CCPUR | by Lrs Puruolte : HSA JHQ, CCPur Ṭhuoitu thar (2016 - '18) hai Oath Taking chu HSA JHQ, CCPur (2016-'18) Election Commission (EC) inrawinain Life Cafe (Blue Room), Rengkai ah March 22, 2016 zantieng dar 4 pm khan nei a nih. Rev. Benjamin Shakum in ṭawngṭai pekna a nei. Charge inhlanna chu March 24, 2016 zing dar 7 am hin HSA JHQ, CCPur Information Centre, Rengkai ah nei ning a tih. Pu Richard Lalṭanpuia AGS, HSA GHQ chun Life Cafe a sengso hai a tum pek bakah hi huna ṭhanghai po zantieng bu Pu Lalhrillien MDC le Pu Lalṭanpui Saikot haiin fakpuina an nei bawk.

President thar chun EC in felfai taka election an huoihawtna thuah lawmthu a hril a. EC hin iengkim lekha pawimaw election huna mi le a hnunga mi HSA JHQ kuta hin an inhlan a. Hmar Inpui GHQ hnuoia affiliated bodies le mi pawimaw hai copy ding khawm an la sem vawng ding thu EC chun an hril. Rev. Benjamin chun hienganga felfai Election conduct a la hmu ngainaw thu a hril a. Rev. Jonathan Pudaite Principal, TCS, Sielmat khawmin Election ni khan a lo hril ta bawk. Oath taking hi hi election huna Presiding Officer Pu Rochunghnung in an nei tir tawl a nih. Hi huna hin Election Officer le Recording Secretary baka HSA JHQ ṭhuoitu ṭhenkhatin an ṭawiawm bawk.

Pu Lalṭanpui of Saikot chun HSA 'Inpui ding' tiin a inchung sawng room changkang tak el chu hi bufak huna hin an lut an suokna, Inpui taka an hmang dingin phal takin a peksuok thu a nuhmei leh an puong. Ama hi inchûklai hai, ram le hnam hmangaitu indik tak a nih. HSA Ṭhuoitu thar hai chun a chunga hin an lawmthu an hril. Pu Lalṭanpui hi ei hriet thei dan ding chun Pu Lalthlamuana Hmar tuta HSA GHQ a Assembly Speaker ni tah tarpupa a nih. A hma khawmin HSA chun a in hi fak le dawn khawm nisien an zawng ngamna, mi inphal em em el a lo ni rawp ta hlak a nih.

Entawn tlak tak a nih. Hiengang Inchûklai hai hmakhuo ngai le hmangaia ngainatu hi a nih ei ram le hnamin a mamaw chuh. Pathien-in an sungkuoin malsawm mawl raw se.

Post a Comment

Powered by Blogger.