AIZAWL, 2 MARCH, 2016: Hmar Students' Association, Aizawl Jt. Hqrs hmalakna in zani March ni 1 khan competitive exam le inzawma Free coaching chu a vawithumna (3rd batch) di'n Holy Child School, Ramhlun North, Aizawl-ah hawng a nih.

Free Coaching hawngna programme hi HSA General Headquarters President Pu L. Rothanglien Khawbungin a hmangpui a, Mizoram inchuklai pawl lientak pahni- Mizo Zirlai Pawl (MZP) le Mizo Students' Union (MSU) thuoitu ha'n an uopmawi bakah thuhrilna hun an nei a. HSA, Aizawl Jt. Hqrs Adviser Pu. Zosanglien Zote, EE, PWD in infuina thucha hrilin inchuklai hai le sin zawng mek hai chu tumru taka inchuk dingin a ditsak thu a hril.

Hi huna thuhriltu Pu Rothanglien chun Aizawl hmun ngeiah HSA free coaching boutsai theia um nawk chu lawmum a ti thu le inchuklai ha'n sawr tangkai ngei hai sien a nuom thu a hrila, MZP le MSU thuoituhai khawmin an pawlin an huoihawt theilo free coaching HSA in a buotsai chu lawmum an ti thu le entawn tlak an ti thu an hril bawk a nih.


Post a Comment

Powered by Blogger.