Saikot, March 23, 2016:  March 19,2016 khan Reformed Presbyterian Church-NEI le Compassion East India inkawpa naupang kum 5 hnuoi ( hi centre a hamthatna hmu dinghai chu kum 5 hnuoi tieng anthawk a lak tan an nih) tieng thlarau le taksa a hma suksawnna ding a rawngbawl tlang ding a thutlung siem a um angin Children Home: Saikot hmunah Centre /EI-801 ding chu Upa L Kiemlo Pulamte  (RPC-NEI Moderator) in hawngna neiin Rev. Ros Infimate (Secretary Mission) in Centre hi Pathien kuomah inhlan na a nei.  Hi hun a hin Rev. S Joute (Secretary Evangelism) in hi Centre a thawktuhai ta dingin malsawm tawngtai pekna hun a hmang nghal bawk. Centre hawngna le inhlanna nei zo a ni hnung in pilot project dinga thlangdawka um naupang 125 hai le an nu-le-pa hai kuomah Centre a rawngbawl dan ding inhrilhrietna Rev. Dr. V Lalnghakthang (General Secretary)  le Rev. Dr. Nicky Thanga, Director HIM in Child Protection Policy  hnesaw takin hrilna hun an hmang. Naupang le an nu-le-pahai, Kohran thuoituhai fekhawm mi 320 vel hai hi; Centre enkawltu dinga ruot Pu Lalnunthang Songate (Project Manager) le a thawk chanpui hai in bufakpuina an nei nghal bawk a nih.

Reporting: Lalnunthang Songate



Post a Comment

Powered by Blogger.