Virthli Sports, April 29, 2016: Hero I-League 2015-16 chu inkhel zo lo ni ta sienkhawm, football ngainatuhai ta dingin inkhel hmunuomum tak tak thilr ding ala um ding anih. Kum 1977 anthawka kum tin a lo inkhel hlak Federation Cup chu April 30th 2016 anthawk hin inkhel ṭan ni nawk tang a tih. Hi tournament hi ei hrietthiem thei dan ding chun English FA Cup le hin an tluk ang anih.

Federation Cup dawmtuhai hin AFC Cup(Asia khawmuolpuia football club inelna insangtak dawt) ah India ai an aw thei a, nikuma Cup dawmtu Bengaluru FC hai bawk hin an dawm nawk ring anih.
Tukum a Federation Cup hi a vawi 37 na alo ni tah a, nikum April thla khan All India Football Federation chun thusuok siemin Indian Super League le I-league inkhel hunsung hai an bichil taluo leiin kum 2-3 sung vel chu hi tournament hi sukchawl hri la ni sien an ti a. Amiruokchu Asian Football Confederation in club tin in season khat ah vawi 18 bek an inkhel a ṭul ti thusuok a hung siem a, I-League hlak chu vawi 16 inkhel chau a um bawk si  leiin AIFF ha’n lo thei lo in an hung sukhring nawk tah anih.

Hero I-League a team 9 um hai laia an sang zuol 8 ha’n hi tournament hi inkhel an ta, knockout basis in first round anthawk semi final chen hi home & away format a inkhelin final chu hmunkhat ah(neutral) inkhel ning a tih.

Indian National Football Team Coach Stephen Constantine chun,”Hero federation Cup hin Player kan lo en thlithlai hai chieng nawk zuola kan en theina dingin hun ṭha ami siempek a, Home & away format a inkhel ding ani bawk leiin inkhel hmunuomum tak ni ngei dingin ka ring.” tiin AIFF thuneitu hai a hril bawk.

Inkhel dan ding fixture chu a hnuoia ang hi ning a tih:

Date
Home Team
Away Team
Time
Venue
April 30
Aizawl FC
Bengaluru FC
3:00 pm
Rajiv Gandhi Stadium, Aizawl
May 1
Shillong Lajong
East Bengal
5:00 pm
JLN Stadium, Shillong
May 1
Mumbai FC
Sporting Club de Goa
7:00 pm
Cooperage Stadium, Mumbai
May 2
Salgoacar FC
Mohun Bagan
4:30 pm
Tilak Maidan,
Goa
May 3
Bengaluru FC
Aizawl FC
7:00 pm
Sree Kanteerava Stadium, Bangalore
May 4
East Bengal
Shillong Lajong
7:00 pm
Barasat stadium, West Bengal
May 5
Sporting Club de Goa
Mumbai FC
4:30 pm
Tilak Maidan,
Goa
May 5
Mohun Bagan
Salgoacar FC
7:00 pm
Barasat Stadium, West Bengal


Final chu May 21 a inkhel ding a riruong ani a, inkhel dang hai po hi live telecast a um ding le umnaw ding thu AIFF in an la tarlang naw a, Final ruok hi chu Ten Network ha’n live a an insuo beisei anih.

Post a Comment

Powered by Blogger.