AIZAWL, 24 MARCH, 2016 (VIRTHLI NEWS) : Mizoram-a NGO lientak Central Committee of Young Mizo Association (CYMA) chun Mizoram sawrkar le Hmar People’s Convention- Democratic (HPC-D) hai inkarah inbiekna a um nawk theina dingin hmalak an tum thu, ei thudawngna chun a hril.

Central YMA chun vawisun khan CEC meeting neiin, thla hmasa February ni 24 a HPC (D) Demand Area sunga Group YMA ṭhuoituha’n Mizoram sawrkar le HPC(D) hai inkarah inbiekna a um nawk theina dinga hma lapui dinga an ngenna chu nguntaka an ngaituo hnungin, inremna le muongna a um ngei theina di’n Mizoram sawrkar chu HPC (D) leh inbiekna dawkân buotsai dingin ngen an tum thu, CYMA ṭhuoituhai chun an hrila. Hi thu hi sawrkar thuneituhai kuomah intlun ngei an tum thu an hril bawk.


Mizoram sawrkar le HPC (D) inbiek tawpna tak chu July 28, 2013 khan nei a nia, sienkhawm thil tamtakah sawrkar le HPC(D) palaihai thu an inhmu naw leiin hmasawnna iengkhawm um lo in inbiekna chu suk tawp nawk a lo nih.

Post a Comment

Powered by Blogger.