Human Trafficking Awareness nei
CCPUR: Emmanuel Hospital Association (EHA) le Action for Women and Child Advancement hai thangruola huoihawtnain zani 10:00AM khan N. Lamka EBC Dorcas Golden Jubilee Guest House Auditoriumah “Two Days Awareness training on Human Trafficking” Rev Stephen Chinzathang, Executive Secy. ZPCS in a hawng. Technical session huna Anesimus Narzary, Project Officer, EHA chun Human Trafficking ti thupui hmangin thu a hril a, Legal tiengpangah Christina Mochahari, Dy. Director, EHA le Y.K. Lucy, Project Officer, EHA han an inchuktir. Vawisun 10AM hin sunzawm nawk ning a ta, group discussion le presentation um a tih.
Pa faksuol leia damnaw a thi belsa nawk
CCPUR: Parvachawm, Tipaimukh SubDivision, CCPur district, Manipura sungkuo pakhat han Pa hmea sunga an fak leia unau pahni an thi hnungin Obedia (13) s/o Benjoy Hrangchal chu damzo loin zanikhan a thi nawk niin ei thu dawngna chun a hril. April 9, 2016 khan a sangnu Ms Lalnipui (9) le April 10, 2016 khan a sangnu Vaninmawi (6) hai an lo thi ta bawk a nih. Tuhin a nuhmei khawm enkawl mek a ni a, that tieng nekin a ngirhmun a khir deu deu niin ei thu dawngna chun a hril. Benjoy le a naupasal pakhat hai chu ram rieka an fe leiin Pa hi an hme ve naw a nih.
HPO -‘Hmarram Kohran Inzawmkhawm’tia thlakthleng
CCPUR: March 2931, 2016 inkar sunga Hmarbiel Pastor Organisation (HPO) thuoitu thar thlangna le Seminar neia um a chun Hmarrama Kohran dang danga inthawkin palai 180 chuong an fekhawm a, hi huna fe khawm hai chun resolution 7 an siem. Resolution an siem hai lai chun, Hmarbiel Pastor Organisation (HPO) huop lien le hrat lema a fe theina dingin “Hmarram Kohran Inzawmkhawm” tia thlakthleng ding; HPO in a dande anga Rev. Hrangchunghnung in byelaw a siem enfelna nei a ni hnungin inprinciple a pawm phawt le siemthat tul hai unit tinin an entlang hnunga general body meetinga ennawn ding; MLA election huna mitinin vote indik le thienghlim taka an thlak seng theina dinga Hmarram Kohran inzawmkhawm in hma lasien, hmalak dan ding OB/Gen. Body in a siem ding; Naupang chawmna le Kohran school teacher insawrtuona thuah Pawla thang dina inzawrnaa hmang ni tanaw sien; Hnam sipaihai hmalakna ennawn le thurawn pek nisien; Hmarram Kohran Inzawmkhawm hmingin Hmar Inpui GHQ ah intlun nisienla; HI GHQ thuoituhai hmalakna hnuoia thurawn tha pek nisien ti hai a thang.
Chun, Kum 2016 Action plan phursuok dingin Civil Right ei nei le inmila Transport and Communication thatâwk ei nei theina ding le Sawrkar thawktu mani post a umlo hai an um ngei theina dinga sitinprotest/public rally nei; Social evils hieng inruithei le pornography dodâlna; Sawrkar le khawtlang thuomhnaw vênghimna/humhal; Suol thupha châwina dingin Pastor hai le upahai in khuo fangna nei ding le bunghei tawngtaina nei nisien ti hai a nih.
Kum 201618 sunga Inzawmkhawm thuoitu dingin a hnuoia hai hi thlang an nih. Chairman : Rev. Hranchunghnung; Vice Chairman: Rev. Lalrohlu; Secretary: Rev. Chawngrosiem; Asst. Secretary: Rev. John Vanlalsan; Secretary Finance : Rev. Lalruotsang; Treasurer : Rev. Lalnghillo; Secretaries; Social – Media, Networking and Information: Mr. Lalnunthang Songate; Mr. LRS Puruolte; Mr. Alan Famhoite; Mr Vanlallien Pulamte hai an thlang.
HPO seminar a hin resourse person Rev. HuolthangseiThiek (EAC), Rev. Lalneikhup Hmar (ICI), Rev. Saithanglur Joute (RPCNEI), Rev. Tlanghmingthang (Methodist), Pu Francis Songate (HI G/Secy), Pu Laldawnlien Varte (HYA G/President), bakah LRS Puruolte (Media), Pu Alan Famhoite (Media), Lalnunthang Songate (Secy. Info.& Media, HPO) hai khawm an thang. Lalnunthang Songate
Office hai an chawl
CCPUR: Zanikha Meitei hai ta dinga ni pawimaw Cheiraoba festival a ni leiin state holiday a ni a, hi lei hin CCPur district sunga Govt. Office, Institutions le Banks hai bakah private schools thenkhat hai khawm an inkhar tawl.
Vuongna in Aizawl pan a tih
CCPUR: Lelte Chibil Award dawng ve dinga thlang Hmar Artiste Assn. member Mr Joseph Pakhuongte chu Hmar Artiste Association hmalakna hnuoiah vawisun hin Imphal Airporta inthawk Vuongna in Aizawl pan a tih tiin HAA President a inthawk ei thu dawngna chun a hril.
Tuilawng an siemtha
CCPUR: Khuga Dam a inthawka tui lakna tuilawng (pipe) DI pipe phuma um Sielmat lamthuom le Bijang leilak bul haia putsuok (leak) hlak hai siemthatna sin zanikhan PHE CCPur Divsion in an sunzawm a, a sietna hai zanikhan an siem zo tah niin ei thu dawngna chun a hril.
Myanmar rama intan simkhawlei inhning in India ram hmun tum tum a sawi;
Keithel market thangin Manipurah thil thenkhat a suksiet nuol
YANGON/IMPHAL: April 13, 2016, 7:25PM vel khan Myanmar khawpui Naypyidaw a inthawk km. 396 a hla hmartiengpangah Simkhawlei richter scale 6.8 a hratin an hning a, Manipur thangin India hmarsakbiel states hai le India ram hmun tum tum hai a sawihning sa. Simkhawlei hung inhning tanna hi Myanmar khawpui Naypyidaw a inthawk km. 396 a hla, Churachandpur District, Manipur (India) le Myanmar ramri bul Saigaing Divisiona Mawlaik hmun niin ei thu dawngna chun a hril. Simkhawlei inhning hrat dan hi US Geological Survey (USGS) chun 6.9 magnitude niin a hril a, Germany’s Research Centre for Geosciences chun richter scale 7.1 a hrat niin a hril ve thung
Simkhawlei inhning hi Manipurah Churachandpur District a khawm a hrat ve hle a, mipui hai chu inlauin an insung haia inthawk tuolah an thlansuok tawl a, lampuia motor tlan hai khawm an chawl thup. Thil thenkhat a suksiet nuol ti naw chu hi thu ei sut chena hin mihriem thi le hliemna tuok an um thu hriet a ni nawh. Moirang hmuna insunga kailawn thenkhat a sukchim a, Lamphel Police outpost a sukchim bakah Khwairamband bazaar Ima Keithel building khawm a sukchim nawk met niin ei thu dawngna chun a hril. Ima Keithel building hin January 4, 2016a simkhawlei richter scale 6.8 a hratin a sawi huna a lo sawichim met ta hnung a nih. Zani zingkar 9:26 AM khawm khan Imphal le a sevel hi richter scale 4.6 a hrat in a lo sawi nia hril a nih
Simkhawlei inhning hin Assam, Meghalaya, Mizoram, Nagaland, West Bengal, Jharkhand, Bihar le Delhi NCR hai khawm a sawihning bakah Odisha, Uttar Pradesh, Madhya Pradesh le Chhattisgarh hai khawm a sawihning sa niin J.L. Gautam, Operation Head, National Centre for Seismology chun a hril. Simkhawlei inhning zo hin West Bengala chun Metro services hai khawm minute 5 sung vel sukchawl pha an nih.
Assama Guwahati khawpui a chun building thenkhat a sawikak a hril a nih. India hmarsakbiel hi Indai rama Simkhawlei inhning tamna Seismological map Zone V huop sunga um a nih. January 4, 2016 nia Simkhawlei inhning richter scale 6.7 a hratin a sawi tum khan mi 9 lai zetin thina an tuok bakah In le thil tam tak a suksiet a nih.
PLA cadres thihai sunna an nei
IMPHAL: April 13, 1982 a Security Forces han PLA cadres 9 an kap hlum hai sunna zanikhan Cheiraoching Memorial site le Kodompokpi, Imphal West District hmun haiah Families Committee for Observation of 13th April huoihawtnaa nei a nih. Hi hunsera thanghai chun mithihai memorial siteah par an inhlan tawl. Gauhati High Court chun sunna hunser hi zing dar 7 a inthawk zantieng dar 3 chena nei thei dingin phalna a pek a nih.
Cheiraoba Gift sem a nih
IMPHAL: Parliamentary Secretary (Tourism & YAS) le Moirang A/C MLA M. Prithviraj Singh inrawina hnuoiah zanikhan Moirang Block Congress Committee chun Moirang A/C sunga um kum 60 le a chungtieng mihai kuomah Cheiraoba Gift an sem. Cheiraoba Gift hi April 10, 2016 a sem tan a ni a, mi 200 chuonghai kuomah Gift hi sem a ni a, Phubala, Naransena, Sunisiphai, Thamnapokpi, Nangkho Lawai, Tronglaobi, Kwakta Meitei Leikai, Kwakta Moirang Turel Mapal, Sandong le Moirang Municipal Council huop sunghai gift semna hin a huopsa vawng.
Thuoihmanga um mi 3 hai dama sansuok
IMPHAL: Zani hmasa khan Thoubal districta Lilong Ngangou area hmuna inthawk tu ti hrietlo han pasal pathum hai chu an thuoihmang a, sienkhawm thuoihmanga an uma inthawk darkar 2 hnungin Anjuman Islahi Muahshra (AIM) volunteers le tuolsung mi han dam le himin an sansuok nawk. Mi thuoihmangtua intum pahni Md. Musha (28) le Md. Tomba (35) hai chu man an ni a, pakhat dang Md. Saddam (20) ruok chu man hman lovin a tlanhmang hmang hman.
CPI Maoist cadre 61 an inpe
RAIPUR: Zanikhan nuhmei 7 thangsain CPI Maoist cadres 61 hai chu Jagdalpur District Headquarters, Chhattisgarhah Senior Polcie le Se nior Civil Administrative officials hai hmaah an inpe. Inpe hai lai hin Regional Committee Supply member le luman Rs. 3,00,000 nei Phulo Madkami le luman Rs. 1,00,000 nei Jibo Kawadi hai an thang niin R.N. Dash, SP, Baster District chun a hril.
Mizorama khawm mi 1 a thi belsa nawk
AIZAWL: Mamit Bazar veng, Mizorama Pa hme leia damnaw, Civil Hospital, Aizawla enkawla um mekhai laia pakhat, Saihmingthanga (12) chu zani 1:40PM vel khan a thi nawk leiin Pa hme leia sungkuo pakhata thina tuok chu 5 an tling tah. Tuhin Civil Hospital, Aizawlah Miriam Lalremruati (3) le V.L. Hriata (20) hai chu uluk taka enkawl mek an la nih.
Odishaah boruok lum leiin mi 24 an thi tah
BHUBANESWAR: Odisha hmuna chun tuchena hin nisa/boruok lum taluo tuorzo lova thi mi 24 an tling ta niin Special Relief Commissioners office thusuok chun a hril. Odisha state sunga hmun 19 haia boruok lumna chu 40 degree Celsius chuong an ni tawl. Titilagarh chu a lumna tak niin 44.5 degree Celsius a tling phak. Andhra Pradesh le Telangana haia khawm tukum sung hin khawlum tuorzo naw leiin mi 111 zetin thina an tuok ta bawk a nih.
Shillonga St. Peter’s School meiin a kang
SHILLONG: Zani zingkar inhmatak khan Meghalayaa Shillong khawpuia St. Peter’s Higher Secondary Schoola inthawk kangmei nasa tak a suok a, school in thinga bawl le thil tam tak a kangsiet. Kangmei suok hun hi zani zingkar dar 4 vel kha nia hril a ni a, electric short circuit leia kangmei hi suok ni dinga ring a ni a, Gas cylinder a puokdar bawk leiin kangmei suok hi a hrat hle nia hril a nih. Vangnei thlak takin kangmei suok huna school sunga um hai chu a hnung tienga inthawk dam le himin an suok vawng a, thi le hliemna tuok an um nawh. Kangmei theltu motors 3 han darkar khat sung deuthaw an bei hnungin kangmei suok hi an thelmit. School in a kang hi kum 75 zeta upa a ni tah.
Naga helpawl 19 in NSCN(IM) an zawm
DIMAPUR: Naga helpawl group tum tuma mi 19 hai chun NSCN (IM) an zawm thar. April 12, 2016 khan Dimapurah lawmlutna hunser nei a nih tiin Ministry of Information & Publicity (MIP), NSCN(IM) thusuok chun a hril. NSCN(IM) zawmhai lai hin NNC, GPRN/NSCN, NNCNA le NSCN(K) cadre a mi hai an thang niin MIP, NSCN(IM) press release chun a hril.
Prince William le Kate Middleton han KNP an fangkuol
KAZIRANGA: India rama cham mek Britain Prince William le Princess Kate Middleton (Duke and Duchess of Cambridge) hai chun zanikhan Assama Kaziranga National Park an sir a, Jeep safari a chuongin security vengna hnuoiah KNP sunga Bagori range an fangkuol. Samak, Sakhi le ramsa dang dang an hmu thu Park an fangkuol zo hnunga an hung suok huna anni lo nghaktu Journalist hai kuoma an hril. Prince William le Kate hai hin Samak le Sakei umna Dunga le Rowmari Forest camp khawm an va fe bakah Bimoli campah sunbu fain KNP official hai inhmupuiin Samak le Sai hai nun dan hai an indawn.
Kaziranga National park hmuna hin Kaziranga Information Centre tuolah Principal Conservator of Forest O.P. Pandey le Additional PCCF NK Yadav han an lo lawmlut.
NIA officer Tanzil nuhmei a thi ve tah
LUCKNOW: April 3, 2016 nia Uttar Pradesha Bijnor hmuna kap hlum NIA officer Tanzil Ahmed nuhmei Farzana Khatoon chu zani zingkar khan enkawla a umna hospitalah damzo lovin a thi ve. Tanzil Ahmed le a sunghai hi an sunghai molawmnaa va thang an hung kir tienga tu ti hrietlo silai chawi han an chuongna motor silaia an kap hrut leia Tanzil Ahmed kha thi niin a nuhmei khawm kha huna kap hliem a nih.
Pakistan mi Rajasthanah hrentang
BIKANER: Rajasthana Bikaner division, India le Pakistan inrina hmuna chun BSF han dan lova India ram sunga hung lut Pakistan mi Gafur Bhatti (44) chu manin an hrentang. Gafur Bhatti hi Pakistana Malarahmaniyan village a cheng a nih, thu indawnna an nei hnungin BSF chun Police kutah an inhlan.
Amit Shah Secretary nia inhril man
NEW DELHI: BJP National President Amit Shah secretary nia inhrila party workers hai post pawimaw pe dinga inhrila pawisa lapek tumtu, Amit Shah a secretary hming ang thanga hming dang dang nei Kuldeep Yadav chu man a nih. Mr Kuldeep Yadav hin a bik takin Hindi tawng thiem innal lo Northeast a BJP workers hai a man tlangpui a, an state unit a Office bearers ngirhmuna sie ding tia hlemin, pawisa a ngen hlak niin BJP thusuok chun a hril. Nagalanda inthawk pasal pahni Delhia BJP headquartersa ama inhmupui dinga an zu fe huna hi thil hi hrietsuok le mana hung um a nih. BJP headquarters a rooms thenkhata chun a hlem tum hai meeting khawm a neipui hlak nia hril a nih.
Cabinet in UAE le agreement ziek an remti
NEW DELHI: Prime Minister Narendra Modi inrawinaa Union Cabinet chun Human Trafficking dona tiengpanga thawtlang dingin United Arab Emirates (UAE) leh agreement ziek dingin an remtih. Chun, Wildlife crime tiengpang humhaltu pawl South Asia Wildlife Enforcement Network (SAWEN)a member ni ve dinga rawtna chu an pawm bawk Union Cabinet meeting hin April 10, 2016 nia Keralaa Puttingal Templea kangmei suok leia thi hai sunna in totawkin minutes 2 sung hun an hmang bawk.
Rs. 1,40,000 a neitu kuomah a pekkir
KENDRAPARA: Odisha state a Kendrapara district sunga Derabish an ti hmuna cheng Ananada Prasana Ojha (26) chun lamlien lai pawisa bag a hmu a, a sungah Rs. 1,40,000 zet a lo um leiin a neitu a zawng char char a, a tawpah hmuin pawisa hi kim takin zani hmasa khan a neitu Shatrughna Moharana of Niali, Cuttack district kuomah a pekkir nawk. Pawisa neitu hin a pawisa bag sungah a phone number ziekna lekhate a lo sie a, chu taka inthawk pawisa neitu indik tak hi a hmusuok thei a nih. Ojha hi Cuttacka Cement company pakhata Engineer sinthaw, thla khata Rs. 22,000 hlaw, pa indik le ringum takel a nih. Ojha hi a ringumna le an dikna leiin a khaw mi han inkhawm buotsaiin mipui hmaah chawimawina hun an hmang.
Pa faksuol leia thi mi 5 an tling tah
SHILLONG: East Khasi Hills, Meghalayaa Pa (Mushroom) faksuol leia hospitala enkawl hai laia pakhat Synsharlang Dewkhaid chu a thi belsa nawk leiin hi Pa faksuol leia thina tuok chu 5 an tling tah. Pa hi April 7, 2016 nia kha hmea suonga an fak a ni a, a zing zingkara inthawka damnaw tan an nih. Pa fak lei hin April 11, 2016 khan Darisda Rapthap (43) le Iainehskhem Rapthap (9) hai an thi a, April 9, 2016 khan kum khat mi a thi a, April 10, 2016 khan Ioki Dewkhaid hai an lo thi ta bawk a nih.
BSF han Heroin 1.9 kg an dapdawk
AMRITSAR: Zani hmasa khan India le Pakistan inrina zul, Amritsar sector, Punjab huop sunga Mohinder Border out post a BSF duty han dappui an thawnaah heroin 1.9 kg an dapdawk. Heroin hi fun pahnia inthun a ni a, international market rateah Rs. 9.50 lakh manhu vel a nih tiin R.S. Katariya, DIG, BSF Punjab Frontier chun a hril.
VAWISUN THUPUI
Lalpa thuhai hi thu inthieng tak a na, Tangka hnuoi chunga rawtuina meia fieh a, vawi sari sukthieng ta hnung ang hi a nih. Sam 12:6
Editorial: BPL le Manipur
“BPL” tia ei hrietlar em em el, Below Poverty Line hi mi retheiah khawm a rethei zuol tak tak, khawsak harsa em em, nitina fakfawm zawnga inhlawfa el khawm nilo, ni khatah bu vawikhat fak ding khawm hmu mumal lo hai sawmdawlna ding a sawrkar thlungpuiin an duong a nih. Tuhin India ramah BPL sungkuo mi nuoi 4,072.2 chuong lai an um mek a nih. India ram state dang dang, a bikin Vai ram ei ti haia BPL sungkuo (BPL family) a inzieklut hai hi chu BPL awm hlie hlie an ni ngei ring a um. Amiruokchu, ei ni lai ruok chun BPL familya inzieklut hai lai hin sawrkarin BPL nia a ngai lo, Section 10 of National Food Security Ordinance 2013 in guidelines or category a siem sunga mi ni lo tam takel BPL family a inzieklut ei um niin an lang. Hi thil hi thil indik le tha a ni ding am ti hi chik taka ei ngaituo nuom a um hle.
District Supply Officer (DSO), Churachandpur chun National Food Security Ordinance 2013 dungzuia BPL hnuoia hamthatna dawng thei dinghai (inclusion criteria) le a huomsa ve lo hai (exclusion criteria) April 11, 2016 khan an suo a. Kha taka inthawk khan BPL scheme hnuoia hamthatna dawng thei dinghai chu chieng taka h riet thei a nih. Mi thenkhat chu ei hriet naw lei le mawl leia BPL familya lo inzieklut um an ta, sienkhawm a tamlem hai hi chu hrie saa BPL familya inzieklut ei ni ring a um. Hi thil hi ei la puitling tawk naw lei le khel hril ei pawiti naw lei a ni el thei. Pathien thuawi le piengthar tahai ta ding chun thaw chi niin an lang nawh.
Vai rama um (Chennai) ka ruolpa pakhat chun hiengang hin a h ril, “Chennaia chun BPL sungkuo hai hin mi lai ka ngaidan chun” tia hril ve ringawt an ngam naw a, an remti naw a, an hril ve a thieng naw a ni deu tak, an rethei tlawk tlawk a nih” a tih. Manipur leh chun inpersan tak ei nih. Ei ni lai ruok hin chu BPL sungkuohai hi ruol pawl ni khuo le puipungna hmuna khawm a tawng thei lem lem an nih. Hi taka inthawk hin ei ngaituona le ei hrietna hi a tlawm a, inphalamna ding, inzakna ding le inzaknawna ding thil ei la hriettawk naw hle ti a chieng em em el a nih. Mihai chun an nina an hrietchieng a, mi laia um dan le tawng dan chintawk an hrietin an thiem hlak.
Manipur a hin chu BPL sungkuo ni hi inzakumah ei ngai nawh. Hi hi BPL nina tak ei hriet chieng tawk naw lei khawm a lo ni el thei. Hi lei hin BPL umzie le a nina tak hi hriet chieng dinga tha a nih. BPL familyhai ta ding hin sawrkarah a thlawna dawng le hmu thei ang chi dam, BPL ni ve lo hai neka tlawm lema inchawk thei le fee thenkhat chawi tlawm lem ngaina lai dam a um hlak. Chuhai leia BPL family ni nuoma ei inlap rak rak le inchu tak meuin ei inchu a, BPL family Card nei ngei tuma hma ei lak sup sup niin an lang. Mi thenkhat nawk thung chun politics inkhelna hmangruoin an hmang a, an pawla lut dinga thlem thluk khawm an nei niin an lang.
Vai rama BPL familyhai chu in le lo nei lo chu hril lova hmang, ni khatah vawikhat bu khawp tawka fak ding khawm hmuzo lo an ni laiin; Manipur a chun khawsa thei ve tak tak, In le lo nei dam ei ni tawl nuk a, thenkhat Computer, TV, Washing Machine, Refrigerator, Two wheeler el ni lo, four wheeler, heavy vehicle, Cell phone manto tak tak le thil hlu chi tum tum neihai chu BPL familyah ei inzieklut a nih. BPL Guidelines indik tak anga inkhi ni inla chu Manipur a hin BPL sungkuo hi tuta ang zat em em hi chu ei ni ring a um nawh.
State thenkhatah BPL sungkuo an tlawm tiel tiel laiin Manipur a chun ei pung tul tul niin an l ang. Union Minister of State for Planning, Rajeev Shukla chun, India rama BPL family pungna state hai chu Manipur, Assam, Mizoram, Bihar, Chhattisgarh, Delhi, Uttar Pradesh le Meghalaya hai niin Parliament Session ah a hril. BPL family tamna le pungna state hai laia ei thang hi chu thil lawmum a ni fahran nawh. NE biela chun Tripura le Arunchal Pradesh hai chu BPL tlawm tingpanga thang ve phak an ni a, inhnar an um a, tluk lo rim an innam a nih. Hiengang hi BPL chungthua ei state ngirhmun a ni leiin ei lungril ngaituona thlakthleng a, BPL tlawm tiel tielna state a thang ve thei dinga hma ei lak nuom a um hle.
CCPUR: Emmanuel Hospital Association (EHA) le Action for Women and Child Advancement hai thangruola huoihawtnain zani 10:00AM khan N. Lamka EBC Dorcas Golden Jubilee Guest House Auditoriumah “Two Days Awareness training on Human Trafficking” Rev Stephen Chinzathang, Executive Secy. ZPCS in a hawng. Technical session huna Anesimus Narzary, Project Officer, EHA chun Human Trafficking ti thupui hmangin thu a hril a, Legal tiengpangah Christina Mochahari, Dy. Director, EHA le Y.K. Lucy, Project Officer, EHA han an inchuktir. Vawisun 10AM hin sunzawm nawk ning a ta, group discussion le presentation um a tih.
Pa faksuol leia damnaw a thi belsa nawk
CCPUR: Parvachawm, Tipaimukh SubDivision, CCPur district, Manipura sungkuo pakhat han Pa hmea sunga an fak leia unau pahni an thi hnungin Obedia (13) s/o Benjoy Hrangchal chu damzo loin zanikhan a thi nawk niin ei thu dawngna chun a hril. April 9, 2016 khan a sangnu Ms Lalnipui (9) le April 10, 2016 khan a sangnu Vaninmawi (6) hai an lo thi ta bawk a nih. Tuhin a nuhmei khawm enkawl mek a ni a, that tieng nekin a ngirhmun a khir deu deu niin ei thu dawngna chun a hril. Benjoy le a naupasal pakhat hai chu ram rieka an fe leiin Pa hi an hme ve naw a nih.
HPO -‘Hmarram Kohran Inzawmkhawm’tia thlakthleng
CCPUR: March 2931, 2016 inkar sunga Hmarbiel Pastor Organisation (HPO) thuoitu thar thlangna le Seminar neia um a chun Hmarrama Kohran dang danga inthawkin palai 180 chuong an fekhawm a, hi huna fe khawm hai chun resolution 7 an siem. Resolution an siem hai lai chun, Hmarbiel Pastor Organisation (HPO) huop lien le hrat lema a fe theina dingin “Hmarram Kohran Inzawmkhawm” tia thlakthleng ding; HPO in a dande anga Rev. Hrangchunghnung in byelaw a siem enfelna nei a ni hnungin inprinciple a pawm phawt le siemthat tul hai unit tinin an entlang hnunga general body meetinga ennawn ding; MLA election huna mitinin vote indik le thienghlim taka an thlak seng theina dinga Hmarram Kohran inzawmkhawm in hma lasien, hmalak dan ding OB/Gen. Body in a siem ding; Naupang chawmna le Kohran school teacher insawrtuona thuah Pawla thang dina inzawrnaa hmang ni tanaw sien; Hnam sipaihai hmalakna ennawn le thurawn pek nisien; Hmarram Kohran Inzawmkhawm hmingin Hmar Inpui GHQ ah intlun nisienla; HI GHQ thuoituhai hmalakna hnuoia thurawn tha pek nisien ti hai a thang.
Chun, Kum 2016 Action plan phursuok dingin Civil Right ei nei le inmila Transport and Communication thatâwk ei nei theina ding le Sawrkar thawktu mani post a umlo hai an um ngei theina dinga sitinprotest/public rally nei; Social evils hieng inruithei le pornography dodâlna; Sawrkar le khawtlang thuomhnaw vênghimna/humhal; Suol thupha châwina dingin Pastor hai le upahai in khuo fangna nei ding le bunghei tawngtaina nei nisien ti hai a nih.
Kum 201618 sunga Inzawmkhawm thuoitu dingin a hnuoia hai hi thlang an nih. Chairman : Rev. Hranchunghnung; Vice Chairman: Rev. Lalrohlu; Secretary: Rev. Chawngrosiem; Asst. Secretary: Rev. John Vanlalsan; Secretary Finance : Rev. Lalruotsang; Treasurer : Rev. Lalnghillo; Secretaries; Social – Media, Networking and Information: Mr. Lalnunthang Songate; Mr. LRS Puruolte; Mr. Alan Famhoite; Mr Vanlallien Pulamte hai an thlang.
HPO seminar a hin resourse person Rev. HuolthangseiThiek (EAC), Rev. Lalneikhup Hmar (ICI), Rev. Saithanglur Joute (RPCNEI), Rev. Tlanghmingthang (Methodist), Pu Francis Songate (HI G/Secy), Pu Laldawnlien Varte (HYA G/President), bakah LRS Puruolte (Media), Pu Alan Famhoite (Media), Lalnunthang Songate (Secy. Info.& Media, HPO) hai khawm an thang. Lalnunthang Songate
Office hai an chawl
CCPUR: Zanikha Meitei hai ta dinga ni pawimaw Cheiraoba festival a ni leiin state holiday a ni a, hi lei hin CCPur district sunga Govt. Office, Institutions le Banks hai bakah private schools thenkhat hai khawm an inkhar tawl.
Vuongna in Aizawl pan a tih
CCPUR: Lelte Chibil Award dawng ve dinga thlang Hmar Artiste Assn. member Mr Joseph Pakhuongte chu Hmar Artiste Association hmalakna hnuoiah vawisun hin Imphal Airporta inthawk Vuongna in Aizawl pan a tih tiin HAA President a inthawk ei thu dawngna chun a hril.
Tuilawng an siemtha
CCPUR: Khuga Dam a inthawka tui lakna tuilawng (pipe) DI pipe phuma um Sielmat lamthuom le Bijang leilak bul haia putsuok (leak) hlak hai siemthatna sin zanikhan PHE CCPur Divsion in an sunzawm a, a sietna hai zanikhan an siem zo tah niin ei thu dawngna chun a hril.
Myanmar rama intan simkhawlei inhning in India ram hmun tum tum a sawi;
Keithel market thangin Manipurah thil thenkhat a suksiet nuol
YANGON/IMPHAL: April 13, 2016, 7:25PM vel khan Myanmar khawpui Naypyidaw a inthawk km. 396 a hla hmartiengpangah Simkhawlei richter scale 6.8 a hratin an hning a, Manipur thangin India hmarsakbiel states hai le India ram hmun tum tum hai a sawihning sa. Simkhawlei hung inhning tanna hi Myanmar khawpui Naypyidaw a inthawk km. 396 a hla, Churachandpur District, Manipur (India) le Myanmar ramri bul Saigaing Divisiona Mawlaik hmun niin ei thu dawngna chun a hril. Simkhawlei inhning hrat dan hi US Geological Survey (USGS) chun 6.9 magnitude niin a hril a, Germany’s Research Centre for Geosciences chun richter scale 7.1 a hrat niin a hril ve thung
Simkhawlei inhning hi Manipurah Churachandpur District a khawm a hrat ve hle a, mipui hai chu inlauin an insung haia inthawk tuolah an thlansuok tawl a, lampuia motor tlan hai khawm an chawl thup. Thil thenkhat a suksiet nuol ti naw chu hi thu ei sut chena hin mihriem thi le hliemna tuok an um thu hriet a ni nawh. Moirang hmuna insunga kailawn thenkhat a sukchim a, Lamphel Police outpost a sukchim bakah Khwairamband bazaar Ima Keithel building khawm a sukchim nawk met niin ei thu dawngna chun a hril. Ima Keithel building hin January 4, 2016a simkhawlei richter scale 6.8 a hratin a sawi huna a lo sawichim met ta hnung a nih. Zani zingkar 9:26 AM khawm khan Imphal le a sevel hi richter scale 4.6 a hrat in a lo sawi nia hril a nih
Simkhawlei inhning hin Assam, Meghalaya, Mizoram, Nagaland, West Bengal, Jharkhand, Bihar le Delhi NCR hai khawm a sawihning bakah Odisha, Uttar Pradesh, Madhya Pradesh le Chhattisgarh hai khawm a sawihning sa niin J.L. Gautam, Operation Head, National Centre for Seismology chun a hril. Simkhawlei inhning zo hin West Bengala chun Metro services hai khawm minute 5 sung vel sukchawl pha an nih.
Assama Guwahati khawpui a chun building thenkhat a sawikak a hril a nih. India hmarsakbiel hi Indai rama Simkhawlei inhning tamna Seismological map Zone V huop sunga um a nih. January 4, 2016 nia Simkhawlei inhning richter scale 6.7 a hratin a sawi tum khan mi 9 lai zetin thina an tuok bakah In le thil tam tak a suksiet a nih.
PLA cadres thihai sunna an nei
IMPHAL: April 13, 1982 a Security Forces han PLA cadres 9 an kap hlum hai sunna zanikhan Cheiraoching Memorial site le Kodompokpi, Imphal West District hmun haiah Families Committee for Observation of 13th April huoihawtnaa nei a nih. Hi hunsera thanghai chun mithihai memorial siteah par an inhlan tawl. Gauhati High Court chun sunna hunser hi zing dar 7 a inthawk zantieng dar 3 chena nei thei dingin phalna a pek a nih.
Cheiraoba Gift sem a nih
IMPHAL: Parliamentary Secretary (Tourism & YAS) le Moirang A/C MLA M. Prithviraj Singh inrawina hnuoiah zanikhan Moirang Block Congress Committee chun Moirang A/C sunga um kum 60 le a chungtieng mihai kuomah Cheiraoba Gift an sem. Cheiraoba Gift hi April 10, 2016 a sem tan a ni a, mi 200 chuonghai kuomah Gift hi sem a ni a, Phubala, Naransena, Sunisiphai, Thamnapokpi, Nangkho Lawai, Tronglaobi, Kwakta Meitei Leikai, Kwakta Moirang Turel Mapal, Sandong le Moirang Municipal Council huop sunghai gift semna hin a huopsa vawng.
Thuoihmanga um mi 3 hai dama sansuok
IMPHAL: Zani hmasa khan Thoubal districta Lilong Ngangou area hmuna inthawk tu ti hrietlo han pasal pathum hai chu an thuoihmang a, sienkhawm thuoihmanga an uma inthawk darkar 2 hnungin Anjuman Islahi Muahshra (AIM) volunteers le tuolsung mi han dam le himin an sansuok nawk. Mi thuoihmangtua intum pahni Md. Musha (28) le Md. Tomba (35) hai chu man an ni a, pakhat dang Md. Saddam (20) ruok chu man hman lovin a tlanhmang hmang hman.
CPI Maoist cadre 61 an inpe
RAIPUR: Zanikhan nuhmei 7 thangsain CPI Maoist cadres 61 hai chu Jagdalpur District Headquarters, Chhattisgarhah Senior Polcie le Se nior Civil Administrative officials hai hmaah an inpe. Inpe hai lai hin Regional Committee Supply member le luman Rs. 3,00,000 nei Phulo Madkami le luman Rs. 1,00,000 nei Jibo Kawadi hai an thang niin R.N. Dash, SP, Baster District chun a hril.
Mizorama khawm mi 1 a thi belsa nawk
AIZAWL: Mamit Bazar veng, Mizorama Pa hme leia damnaw, Civil Hospital, Aizawla enkawla um mekhai laia pakhat, Saihmingthanga (12) chu zani 1:40PM vel khan a thi nawk leiin Pa hme leia sungkuo pakhata thina tuok chu 5 an tling tah. Tuhin Civil Hospital, Aizawlah Miriam Lalremruati (3) le V.L. Hriata (20) hai chu uluk taka enkawl mek an la nih.
Odishaah boruok lum leiin mi 24 an thi tah
BHUBANESWAR: Odisha hmuna chun tuchena hin nisa/boruok lum taluo tuorzo lova thi mi 24 an tling ta niin Special Relief Commissioners office thusuok chun a hril. Odisha state sunga hmun 19 haia boruok lumna chu 40 degree Celsius chuong an ni tawl. Titilagarh chu a lumna tak niin 44.5 degree Celsius a tling phak. Andhra Pradesh le Telangana haia khawm tukum sung hin khawlum tuorzo naw leiin mi 111 zetin thina an tuok ta bawk a nih.
Shillonga St. Peter’s School meiin a kang
SHILLONG: Zani zingkar inhmatak khan Meghalayaa Shillong khawpuia St. Peter’s Higher Secondary Schoola inthawk kangmei nasa tak a suok a, school in thinga bawl le thil tam tak a kangsiet. Kangmei suok hun hi zani zingkar dar 4 vel kha nia hril a ni a, electric short circuit leia kangmei hi suok ni dinga ring a ni a, Gas cylinder a puokdar bawk leiin kangmei suok hi a hrat hle nia hril a nih. Vangnei thlak takin kangmei suok huna school sunga um hai chu a hnung tienga inthawk dam le himin an suok vawng a, thi le hliemna tuok an um nawh. Kangmei theltu motors 3 han darkar khat sung deuthaw an bei hnungin kangmei suok hi an thelmit. School in a kang hi kum 75 zeta upa a ni tah.
Naga helpawl 19 in NSCN(IM) an zawm
DIMAPUR: Naga helpawl group tum tuma mi 19 hai chun NSCN (IM) an zawm thar. April 12, 2016 khan Dimapurah lawmlutna hunser nei a nih tiin Ministry of Information & Publicity (MIP), NSCN(IM) thusuok chun a hril. NSCN(IM) zawmhai lai hin NNC, GPRN/NSCN, NNCNA le NSCN(K) cadre a mi hai an thang niin MIP, NSCN(IM) press release chun a hril.
Prince William le Kate Middleton han KNP an fangkuol
KAZIRANGA: India rama cham mek Britain Prince William le Princess Kate Middleton (Duke and Duchess of Cambridge) hai chun zanikhan Assama Kaziranga National Park an sir a, Jeep safari a chuongin security vengna hnuoiah KNP sunga Bagori range an fangkuol. Samak, Sakhi le ramsa dang dang an hmu thu Park an fangkuol zo hnunga an hung suok huna anni lo nghaktu Journalist hai kuoma an hril. Prince William le Kate hai hin Samak le Sakei umna Dunga le Rowmari Forest camp khawm an va fe bakah Bimoli campah sunbu fain KNP official hai inhmupuiin Samak le Sai hai nun dan hai an indawn.
Kaziranga National park hmuna hin Kaziranga Information Centre tuolah Principal Conservator of Forest O.P. Pandey le Additional PCCF NK Yadav han an lo lawmlut.
NIA officer Tanzil nuhmei a thi ve tah
LUCKNOW: April 3, 2016 nia Uttar Pradesha Bijnor hmuna kap hlum NIA officer Tanzil Ahmed nuhmei Farzana Khatoon chu zani zingkar khan enkawla a umna hospitalah damzo lovin a thi ve. Tanzil Ahmed le a sunghai hi an sunghai molawmnaa va thang an hung kir tienga tu ti hrietlo silai chawi han an chuongna motor silaia an kap hrut leia Tanzil Ahmed kha thi niin a nuhmei khawm kha huna kap hliem a nih.
Pakistan mi Rajasthanah hrentang
BIKANER: Rajasthana Bikaner division, India le Pakistan inrina hmuna chun BSF han dan lova India ram sunga hung lut Pakistan mi Gafur Bhatti (44) chu manin an hrentang. Gafur Bhatti hi Pakistana Malarahmaniyan village a cheng a nih, thu indawnna an nei hnungin BSF chun Police kutah an inhlan.
Amit Shah Secretary nia inhril man
NEW DELHI: BJP National President Amit Shah secretary nia inhrila party workers hai post pawimaw pe dinga inhrila pawisa lapek tumtu, Amit Shah a secretary hming ang thanga hming dang dang nei Kuldeep Yadav chu man a nih. Mr Kuldeep Yadav hin a bik takin Hindi tawng thiem innal lo Northeast a BJP workers hai a man tlangpui a, an state unit a Office bearers ngirhmuna sie ding tia hlemin, pawisa a ngen hlak niin BJP thusuok chun a hril. Nagalanda inthawk pasal pahni Delhia BJP headquartersa ama inhmupui dinga an zu fe huna hi thil hi hrietsuok le mana hung um a nih. BJP headquarters a rooms thenkhata chun a hlem tum hai meeting khawm a neipui hlak nia hril a nih.
Cabinet in UAE le agreement ziek an remti
NEW DELHI: Prime Minister Narendra Modi inrawinaa Union Cabinet chun Human Trafficking dona tiengpanga thawtlang dingin United Arab Emirates (UAE) leh agreement ziek dingin an remtih. Chun, Wildlife crime tiengpang humhaltu pawl South Asia Wildlife Enforcement Network (SAWEN)a member ni ve dinga rawtna chu an pawm bawk Union Cabinet meeting hin April 10, 2016 nia Keralaa Puttingal Templea kangmei suok leia thi hai sunna in totawkin minutes 2 sung hun an hmang bawk.
Rs. 1,40,000 a neitu kuomah a pekkir
KENDRAPARA: Odisha state a Kendrapara district sunga Derabish an ti hmuna cheng Ananada Prasana Ojha (26) chun lamlien lai pawisa bag a hmu a, a sungah Rs. 1,40,000 zet a lo um leiin a neitu a zawng char char a, a tawpah hmuin pawisa hi kim takin zani hmasa khan a neitu Shatrughna Moharana of Niali, Cuttack district kuomah a pekkir nawk. Pawisa neitu hin a pawisa bag sungah a phone number ziekna lekhate a lo sie a, chu taka inthawk pawisa neitu indik tak hi a hmusuok thei a nih. Ojha hi Cuttacka Cement company pakhata Engineer sinthaw, thla khata Rs. 22,000 hlaw, pa indik le ringum takel a nih. Ojha hi a ringumna le an dikna leiin a khaw mi han inkhawm buotsaiin mipui hmaah chawimawina hun an hmang.
Pa faksuol leia thi mi 5 an tling tah
SHILLONG: East Khasi Hills, Meghalayaa Pa (Mushroom) faksuol leia hospitala enkawl hai laia pakhat Synsharlang Dewkhaid chu a thi belsa nawk leiin hi Pa faksuol leia thina tuok chu 5 an tling tah. Pa hi April 7, 2016 nia kha hmea suonga an fak a ni a, a zing zingkara inthawka damnaw tan an nih. Pa fak lei hin April 11, 2016 khan Darisda Rapthap (43) le Iainehskhem Rapthap (9) hai an thi a, April 9, 2016 khan kum khat mi a thi a, April 10, 2016 khan Ioki Dewkhaid hai an lo thi ta bawk a nih.
BSF han Heroin 1.9 kg an dapdawk
AMRITSAR: Zani hmasa khan India le Pakistan inrina zul, Amritsar sector, Punjab huop sunga Mohinder Border out post a BSF duty han dappui an thawnaah heroin 1.9 kg an dapdawk. Heroin hi fun pahnia inthun a ni a, international market rateah Rs. 9.50 lakh manhu vel a nih tiin R.S. Katariya, DIG, BSF Punjab Frontier chun a hril.
VAWISUN THUPUI
Lalpa thuhai hi thu inthieng tak a na, Tangka hnuoi chunga rawtuina meia fieh a, vawi sari sukthieng ta hnung ang hi a nih. Sam 12:6
Editorial: BPL le Manipur
“BPL” tia ei hrietlar em em el, Below Poverty Line hi mi retheiah khawm a rethei zuol tak tak, khawsak harsa em em, nitina fakfawm zawnga inhlawfa el khawm nilo, ni khatah bu vawikhat fak ding khawm hmu mumal lo hai sawmdawlna ding a sawrkar thlungpuiin an duong a nih. Tuhin India ramah BPL sungkuo mi nuoi 4,072.2 chuong lai an um mek a nih. India ram state dang dang, a bikin Vai ram ei ti haia BPL sungkuo (BPL family) a inzieklut hai hi chu BPL awm hlie hlie an ni ngei ring a um. Amiruokchu, ei ni lai ruok chun BPL familya inzieklut hai lai hin sawrkarin BPL nia a ngai lo, Section 10 of National Food Security Ordinance 2013 in guidelines or category a siem sunga mi ni lo tam takel BPL family a inzieklut ei um niin an lang. Hi thil hi thil indik le tha a ni ding am ti hi chik taka ei ngaituo nuom a um hle.
District Supply Officer (DSO), Churachandpur chun National Food Security Ordinance 2013 dungzuia BPL hnuoia hamthatna dawng thei dinghai (inclusion criteria) le a huomsa ve lo hai (exclusion criteria) April 11, 2016 khan an suo a. Kha taka inthawk khan BPL scheme hnuoia hamthatna dawng thei dinghai chu chieng taka h riet thei a nih. Mi thenkhat chu ei hriet naw lei le mawl leia BPL familya lo inzieklut um an ta, sienkhawm a tamlem hai hi chu hrie saa BPL familya inzieklut ei ni ring a um. Hi thil hi ei la puitling tawk naw lei le khel hril ei pawiti naw lei a ni el thei. Pathien thuawi le piengthar tahai ta ding chun thaw chi niin an lang nawh.
Vai rama um (Chennai) ka ruolpa pakhat chun hiengang hin a h ril, “Chennaia chun BPL sungkuo hai hin mi lai ka ngaidan chun” tia hril ve ringawt an ngam naw a, an remti naw a, an hril ve a thieng naw a ni deu tak, an rethei tlawk tlawk a nih” a tih. Manipur leh chun inpersan tak ei nih. Ei ni lai ruok hin chu BPL sungkuohai hi ruol pawl ni khuo le puipungna hmuna khawm a tawng thei lem lem an nih. Hi taka inthawk hin ei ngaituona le ei hrietna hi a tlawm a, inphalamna ding, inzakna ding le inzaknawna ding thil ei la hriettawk naw hle ti a chieng em em el a nih. Mihai chun an nina an hrietchieng a, mi laia um dan le tawng dan chintawk an hrietin an thiem hlak.
Manipur a hin chu BPL sungkuo ni hi inzakumah ei ngai nawh. Hi hi BPL nina tak ei hriet chieng tawk naw lei khawm a lo ni el thei. Hi lei hin BPL umzie le a nina tak hi hriet chieng dinga tha a nih. BPL familyhai ta ding hin sawrkarah a thlawna dawng le hmu thei ang chi dam, BPL ni ve lo hai neka tlawm lema inchawk thei le fee thenkhat chawi tlawm lem ngaina lai dam a um hlak. Chuhai leia BPL family ni nuoma ei inlap rak rak le inchu tak meuin ei inchu a, BPL family Card nei ngei tuma hma ei lak sup sup niin an lang. Mi thenkhat nawk thung chun politics inkhelna hmangruoin an hmang a, an pawla lut dinga thlem thluk khawm an nei niin an lang.
Vai rama BPL familyhai chu in le lo nei lo chu hril lova hmang, ni khatah vawikhat bu khawp tawka fak ding khawm hmuzo lo an ni laiin; Manipur a chun khawsa thei ve tak tak, In le lo nei dam ei ni tawl nuk a, thenkhat Computer, TV, Washing Machine, Refrigerator, Two wheeler el ni lo, four wheeler, heavy vehicle, Cell phone manto tak tak le thil hlu chi tum tum neihai chu BPL familyah ei inzieklut a nih. BPL Guidelines indik tak anga inkhi ni inla chu Manipur a hin BPL sungkuo hi tuta ang zat em em hi chu ei ni ring a um nawh.
State thenkhatah BPL sungkuo an tlawm tiel tiel laiin Manipur a chun ei pung tul tul niin an l ang. Union Minister of State for Planning, Rajeev Shukla chun, India rama BPL family pungna state hai chu Manipur, Assam, Mizoram, Bihar, Chhattisgarh, Delhi, Uttar Pradesh le Meghalaya hai niin Parliament Session ah a hril. BPL family tamna le pungna state hai laia ei thang hi chu thil lawmum a ni fahran nawh. NE biela chun Tripura le Arunchal Pradesh hai chu BPL tlawm tingpanga thang ve phak an ni a, inhnar an um a, tluk lo rim an innam a nih. Hiengang hi BPL chungthua ei state ngirhmun a ni leiin ei lungril ngaituona thlakthleng a, BPL tlawm tiel tielna state a thang ve thei dinga hma ei lak nuom a um hle.
