New Delhi, April 9, 2016 (Virthli): Zanikhan Maharaja Ranjit Singh Punjab Police Academy, Phillaur chun Passing out Parade an nei a, hi huna hin Manipur Police Service (MPS) 2015 batch a inthawk mi 19 an thang. Hienghai lai hin Hmar tlangval E. Lalringum Pulamte s/o Siekzapau Pulamte, CCPur bakah tlangmi pa 6 (Naga 3 le Non-Naga 2) an thangsaa Non-Naga pa 2 dang hai chu; Priscilla Tuboi d/o Haokhongam Tuboi, Imphal le Sony Siem Go Sang s/o Kaisang Gangte, CCPur hai an nih.


Hi Passing out Parade a hin MPS hai bakah Punjab Police, Puducherry le Chandigarh a inthawkin SI le Basic Course Trainees mi zahni chuong an thang. Ei tlangval suongumTv. E. Lalringum Pulamte hi Basic Course Constabulary Platoon hai Parade Commander in a thang nghe nghe a nih.

Hi programme a hin DGP, Punjab Suresh Arora, IPS chu Chief Guest in a thanga parade zo a thiemna chidang dang hieng Dog Show, Weapon Handling,Horse riding, Motocycle show le a dang dang hai inentirna nei a nih.

An training na hmun PPA (Punjab Police Academy) hi 1891 a lo indin a nia, Indian Police Training Centre a chu a upa tak a nih.
PPA hi National Police Academy Hyderabad, IPS hai training na hmun dawttu a hril a nih.

Hi ni hin training sunga achievers hai lawmman pek an nia chuonghai laia Manipur mi thang hai chu:

DSP All-Rounder le Parade Commander chu N. Suraj Singh in a laka, 2nd All -Rounder chu Keisham Bijoykumar niin, Best Platoon Commander chu Luxmi Devi in a lak a nih.

Ahnuoia hai hi MPS mi 19 Passing out Parade a thang hai chu an nih.
Name (Rank P/DSP):
E.LALRINGUM PULAMTE
OINAM SUKUMAR SINGH
KHARAIJA HEROJIT SINGH
KHUNEIBAM FAROOK ALI
YUMNAM PREMJIT
ROJIT IROM
HIDUNGMAYUM JOHNNY SHARMA
KEISHAM BIJOYKUMAR
BIDYABATI THINGBAIJAM
PRISCILLA TUBOI
C.L. THOTREITHANG
THANGJAM SANATOMBA SINGH
PUKHRAM SHANKER SINGH
PFOTOKHO ADANI PFOTTE
JOSIAH T PAMEI
JENEE THOIDINGJAM
LUXMI DEVI
N.SURAJ SINGH

Post a Comment

Powered by Blogger.