New Delhi, April 5, 2016 (Virthli): Independent Church of India (ICI) kohran hnuoia Central Kristien Thalai Pawl chun hung tlung ding tarik 8 – 10 April, 2016 sung khin New Delhi khawpuiah General Conference vawi 32 –na "‘Khawvel danglam zing laia danglam ve ngai lo Pathien thu’ (Unchanging Word in a Changing World) Mt.24:35" ti thupui hmanga nei dingin nasatakin an insingsa mek. Hi Inkhawmpui hi hieng All India Prayer Fellowship, Mission Hospital Road, Sahurpur, Fatehpurberi, Chhatarpur le Weightlifting Auditorium, Jawaharlal Nehru Stadium, Lodhi Colony haiah nei ning a tih. Thalai Inkhawmpui lien ni si, Air Condition Hall-a inkhawmpui vawikhatna ding a nih. Hi conference-a hin Rorelna, Pathien thu le Hlaa inpawlkhawmna hai um ata, Malzaia inruolsiekna (Rev. Thangngur Music Award) le Hlapawla inruolsiekna (Pu Buonglienkung Music Award) nei ni bawk a tih.


Hi inkhawmpui sunga thuhriltu dinghai chu Rev. Lalneikhup Hmar, Secretary Finance, ICI, Rev. Lalhmingthang, Secretary Evangelism, ICI, Rev. Lalrohlu, Secretary Hmarbiel South Presbytery, ICI, Rev. H.P Runremthang, YCO & Evangelist-At-Large, ICI, Upa Dr. Zawlthanglien, Vice Chairman CKTP, ICI le Rev. Vijayesh Lal, Gen. Secretary, EFI hai ning an tih.

Chun hi huna hin (April 9) Shri Kiren Rijiju, Hon’ble Minister of State for Home, Govt. of India, New Delhi in Conference Greetings pe bawk a tih.

Hi inkhawmpuia thang ding hin New Delhi laia North East kohran le Fellowship chi tum tumhai fiel an ni a. North India Mission Field state dang dang hai khawm an hung thang dinga beisei a nih. Northeas state hran hrang haia inthawkin mikhuol fekhawm hi 1000 neka tam beisei a nih.

Post a Comment

Powered by Blogger.