Aizawl, 11 Feb, 2016 (Virthli News) : Sinlung Hills Accord Implementation Demand Committee (SHAIDC) chun February ni 10 khan Mizoram Chief Minister kuomah an rang thei anga Singlung Hills Development Council (SHDC) election buotsai dingin ziekin ngenna an thelut.
SHAIDC chun July ni 27, 2016 hma ngeiin Mizoram CM chu an ngenna sukpuitling dingin an phuta, tuta inthawka thlakhat sungin finfiena (assurance) thatawk tak an hmu naw chun High Court ah an intlun ding thu CM an hril bawk.
SHAIDC chun Mizoram Sawrkar le HPC in July ni 27, 1994 ah inremna thuthlung an ziek anthawk kum 22 lai an vawi hnung khawma vawisun chen accord sukpuitling a la ni naw chu pawi an ti thu le SHDC huom sunga mipui hai hmakhuo a suk ping hle a nih an ti a. Mizoram Sawrkar in Sept ni 26, 2013 a notification an suo dungzuiin SHDC-a thuneina chu mimal kutah sie ta lo a, mipui ha'n ditthlangna an siem theina dingin an rang thei anga council election buotsai dingin CM an ngen.
SHAIDC hin an Chairman Vanlalsiama le Secretary Lalparkunga hai hmingin ngenna hi an thelut a nih.
SHAIDC hi 2015 a kha indin niin, General Heaquarters chu Sakawrdai, Sinlung Hills, Mizoram a nih.
February ni 12, sun dar 12 hin SHAIDC thuoitu hai chun Aizawl Press Club ah thuthar thedartuhai inpawlpuina nei an tih.
SHAIDC chun July ni 27, 2016 hma ngeiin Mizoram CM chu an ngenna sukpuitling dingin an phuta, tuta inthawka thlakhat sungin finfiena (assurance) thatawk tak an hmu naw chun High Court ah an intlun ding thu CM an hril bawk.
SHAIDC chun Mizoram Sawrkar le HPC in July ni 27, 1994 ah inremna thuthlung an ziek anthawk kum 22 lai an vawi hnung khawma vawisun chen accord sukpuitling a la ni naw chu pawi an ti thu le SHDC huom sunga mipui hai hmakhuo a suk ping hle a nih an ti a. Mizoram Sawrkar in Sept ni 26, 2013 a notification an suo dungzuiin SHDC-a thuneina chu mimal kutah sie ta lo a, mipui ha'n ditthlangna an siem theina dingin an rang thei anga council election buotsai dingin CM an ngen.
SHAIDC hin an Chairman Vanlalsiama le Secretary Lalparkunga hai hmingin ngenna hi an thelut a nih.
SHAIDC hi 2015 a kha indin niin, General Heaquarters chu Sakawrdai, Sinlung Hills, Mizoram a nih.
February ni 12, sun dar 12 hin SHAIDC thuoitu hai chun Aizawl Press Club ah thuthar thedartuhai inpawlpuina nei an tih.
