SHILLONG, 24 APRIL, 2016 (VIRTHLI): Evangelical Free Church of India ( EFCI) 43rd General Assembly in a lo pawm angin vawituk khan Probationary Pastor 7 hai chu EFCI Biek In, Demthring, Shillong-ah lâklût rawngbawlna nei a nih.


Pro-Pastor 7 hai laklûtna (induction) le rawngbawl dinga tirsuokna hun (commissioning service) hi EFCI president thar Rev. Lallienvel Pakhuongte in neiin infuina thucha a hrila, Pro- Pastor lâklûta umhai chu an rawngbawlna ah ringum taka um ding le taksa rama khawm invawng fai mi ni dingin an cha a, anhawi -a rinuma khawm Isu Krista hnung ringumtaka zuia kohranhai lai țhataka rawngbawl dingin a ditsak thu a hril bawk. Pro-Pastor lâklûta umhai hi EFCI Vice President Rev. Lalbiektluong in țawngțai pekna neiin EFCI țhuoituha'n pastor uniform inhâk tirna an nei bawk a nih.

Pro- Pastor lâklûta um hai:
1. Samuel Khawbung, M. Div, S/o Lalsiemlien, Saikawt ( rawngbawlna hmun ding- Darlawn, Mizoram)
2. Cliff Lalhrilthar, B.D, S/o Ngaikhuptho, Muolhoi (rawngbawlna hmun ding- Phaikhuo)
3. Rochunghnung, M. Div, S/o Upa Thangchuoilo, Tuisen, Manipur (rawngbawlna hmun ding- Saterai)
4. Thangrosan, M.Div, S/o Ngamlethung, Tuolpui, NC Hills (rawngbawlna hmun ding- Langkercha)
5. Japhet Ruoltinkhum, M.Div, S/o Ruolthansiek, Leiri, NC Hills (rawngbawlna hmun ding- Bagmara)
6. James Lalremthang, M. Div, S/o Upa Darchawngkhum, Hmarveng, CCpur (rawngbawlna hmun ding- Muolhoi)
7. Zohmingthang, M.Div, S/o Upa Ruolrohau, Muolhoi (rawngbawlna hmun ding- Rengkai)

Thubelsa: Hming suklanga umhai khi ziek diklo a um chun thupha ei hung chawi nghal nisien. Mi tukhawm kohran amani thil dang dang khawm nisien chanchin insuo ding nei hai chu iengtik lai khawm ei lawmlût zinga, mani'n insuo a remchangnaw chun administrator hai inbox a hril el thei a nih- Admin

Post a Comment

Powered by Blogger.