INTRODUCTION: Sul cancer ti hin Sul Hmawr cancer (Cervical Cancer) nilovin, abikin sul cancer (Endometrial cancer) ei hril tum a nih. Sul cancer hi nuhmei thilah (female genital tracts) a chu cancer tamtak a nih. Sul cancer hi a tlangpuiin nuhmei thihul hnungah a um nuoma, chun kum upat tieng a natna hi a ti um zuol bawk.
Sul cancer um theina hai (Risk factors):
1. Pasal bo, naupai der lohai (Nulliparity)
2. Thihul intak; thinei sawt hai; kum 52 chungtieng thi la nei hai
3. Thau taluo: 21-50 lb overweight – 3% risk
50 lb chung tieng overweight – 10% risk
4. Diabetes nei hai
5. Estrogen (hormone/damdawi chikhat) fak rawn taluo hai. e.g Tablet Premarin etc le Tamoxifen damdawi lo fa hlak hai
6. Atypical endometrial hyperplasia-hi hi a umzie chu ‘typical lo’, chi danglam deu an nawleh mak deuva sul sung invung hi anih.
7. Sungkuo hnai sul cancer lo nei hai
Sul Cancer Screening: Screening hi abikin a chunga ‘risk factors’ nei hai ta dingin a tul zuol a nih-
1. Pap smear testing – OPD/ doctor chamber/clinic a awlsam taka thaw thei a nih
2. Endometrial biopsy- Pap smear nekin hi hi a pawimaw lema, awlsam taka Pap smear anga thaw thei ani ve.
3. Ultrasonography
Sul cancer natna inlang dan (Symptoms):
1. Kum 50 neka tam abikin kum 60, 70 mi an ni nuom. Amiruokchu kum 40 neka naupang, nuhmei dan la nei hai lai khawm an um thei bawk.
2. 90% in thihul hnungah thi an nei nawk hlak; a then chu thihawr angin an um bawk.
3. Mithenkhat chun thisen chie nilovin, thisen le inpawl dam, inhnat deu chi dam le rimsie deu sera inthawk suok an nei nuom.
4. Taibul na le inhawi naw deu nei, thil inbawk um an nei nuom bawk.
Tuta hril lang hai symptoms nei hai chun an rang thei anga in check-up vat a tha a, chun hi a hnuoia hai hi thaw vat a pawimaw:
1. Endometrial biopsy or /& endocervical Curettage
2. Pap smear test
3. Hysteroscopy with Dilatation & Curettage (mi thenkhat ta dingin )
4. Transvaginal sonography
5. CT scan
In enkawldan: Sul cancer ti hriet hnunga in enkawl dan:
1. A natna (cancer) hin zung a kei le kei naw enfie thei dan dan a enphawt
2. Sul pei –hi hi Sul cancer nei hai chun thaw mak maw a nih, in at theilo ngirhmuna an taksa a chau ani ngawt naw chun.
3. Radiotherapy & Chemotherapy.
Conclusion: Sul cancer hin zung a kei nasa naw chun sukdam thei a nih. Chun, sul cancer hin sul puotieng zung a kei awlsam a, chuleiin, a chunga RISK factors nei hai chun ‘Screening test’ thaw hi a pawimaw takzet anih.
