CCPur, March 5,2016 (Virthli): March 5, 2016 chawhma dar 11 AM ainthawk zantieng dar 3PM chen khan darkar 4 sung zet Hmar Inpui 1st Executive & Affiliated Bodies Meeting chu Hmar Secretariat, HSA Campus, Rengkai, CCPur hmuna nei a nih. Hi hun a hin hieng- HSA, HYA, HWA, HNU (Manipur), HLS (Manipur), HPC-D, HACS, HAA le HCLF haia inthawk le HI (2016-'19) sunga Executive Committee Member hai baka Hmar MDC (Manipur) thenkhat an thang.


Chipchier taka hriltlang a ni hnungin hi huna hin resolution pahni passed a ni a, chuonghai chu-  Resln. No. 1-na a chun Hmar Inpui Constitution tharin "State Wise" a Co-ordination Committee indin theina dan a siem dungzuiin hieng khuo/biel tum tum hai hin an hmatieng April 2016 chena lo indin dingin an rel. Anni hai hi inthlangpuitu dingin an umna khuo/biel senga Hmar Inpui annawleh pawl hieng haihi hi meeting hin a ruot nghal bawk. Chuong hai chu Tripura ah Hmar Inpui; Guwahati (Assam) ah Hmar Welfare; Meghalaya ah Hmar Inpui; Barak Valley (Assam) ah Hmar Inpui; NC Hills (Assam) ah Hmar Peoples' Union (HPU), Delhi ah Hmar Welfare; Pune (Maharashtra) ah Hmar Welfare; Vangai (Manipur) ah Chief Association; Jiribam (Manipur) ah HNU; Hmarbiel (Manipur) ah Chief Association; Mumbai (Maharashtra) ah Hmar Welfare; Bangalore (Karnataka) ah Hmar Welfare; Aizawl (Mizoram) ah Hmar Welfare; Sinlung Hills (SHDC Area/Mizoram) ah HPC; Kolasib (Mizoram) ah HSA le Imphal (Manipur) ah HYA JHQ le Val-Upa hai an nih.  Anni hai lo inbiekpawpuitu dingin Jt. Secy. (Info. & Media i/c) Tv. LRS Puruolte dande nghal a ni baka Inthlangna nei zo hun ah Pu Francis Songate Gen. Secy., Hmar Inpui GHQ annawleh Hmar Inpui GHQ Office ah peklut thei ding le Email: hmarinpui@yahoo.com ah thawn thei a ni ding thu Jt. Secy. (Info. & Media); HI GHQ chun a hril.

Resln. No. 2-na a chun (A) The 8th Hmar Inpui Assembly Feb. 12 & 13, 2016 ni a VTI, Rengkai, CCPur (Manipur) hmuna nei a ni huna Agenda 4 & Resolution - Hmar Martyrs' Day inser dan ding chungthu a chun Hmar Inpui State Wise a an palai ding seng inthlangna an nei zo hun ah anni remchang anga May 16- Hmar Martyrs' Day inser el dinga rel a nih. Chun, (B) Hmar Inpui Gen. Hqrs. umna biela Hmar Martyrs' Day inserna ding chungthu ah ngaituona le hriltlangna nei a ni a, 2015 huna lo indin tah Hmar Martyrs' Trophy Organising Board (HMARTOB) Kum 3 term dinga an lo indin ta chu ngaituona nei a ni a, hi ni hi ursun nawk zuola hmang zawm pei a ni theina dingin hma lo latu (Hnam Sipai) haiin hma hung la hai sien kan tih a, hmalak dan ding rawtna hung siem hai sien tiin hi huna hin an rel bawk.

Hi Meeting hi Pu Joseph Lalrothang President, Hmar Inpui GHQ in a'n rawia,  Upa Dr. Rosiem Pudaite in Pathien kuoma tawngtaina a nei zovin meeting tan a nih. Gen. Secy., HI GHQ Pu Francis Songate in resolutions/thurel hai tiem suokna a nei zovin Upa Vanlalrem in Pathien kuoma tawngtaina a nei zovin Meeting hi khar a nih.

Post a Comment

Powered by Blogger.