Missionary Convention thang dingin an suok
CCPUR: March 36, 2016 inkar sung khin Hmarkhawlienah RPCNEI Missionary Convention a um ding a ni a, hi conventiona thang ding hai chu zani zingkar khan Rev. Lalsiemthar in RPC NEI Office, Peace Lanea inthawk tawngtainain an thlaliem. Missionary Conventiona hin Mission field tina inthawk mani hnam lam hai inentirna um a ta, Missionary commissioning programme um nghal bawk a tih. Convention sunga thuhriltu dinghai chu Pastor Lalsiesang, New Delhi le Rev. L. Roshyama Hrangchal hai ning an tih.
YPA kum 63 tling lawmna March 3in
CCPUR: March 3, 2016, 7AM9AM inkar sung khin Young Paite Association (YPA) GHQ indina inthawk kum 63 a tling lawmna Hiangtam Lamka YPA Hallah um a tih. Tribal Martyrs hai ruong vui a la ninaw leiin nidang angin prog. hmang ninaw ni a, YPA GHQ Presient Chin Ngaih Pau in YPA flag keiphar a ta, Upa H. Nengsong, Sr. Adviser YPA GHQ in tawngtaina in hun hawng a tih. Hi huna hin Presidential message, Fin. Secy. le Gen. Secy. han report peng an ta, tribal martyrs 9 hai sunna hun hmang ni bawk a tih. Rev N.Pumsuanmung, Youth Coordinator, EBC in infuina thucha hril a ta, Upa V. Vungzathang, Chairman, CEC YPA GHQ in YPA constitution hawng ata, Rev. K. Lian B ension, Gen. Secy. EELC in YPA thuoitu hai tawngtaipekna nei a tih.
DI of School inrawinain Inspection an thaw
CCPUR: Mr Khaikhanlian Guite, DI of School, CCPur le staff hai chun zanikhan Zenhang Lamkaa Young Learners’ School Inspection an zu thaw. Hi huna hin student le teacher ratio; rikrum/ kangmei suok thut thilah School in fire extinguisher a nei am?student hai monthly tuition fee iengzam? Teacher hai thla hlaw (pay) iengzam an pek; Teacher iengzam an um ti bakah school structure bakah teachers hai particulars an enfel vawng bawk.
Zani hmasaa AI of Schools le staff han meeting an nei hunah ZEO hnuoia Govt. teacher sinthaw, CCPur Block hnuoia private school haia sinthaw an um le umnaw hai enfel ding tia an lo rel ta a nih. Hi le inzawm hin school dang dang hai khawm an la enfel pei dinga ngai a nih.
Malaria Positive 2
CCPUR: Malaria Department chun February, 2016 sung khan damnaw mi 1868 hai thisen lain an enfel a, Malaria Positive 2 an hmu a,a pahniin Malaria PV an nih tiin Malaria Department office a inthawk ei thu dawngna chun a hril.
March 5, 2016 chen peklut thei
CCPUR: NFCH hnuoia “Project Assist” hnuoia suma thangpuina hni thei dinghai chun mani umna SDO Office hai sengah March 5, 2016 chen khin hnina lekha peklut thei a nih tiin DC, Churachandpur chun inhriettirna a siem.
Malaria awareness
CCPUR: District Malaria Department chun March 4, 2016 khin Khuangkhai areaah Malaria natna laka inveng dan ding (awareness) nei an tih. Khuangkhai areaa chun khawsik/damnaw an tam hle a, sin thawa ram riek an tam lei ni dinga ring a nih.
An hnaipui state sawrkar hai leh hriltlang le inrawntuoin Naga Issue chingfel ning a tih: Rijiju
NEW DELHI: August, 2015 khan India le NSCN (IM) chun Framework Agreement an ziek a, hi thu hi thu hi sawrkar thlungpui chun a la bawzui pei a, Naga Issue chungchang hi Nagaland State le an hnaipui state sawrkar hai leh hriltlang le inrawntuoa chingfel ning a tih tiin zanikhan Union Minister of state for Home Affairs Kiren Rijiju chun Lok Sabhaah a hril.
Rahul Gandhi in Naga Peace Accord chungthua Lok Sabhaa a hrilhai hi thudiklo a nih. Sawrkar thlungpui chun hi thua hin inrawnpui tulhai an rawnpui a, Rahul Gandhi hin Inpui thuoi suol zaawngin thu a hril a nih tiin Union Home Minister Rajnath Singh chun zanikhan Lok Sabhaah Rahul Gandhi thuhril nasa taka demin a sawisel.
Naga Peace Accord chungthu chu boruokah a thamral ta a, Nagaland harsatna chu PM in a zawr hmang ta a nih. Naga Peace Accord ziekna thu hi Union Home Minister, Nagaland Chief Minister le Nagaland inhnaipui/thenuma Chief Minister danghai khawmin thu chieng an hriet naw a, hril le inrawnpui khawm an ni nawh tiin zanikhan Rahul Gandhi chun Narendra Modi PM nina le BJP thuoina hnuoi NDA sawrkar chu nasa takin a sawisel a nih.
PM Narendra Modi chu Dal kg. 1 ah Rs. 200 a zawra PM hung ni, thalaihai sin pek dinga tiema a taka sukpuitling si lo, tum le vision nei lova Pakistan a inzin, PM hmelma kan ninaw a, kan thu hril le thurawn hai a lak ve ding a nih. Ama ngaidan le ditdan chauin India ram thuoi thei naw ni a, ama khatin ro rel thei bawk naw nih. Kum 6 sunga sawrkar hmasa sin thaw that hai a suktlawl vawng bakah India mipuihai kuomah thil tam takel thaw dinga intiema thaw si lo a nih tiin Rahul Gandhi chun zanikhan Lok Sabhaah nasa takin Modi a sawisel.
Manipurah hnam hran hran 35
IMPHAL: Directorate of Census, 2011 dungzuiin Manipurah hnam chi tum tu m 35 ei um a, hi laia 33 hai chu St an nih tiin zanikhan Dy. CM Gaikhangam in inpui an h riettir. Chun, Greater Imphal area sungah CCTV 155 inthut a ni a, hienghai laia 28 chau hmang thei an ni a, CCTV thar 62 inchawk belsa tum le a hlui, hmang th ei lo h ai siem that tu m a n ih. Police Department hnuoiah Inspector (Male) post 712 a ruok a, MPSC leh inrawntuo a Police Inspector lakna nei tum a nih tiin Gaikhangam chun zanikhan Manipur Assembly an hriettir.
SDPO, Tousem a thisaa hmu
IMPHAL: Zani zingkar khan Nehemiah Jajo Chodang (58), s/o Khaprang Chadong of Grihang Village, tuta Nagaram DBlock, Imphal chu a chengna insunga thungphasei chungah a thisaa hmu a nih. A taksa hi a thu ta hle a, a luah hliemna be hmu a ni leiin mi thenkhatin an that ni dinga ring a nih. Nehemiah Jajo Chadong SDPO, Tousem sin chel lai a nih. Hmua a um nuhnung takna chu February 25, 2016 a ni a, a sunghai a tamlem chu Manipur puotinga um an nih. A sunghai laia thenkhatin a office an va en leh ni 3 sung chawl a lak an lo ti leiin a chengnainah an va en a, chu huna a thisaa an va hmu a nih.
ImphalMoreh inkarah bandh
IMPHAL: Thongkhogin Haokip (54) s/o (L) Holkhojang Haokip of Molnom, Chandel District thina le inzawma JAC indina um chun zani zanrila inthawk khan hun tiemchin um loin ImphalMoreh Roadah bandh an thaw tan. JAC thil ngen sawrkarin a ngaisak naw leia lungawi lova bandh hi an thaw niin JAC thusuok chun a hril.
Medical Allowance sukpung thei lo ding
IMPHAL: Manipur sawrkar hnuoiah thawktu, an sin haia inthawka pension tah mi 34600 le family pension hmu mi 13600 vel an um a, hieng pension hmu hai hi an medical allowance Rs. 400500 peia sukpung a ni chun kum khatah state sawrkarin cheng vaibelsie 12 vel a seng belsa ding a ni a. Sawrkarin pension ta hai hi lunginsiet hle sienkhawm sawrkar sum harsat leia an dainaw leiin pensioners le family pension hm hai hi an medical allocance Rs. 300500 vela sukpung thei ninaw nih tiin BJP MLA Kh. Joykishan indawnna siem dawnin zanikhan Manipur CM O.Ibobi Singh in Manipur Assemblyah a hril.
Dawr hai khar tawl an nih
IMPHAL: Zanita inthawk khan Imphal khawpui sunga Thangal Bazar le Paona Bazar haia dawr neituhai chun hun tiemchin um lo dingin an dawrhai an khar tan. Cabinet meeting in hieng Bazar pahni sung haia hin motor innghat phal ta lo dinga an rel dodalnaa dawr nei han an dawr hai an khar a nih. Dawr neihai chun state sawrkar chu an thu rel hi zani hmasa chena hlip nawk dinga deadline an pek a ni a, sienkhawm an ngenna ngaisak a ninaw leia lungawi lova an dawr hai hi an khar niin an hril.
Sharmila Police in an man nawk
IMPHAL: Irom Sharmila Chanu chu zani chawhnung tieng khan B.T. Park, Imphala bungheia a nuorna hmuna inthawk Police han an va man nawk a, Police Custodyah an sie. Bu ngheia a nuorna a la sunzawm pei leia man nawk a nih. Manipura inthawk AFSPA hlip dinga a ngennaa bungheia nuorna a nei hi kum 15 lai zet a tling tah.
National Level NE Games tan
IMPHAL: Zanikhan National Level NE Games, 2016 Khuman Lampak Main stadiumah tan a nih. Hi Games hi Dy. CM Gaikhangam in khuollien ni pumin a hawng. Hi Games hi NE biel sunga chenghai ta dingin inunauna tha lem a hung intlun beisei a nih tiin Gaikhangam chun chun a hril. NE biela inthawk inkhelmi hung thang hai chu theitawp suo a thang la ding le India ram ta dinga Power House (gamesah) ni thei seng dingin an fui tawl.
Excise stations 39 a um
IMPHAL: Manipur CM O.Ibobi Singh chun Manipurah Excise Stations 39 a aum a, thawktu 705 (sanctioned posts) lak dinga ti a ni a, sienkhawm tutak hin thawktu 423 an u m a, hi Department a hin post 282 a ruokin a la um a nih tiin zanikhan Manipur Assemblyah a hril.
Assembly in Demands 7 an passed
IMPHAL: Manipur Assembly chun zanikhan Demands 7 an passed nawk. Demands passeda um hai chu Transport, Commerce & Industries, Excise, Education, Sericulture, Science & Technology le Economics & Statistics hai an nih.
Kanhaya Baila suok a phal pek
NEW DELHI: Jawaharlal Nehru Universitya Feb. 9, 2016 nia protest neia AntiIndia Slogan khekpui a ni le inzawma man JNU Students Union President Kanhaya Kuamr chu zanikhan Delhi High Court in surety bond Rs. 10,000 pein thla 6 sung baila suok a phal pek. Parliament beitu laia dama man Afzal Guru khaihlum a ni champha Feb. 9, 2016 nia JNU campusa antiIndia slogan khekpui a ni le inzawma inrawlna neia intum leia Kanhya hi Feb. 12, 2016 a kha man le Tihar Jaila thun a nih. Student dang pahni Umar Khalid le Anirban Bhattacharya hai khawm hi thua bawk hin man an ni a, zani hmasa khan ni 14 sung Judicial Custody (Jail) a intang dinga court in a rel angin Jaila khum phawt an nih.
In kangah pasal 1 a kang hlum
AIZAWL: Zani hmasa zan dar 10:3 vel khan Kolasib district, Mizoram huop sunga Kawnpui khuoah Assam type a bawl Pu Vanlalvena In meiin a kang a, Pu Vanlalhruaia (39) chu a kang hlum. Hi in kang sunga um thuomhnaw iengkhawm lakdawk hman um lovin a kang fai vawng a nih. Kangmei hi Mombatia inthawka intan ni dinga ring a nih. Zanikhan YMA hmalaknain hnatlang nei a ni a, In kang hi inthielfai le bawl thar tan nawk a nih.
State 5 haia Assembly Election hun EC in a puong vat ta ding
NEW DELHI: Election Commission of India chun India rama states 5 West Bengal, Tamil Nadu, Kerala, Assam le Puducherry haia Assembly Election nei hun ding chu a puong vat ta ding niin official thusuok chun a hril. Hieng states 5 haia Assembly Election hi April thla lailung le May thla lailung velah phase 56 vela nei ni el theia hril a nih.
State 5 haia Assembly Election hung um ding le inzawm hin Election Commission chun venghimna sinthawtu ding central paramilitary forces hmang dan ding thuah Home ministry an rawnpui mek. Commission chun securityforces companies 700800 (personnel 70,00080,000) vel hmang dingin riruong a siem a, hi thua hin home ministry leh an ngaituo mek a nih.
State 5 Assembly hai hi May 22 le June 5, 2016 haia an hun (term) tawp ding an ni a; Tamil Nadu a chun board exam April thla bula tawp ding le Tamil Nadu’s New year bakah Assamah Bihu le Keralaa Vishu festival hai April thla lailung vela hmang hlak a ni leiin Election Commission chun Election hi April chawlkar thumna vela nei dinga a hung ruot ring a nih. Election neina ding states thenkhata chun advance deployment in security companies 100 vel tirlut an ni tah tiin ei thu dawngna chun a hril.
Lampuiah Rs. 50,000 a hmu; Police kuta an hlan
PILIBHIT: Uttar Pradesha chun kum 70a upa Dr PV Chakraborty of Rudrapur, Uttarakhand chun lampuiah Rs. 50,000 zet a hmu a, Madhotanda Police stationah a peklut. Dr Chakraborty hi official thil leia Puranpur hmuna inzin, a sin thaw ding a zo hnungah motorcyclea chuonga an khuo Rudrapur pana a fe lai mek Puranpur roada pawisa hi a hmu a nih. A bike khal sukchawla pawisa hi lain iemanichen a nghak hnungah tukhawm a hung indawn an umnaw leiin a neitu in a hmukir nawk theina dinga Madhotanda Police stationah fein a pawisa hmu hi a va sie a nih. Dr Chakraborty hi Ayurvedic medicine a expert niin kar khatah vawikhat bek Puranpura hin an zin hlak a nih.
Pakistan mi 65 India citizenship pek
NEW DELHI: Kum 2016 thla 2 liemta sung khan singer Adnan Sami thangin Pakistan mi 65 le ramdang danga mi 55 hai chu India mi nina (citizenship) pek an nih tiin Minister of State for Home Kiren Rijiju chun zanikhan Rajya Sabha an hriettir. Kum 2015 sung khan Pakistan mi 265 le rambung dang danga mi 344 hai Indian Citizenship pek an nih tiin a hril a, kum 2014 khan Pakistan mi 267 le ramdang danga mi 352 hai Indian Citizenship pek an nih tiin a hril bawk.
Afghanistan a Indian Consulateah bomb sukpuok
KABUL: Afghanistan rama Jalalabad hmuna Indian Consulatea chun helpawl han bomb an sukpuok bakah silai an kap hrut a, sienkhawm Consulate thawktu hai chu an him vawng tiin Ministry of External Affairs (MEA) report chun a hril. Consulate beitu helpawl 4 hai chu kap hlum vawng an ni a, inakaptuona tlungah Police officer 1 le civil mi nuhmei pakhat an thi a, midang 19 in hliemna an tuok tiin Nangarhar province spokesman chun a hril. Bomb phurtu Car hungtlan in Indian Consulate bulah a bomb phur a sukpuok a, bomb puok lei hin building bula innghat cars 8 hai chu a suksiet bawk. Hi thu ei sut chena hin a thawtu hai an lan puong nawh.
VAWISUN THUPUI
Lalpa chu ka nih, chu chu ka hming a nih; ka ropuina hi mi dang kuomah pe naw ningah a, inpak ka hlawna hi milim siem fawmhai kuomah pe bawk naw ning. Isai 42:8
Editorial
Moral Reformation ei mamaw
Ei lungril put dan, ei nundan an dik tanaw zie le siem that a ngai nasatzie chu ei hriet seng a, ei hril thei vawng bawk. Nisienlakhawm a taka insiem tha nuom ei um chuong nawh. Hi thil hi ei ram le khawvel sukbuoitu tak chu a nih. Hi thil hi ei lungril thienghlim naw le a tuiek lei a nih. Moral reformation hi ei thil mamawhai laia pakhat a nih. Nisienlakhawm, hma ei sawn thei naw dan a inthawk h in lungril thienghlim lo le tuiek ta siem that hi thil awlai tak chu a ni naw a nih ti hi ring a um. Ei lungril a thienghlim naw a, a tuiek nasa ta leiin ei innringhla vel vawng a, a kawi zawngin thil iengim el hi ei lak tawl ta a nih. Hi hi ei ram hmasawn thei nawna san pakhat a nih.
Mimal le company hnuoiah taima tak le ringum taka sin lo thaw tasa hai khawm sawrkar sin an hang thaw meu chun an inthlada nghal pei. Mimal, Company le Mission hnuoiah a hun taka office tlung a, a hun taka tin hlak hai khawm kha sawkar office a chun an inhnu thei em em a, an tin inhma hle thei bawk. Mimal sum inren em em hlak hai khan sawrkar sum chu an inren der ta nawh. Sawrkar sin hi ringum taka thaw ni inla chu sawrkar school hai lem chu tu ta ang ngirhmuna chau hin an um ring a um nawh. A san chu sawrkar school thenkhata chun naupang admit seng lo nei an um ve tlat. Sawrkar school le Department hran hran haiah mi indik le ringumhai lawrkhawm ta inla chu an tam naw hle ring a um.
Ei politics thlir dan le fepui dan hlak chu ram changkanghai thaw dan leh chu an angnaw nasa hle. Ram hmasawnna le inrelbawlna tha tak nei theina ding mi han an inhnikpui laiin ei ni rawi ruok chun mimal hamthatna dam, chapona dam, inlulingna le dan chunga lengna ding damin ei inhnikpui a, ‘hamthatna beisei naw inla iengleiin am politics buoipui ka ti leh’ ti hi ei lungril indik tak a nih. Politics tienga thil thaw thei deu sawrkar sin thawhai lem chu sawisel ngam khawm an ni nawh. Thil thaw thei nawhai hlak chu hrentang (hostage) ang elin an siem bawk si. Politics umzie ei hriet naw lei le ei moral a khawlo nasat ta leiin politicians tha tak tak hai khawm thiltha thaw theiah ei siem ta nawh. A tawi zawngin, ei duam leiin ei ram hin hma a sawn thei naw a ni deu tak. Hi lungril tha naw tak le tuiek hi ei sukfai a tul ta hle a nih.
Talent nei bik hlasakthiem, lemchang thiem, fiemthu thaw thiem le lam thiem hai chen ei nei tawl. An thil thiem hai hi fak hmuna khawp vawng an nih. Nisienlakhawm ei lungril that naw leiin fak zawngna tlak lova ei insuo pek vawng hlak. An thil thiem hai mipuihai ta dinga sum le tha tam tak senga phur taka an buotsai ve hai chu ei lo inruk pek pei hlak. A man tlawm annawleh a man bo, a thlawna thil nei ei tum rawpna hi ei lungril that naw lei a nih. Mi ei ngaisang a, an talent ei hlutsak chun an thil hai ei inchawk pek ding niawm tak a ni a, sienkhawm ei lo inruk pek nawk el hlak chu a ni si hi! Ram le hnam hmangaia inditsak chu ni inla ei hnam thila dinga pawimawna nei thil hai hi chu ei lo inchawk le lak seng hlak ring a um.
Sum ei hmu theina ding a ni phawt chun khel hril pawi ei ti naw a, mani hming midang le hnam dang inhawtir khawm ei rin naw a, hnam dang nei ei rin naw bawk bakah dan bawsiet pawi ei ti ngai nawh. Ei nunzie mawi tak le ei Kristienna chenin sie that ei ngam a, ei kristienna khawm hi lei hin ngainep phain a um niin an lang. Hiengang em ema ei nun dan le ei lungril put dan a tha tanaw el hi chu a pawi takzet a nih.
Ei duam leiin ei nuom zat zatin thil ei zawr a ni deu tak. Thil man (MRP) thenkhat hlak chu company rate siem thei ang takin a belna ding hmuna ei bel chawp ngam tah. Gas buk tling lo, petrol pawl dal, bufai tha le tha lo chawkpawla a tha hlir hlak anga zawr, thil buk tling lova zawr, BPL ni si lova inziek BPL ve ringawt tihai chenin ei thaw ngam ta bawk. Mi thenkhat hlak chun mi pawisa ding a hun taka pesuok lovin a pung hnawtin Banka dam ei sie pung thul. Thiltha thawna dinga chun ei lunginruol thei der si naw a, sienkhawm thil tha lo le indiklo thawna ding ruok chun ei lungruol nawk diel diel hlak. Moral Reformation ei mamaw takzet el a nih.
CCPUR: March 36, 2016 inkar sung khin Hmarkhawlienah RPCNEI Missionary Convention a um ding a ni a, hi conventiona thang ding hai chu zani zingkar khan Rev. Lalsiemthar in RPC NEI Office, Peace Lanea inthawk tawngtainain an thlaliem. Missionary Conventiona hin Mission field tina inthawk mani hnam lam hai inentirna um a ta, Missionary commissioning programme um nghal bawk a tih. Convention sunga thuhriltu dinghai chu Pastor Lalsiesang, New Delhi le Rev. L. Roshyama Hrangchal hai ning an tih.
YPA kum 63 tling lawmna March 3in
CCPUR: March 3, 2016, 7AM9AM inkar sung khin Young Paite Association (YPA) GHQ indina inthawk kum 63 a tling lawmna Hiangtam Lamka YPA Hallah um a tih. Tribal Martyrs hai ruong vui a la ninaw leiin nidang angin prog. hmang ninaw ni a, YPA GHQ Presient Chin Ngaih Pau in YPA flag keiphar a ta, Upa H. Nengsong, Sr. Adviser YPA GHQ in tawngtaina in hun hawng a tih. Hi huna hin Presidential message, Fin. Secy. le Gen. Secy. han report peng an ta, tribal martyrs 9 hai sunna hun hmang ni bawk a tih. Rev N.Pumsuanmung, Youth Coordinator, EBC in infuina thucha hril a ta, Upa V. Vungzathang, Chairman, CEC YPA GHQ in YPA constitution hawng ata, Rev. K. Lian B ension, Gen. Secy. EELC in YPA thuoitu hai tawngtaipekna nei a tih.
DI of School inrawinain Inspection an thaw
CCPUR: Mr Khaikhanlian Guite, DI of School, CCPur le staff hai chun zanikhan Zenhang Lamkaa Young Learners’ School Inspection an zu thaw. Hi huna hin student le teacher ratio; rikrum/ kangmei suok thut thilah School in fire extinguisher a nei am?student hai monthly tuition fee iengzam? Teacher hai thla hlaw (pay) iengzam an pek; Teacher iengzam an um ti bakah school structure bakah teachers hai particulars an enfel vawng bawk.
Zani hmasaa AI of Schools le staff han meeting an nei hunah ZEO hnuoia Govt. teacher sinthaw, CCPur Block hnuoia private school haia sinthaw an um le umnaw hai enfel ding tia an lo rel ta a nih. Hi le inzawm hin school dang dang hai khawm an la enfel pei dinga ngai a nih.
Malaria Positive 2
CCPUR: Malaria Department chun February, 2016 sung khan damnaw mi 1868 hai thisen lain an enfel a, Malaria Positive 2 an hmu a,a pahniin Malaria PV an nih tiin Malaria Department office a inthawk ei thu dawngna chun a hril.
March 5, 2016 chen peklut thei
CCPUR: NFCH hnuoia “Project Assist” hnuoia suma thangpuina hni thei dinghai chun mani umna SDO Office hai sengah March 5, 2016 chen khin hnina lekha peklut thei a nih tiin DC, Churachandpur chun inhriettirna a siem.
Malaria awareness
CCPUR: District Malaria Department chun March 4, 2016 khin Khuangkhai areaah Malaria natna laka inveng dan ding (awareness) nei an tih. Khuangkhai areaa chun khawsik/damnaw an tam hle a, sin thawa ram riek an tam lei ni dinga ring a nih.
An hnaipui state sawrkar hai leh hriltlang le inrawntuoin Naga Issue chingfel ning a tih: Rijiju
NEW DELHI: August, 2015 khan India le NSCN (IM) chun Framework Agreement an ziek a, hi thu hi thu hi sawrkar thlungpui chun a la bawzui pei a, Naga Issue chungchang hi Nagaland State le an hnaipui state sawrkar hai leh hriltlang le inrawntuoa chingfel ning a tih tiin zanikhan Union Minister of state for Home Affairs Kiren Rijiju chun Lok Sabhaah a hril.
Rahul Gandhi in Naga Peace Accord chungthua Lok Sabhaa a hrilhai hi thudiklo a nih. Sawrkar thlungpui chun hi thua hin inrawnpui tulhai an rawnpui a, Rahul Gandhi hin Inpui thuoi suol zaawngin thu a hril a nih tiin Union Home Minister Rajnath Singh chun zanikhan Lok Sabhaah Rahul Gandhi thuhril nasa taka demin a sawisel.
Naga Peace Accord chungthu chu boruokah a thamral ta a, Nagaland harsatna chu PM in a zawr hmang ta a nih. Naga Peace Accord ziekna thu hi Union Home Minister, Nagaland Chief Minister le Nagaland inhnaipui/thenuma Chief Minister danghai khawmin thu chieng an hriet naw a, hril le inrawnpui khawm an ni nawh tiin zanikhan Rahul Gandhi chun Narendra Modi PM nina le BJP thuoina hnuoi NDA sawrkar chu nasa takin a sawisel a nih.
PM Narendra Modi chu Dal kg. 1 ah Rs. 200 a zawra PM hung ni, thalaihai sin pek dinga tiema a taka sukpuitling si lo, tum le vision nei lova Pakistan a inzin, PM hmelma kan ninaw a, kan thu hril le thurawn hai a lak ve ding a nih. Ama ngaidan le ditdan chauin India ram thuoi thei naw ni a, ama khatin ro rel thei bawk naw nih. Kum 6 sunga sawrkar hmasa sin thaw that hai a suktlawl vawng bakah India mipuihai kuomah thil tam takel thaw dinga intiema thaw si lo a nih tiin Rahul Gandhi chun zanikhan Lok Sabhaah nasa takin Modi a sawisel.
Manipurah hnam hran hran 35
IMPHAL: Directorate of Census, 2011 dungzuiin Manipurah hnam chi tum tu m 35 ei um a, hi laia 33 hai chu St an nih tiin zanikhan Dy. CM Gaikhangam in inpui an h riettir. Chun, Greater Imphal area sungah CCTV 155 inthut a ni a, hienghai laia 28 chau hmang thei an ni a, CCTV thar 62 inchawk belsa tum le a hlui, hmang th ei lo h ai siem that tu m a n ih. Police Department hnuoiah Inspector (Male) post 712 a ruok a, MPSC leh inrawntuo a Police Inspector lakna nei tum a nih tiin Gaikhangam chun zanikhan Manipur Assembly an hriettir.
SDPO, Tousem a thisaa hmu
IMPHAL: Zani zingkar khan Nehemiah Jajo Chodang (58), s/o Khaprang Chadong of Grihang Village, tuta Nagaram DBlock, Imphal chu a chengna insunga thungphasei chungah a thisaa hmu a nih. A taksa hi a thu ta hle a, a luah hliemna be hmu a ni leiin mi thenkhatin an that ni dinga ring a nih. Nehemiah Jajo Chadong SDPO, Tousem sin chel lai a nih. Hmua a um nuhnung takna chu February 25, 2016 a ni a, a sunghai a tamlem chu Manipur puotinga um an nih. A sunghai laia thenkhatin a office an va en leh ni 3 sung chawl a lak an lo ti leiin a chengnainah an va en a, chu huna a thisaa an va hmu a nih.
ImphalMoreh inkarah bandh
IMPHAL: Thongkhogin Haokip (54) s/o (L) Holkhojang Haokip of Molnom, Chandel District thina le inzawma JAC indina um chun zani zanrila inthawk khan hun tiemchin um loin ImphalMoreh Roadah bandh an thaw tan. JAC thil ngen sawrkarin a ngaisak naw leia lungawi lova bandh hi an thaw niin JAC thusuok chun a hril.
Medical Allowance sukpung thei lo ding
IMPHAL: Manipur sawrkar hnuoiah thawktu, an sin haia inthawka pension tah mi 34600 le family pension hmu mi 13600 vel an um a, hieng pension hmu hai hi an medical allowance Rs. 400500 peia sukpung a ni chun kum khatah state sawrkarin cheng vaibelsie 12 vel a seng belsa ding a ni a. Sawrkarin pension ta hai hi lunginsiet hle sienkhawm sawrkar sum harsat leia an dainaw leiin pensioners le family pension hm hai hi an medical allocance Rs. 300500 vela sukpung thei ninaw nih tiin BJP MLA Kh. Joykishan indawnna siem dawnin zanikhan Manipur CM O.Ibobi Singh in Manipur Assemblyah a hril.
Dawr hai khar tawl an nih
IMPHAL: Zanita inthawk khan Imphal khawpui sunga Thangal Bazar le Paona Bazar haia dawr neituhai chun hun tiemchin um lo dingin an dawrhai an khar tan. Cabinet meeting in hieng Bazar pahni sung haia hin motor innghat phal ta lo dinga an rel dodalnaa dawr nei han an dawr hai an khar a nih. Dawr neihai chun state sawrkar chu an thu rel hi zani hmasa chena hlip nawk dinga deadline an pek a ni a, sienkhawm an ngenna ngaisak a ninaw leia lungawi lova an dawr hai hi an khar niin an hril.
Sharmila Police in an man nawk
IMPHAL: Irom Sharmila Chanu chu zani chawhnung tieng khan B.T. Park, Imphala bungheia a nuorna hmuna inthawk Police han an va man nawk a, Police Custodyah an sie. Bu ngheia a nuorna a la sunzawm pei leia man nawk a nih. Manipura inthawk AFSPA hlip dinga a ngennaa bungheia nuorna a nei hi kum 15 lai zet a tling tah.
National Level NE Games tan
IMPHAL: Zanikhan National Level NE Games, 2016 Khuman Lampak Main stadiumah tan a nih. Hi Games hi Dy. CM Gaikhangam in khuollien ni pumin a hawng. Hi Games hi NE biel sunga chenghai ta dingin inunauna tha lem a hung intlun beisei a nih tiin Gaikhangam chun chun a hril. NE biela inthawk inkhelmi hung thang hai chu theitawp suo a thang la ding le India ram ta dinga Power House (gamesah) ni thei seng dingin an fui tawl.
Excise stations 39 a um
IMPHAL: Manipur CM O.Ibobi Singh chun Manipurah Excise Stations 39 a aum a, thawktu 705 (sanctioned posts) lak dinga ti a ni a, sienkhawm tutak hin thawktu 423 an u m a, hi Department a hin post 282 a ruokin a la um a nih tiin zanikhan Manipur Assemblyah a hril.
Assembly in Demands 7 an passed
IMPHAL: Manipur Assembly chun zanikhan Demands 7 an passed nawk. Demands passeda um hai chu Transport, Commerce & Industries, Excise, Education, Sericulture, Science & Technology le Economics & Statistics hai an nih.
Kanhaya Baila suok a phal pek
NEW DELHI: Jawaharlal Nehru Universitya Feb. 9, 2016 nia protest neia AntiIndia Slogan khekpui a ni le inzawma man JNU Students Union President Kanhaya Kuamr chu zanikhan Delhi High Court in surety bond Rs. 10,000 pein thla 6 sung baila suok a phal pek. Parliament beitu laia dama man Afzal Guru khaihlum a ni champha Feb. 9, 2016 nia JNU campusa antiIndia slogan khekpui a ni le inzawma inrawlna neia intum leia Kanhya hi Feb. 12, 2016 a kha man le Tihar Jaila thun a nih. Student dang pahni Umar Khalid le Anirban Bhattacharya hai khawm hi thua bawk hin man an ni a, zani hmasa khan ni 14 sung Judicial Custody (Jail) a intang dinga court in a rel angin Jaila khum phawt an nih.
In kangah pasal 1 a kang hlum
AIZAWL: Zani hmasa zan dar 10:3 vel khan Kolasib district, Mizoram huop sunga Kawnpui khuoah Assam type a bawl Pu Vanlalvena In meiin a kang a, Pu Vanlalhruaia (39) chu a kang hlum. Hi in kang sunga um thuomhnaw iengkhawm lakdawk hman um lovin a kang fai vawng a nih. Kangmei hi Mombatia inthawka intan ni dinga ring a nih. Zanikhan YMA hmalaknain hnatlang nei a ni a, In kang hi inthielfai le bawl thar tan nawk a nih.
State 5 haia Assembly Election hun EC in a puong vat ta ding
NEW DELHI: Election Commission of India chun India rama states 5 West Bengal, Tamil Nadu, Kerala, Assam le Puducherry haia Assembly Election nei hun ding chu a puong vat ta ding niin official thusuok chun a hril. Hieng states 5 haia Assembly Election hi April thla lailung le May thla lailung velah phase 56 vela nei ni el theia hril a nih.
State 5 haia Assembly Election hung um ding le inzawm hin Election Commission chun venghimna sinthawtu ding central paramilitary forces hmang dan ding thuah Home ministry an rawnpui mek. Commission chun securityforces companies 700800 (personnel 70,00080,000) vel hmang dingin riruong a siem a, hi thua hin home ministry leh an ngaituo mek a nih.
State 5 Assembly hai hi May 22 le June 5, 2016 haia an hun (term) tawp ding an ni a; Tamil Nadu a chun board exam April thla bula tawp ding le Tamil Nadu’s New year bakah Assamah Bihu le Keralaa Vishu festival hai April thla lailung vela hmang hlak a ni leiin Election Commission chun Election hi April chawlkar thumna vela nei dinga a hung ruot ring a nih. Election neina ding states thenkhata chun advance deployment in security companies 100 vel tirlut an ni tah tiin ei thu dawngna chun a hril.
Lampuiah Rs. 50,000 a hmu; Police kuta an hlan
PILIBHIT: Uttar Pradesha chun kum 70a upa Dr PV Chakraborty of Rudrapur, Uttarakhand chun lampuiah Rs. 50,000 zet a hmu a, Madhotanda Police stationah a peklut. Dr Chakraborty hi official thil leia Puranpur hmuna inzin, a sin thaw ding a zo hnungah motorcyclea chuonga an khuo Rudrapur pana a fe lai mek Puranpur roada pawisa hi a hmu a nih. A bike khal sukchawla pawisa hi lain iemanichen a nghak hnungah tukhawm a hung indawn an umnaw leiin a neitu in a hmukir nawk theina dinga Madhotanda Police stationah fein a pawisa hmu hi a va sie a nih. Dr Chakraborty hi Ayurvedic medicine a expert niin kar khatah vawikhat bek Puranpura hin an zin hlak a nih.
Pakistan mi 65 India citizenship pek
NEW DELHI: Kum 2016 thla 2 liemta sung khan singer Adnan Sami thangin Pakistan mi 65 le ramdang danga mi 55 hai chu India mi nina (citizenship) pek an nih tiin Minister of State for Home Kiren Rijiju chun zanikhan Rajya Sabha an hriettir. Kum 2015 sung khan Pakistan mi 265 le rambung dang danga mi 344 hai Indian Citizenship pek an nih tiin a hril a, kum 2014 khan Pakistan mi 267 le ramdang danga mi 352 hai Indian Citizenship pek an nih tiin a hril bawk.
Afghanistan a Indian Consulateah bomb sukpuok
KABUL: Afghanistan rama Jalalabad hmuna Indian Consulatea chun helpawl han bomb an sukpuok bakah silai an kap hrut a, sienkhawm Consulate thawktu hai chu an him vawng tiin Ministry of External Affairs (MEA) report chun a hril. Consulate beitu helpawl 4 hai chu kap hlum vawng an ni a, inakaptuona tlungah Police officer 1 le civil mi nuhmei pakhat an thi a, midang 19 in hliemna an tuok tiin Nangarhar province spokesman chun a hril. Bomb phurtu Car hungtlan in Indian Consulate bulah a bomb phur a sukpuok a, bomb puok lei hin building bula innghat cars 8 hai chu a suksiet bawk. Hi thu ei sut chena hin a thawtu hai an lan puong nawh.
VAWISUN THUPUI
Lalpa chu ka nih, chu chu ka hming a nih; ka ropuina hi mi dang kuomah pe naw ningah a, inpak ka hlawna hi milim siem fawmhai kuomah pe bawk naw ning. Isai 42:8
Editorial
Moral Reformation ei mamaw
Ei lungril put dan, ei nundan an dik tanaw zie le siem that a ngai nasatzie chu ei hriet seng a, ei hril thei vawng bawk. Nisienlakhawm a taka insiem tha nuom ei um chuong nawh. Hi thil hi ei ram le khawvel sukbuoitu tak chu a nih. Hi thil hi ei lungril thienghlim naw le a tuiek lei a nih. Moral reformation hi ei thil mamawhai laia pakhat a nih. Nisienlakhawm, hma ei sawn thei naw dan a inthawk h in lungril thienghlim lo le tuiek ta siem that hi thil awlai tak chu a ni naw a nih ti hi ring a um. Ei lungril a thienghlim naw a, a tuiek nasa ta leiin ei innringhla vel vawng a, a kawi zawngin thil iengim el hi ei lak tawl ta a nih. Hi hi ei ram hmasawn thei nawna san pakhat a nih.
Mimal le company hnuoiah taima tak le ringum taka sin lo thaw tasa hai khawm sawrkar sin an hang thaw meu chun an inthlada nghal pei. Mimal, Company le Mission hnuoiah a hun taka office tlung a, a hun taka tin hlak hai khawm kha sawkar office a chun an inhnu thei em em a, an tin inhma hle thei bawk. Mimal sum inren em em hlak hai khan sawrkar sum chu an inren der ta nawh. Sawrkar sin hi ringum taka thaw ni inla chu sawrkar school hai lem chu tu ta ang ngirhmuna chau hin an um ring a um nawh. A san chu sawrkar school thenkhata chun naupang admit seng lo nei an um ve tlat. Sawrkar school le Department hran hran haiah mi indik le ringumhai lawrkhawm ta inla chu an tam naw hle ring a um.
Ei politics thlir dan le fepui dan hlak chu ram changkanghai thaw dan leh chu an angnaw nasa hle. Ram hmasawnna le inrelbawlna tha tak nei theina ding mi han an inhnikpui laiin ei ni rawi ruok chun mimal hamthatna dam, chapona dam, inlulingna le dan chunga lengna ding damin ei inhnikpui a, ‘hamthatna beisei naw inla iengleiin am politics buoipui ka ti leh’ ti hi ei lungril indik tak a nih. Politics tienga thil thaw thei deu sawrkar sin thawhai lem chu sawisel ngam khawm an ni nawh. Thil thaw thei nawhai hlak chu hrentang (hostage) ang elin an siem bawk si. Politics umzie ei hriet naw lei le ei moral a khawlo nasat ta leiin politicians tha tak tak hai khawm thiltha thaw theiah ei siem ta nawh. A tawi zawngin, ei duam leiin ei ram hin hma a sawn thei naw a ni deu tak. Hi lungril tha naw tak le tuiek hi ei sukfai a tul ta hle a nih.
Talent nei bik hlasakthiem, lemchang thiem, fiemthu thaw thiem le lam thiem hai chen ei nei tawl. An thil thiem hai hi fak hmuna khawp vawng an nih. Nisienlakhawm ei lungril that naw leiin fak zawngna tlak lova ei insuo pek vawng hlak. An thil thiem hai mipuihai ta dinga sum le tha tam tak senga phur taka an buotsai ve hai chu ei lo inruk pek pei hlak. A man tlawm annawleh a man bo, a thlawna thil nei ei tum rawpna hi ei lungril that naw lei a nih. Mi ei ngaisang a, an talent ei hlutsak chun an thil hai ei inchawk pek ding niawm tak a ni a, sienkhawm ei lo inruk pek nawk el hlak chu a ni si hi! Ram le hnam hmangaia inditsak chu ni inla ei hnam thila dinga pawimawna nei thil hai hi chu ei lo inchawk le lak seng hlak ring a um.
Sum ei hmu theina ding a ni phawt chun khel hril pawi ei ti naw a, mani hming midang le hnam dang inhawtir khawm ei rin naw a, hnam dang nei ei rin naw bawk bakah dan bawsiet pawi ei ti ngai nawh. Ei nunzie mawi tak le ei Kristienna chenin sie that ei ngam a, ei kristienna khawm hi lei hin ngainep phain a um niin an lang. Hiengang em ema ei nun dan le ei lungril put dan a tha tanaw el hi chu a pawi takzet a nih.
Ei duam leiin ei nuom zat zatin thil ei zawr a ni deu tak. Thil man (MRP) thenkhat hlak chu company rate siem thei ang takin a belna ding hmuna ei bel chawp ngam tah. Gas buk tling lo, petrol pawl dal, bufai tha le tha lo chawkpawla a tha hlir hlak anga zawr, thil buk tling lova zawr, BPL ni si lova inziek BPL ve ringawt tihai chenin ei thaw ngam ta bawk. Mi thenkhat hlak chun mi pawisa ding a hun taka pesuok lovin a pung hnawtin Banka dam ei sie pung thul. Thiltha thawna dinga chun ei lunginruol thei der si naw a, sienkhawm thil tha lo le indiklo thawna ding ruok chun ei lungruol nawk diel diel hlak. Moral Reformation ei mamaw takzet el a nih.
