Hmarkhawlien, March 21, 2016 (Virthli News): Nk. Pricilla Lalthangpui of Bekarasuo (Papa veng) le Nk. Ringthazuol of Tuisuolien hai chu zingkar dar 7 vel khan Hmarkhawlien/Fulertal kai lai nga manna bomb phurtu a intum leiiin an man.

Nk. Pricilla Lalthangpui le Nk. ingthazuol hai hi zingkar Bekara kaia inthawka Hmarkhawlien pan dinga Launch/motor boat a fe an nia, Hmarkhawlien/Fulertal kaiah Police in an chuongna lawng lo check in, bomb- nga manna ding an hmudawk a, a lawng khaltu chun Police hai kuoma bomb chu Nunghak hai ta/an phur angin a hril el tah a nih. Chu phing chun Nk. Pricilla Lalthangpui le Nk. Ringthazuol hai chu Police in an man tah a nih. Hienga an buoi lai tak hin Bekarasuo ainthawka launch danga hung vai pakhat Nazurul ti chun nuhmei hai chu a hmu chun san tumin police hai chu ava bieka, anni anni nawh, mi tha an nia, ka hrietchieng mi an nih tia ava tawng chun Police hai chun vaipa khawm chu an vuok hrep hnungin police station ah an thuoi sa a nih.


Lakhipur Police Station ah thuoi an nia, hi thu hi hriet ani charin Hmarkhawliena hnam thuoitu  HWA, HYA, HNU, HSA, Val Upa, VC le Kohran thuoitu iemazat in an zu bawzui nghala, an statement hai lak ani zo hnungin Pu Thanmawi Pajamte in an suokna dingin sui keiin zanting dar 5 khan Nazurul thangsa in insuo anni nawk tah. Lawng Driver pahni Bekarasuo mi tho (vaihai) chu tuhin thana la hrentang an nih.

Nk. Pricilla Lalthangpui le Nk. Ringthazuol hai hi Delhi ICI KTP Conference a ding Jiribam Presbytery Choir hai uniform ding inthuitir dinga Hmarkhawlien a fe an nih.

Pastor Joe Sanghmingthang in ICI Pastor Quarter Hmarkhawlien ah tawngtaina a neia hadam takin an inlawi nawk tah.

Reporting & Photo: Joseph Darngawn, Virthli News

Post a Comment

Powered by Blogger.