Wheel chair le Trolley 5 seng an sem
CCPUR: SBI, CCPur le SBI Tuibuong Branch chun Corporate Social Responsibility Activity hnuoiah zani 9:30AM khan District Hospitala Conference Hallah Wheelchair le Stretcher Trolley semna an nei a. Mr Lunminthang Haokip, IAS, DC, CCPur khuollienin a thang. Hi huna hin District Hospital, CCPur; Sielmat Christian Hospital & Research Centre le Centre for Community Initiative hai kuomah Wheel Chair 5 le Stretcher Trolley 5 seng khuollienin inhlanna a nei.
Pu Lunminthang Haokip in thu a hrilnaah, SBI in mipui hmakhuo ngainaa Wheel Chair le Stretcher Trolley an semna thuah lawmum a ti thu hrilin, semdawka um wheelchair le Stretcher Trolley hai chu bazara inchawk el ding um lo a ni thu a hril. Hmangruo sema um hai hi Pastor M.T. Khanlal, Local Pastor, EBCC Zenhang Lamka in tawngtainain an hlan.
Khumujamba ah bomb dengpuok a nih
CCPUR: March 31, 2016 (zani) zan dar 7/8 vel khan Khumujamba Meitei leikaia Mr Momocha le a saka Abung hai chengna Inah tu ti hrietlo han Grenade an denghlut a, Momocha chengnaina Grenade denglut hi a puok a, A bung ina denglut ruok chu a puok naw niin ei thu dawngna chun a hril.
Momocha hi New Bazara Ar (Broiler) awrtu nia hril a nih. Bomb puok hlek vuongdar hin insunga thil um tam tak a deng siet. Bomb puok an hriet le inruolin CCPur Police le tuolsung mi han hi thil tlungna hmun hi an pan nghal a, thil umdan an enfel. Bomb puok leia thi le hliemna tuok an um thu hriet a ninaw a, bomb hi tu hai dengpuok am ti hi thu ei sut chena hin hriet a la ni nawh.
Thuro magazine a suok nawk tah
CCPUR: Hmar Literature Society (HLS), CCPur in thla 3 dan peia an suo hlak ‘THURO’ magazine JanuaryMarch, 2016 issue chu a suok nawk tah. CCPur districta chun Ralsun Store, Rengkai, H. Zaneisang building le T.K. Medico, Tiddim Road haia hmu thei ning a tih. A sungah Politics le sakhuona; Phel Phuol le Nel nuol; Hmar Kohran le suol pawlnel; Gun Culture am? Music Culture? ti le thuziek dang dang tiem manhla tak tak tiem ding a um.
UZO GHQ 60th Assembly hmang
CCPUR: Zani 11:00AM khan Zogal Memorial Hall Complex, Zoveng ah UZO GHQ 60th Annual AssemblycumDiamond Jubilee hmang a nih. UZO President Chinlunthang in UZO flag keipharna a nei zovin Jubilee lungdaw hawngna a nei a, Rev. Tualzachin, Sr Exec. Secy. ZPCS in tawngtaina in an hlan.
UZO Vice President le Assembly Speaker Gouzalal Tungnung inrawinain AntiTribal Bills le inzawma martyrs hai sunna hun minute khat sung hun hmang a nih. Rev. Hangpi Manlun, ZPCS chun “Dihtatna in Nam a tawisang hi” (Prov. 14:34) ti thupui hmangun Jubilee thucha a hril. Hnam hmasawnna dinga indikna le ringumna a pawimaw thu, sum le pai thu chau ni lovin power hmangsuol khawm hi corruption a nih tiin a hril.
Presidential thucha ngaithlak a ni bakah Agenda lut hai hriltlang a ni a. AntiTribal Bill 3 hai theitawpa dodal ding; UZO (India & Myanmar) in first joint meeting huna ‘Zo’ le ‘Zou’ angkhata pawm ding, common literature,culture & custom zui ding le flag le constitution thuhmun nei dingin an rel chu pawmpuina nei a ni a. 2017 MLA election huna inthuruol taka thang tlang ding tiin an rel a, UZO 201617budget dingin Rs. 7,90,000/ an pawm.
Inruithei zawrtu mi pahni an man
CCPUR: ZRO/ZRA Drugs Cells chun ni iemanizat liemta sung khan New Bazar le Old Bazar area haia inruithei zawrtu hai an dapnaah Mr Kamhau (25) s/o (L) Thangkhansiam; Niangngiahmoi (23) w/o Khamsuanmung of Zellang Veng le Ginlalzem (32) s/o Thangkholal of Ngathal hai an man a, an kuta inthawk inruthei an man hai zani zantieng khan an raw hmang vawng. Inruithei an man hai lai hin SP mum 100, No. 4 funte 600, Ganja Kg. Chanve; WY mum 50 a thang. Inruithei hai hi Rs. 90,000 vel manhu dinga hisap a nih. Mana um hai hi tha taka thu hril an ni hnungin an inthlasuok nawk. Inruithei dona an fepui pei ding thu le mipui hai thlawp dingin ZRO/ZRA Drugs Cell chun an ngen.
Youth Club Award sem
CCPUR: NYK, CCPur le District Administration hmalaknain March 31, 2016, 11:00AM khan DC Officea BRGF Resource Centreah Block Level Youth Club Award 201516 semna nei a nih.
H. Doungel, Dist. Youth Coordinator, NYK, CCPur chun, National Young Leaders Program (NYLP) hnuoia Block Level Award hi sem a ni thu hrilin hi hun a hlawtling theina dinga hmalatu DC bakah Media le YC leaders hai chungah lawmthu a hril.
DC, CCPur chun, thalai hai ta dingin Ministry of Youth Affairs, Govt. of India in scheme tu m tum an duong a, chuong hamthatna hai hmu theina dinga Youth Clubs hai chu NYK le tha taka thangruol dingin an fui. Thalai hai hunawl hmangna dingin NYK in an khat tawkina programme buotsai hlak sien a nuom thu a hril.
Block Level award hi first hai Rs. 8000/+ Certificates le second hai Rs. 4000/+ Certificate inhlan an nih. Award dawng Youth Club hai chu Sangaikot Blockah Hita Hengjol YC le Sangaikot YC; Singngatah S. Phaiza YC le Singngat Thadou Veng YC; Thanlonah Alpha Multipurpose CS Ltd le Tallian YC; Saikawtah Saikawt YC le Lenruol Duoilo Val FC; Samulamlanah Khoirentak YC le Kulbunb YC; Henglepah Henglep Hqs. YC le Kukimin YC; Tuibuongah M. Songgel YC le Kholunphai YC; Lamka ah N. Lamka YC le s Neihsial Veng YC; Tipaimukhah Parbung YC an nih.
Kolkata-ah Flyover bawl lai mek a chim; mi 18 an thi a, mi 62 an hliem
KOLKATA: Zanikhan Kolkata khawpui lunna lai le mi bubitna lai tak, Bara Bazar hmuna Flyover bawl lai mek chu a chim thut a, Flyover hi hmun hniah an bawng a, hi thu ei sut chena ei thu dawng danin mi 18 a del hlum a, midang 62 in hliemna an tuok niin a hril. Flyover hi 2.2 km. a sei, Garish Park a inthawka Howrah chen tlung dinga bawl, kum 5 lai zet bawl ta niin ei thu dawngna chun a hril.
Flyover chim hin mihriem chau ni lovin Car thangsain inlirthei iemanizat a del siet bawk. Sansuokna sin thaw mek a la ni a, mithi le hliem hi tuta nek hin an la tam el thei nia hril a nih. Sansuokna sin hi Army Columns 4, Medical teams 3, Ambulances 3, tuolsung mi le tuolsung Police hai thangruolin an thaw.
Hi thil tlung huna hin West Bengal CM Mamata Banerjee chu West Midnapore district sunga vote campaigna a um lai a ni a, sienkhawm a ngaipawimaw lein Kolkata a hung pan nghal a, hi Flyover bawltu officials (Construction Company) le thangvena neihai chungah action lak a ni ding thu a hril bakah thina le hliemna tuorhai chu zangnadawmna le thangpuina pek an ni ding thu a hril. Hi dungzui hin West Bengal Chief Secretary Basudeb Banerjee chun thina tuok sunghai kuomah zangnadawmna Rs. 5,00,000 seng, hliem inrikhai kuomah thangpuina Rs. 3,00,000 seng le hliem na lo hai Rs. 1,00,000 seng pek ning an ta, hliem enkawlna man khawm state sawrkarin tum a tih tiin a hril.
Washington khawpui, US a cham mek India PM Narendra Modi chun hi thil tlung hi pawi a ti thu, a thawng natzie, thi sunghai a sunpui thu le hliem hai a tuorpui thu, sansuokna le relief operation thil haiah theitawpa a thangpui ding thu a hung hril. Chun, U nion Home Minister khawmin hi thil tlung in a lung a thawng nasat zie, thina tuok sunghai a sunpui le hliem hai a tuorpui thu a hril.
Student na taka vuok hliem
IMPHAL: March 29, 2016 khan mi 4/5 velin Little Master English School, Samurou a Class X inchuklai H. James, s/o M. Mangang chu an school gate bula inthawk an thuoihmang a, na taka an vuokhliem hnungin Shamurou Kangjeibung Lampak ah an maksan a, Raj Medicity Hospital panpui a nih tiin MSF chun an hril. Hi thil thawtuhai vawisun chena inpe dingin MSF chun deadline an pek.
AR han Community Hall an bawl pek
IMPHAL: 11Assam Rifles han Border Area Development Programme hnuoiah Chandel District sunga Nw Chijang khaw mipui ta ding Community Hall an bawl pek chu zo a ni ta a, zanikhan hi Community Hall hi hawng a nih. Chun, 12Bihar of 9Sector Assam Rifles chun Imphal West District sunga Paubitek Govt. Primary School Cook House an bawl pek khawm zanikhan hawng a nih.
Tek tla leiin Bairabi ah In pakhat a kang
AIZAWL: Zani zantieng dar 3 vel khan Mizorama Bairabi Hmarvenga Pumphir vadung bula Pu Zoliankhuma (Patea) chengna in chu insunga thuomhnaw iengkhawm laksuok hman um lovin a kangral vawng. Zani zantienga ruosur le Tek tla in Electric a dengfuk a, chu taka inthawka kangmei hi suok ni dinga ring a nih. Kangmei suokin In a kang hi Assam type, insawng a ni a, a chung rangva, a bang thingphek a nih. Zoliankhuma hi a naupa le chaua khawsa an nih.
Mizoram Assembly budget session zo
AIZAWL: Mizoram Assembly Budget Session chu zanikhan zo a ni tah. Hi Session hi March 15, 2016 a tan a ni a, Bills 3 kum 201617 sunga Mizoram Budget ding Rs. 8,038.39crore le Supplementary Demands (Current Financial Year) dingin Rs. 1,126.99 crore session sung hin an passed.
Fake Job racket Police han an dapdawk
KOHIMA: State sawrkar hnuoia sin pek ding tia mi hlem hlaktu hai office zani khan Kohima Police han an dap a, nuhmei 4 le pasal 5, an rengin mi 9 an man. Mana um hai laia pakhat, hi thila an hotu taka intum chu Aosenla Chang of New Reserve, Kohima niin Kohima Police thusuok chun a hril. Thu indawnna nei an ni hunah, anni va dawrtu hai kuomah sin latu hai signature inruin fake appoinment Order an pek hlak niin an inpuong. An kuta inthawk Certificates le fake appointment order thangin documents sin hnina (application) tam tak dapdawkin an man bawk.
Mi mana um a dang hai chu Medemyanger, of DiphuparB, Dimapur; Noklomeren Imsong of DiphuparB, Dimapur; Chumukedia mi vawng Yimlei Phom, C. Tiakaba, Kilamzaile @ Azai, Zachano @ Abeni Ngullie, Achila Kapfo hai le Longpochang Ao of Paramedical, Kohima hai an nih. Appointment Order an pek haia inthawk Rs. 2,80,000 dam an lak hlak a, an rengin an insem hlak nia hril a nih. Mana um hai hi case siem khum an nih.
Class XII Chemistry paper a leaked nawk
BENGALURU: Karnataka a chun a tum hnina dingin II year PreUniversity (PU)/ Class XII Chemistry question paper a leaked nawk. Chemistry paper hi March 31, 2016 (zani) 9AM a kha exam ding a ni a sienkhawm question leaked lei hin Department of PreUniversity Education (DPUE) chun exam hi a cancelled nawk. A hma chun Chemistry paper hi March 21, 2016 nia exam ding a ni a, sienkhawm exam hma darkar iemanizata a lo leaked leiin kansela lo um ta a nih. Zanita question leaked hi Whatsapp a leaked a nih. Students le nu le pa hai chu question leaked chungthua hin an lungawinaw hle a, state Education minister chu inban dingin an phut. Karnataka CM Siddaramaiah chun question leaked thu hi CID in an suizui ding thu a hrilin question leaked leia education minister Kimmane Ratnakar inbanna ding thu a um nawh tiin a minister hi a tan.
Opinion polls in BJP le an thlawppui han hratna chang an ring
NEW DELHI: Assam Assembly Election hung um ding le inzawma opinion poll reports hran hran lakhawma um hai chun B JP le an thlawppui party han hratna an chang ding niin an hril. ABP NewsNielson opinion poll dungzuiin BJP le an thlawppui party han Assam Assembly seats 126 umah seats 78 lang an ta, Congress in 36, AIUDF in seats 10 le Others in seat 2 an lak an ring. Assam Assembly Election hung um dinga hin BJP, AGP le BPF hai an thangruol a nih. Opinion poll thawna huna votes lakna huna Congress in votes 34 percent, BJP in 44 percent le AIUDF in 11 percent an hmu niin opinion poll report chun a hril.
India TVC Voter opinion poll dungzui chun BJP le an thlawppui han seats 57 (majority an nina ding seat baksam) an hmu ding niin zani hmasaa opinion poll result an puonga chun an zieklang a, Congress in seats 44 lang an ta, AIUDF in seast 19 le Others in seat 6 an lak phak an ring.
Opinion poll survey dang pakhat Media agency AVC in a puonglang dan dungzui chun BJP le an thlawppui han hratna an chang ding niin a hrillawk a, BJP in seats 3235, AGP in seat 810 le BPF in seat 89 an lak ding niin a hril a, AIUDF in seat 24 an lak ding niin a hrillawk thung.
Japan in Loan Rs. 14,400 crore a hung pek ding
NEW DELHI: India rama development sin thawna dingin Japana Official Development Assistance (ODA) chun India kuoma Loan Rs. 14,300 crore a hung pek ding niin Finance Ministrya Joint Secretary, Department of Economic Affairs, S. Selvakumar chun a hril. Loan sum hi Madhya Pradesha Transmission System; Odishaah Integrated Sanitation Improvement project, North Eastah Road Network Connectivity Improvement projec le Jharkhandah Horticulture Intensification thil haia hmang ning a tih.
Assamah Zu zawr le kawl khap
GUWAHATI: Assam Assembly Election hung um ding le inzawmin state sawrkar chun April 24, 2016 inkar darkar 48 sung Hotels le dawr haiah Zu hrim hrim zawr le kawl a khap. First phase Assembly election hi April 4, 2016 a nei ding a nih. Second phase election chu April 11, 2016 khin Constituencies 61 hai nei ning a ta, hi ding le inzawm khawm hin April 911, 2016 inkar sung Zu zawr le kawl khap a ni bawk ding a nih.
Miz. Transport Dept. in Bus 49 a nei
AIZAWL: Mizoram Transport Department chun Bus 49 thangsain motor 69 le Driver 108 an nei a, Bus 49 hai lai hin a service thei 44 an um a, hmun hran hran (routes) 18 haiah an service mek tiin Mizoram Transport Minister John Rotluangliana chun Mizoram Assembly an hriettir.Kum 201516 Auditor General of India report dungzui chun Transport Department, Mizoram chu hlawk nekin kum 201112 khan Rs. 24.12 crore, kum 201213 in Rs. 17.21 le kum 201314 khan Rs. 21.13 crore an hmang niin a hril.
Vietnam National Assembly Chairwomen hmasatak
Veteran lawmaker le senior Communist party official Nguyen Thi Kim Ngan chu zanikhan Vietnam National Assembly a nuhmei Chairperson hmasatak dinga thlangtling a nih. Members 500 vel umnaa vote lak hunah Ms Kim Ngan hin votes 95.5% a hmu phak a nih. Communist party official tamlem hai chu pasal an ni a, nuhmei chu 25% vel chau an nih.
----------------------------------------------------------------------------------------------------
VAWISUN THUPUI
Tukhawm a lei le a bau veng tha chun, Buoinahaia inthawkin a lungril chu a veng tha a nih. Mi chapo le mi uong chu a hming chu Hmusittu a na, Inphuloin chaponaah sin a thawh a. Thuvarhai 21:2324
EDITORIAL: Hnam thila la ngainaw inla
Manipur phairam biela khawm misuol, rukru, dan kala che hai khawsung mipui thangruol han an man a, nasa takin an sawisak a, hienghai lai hin thenkhat sawisak annawleh vuok hlum khawm a changin an um hlak ti hmu le hriet a ni hlak. Dan kala che tuolthattu le nuhmei suolluitu hai chu an In an raw ut vawng hlak bakah an khawsungah cheng thei ta lo dingin an hnawtdawk a, social boycott (ensan) chen an puong hlak ti khawm ei hmuin ei hriet hlak bawk. Hiengang thil tlung hi Manipur tlangram district haia khawm a bang bik naw a, thil tlung ditum lo tak takel, thina, insel inhalna, chi le kuonga indona hai chen khawm a tlung ta hlak. Hiengang thil tlung hai hi tha ei ti naw a, hnam tinin ei dit naw seng a, ei dem thu dam le ei inthiemnaw thu dam ei puonglang hlak.
Phairam biela hiengang thil tlunghai an rel le tlangmihai rel dan enin an ang nawin an hlat hle el. Phairam biela chun hiengang thil tlung hi a um changin khawsung le veng sunga thuneitu annawleh khawsung le veng sunga pawl um han an mawphurnaah lain inrang takin an chingfel hlak. Amiruokchu, Manipur tlangram haia chun hiengang thil tlung a um changin chi le kuong annawleh hnam thila fe ding angin a hung inlang nghal a, sakhuo hmunkhat, Kristien sakhuo zui seng, pi le pu haia inthawka inrelbawl dan (custom) inang, tawng indang met met (inbiepaw le inhriepaw thei si hai) leiin thil chite khawm thil lien tak insuo ei tum hlak niin an lang.
Phairama cheng, ei unau Meiteihai chun an khawsung le an veng sunga thil ditum lo tlung hai hrim hrim chi le kuong (phung le chang) annawleh hnam thila an lak ngai naw a, an khawsunga thuneitu annawleh pawl um han an rel a, an rel dan dan chu an zuiin an zawm a, Police case, inman le inchawitir ti ang a um ngai nawh. A suksuoltu le an sung hai chenin an tuor pha lem hlak. Ei ni lai ruok chu a ni thei ngai naw a, hnam thilin a fe hlak leiin buoina le harsatna ei tuok rawp hlak. Hieng a ni lei hin thil tha lo le thil ditum lo a tlung chang hin hnam thila la ngai naw inla nuom a um. Chu chu Kristienhai thaw dan ding lem niin an lang. Chun, hiengang thil a tlung chang hin hnam (tribe) level ni lovin Village Authority level annawleh khawsunga um pawl level a inbiek le thil thaw ni lem hlak sienla chu thil mawi le tha lem a hung ni ring a um. Tuta ei thaw dan hin chu hnam thil angin a fe a, hienganga ei fe pei chun ei thatpui nekin ei la sietpui lem el theina chin a umin an lang. Thaw dan dang apply ve ta inla a tha naw ding maw?
Khawtlangadinga thil tha lo, nuhmei chunga nunrawngna, rukrukna,inruithei zawr, nawchizawr le dan kala chetna chi tum tum hai hi tu khawm a theida lo ei um naw a, hiengang thil hai hi ei khawsung le ei veng sunga hungtlung ding le ei veng sunga tlung dinga dit tukhawm ei um nawh. Amiruokchu, hiengang kawnga hin dit thu thlang thei an naw a, pumpel thei lo thil tlung thenkhat ei ni lai hin hungtlungin a hung um hlak a; hiengang thil hai tuta ei fepui dan le ei rel dan hai hi tribe tum tum hai hin ennawn inla thiltha a ninaw ding maw ti theiin a um. Manipur tlangram a bikin Churachandpur district le Churachandpur town sungah hnam hran hran ei cheng khawm a, pawl chi tum tum tam tak ei um bawk. Hienganga hnam (tribe) tum tum cheng ei ni lei hin, khaw thenkhat le veng thenkhatah veng dang le khaw danga intahwk tu amani khawsung le veng dan le inrelbawl dan kala va che le khawtlanga dinga thil tha lo va thaw um thei ngai a nih.
Ei hril ta angin CCPur town sung le a se vela cheng hai hi tribe tum tum ei ni a, a hran senga inhlawmkhawm deu ei ni bawk a, hi lei hin veng pakhatah tuin amani khawtlanga dinga thil tha lo a va thaw changin veng le khaw dang mi a ni chun tawng dang hmang a lo ni hlak. Hieng a ni lei hin khawsung a le veng pakhatah veng dang le khaw dang ah thil suksuol a va nei a, man, hrem le sawisak a lo ni khawmin hnam thila la ngai naw inla ei renga ta dinga that tlangna le inremna a hung ni thei lem ring a um. Chun, thil suksuoltu chu tawng dang hmang le tribe dang a lo ni khawma a tawng le tribe nina thilah tawng khumin deusaw ngai naw inla nuom a um.
Chun, Village Authority nei seng le laibung um seng ei ni a, thil ditum lo a hungtlung chang hin hnam level (Inpui) ni lovin VA annawleh laibung level in inbiek le rel ni hlak sienla a tha lem el naw ding maw? Ngaituo chet chet seng inla nuom a um. Inpui levela rel hi a thanaw ni lovin, Inpui levela inbiek le rel a hung ni pha hin hnam thil a kawk rui el hlak niin an lang. Khawtlang thil chu khawtlang level le mimal thil chu laibung level a inbiek le rel nisienla hnam thil angin an lang naw deu naw ding maw? Tuta ei thaw dan le ei fe dan hin chu mimal thil le khawtlang thil hai khawm hnam pumpui thil huop angin a fe annawleh an lang hlak hawina a nei. Chun, mitinin ei hriet le zawm tlat dinga tha chu, dan hi ei kutah ei sie ding a ni nawh ti hi a nih.
CCPUR: SBI, CCPur le SBI Tuibuong Branch chun Corporate Social Responsibility Activity hnuoiah zani 9:30AM khan District Hospitala Conference Hallah Wheelchair le Stretcher Trolley semna an nei a. Mr Lunminthang Haokip, IAS, DC, CCPur khuollienin a thang. Hi huna hin District Hospital, CCPur; Sielmat Christian Hospital & Research Centre le Centre for Community Initiative hai kuomah Wheel Chair 5 le Stretcher Trolley 5 seng khuollienin inhlanna a nei.
Pu Lunminthang Haokip in thu a hrilnaah, SBI in mipui hmakhuo ngainaa Wheel Chair le Stretcher Trolley an semna thuah lawmum a ti thu hrilin, semdawka um wheelchair le Stretcher Trolley hai chu bazara inchawk el ding um lo a ni thu a hril. Hmangruo sema um hai hi Pastor M.T. Khanlal, Local Pastor, EBCC Zenhang Lamka in tawngtainain an hlan.
Khumujamba ah bomb dengpuok a nih
CCPUR: March 31, 2016 (zani) zan dar 7/8 vel khan Khumujamba Meitei leikaia Mr Momocha le a saka Abung hai chengna Inah tu ti hrietlo han Grenade an denghlut a, Momocha chengnaina Grenade denglut hi a puok a, A bung ina denglut ruok chu a puok naw niin ei thu dawngna chun a hril.
Momocha hi New Bazara Ar (Broiler) awrtu nia hril a nih. Bomb puok hlek vuongdar hin insunga thil um tam tak a deng siet. Bomb puok an hriet le inruolin CCPur Police le tuolsung mi han hi thil tlungna hmun hi an pan nghal a, thil umdan an enfel. Bomb puok leia thi le hliemna tuok an um thu hriet a ninaw a, bomb hi tu hai dengpuok am ti hi thu ei sut chena hin hriet a la ni nawh.
Thuro magazine a suok nawk tah
CCPUR: Hmar Literature Society (HLS), CCPur in thla 3 dan peia an suo hlak ‘THURO’ magazine JanuaryMarch, 2016 issue chu a suok nawk tah. CCPur districta chun Ralsun Store, Rengkai, H. Zaneisang building le T.K. Medico, Tiddim Road haia hmu thei ning a tih. A sungah Politics le sakhuona; Phel Phuol le Nel nuol; Hmar Kohran le suol pawlnel; Gun Culture am? Music Culture? ti le thuziek dang dang tiem manhla tak tak tiem ding a um.
UZO GHQ 60th Assembly hmang
CCPUR: Zani 11:00AM khan Zogal Memorial Hall Complex, Zoveng ah UZO GHQ 60th Annual AssemblycumDiamond Jubilee hmang a nih. UZO President Chinlunthang in UZO flag keipharna a nei zovin Jubilee lungdaw hawngna a nei a, Rev. Tualzachin, Sr Exec. Secy. ZPCS in tawngtaina in an hlan.
UZO Vice President le Assembly Speaker Gouzalal Tungnung inrawinain AntiTribal Bills le inzawma martyrs hai sunna hun minute khat sung hun hmang a nih. Rev. Hangpi Manlun, ZPCS chun “Dihtatna in Nam a tawisang hi” (Prov. 14:34) ti thupui hmangun Jubilee thucha a hril. Hnam hmasawnna dinga indikna le ringumna a pawimaw thu, sum le pai thu chau ni lovin power hmangsuol khawm hi corruption a nih tiin a hril.
Presidential thucha ngaithlak a ni bakah Agenda lut hai hriltlang a ni a. AntiTribal Bill 3 hai theitawpa dodal ding; UZO (India & Myanmar) in first joint meeting huna ‘Zo’ le ‘Zou’ angkhata pawm ding, common literature,culture & custom zui ding le flag le constitution thuhmun nei dingin an rel chu pawmpuina nei a ni a. 2017 MLA election huna inthuruol taka thang tlang ding tiin an rel a, UZO 201617budget dingin Rs. 7,90,000/ an pawm.
Inruithei zawrtu mi pahni an man
CCPUR: ZRO/ZRA Drugs Cells chun ni iemanizat liemta sung khan New Bazar le Old Bazar area haia inruithei zawrtu hai an dapnaah Mr Kamhau (25) s/o (L) Thangkhansiam; Niangngiahmoi (23) w/o Khamsuanmung of Zellang Veng le Ginlalzem (32) s/o Thangkholal of Ngathal hai an man a, an kuta inthawk inruthei an man hai zani zantieng khan an raw hmang vawng. Inruithei an man hai lai hin SP mum 100, No. 4 funte 600, Ganja Kg. Chanve; WY mum 50 a thang. Inruithei hai hi Rs. 90,000 vel manhu dinga hisap a nih. Mana um hai hi tha taka thu hril an ni hnungin an inthlasuok nawk. Inruithei dona an fepui pei ding thu le mipui hai thlawp dingin ZRO/ZRA Drugs Cell chun an ngen.
Youth Club Award sem
CCPUR: NYK, CCPur le District Administration hmalaknain March 31, 2016, 11:00AM khan DC Officea BRGF Resource Centreah Block Level Youth Club Award 201516 semna nei a nih.
DC, CCPur chun, thalai hai ta dingin Ministry of Youth Affairs, Govt. of India in scheme tu m tum an duong a, chuong hamthatna hai hmu theina dinga Youth Clubs hai chu NYK le tha taka thangruol dingin an fui. Thalai hai hunawl hmangna dingin NYK in an khat tawkina programme buotsai hlak sien a nuom thu a hril.
Block Level award hi first hai Rs. 8000/+ Certificates le second hai Rs. 4000/+ Certificate inhlan an nih. Award dawng Youth Club hai chu Sangaikot Blockah Hita Hengjol YC le Sangaikot YC; Singngatah S. Phaiza YC le Singngat Thadou Veng YC; Thanlonah Alpha Multipurpose CS Ltd le Tallian YC; Saikawtah Saikawt YC le Lenruol Duoilo Val FC; Samulamlanah Khoirentak YC le Kulbunb YC; Henglepah Henglep Hqs. YC le Kukimin YC; Tuibuongah M. Songgel YC le Kholunphai YC; Lamka ah N. Lamka YC le s Neihsial Veng YC; Tipaimukhah Parbung YC an nih.
Kolkata-ah Flyover bawl lai mek a chim; mi 18 an thi a, mi 62 an hliem
KOLKATA: Zanikhan Kolkata khawpui lunna lai le mi bubitna lai tak, Bara Bazar hmuna Flyover bawl lai mek chu a chim thut a, Flyover hi hmun hniah an bawng a, hi thu ei sut chena ei thu dawng danin mi 18 a del hlum a, midang 62 in hliemna an tuok niin a hril. Flyover hi 2.2 km. a sei, Garish Park a inthawka Howrah chen tlung dinga bawl, kum 5 lai zet bawl ta niin ei thu dawngna chun a hril.
Flyover chim hin mihriem chau ni lovin Car thangsain inlirthei iemanizat a del siet bawk. Sansuokna sin thaw mek a la ni a, mithi le hliem hi tuta nek hin an la tam el thei nia hril a nih. Sansuokna sin hi Army Columns 4, Medical teams 3, Ambulances 3, tuolsung mi le tuolsung Police hai thangruolin an thaw.
Hi thil tlung huna hin West Bengal CM Mamata Banerjee chu West Midnapore district sunga vote campaigna a um lai a ni a, sienkhawm a ngaipawimaw lein Kolkata a hung pan nghal a, hi Flyover bawltu officials (Construction Company) le thangvena neihai chungah action lak a ni ding thu a hril bakah thina le hliemna tuorhai chu zangnadawmna le thangpuina pek an ni ding thu a hril. Hi dungzui hin West Bengal Chief Secretary Basudeb Banerjee chun thina tuok sunghai kuomah zangnadawmna Rs. 5,00,000 seng, hliem inrikhai kuomah thangpuina Rs. 3,00,000 seng le hliem na lo hai Rs. 1,00,000 seng pek ning an ta, hliem enkawlna man khawm state sawrkarin tum a tih tiin a hril.
Washington khawpui, US a cham mek India PM Narendra Modi chun hi thil tlung hi pawi a ti thu, a thawng natzie, thi sunghai a sunpui thu le hliem hai a tuorpui thu, sansuokna le relief operation thil haiah theitawpa a thangpui ding thu a hung hril. Chun, U nion Home Minister khawmin hi thil tlung in a lung a thawng nasat zie, thina tuok sunghai a sunpui le hliem hai a tuorpui thu a hril.
Student na taka vuok hliem
IMPHAL: March 29, 2016 khan mi 4/5 velin Little Master English School, Samurou a Class X inchuklai H. James, s/o M. Mangang chu an school gate bula inthawk an thuoihmang a, na taka an vuokhliem hnungin Shamurou Kangjeibung Lampak ah an maksan a, Raj Medicity Hospital panpui a nih tiin MSF chun an hril. Hi thil thawtuhai vawisun chena inpe dingin MSF chun deadline an pek.
AR han Community Hall an bawl pek
IMPHAL: 11Assam Rifles han Border Area Development Programme hnuoiah Chandel District sunga Nw Chijang khaw mipui ta ding Community Hall an bawl pek chu zo a ni ta a, zanikhan hi Community Hall hi hawng a nih. Chun, 12Bihar of 9Sector Assam Rifles chun Imphal West District sunga Paubitek Govt. Primary School Cook House an bawl pek khawm zanikhan hawng a nih.
Tek tla leiin Bairabi ah In pakhat a kang
AIZAWL: Zani zantieng dar 3 vel khan Mizorama Bairabi Hmarvenga Pumphir vadung bula Pu Zoliankhuma (Patea) chengna in chu insunga thuomhnaw iengkhawm laksuok hman um lovin a kangral vawng. Zani zantienga ruosur le Tek tla in Electric a dengfuk a, chu taka inthawka kangmei hi suok ni dinga ring a nih. Kangmei suokin In a kang hi Assam type, insawng a ni a, a chung rangva, a bang thingphek a nih. Zoliankhuma hi a naupa le chaua khawsa an nih.
Mizoram Assembly budget session zo
AIZAWL: Mizoram Assembly Budget Session chu zanikhan zo a ni tah. Hi Session hi March 15, 2016 a tan a ni a, Bills 3 kum 201617 sunga Mizoram Budget ding Rs. 8,038.39crore le Supplementary Demands (Current Financial Year) dingin Rs. 1,126.99 crore session sung hin an passed.
Fake Job racket Police han an dapdawk
KOHIMA: State sawrkar hnuoia sin pek ding tia mi hlem hlaktu hai office zani khan Kohima Police han an dap a, nuhmei 4 le pasal 5, an rengin mi 9 an man. Mana um hai laia pakhat, hi thila an hotu taka intum chu Aosenla Chang of New Reserve, Kohima niin Kohima Police thusuok chun a hril. Thu indawnna nei an ni hunah, anni va dawrtu hai kuomah sin latu hai signature inruin fake appoinment Order an pek hlak niin an inpuong. An kuta inthawk Certificates le fake appointment order thangin documents sin hnina (application) tam tak dapdawkin an man bawk.
Mi mana um a dang hai chu Medemyanger, of DiphuparB, Dimapur; Noklomeren Imsong of DiphuparB, Dimapur; Chumukedia mi vawng Yimlei Phom, C. Tiakaba, Kilamzaile @ Azai, Zachano @ Abeni Ngullie, Achila Kapfo hai le Longpochang Ao of Paramedical, Kohima hai an nih. Appointment Order an pek haia inthawk Rs. 2,80,000 dam an lak hlak a, an rengin an insem hlak nia hril a nih. Mana um hai hi case siem khum an nih.
Class XII Chemistry paper a leaked nawk
BENGALURU: Karnataka a chun a tum hnina dingin II year PreUniversity (PU)/ Class XII Chemistry question paper a leaked nawk. Chemistry paper hi March 31, 2016 (zani) 9AM a kha exam ding a ni a sienkhawm question leaked lei hin Department of PreUniversity Education (DPUE) chun exam hi a cancelled nawk. A hma chun Chemistry paper hi March 21, 2016 nia exam ding a ni a, sienkhawm exam hma darkar iemanizata a lo leaked leiin kansela lo um ta a nih. Zanita question leaked hi Whatsapp a leaked a nih. Students le nu le pa hai chu question leaked chungthua hin an lungawinaw hle a, state Education minister chu inban dingin an phut. Karnataka CM Siddaramaiah chun question leaked thu hi CID in an suizui ding thu a hrilin question leaked leia education minister Kimmane Ratnakar inbanna ding thu a um nawh tiin a minister hi a tan.
Opinion polls in BJP le an thlawppui han hratna chang an ring
NEW DELHI: Assam Assembly Election hung um ding le inzawma opinion poll reports hran hran lakhawma um hai chun B JP le an thlawppui party han hratna an chang ding niin an hril. ABP NewsNielson opinion poll dungzuiin BJP le an thlawppui party han Assam Assembly seats 126 umah seats 78 lang an ta, Congress in 36, AIUDF in seats 10 le Others in seat 2 an lak an ring. Assam Assembly Election hung um dinga hin BJP, AGP le BPF hai an thangruol a nih. Opinion poll thawna huna votes lakna huna Congress in votes 34 percent, BJP in 44 percent le AIUDF in 11 percent an hmu niin opinion poll report chun a hril.
India TVC Voter opinion poll dungzui chun BJP le an thlawppui han seats 57 (majority an nina ding seat baksam) an hmu ding niin zani hmasaa opinion poll result an puonga chun an zieklang a, Congress in seats 44 lang an ta, AIUDF in seast 19 le Others in seat 6 an lak phak an ring.
Opinion poll survey dang pakhat Media agency AVC in a puonglang dan dungzui chun BJP le an thlawppui han hratna an chang ding niin a hrillawk a, BJP in seats 3235, AGP in seat 810 le BPF in seat 89 an lak ding niin a hril a, AIUDF in seat 24 an lak ding niin a hrillawk thung.
Japan in Loan Rs. 14,400 crore a hung pek ding
NEW DELHI: India rama development sin thawna dingin Japana Official Development Assistance (ODA) chun India kuoma Loan Rs. 14,300 crore a hung pek ding niin Finance Ministrya Joint Secretary, Department of Economic Affairs, S. Selvakumar chun a hril. Loan sum hi Madhya Pradesha Transmission System; Odishaah Integrated Sanitation Improvement project, North Eastah Road Network Connectivity Improvement projec le Jharkhandah Horticulture Intensification thil haia hmang ning a tih.
Assamah Zu zawr le kawl khap
GUWAHATI: Assam Assembly Election hung um ding le inzawmin state sawrkar chun April 24, 2016 inkar darkar 48 sung Hotels le dawr haiah Zu hrim hrim zawr le kawl a khap. First phase Assembly election hi April 4, 2016 a nei ding a nih. Second phase election chu April 11, 2016 khin Constituencies 61 hai nei ning a ta, hi ding le inzawm khawm hin April 911, 2016 inkar sung Zu zawr le kawl khap a ni bawk ding a nih.
Miz. Transport Dept. in Bus 49 a nei
AIZAWL: Mizoram Transport Department chun Bus 49 thangsain motor 69 le Driver 108 an nei a, Bus 49 hai lai hin a service thei 44 an um a, hmun hran hran (routes) 18 haiah an service mek tiin Mizoram Transport Minister John Rotluangliana chun Mizoram Assembly an hriettir.Kum 201516 Auditor General of India report dungzui chun Transport Department, Mizoram chu hlawk nekin kum 201112 khan Rs. 24.12 crore, kum 201213 in Rs. 17.21 le kum 201314 khan Rs. 21.13 crore an hmang niin a hril.
Vietnam National Assembly Chairwomen hmasatak
Veteran lawmaker le senior Communist party official Nguyen Thi Kim Ngan chu zanikhan Vietnam National Assembly a nuhmei Chairperson hmasatak dinga thlangtling a nih. Members 500 vel umnaa vote lak hunah Ms Kim Ngan hin votes 95.5% a hmu phak a nih. Communist party official tamlem hai chu pasal an ni a, nuhmei chu 25% vel chau an nih.
----------------------------------------------------------------------------------------------------
VAWISUN THUPUI
Tukhawm a lei le a bau veng tha chun, Buoinahaia inthawkin a lungril chu a veng tha a nih. Mi chapo le mi uong chu a hming chu Hmusittu a na, Inphuloin chaponaah sin a thawh a. Thuvarhai 21:2324
EDITORIAL: Hnam thila la ngainaw inla
Manipur phairam biela khawm misuol, rukru, dan kala che hai khawsung mipui thangruol han an man a, nasa takin an sawisak a, hienghai lai hin thenkhat sawisak annawleh vuok hlum khawm a changin an um hlak ti hmu le hriet a ni hlak. Dan kala che tuolthattu le nuhmei suolluitu hai chu an In an raw ut vawng hlak bakah an khawsungah cheng thei ta lo dingin an hnawtdawk a, social boycott (ensan) chen an puong hlak ti khawm ei hmuin ei hriet hlak bawk. Hiengang thil tlung hi Manipur tlangram district haia khawm a bang bik naw a, thil tlung ditum lo tak takel, thina, insel inhalna, chi le kuonga indona hai chen khawm a tlung ta hlak. Hiengang thil tlung hai hi tha ei ti naw a, hnam tinin ei dit naw seng a, ei dem thu dam le ei inthiemnaw thu dam ei puonglang hlak.
Phairam biela hiengang thil tlunghai an rel le tlangmihai rel dan enin an ang nawin an hlat hle el. Phairam biela chun hiengang thil tlung hi a um changin khawsung le veng sunga thuneitu annawleh khawsung le veng sunga pawl um han an mawphurnaah lain inrang takin an chingfel hlak. Amiruokchu, Manipur tlangram haia chun hiengang thil tlung a um changin chi le kuong annawleh hnam thila fe ding angin a hung inlang nghal a, sakhuo hmunkhat, Kristien sakhuo zui seng, pi le pu haia inthawka inrelbawl dan (custom) inang, tawng indang met met (inbiepaw le inhriepaw thei si hai) leiin thil chite khawm thil lien tak insuo ei tum hlak niin an lang.
Phairama cheng, ei unau Meiteihai chun an khawsung le an veng sunga thil ditum lo tlung hai hrim hrim chi le kuong (phung le chang) annawleh hnam thila an lak ngai naw a, an khawsunga thuneitu annawleh pawl um han an rel a, an rel dan dan chu an zuiin an zawm a, Police case, inman le inchawitir ti ang a um ngai nawh. A suksuoltu le an sung hai chenin an tuor pha lem hlak. Ei ni lai ruok chu a ni thei ngai naw a, hnam thilin a fe hlak leiin buoina le harsatna ei tuok rawp hlak. Hieng a ni lei hin thil tha lo le thil ditum lo a tlung chang hin hnam thila la ngai naw inla nuom a um. Chu chu Kristienhai thaw dan ding lem niin an lang. Chun, hiengang thil a tlung chang hin hnam (tribe) level ni lovin Village Authority level annawleh khawsunga um pawl level a inbiek le thil thaw ni lem hlak sienla chu thil mawi le tha lem a hung ni ring a um. Tuta ei thaw dan hin chu hnam thil angin a fe a, hienganga ei fe pei chun ei thatpui nekin ei la sietpui lem el theina chin a umin an lang. Thaw dan dang apply ve ta inla a tha naw ding maw?
Khawtlangadinga thil tha lo, nuhmei chunga nunrawngna, rukrukna,inruithei zawr, nawchizawr le dan kala chetna chi tum tum hai hi tu khawm a theida lo ei um naw a, hiengang thil hai hi ei khawsung le ei veng sunga hungtlung ding le ei veng sunga tlung dinga dit tukhawm ei um nawh. Amiruokchu, hiengang kawnga hin dit thu thlang thei an naw a, pumpel thei lo thil tlung thenkhat ei ni lai hin hungtlungin a hung um hlak a; hiengang thil hai tuta ei fepui dan le ei rel dan hai hi tribe tum tum hai hin ennawn inla thiltha a ninaw ding maw ti theiin a um. Manipur tlangram a bikin Churachandpur district le Churachandpur town sungah hnam hran hran ei cheng khawm a, pawl chi tum tum tam tak ei um bawk. Hienganga hnam (tribe) tum tum cheng ei ni lei hin, khaw thenkhat le veng thenkhatah veng dang le khaw danga intahwk tu amani khawsung le veng dan le inrelbawl dan kala va che le khawtlanga dinga thil tha lo va thaw um thei ngai a nih.
Ei hril ta angin CCPur town sung le a se vela cheng hai hi tribe tum tum ei ni a, a hran senga inhlawmkhawm deu ei ni bawk a, hi lei hin veng pakhatah tuin amani khawtlanga dinga thil tha lo a va thaw changin veng le khaw dang mi a ni chun tawng dang hmang a lo ni hlak. Hieng a ni lei hin khawsung a le veng pakhatah veng dang le khaw dang ah thil suksuol a va nei a, man, hrem le sawisak a lo ni khawmin hnam thila la ngai naw inla ei renga ta dinga that tlangna le inremna a hung ni thei lem ring a um. Chun, thil suksuoltu chu tawng dang hmang le tribe dang a lo ni khawma a tawng le tribe nina thilah tawng khumin deusaw ngai naw inla nuom a um.
Chun, Village Authority nei seng le laibung um seng ei ni a, thil ditum lo a hungtlung chang hin hnam level (Inpui) ni lovin VA annawleh laibung level in inbiek le rel ni hlak sienla a tha lem el naw ding maw? Ngaituo chet chet seng inla nuom a um. Inpui levela rel hi a thanaw ni lovin, Inpui levela inbiek le rel a hung ni pha hin hnam thil a kawk rui el hlak niin an lang. Khawtlang thil chu khawtlang level le mimal thil chu laibung level a inbiek le rel nisienla hnam thil angin an lang naw deu naw ding maw? Tuta ei thaw dan le ei fe dan hin chu mimal thil le khawtlang thil hai khawm hnam pumpui thil huop angin a fe annawleh an lang hlak hawina a nei. Chun, mitinin ei hriet le zawm tlat dinga tha chu, dan hi ei kutah ei sie ding a ni nawh ti hi a nih.
