thu le hla lova inzawr, nawchizawrna dawra zawr dam, hlaw nei mang lova inrim taka sin inthawtir dam, hlem an ni leia vai rama harsatna nasa tak le rimsi ngawi ngawia nun hmang tam tak el an um ta hlak. Hieng a ni lei hin hiengang thila hin fimkhur a tul bek bek el a nih. Thawkna ding sin hmu pek thei dinga inhrilhai hi belchieng hmasa phawt ding a nih. Sin hmu thei dinga an hril le a hmun hrietchieng le a hre ta hlakhai kuomah thil chinchang kan hmasa phawt ding a nih. Chuong naw chun a ti a um a nih ti hriet ding a nih. Mi thenkhat an fimkhur zo tawknaw leiin hlembawla an um el bakah sum cheng singtel an chan pha hlak.
State dang le vai ramah sin ei hmu a, ei lo thawk a ni khawmin ei sin thawna khawpui le hmuna khan ei ni mi student le sin neia lo u m tasa an u m am ti kan a, an lo um a ni chun an umna, an sinthawna le phone number hai laka a tul huna inbiekpaw thei dinga um ngei ngei ding a nih. Chun, Association, Welfare le Fellowship dam an lo indin ta chun zawm le thang ngei ngei ding a ni tawp el a nih. Hiengang thil ngaisak naw leia harsatna tuok an lo um ta hlak ti hi hriet a tha. Vai rama hrim hrim chu mani hnam chanpuihai bel tluka tha a um nawh. Damna le himna lampui tha tak a nih.
Thangpui ngaia inhril dam, mifahrahai enkawlna hmun le rehabilitation home a thawk anga inhril, pawl hminga thil zawr le thangpuina thil khawn hlak ei ramah mi tam tak an um tah. Hiengang mihai hi an nina le an thu hril hai an dik le an dik naw hrietchieng hmasak phawt hlak ding, hrietchieng lo hai chu pek lo el ding an nih. Chun, Gas siem thiem, Company agent annawleh sawrkar tir ni anga inhrila in tina lut hlak, a tak tak ni si lo, a lem an um hlak leiin hiengang mihai lakah hin fimkhur ding a nih. A chang chun mi hlem hmang le rukru dam an ni hlak. In sungah an hunglut le mi um laiin thil inru nawhai sienkhawm a hnungah mi hung rawktu dam an hung ni nuom hlak. Rukru khawm tulai chu ni danga rukruhai ang an ni tanaw leiin hriemhrei nei lo chun mimala hnawt el hi thil remchang a ni ta nawh. Chun, khawlai hmun le rama khawm um inla sietna le harsatna tuok thei ei ni leiin Police station or Police Outpost phone number nei le kawl hlak ding a nih.
