CCPur, April 12, 2016 (Virthli): 12PM khan Saikawt Playground ah Hmar Martyrs’ Trophy Organising Board (HMARTOB) hai hmalakna hnuoia The 13th Hmar Martyrs’ Trophy Football Tournament 2016 Opening Ceremony nei a nih. Hi huna hin Pu Joseph Lalrothang, President, Hmar Inpui GHQ chu Chief Guest in a thang a,  Pu Laldawnlien Varte, President, HYA GHQ le Pu SK Ngurte, Social Worker hai chu Functional President le Guest of Honour in an thang.


Flag Hoisting na le Kick-Off na Khuollien Pu Joseph Lalrothang in a neia, hi huna a thuhrilnaa chun Hnam ta dinga Martyrs hai hi theinghil ngai lova, inzana chang hrie dingin, mimal hamthatna nilova, hnam hamthatna zawnga hma laa thil thaw ding, mimal ang zawng chun hlawtlingna tam tak ei nei tawla, a hnam ang zawng ruok chun ei hlawsam der ani thu hai le Hmar Martyrs Trophy kumtina Saikawt khaw in a lo mikhuol/host hlak hi inpak an um thu hai a hril bawk a nih.

Nk. Christina Shakum, Lalsanglien Zote, Laldinpui Hrangcha haiin Hnam hla mawi tak takin mipui an inawia, HSA Saikawt Branch han hnam lam inentirna an nei bawk. Tukum hin teams 32 an thang a, Opening match a hin defending champion Hill Town FC le Rimawi Run Club (RRC) hai an inkhela, RRC chun 3-1 in Hill Town FC hai an hne a nih.

Hmar Martyrs’ Trophy hi State Level a ni leiin Opening Ceremony a hin mipui fekhawm an thahnem tawk hle a. A nipui ni tak May 16 lem hi chu mipui an thahnem zuol an ring thu Organising Board hai chun an hril.

Post a Comment

Powered by Blogger.