Hmarkhawlien, March 5, 2016 (Virthli): Reformed Presbyterian Church North East India (RPCNEI) Missionary Convention March 3-6 chen aw ding chu Hmarkhawlien, Cachar hmunah tluongtakin prokram a fe mek.

Missionary Convention­a hin Mission field tina inthawkin hnam dang le tawng dang hmang 11 lai an fekhawma, vawisun khan Cultural Event nei niin Adivasi, Bru, Halam, Karbi, Meitei, Hmar haiin an hnam lam le nungchang hai inentirna an nei.

Zing Pathienni (March 6,2016) hin zing inkhawm hunah Missionary Challenge le missionary thar ding tirsuokna (Missionary commissioning) hun nei ning ata, sun hunah Mission Beyond 2016 ti thupui a hmangin panel discussion nei ni bawk a tih. Hi Missionary Convention ahin India hmarsak le ramdang a inthawkin mikhuol 400 chuong lai an fekhawm a nih. (input: Rev. Lalnghakthang)







Post a Comment

Powered by Blogger.