Pu Editor/Admin inzaumtak,

Ahmasa'n ditsakna Chibai ka buk che/cheu. Ei news le chanchin Facebook le website le android app a hai lo tiemtu le Virthli ditsaktu le ngainatu kani ve a hieng ang platform nei a eNE Award hai chen la theia Virthli a um hi lawm um ka ti ngawtel. Hmatieng khawm ditsakna kan hlan nghal anih.

Leh Pu hai, tulai chu abikin keini Assam tieng chu State Assembly (Vidhan Shaba) Election (MLA Election) hi boruok inleng lai tak ani ti chu mipui hriet anih.

Ka lungril in ei umna muol le phai hai ka dap kuol a Barak Valley tieng chu Pu Lalthomlien Neitham ta dingin hnam pum huopa thang lak ani hi lawm um kati hle a ei inthuruol ngei ka beisei a, hnam dang hai chen khawma an mi support ka beisei bawk anih.

Hieng lai hin mawl taka kalo ngaituo ve nawk chu NC Hills tlang tieng hin kum 2003 laia hnam buoi laia nasa taka mi suk rimsietu chu an lal zing a, chu chu peithlak el hril taloin tuhin a naupa ta dingin ei hnam laia mi suongum tak tak hai khawmin nasatakin ama ta dingin hma an lak ve hi hnam lungril ei put tanaw lei ni thei a tim? Annawleh ieng ang policy am eilo nei ve ning ata ti hin ngaituo ava suk invak nasa de...

Ringumin,

NK LR Hmar
Jammu 


Post a Comment

Powered by Blogger.