YLS in Valedictory prog. an hmang
CCPUR: Young Learners’ School (YLS) chun zani 12:30 khan an school campusah Valedictory program 2016 an hmang. Hi huna hin Guest speaker in Rev. Rohminglien Pakhuongte,Vice Prsident (Education) PMS a thang. Hi huna hin Rev. BL Sandam, Lamka ICI Pastor chun Class X exam ding students 112 hai ta dinga Pathien kuoma tawngtaipekna hun a hmang bakah Class X exam ding Class of 2015 hai kuoma Special presentation pekna nei a ni a, Sir Muan, Asst. Teacher le Ms Miruny, Asst. Teacher hai inrawinain award semna nei a nih. Program zo hin Rev. Dr Zolienkhum Joute, Board Member, YLS Managing Board in tawngtainain hun a khar.
Ui hai damdawi inkaptir dingin
CCPUR: DC, CCPur chun Churachandpur khawpui sunga Ui vaitu hai chu an Ui vai hai Jt. Director, Dept. of Vety. & AH, Govt. of Manipur, Tuibuong, CCPur Officeah damdawi inkaptir seng dingin zanikhan inhriettirna an suo.
HSLC Question paper a hungtlung
CCPUR: BSEM huoihawtnaa Class X (HSLC) Exam, 2016 March 1, 2016 a inthawka tan dinga CCPur district private centrea ding question paper hai chu zanikhan BSEM official han an hung phurtlung a, CCPur Private Centre OfficerinCharge T. Hanglamthang inrawinain CCPur Police Stationah sie a nih.
JPO in hmalak dan ding an hriltlang
CCPUR: JPO chun zanikhan YMA Office, Hmuia Vengah Student leaders hai meeting an neipui a, Jan. 1921, 2016 sunga Nalon hmuna 31st YMA Annual Conference hmanga fe hai chuongna Bus 3, Jan. 20, 2016 nia unlimited bandh volunteer han an suksietna thua hmalak dan ding an hriltlang.
March 12 in Lok Adalat a um ding
CCPUR: District Legal Services Authority, CCPur hmalaknain March 12, 2016, 10:30AM a inthawk khin Chief Judicial Magistrate (CJM) Court, CCPur hmunah one day LOK ADALAT um a tih. Banks, civil le reveneue tienga buoina/harsatna rel fel ding nei han March 1, 2016, 12.00 noon chen khin ziekin CJM, CCPur a Chairman/Secy. CCPur Legal Services Authority kuoma hnina peklut thei ning a tih.
Pavanglai Conference Saikawtah
CCPUR: ICI Tuithaphai Presbytery Pavanglai Conferene a vawihnina chu Feb. 2628, 2016 inkar sung khin Saikawt (N) ICI Biekinah “Christian Home” ti thupui hmanga nei ning a tih. Hi Conferene a hin thu hril thiem tak tak han thu hril an ta, Choir inlar tak tak han hlaa rawngbawlna nei bawk an tih. Organising Comittee, Pavanglai Conference chun, hi Conference a thang ding hin inhnikna nei taphawt an fiel.
DDOs hai ta dingin one day training
CCPUR: February 26, 2016, 2PM to 5PM inkar sung khin Manipur State Power Distribution Company Ltd. (MSPDCL) huoihawtnain State Academy of Training, Takyelpat hmuna DDOs hai ta dingin ‘ one Time No Due Website of MSPDCL” chungthuah one Day Training a um ding a ni a, CCPur Dist. a DDOs hai chu Traininga hin thang seng dingin Rosiemlien, Treasury Officer, CCPur chun inhriettirna a siem.
Exam sukbuoi zawnga iengkhawm thaw lo dingin
CCPUR: BSEM, CoHSEM le CBSE hnuoia Feb. 22, 2016 a inthawk April 7, 2016 sunga Class X, XI le XII exam fe mek le inzawmin mipui, civil society organisations tuel khawmin student exam mek hai sukbuoi ding zawnga nuorna (agitation), strike le bandh thaw lo dingin District Administration ch un ngenna a siem bakah Dy. General Manager, MSPDCL/CCPur Divsion chu exam sung electric meivar tha taka pe dingin a ngen bawk.
Hai7 tlangzar hun ding sawn
CCPUR: Tv. Lalsanglien Zote in Haire Hai7 a buoipui mek kum 2016 kum bula tlangzar hman dinga ti chu DJ.Lalvenhimi le B.Malsawmtluangi (Spi) hai le an sak khawmna hla thenkhat a hun hmaa alo leaked out leiin tlangzar hun ding la sawn hlat hriet a ni a, Hla thar a dang khum thar mek niin ei thu dawngna chun a hril. Tv. Lalsanglien Zote hin Feb. 25, 2016 zan khin Life Cafe, JJ building, Rengkaiah perform a tih.
MTMRC team in lampui siemna report an pek
CCPUR: Manipur Tribal Movement Road Construction (MTMRC) team chun Sinzawl – Tuivai inkar lampui siemthatna sin Feb. 23, 2016 nia tan a ni le inzawmin zani zantieng 3:30PM khan PTC Conferene Hall, Hiangtam Lamka hmuna report an pek. MTMRC Chairman chun, Sinzawl –Tuivai lampui siemthatna sin thawa um hi tu do le demnaa thaw a ninaw a, mipui ditna anga sin thaw a nih tiin a hrila, zero balancea intan nisienkhawm MTMRC hnuoia sin thaw tan theia umin a tawp chena sin thawng an ta, a tul anga thawlawm pe dingin mipui hai an ngen. MTMRC Information Centre, Bank Account le website chen khawm hawng a la hung ni ding thu Chairman chun a hril bawk.
Feb. 23, 2016 khan Sinzawl hmunah lampui siemtu ding hai flag off an ni a, hi huna hin mi hran hranin thuhrilna hun an hmang. JAC Chief Convenor H. Mangchinkhup chun, Manipur sarkarin tlangmi hai a mi ngaitha leia einin lampui ei siem a tul a ni thu a hril a; JAC Asst. Secy. Paul Lalchhanhima chun, lampui siemna kawnga Mizoram le Manipur a CCPur mipui han mawphurna an nei ve ve thu a hril.
MZP (Mizoram) Vice President chun, MTMRC hmalakna ropui a ti thu hrilin Manipur tlangmi hai ta dinga tlanse lova theitawpa thang an lak ding thu a hrilin lampui siemnaa dingin Rs. 1500 a pek.
Lalmuanpuia Punte, Gen. Secy. ZoRO GHQ chun, AntiTribal Bills 3 hai a fethleng nawna dingin India President kuoma ZoRO in Memorandum a lo pek ta thu, Central leader tum tum an lo inhmupui ta thu a hril. Hi huna hin Lalhmachhuana Zofa, ZORO chun a ma mimalin Rs. 2000 a pek bakah Laltanpuia, senior Advocate chun Hmar hnam hmingin ZoRO fethlengin Rs. 1000 a pek bawk. Mizo Students Union (MSU) in Rs. 1000/ hi huna hin an pek bawk.
Rohit Vemula thina thuah Rajya Sabha inthung sukchawl;
JNU le Hyderabad University buoina thu Lok Sabha-ah hriltlang
NEW DELHI: Tuta hma deu a Hyderabad University a Dali student Ph.D. inchuklai Rohith Vemula an University sunga ama le ama an khai hlumna chungthu chu zanikhan Rajya Sabha ah hriltlang a nih. Hi huna Selkaltu le rorelna khawl cheltu memberhai nasa takin an insel buoi a, Union Human Resource Development Minister Smriti Irani le Bajujan Samaj Party (BSP) Chief, Ms Mayawati hai lem chu an insel nasa zuol bik. Selkaltu memberhai chun sawrkar le HRD minister hai kal zawngin nasa takain an khek a, an thil ngen le inzawmin sawrkar chu dawnna pe dingin an phut. Rajya Sabha inthunt hi vawisari laizet sukchawl pha a nih. Selkaltu pawl han inpui inthung rorel hlei thei lova an sukbuoi leiin zani zantieng dar 4 khan Rajya Sabha inthung chu zanita dinga sukchawl pha a nih.
Lok Sabha a khawm zanikhan Jawaharlal Nehru University (JNU), New Delhi le Hyderabad University a Dali student Rohit Vemula an khai hlumna thuhai hriltlang a nih. Hieng University pahni haia buoina suok chingfel lova a umna thuah sawrkar thlungpui chu nasa takin selkaltu members han an dem. JNU le Hyderabad University haia thil tlung thu hi vawisun khawm hin Lok Sabha ah hriltlang nawk la ning a tih.
Hieng laizing hin JNU a buoina suok le inzama mana um Kanhaya Kumar, President JNU Students Union in Supreme Cout a bail a ngenna thua hearing nei dinga ti chu Court in Feb. 29, 2016 nia nei lem dingin a sawn hla. Hi buoinaa mawphurtua intum student dang 5 hai laia pahni, Umar Khalid le Anirban Bhattacharya hai chu zani zingkar inhma tak khan Delhi Police kuta an inpe a, zanikhan Court hmaah inlangtir an nih.
Sports University le RIMS chungthu
IMPHAL: Parliament in Manipur a Sports University indinna ding bill a pasi zo pha leh State sawrkarin hi University thar indin vat a ni theina dingin an rang thei angin hma lang a tih. Hi University building ding balzo hma pova dingin Khuman Lampak Stadium a building thenkhat chu lo hmanglawk dingin sawrkar thlungpui ngen a ni bakah RIMS, Imphal chu AIIMS, New Delhi ngirhmun anga hlangkai dingin sawrkar thlungpui ngen a nih tiin CM O.Ibobi Singh in zanikhan Inpuiah a hril. Manipur Assembly chun zanikhan Demands 8 hriltlangin an pasi.
Zanita Demands for Grants 201617 pass a um hai lai hin State Legislature Rs. 54,85,31,000/(Demand No.1), Council of Ministers Rs.7,44,74,000/ (Demand No. 2), Secretariat Rs. 66,43,02,000/ (Demand No.3), Municipal Administration, Housing and Urban Development Rs.113,59,78,000/ (Demand No.12),Election Rs. 34,30,85,000/(Demand No.27), Planning Rs. 590,27,68,000/(Demand No.30), Minorities and Other Backward Classes Rs.58,26,71,000/ (Demand No.47) le Information Technology Rs. 22,17,76,000/ (Demand No. 50) hai a thang. Demands passed a um hi a rengin Rs. Rs 947,35,85,000 a nih.
Lamlakah Manipur motor tam tak an intang
IMPHAL: Naga Students’ Federation (NSF) in Naga area sunga Meitei/Manipuri motor hai tlan an khap le dang lei in Manipur motor tam tak lamlakah an intang. NH2 (ImphalDimapur Road) a Mayangkhang le Ningthoukhong, Senapati District hmuna mi thenkhatin Trucks 30 chuong sukchawlin an motor lekha pawimawhai an lakpek a, hieng motor lekhahai hi a neituhai kuoma pekir dingin NSF ngen an nih tiin Ranjit Sarangthem, AMSU thuoitu chun a hril. NSF ban lei hin Naga area sungah Manipur motor hai chu tlan ngam lovin an chawl thup a nih.
Bank Account number hril lo dingin
IMPHAL: Manipur a Cyber Crimes laka invengna dingin mi tukhawma an Bank Account number hai phone, SMS le email ah hriet ngailo han an indawn changin hril ngailo dingin O. Nabakishore, Chief Secretary, Manipur in mipuihai an hriettir. Swombunga pasal pakhat chu hriet ngailo kuoma a bank account number a hril leiin a Account a inthawk pawisa Rs. 24,000 lakpek a ni thu zanita Imphala Chanchinbumihai an hmupui huna a hril. Hi huna thang ve Dr A.K. Jhalajit, SP, Imphal West chun, Cyber Crime cases Manipurah 113 registered a ni ta thu a hril. Cyber Crime laka invengna dingin ATM umna haiah CCTVs inthut belsa ni dingin O.Nabakishore hin a hril.
1st State Level Mushroom Exhibition
IMPHAL: Mushroom Growers Association, Manipur (MuGAM) huoihawtnain April 24, 2016 khin BOAT, Imphalah 1st State Level Mushroom Exhibition nei ning a tih tiin Soram Rajendrakumar, Secretary, MuGAM chun zanita Imphal hmuna Chanchinbumihai an hmupui huna a hril.
Sharmila Court hmaah an lang
IMPHAL: Irom Chanu Sharmila (43) chu zanikhan bungheia a nuorna le inzawma case a nei le inzawmin Chief Judicial Magistrate (CJM), Imphal East hmaah an lang. Final hearing a ni ta a, Court rorelna le thutlukna chu Feb. 29, 2016 khin puonglang ning a tih. Sharmila hin Manipura inthawk Armed Forces Special Powers Act (AFSPA), 1958 hlip dinga ngenin November 2000 a inthawka kha bungheia nuorna nei tan ta a nih. Sharmila hi ama le ama inthat a tum tia Jan. 23, 2015 a man nawk a nih. Vawi iemanizat insuo a ni ta a, sienkhawm bunghei a tawpsan naw leia mana um nawk a nih.
Feb. 26 ah hearing nei ding
IMPHAL: July 23, 2009 a B.T. Road, Imphala Ch. Sanjit Meitei Manipur Police Commando han an kap hlumna le inzawma Sanjit nu, Chungkham Taratombi Leima in Manipur High Court a Writ Petition a file le inzawma hearing chu Feb. 26, 2016 ah nei lem dingin Manipur High Courta double bench chun zanikhan a ruot thar. Sanjit thina chungthu hi a thara sui dingin Sanjit nu hin a ngen a nih.
Health Minister in hrilfiena a siem
IMPHAL: State Health Mission Society hnuoia sin ruok chi tum tum lakna ding le inzawma Advertisement thawa umah an dik naw a um a hi thil hi printing mistake (sutsuol pal) a ni a, sukdikna siem a ni ta bakah hieng sin ruokhai hni thei hun khawm 26022016 chena dinga hun suksei a nih tiin zanikhan Health & Family Welfare Minister Phungzathang Tonsing in hrilfiena a siem.
Public property suksetu hai hremna ding
NEW DELHI: Supreme Court chun sawrkara thil ngen leia nuorna le helna (agitation) nei huna mimal annawleh political parties khawm nihai sien mipui thil (public property) sukse le suosamtu hai chu hremna na tak pek ning an tih tiin a hril. Supreme Court chun agitation leia public property suksetu hai hremna ding dan siem a tih tiin Justice JS Khehar inrawi Supreme Court bench chun a hril a, public property an suksiet hai an siemthat ding a nih tiin a hril bawk.
Assam Electiona Constituency 10 ah VVPT
GUWAHATI: Assam Assembly Election hung um dinga hin Constituencies 10 haia chun Assam rama a hmasatakna dingin Voter Verifiable Paper Trial (VVPT) hmang sin ning a tih tiin Assam Chief Electoral Officer, Vijender chun a hril. VVPT hmangna ding constituency hai lai hin Kamrup Metro districta Dispur le Jalukbari constituencies hai khawm a thang. VVPT hmangna haia hin voters hai chun an candidate vote hai print dawkin an hmu thei ding a nih. VVPT hi constituencies 10 haia polling booths 2,400 hai a huom ding a nih. Assam Assembly election ding le inzawm hin District Administrations tin hai chun Electronic Voting Machine (EVM) enfelna sin a thawk khatna an zo tah tiin Assam CEO chun a hril.
Nepala vuongna tla thlaah a sunga chuong mi 23 an thi vawng
KATHMANDU: Zanikhan Nepalah TwinOtter turbopop aircraft (N9AHH), Tara Airlines in an service, mi 23 chuongna chu tuoksiet tuokin a tla thla a, a sunga chuong passenger mi 23 an thi vawng. Vuongnaa chuong hai lai hin ramdangmi (foreigner) 2 Chinese le Kuwait mi an thang a, midang hai chu Nepal mi vawng niin, naupang 2 an thangsa. Passenger 18 chu Nepal mi; 3 dang hai chu vuongnaa thawktu an nih.
Hi vuongna hi Pokhara a inthawk Jomson pana a vuong lai meka a umna chin hriet lova inhmang a ni a, nasa taka zawng a ni hnungin Myagdi hmuna tuoksiet tuok a nih hmusuoka um a nih. A tlak hnungin a chawk leiin a se nasa hle a, tuoksiet a tuok nasan an hrietnaw thu Nepal Civil Aviation Authority official hai chun an hril.
Nepal a hin kum 1949 a inthawk khan Helicopter thangin vuongna tuoksiet tuoka tla thla vawi 70 a tlung ta a, hieng haia hin mi 700 chuongin an thi pha ta a nih.
TN CM lim le hming tattoo an sut
CHENNAI: Tamil Nadua chun AIADMK supremo le Tamil Nadu CM ni lai mek J. Jayalalitha piengchampha vawi 68na le inzawmin mi 1,000 chuong in an ban haiah J. Jalyalalitha lim le hming tattoo an sut tawl. Tattoo sutna hi Valachery MLA MK Ashok huoihawtna h nuoia nei a ni a, tattoo sut nuom mi tam tak an ngir tlar. Mi 668 lai chau thang dinga beisei an ni laiin mi 1,000 chuong an thang nia hril a nih. Hi huna hin O. Panneerselvam thangin senior ministers hai khawm an thang tawl.
Math subject–ah a naupa aiin a exam
AGRA: Uttar Pradesha Class X Board exam fe meka chun Shri MKT Girls Inter College, Rahlai, Agra exam centreah zani hmasa khan pasal kum 30 mi chu mathematics subject exam hunah a naupa aiin a exam leiin flying squad han an man. Flying squad haihi District Inspector of School (DIOS) Jitendra Kumar Yadav inrawi an ni a, naupang ruol exam thang hai lai hin papui pakhat an hmu a, mak ti taka a Admit card hai an hang enfel le chun a naupa aia exam a nih ti an hmusuok a nih. A naupa aia mathematics exam petu hi Ratiram a ni a, a naupa chu Ramvilas a nih. Mr Ratiram chun, a naupa hi Mathematics a thiemnaw em leia ama aia a exam pek niin a hril. Hi thil tlung le inzawm hin DIOs chun Ratiram le a naupa chungah FIR file dingin school principal thu a pek.
VAWISUN THUPUI
Krista leia ama in ring chau ni loin, ama leia in ruot khawm phal a ni sih a, Philipi 1:29
Editorial
Thenum statehai leh ei inunauna le inlaichinna siem that
Mihriem hai hi khawsa tlang dinga Pathien mi siem ei ni a, mani khat chau a khawsa thei ei um der nawh. Midanghai zara khawsa thei, midang mamaw vawng ei ni a, midang mamaw lo ei um nawh. Chuleiin midang le thangruol theim le inngei taka um thei hnam le ram hai chu hnam le ram vangnei an nih. Hi lei h in rambung tin le hnam tinin khawvela rambung tum tum hai leh inrem tak le ralmuong taka an um theina dingin hma nasa takin an lak a. A bikin foreign policy siem thiem thiem ram ralmuong le ram zalen, mihai inhnar an hung ni hlak. Rambung thenkhat, ram buoi ei ti hai hi tukhawma an inhnar naw a, ram rinum le ram nelumlo an ni hlak. Mihai khawma inzinna ding le khawsakna dingin an dit ngai nawh. An ramah inthuruolna a u m naw leiin an ni le anni an indotuo a, ram le hnamin nasa takin a siet pha a, rambung himna haiah an raltlan a, rimsi takin an khawsa hlak.
Ram le hnam changkangna ding chun a sunga chenghai inunau that le that lovin kawngro nasa takin a sut a nih. India ram hi rambung lien ve takel, states 29 le Union Territories 7 zet umna, hnamtin, chitin, tawng hran hran, sakhuo tum tum zuituhai chengna ram a nih. Ei hnam ei chi, ei sakhuo le ei culture hai danglam sienkhawm rambung pakhata um ei ni leiin India mi vawng ei nih. Hi lei hin India mi ei ninaa hin ei chieng le ei piengthar a tul. Ei inunauna, ei inpumkhatna le ei inthuruolna a tha naw chun ei ram le ei hnamin a siet pha ding a nih. Ei thangruol thiem a, ei inunauna a tha phawt chun ngirsuok ei ta, ram hmasawn le ram inhawi a hung ni ding a nih.
Ei hriet seng angin mitin zalen taka um theina democracy ram, India ramah hnam hran hran hai ei chengtlang a, a vangnei thlakin an hawi hle. Ei ram le hnam thuoituhai khawmin inunauna tha nei a tulzie hriein inngei diel diela khawsa tlang dingin an min chuktir a, an thil min chuktir hi ei zui le zawm that a tul hle. Ei inunauna siem thatna ding hin thuoitu le hotu ei ti hai an pawimaw tak chuong nawh ti le mipuihai ei pawimaw em em a nih ti hi ei hriet nuom a um. Hieng a ni lei hin ei inunauna sukse theitu hrim hrim laka fimkhur chu mitin thaw ding le mawphurna a nih. Mizo hlaphuoktu Pu Rokunga in “Hnam danghai hmusit el lovin ruolah siem ei tiu” a ti hi ei lungrilah vawng tlat seng ei tiu.
Manipur a chenghai ta ding chun ei thenum state Nagaland, Assam le Mizorama chenghai chu ei inunaupui that pui a tul zuol. Hieng state haia chenghai leh ei inunauna a tha naw a, ei insel a, ei inhal a, ei inkhing a, ei eptuo vai chun harsatna hril ruollo ei tuok nghal ding a nih. Assam le Nagaland hai lem chu ei mamaw thil hai p o po ei laklutna, ei hring le damna lampui an ni leiin inkhingpui le inhmelmapui thei ding ngirhmuna ei um nawh. Hieng a ni lei hin ei inlaichinna le ei inunauna hi a hma neka ei siem that zuol a tul bek bek a nih. Ei inlaichinna le inunauna siem thatna ding chun hnambing thila buoina suok th eina lakah ei insukfihlim hmak a tul a nih. An khingpui le an hmelmapui zawnga ei che vai vai chun bu le hme el bakah ei mamaw thil hai po po lalut thei lo dingin ei lampui mi dangchat pek an ta, fak ding tlasam le phingtamin ei um el ding a nih.
Naga Students Federation (NSF) in Manipur sawrkar lakah lungawinawna an nei leiin Naga areas sungah Meitei/Manipuri motor hrim hrim lut thei naw nih tia thusuok an si em leiin Manipur motorhai chu Naga area sungah fe ngam lovin an hang um tan a, hun sawt a sei hi khapna hi a fe vai chun fak le dawn chau ni lovin mihriem khawsakna ding thil hai po poah harsatna namen lo takel ti tuok ding a nih ti chu a chieng sa a nih. Hieng a ni lei hin ei state sarwkar khawma hi thil hi an hmatienga a chingfel nuom a um hle. State le state annawleh hnam le hnam inkarah buoina an tlun pha thei ding a ni leiin fimkhur taka Manipur le Nagland state sawrkar han NSF thil ngen hi an chingfel a tul a nih.
Khawvela hin hnam hran hran ei um a, ei ditzawng le ditnaw zawng, ei ngaidan le nuom dan an ang naw a, inremnaw chang le insukbuoi hiel chang khawm a tlung hlak. Hi thil hi khawvel fe dan a nih. Hiengang hnam le hnam insukbuoi hi a tha naw a, sienkhawm vawisun chen hin khawvelin a la fehmang san thei naw a, thil pawi takel a nih. Hiengang harsatna le buoina hi a tlung nawna dingin sawrkar le mipui hai thang ei lak tlang seng nuom a um. Lungsen le an khingpui zawnga lak lo hram hram a tha. A bikin hnam thil zawnga lak lem chu tum sin lo hrim hrim ding a nih. Nu le pa taka ei nei, Manipur le Nagaland state sawrkar han thiem taka an hung chingfel mipui han lo beisei phawt ei tiu.
CCPUR: Young Learners’ School (YLS) chun zani 12:30 khan an school campusah Valedictory program 2016 an hmang. Hi huna hin Guest speaker in Rev. Rohminglien Pakhuongte,Vice Prsident (Education) PMS a thang. Hi huna hin Rev. BL Sandam, Lamka ICI Pastor chun Class X exam ding students 112 hai ta dinga Pathien kuoma tawngtaipekna hun a hmang bakah Class X exam ding Class of 2015 hai kuoma Special presentation pekna nei a ni a, Sir Muan, Asst. Teacher le Ms Miruny, Asst. Teacher hai inrawinain award semna nei a nih. Program zo hin Rev. Dr Zolienkhum Joute, Board Member, YLS Managing Board in tawngtainain hun a khar.
Ui hai damdawi inkaptir dingin
CCPUR: DC, CCPur chun Churachandpur khawpui sunga Ui vaitu hai chu an Ui vai hai Jt. Director, Dept. of Vety. & AH, Govt. of Manipur, Tuibuong, CCPur Officeah damdawi inkaptir seng dingin zanikhan inhriettirna an suo.
HSLC Question paper a hungtlung
CCPUR: BSEM huoihawtnaa Class X (HSLC) Exam, 2016 March 1, 2016 a inthawka tan dinga CCPur district private centrea ding question paper hai chu zanikhan BSEM official han an hung phurtlung a, CCPur Private Centre OfficerinCharge T. Hanglamthang inrawinain CCPur Police Stationah sie a nih.
JPO in hmalak dan ding an hriltlang
CCPUR: JPO chun zanikhan YMA Office, Hmuia Vengah Student leaders hai meeting an neipui a, Jan. 1921, 2016 sunga Nalon hmuna 31st YMA Annual Conference hmanga fe hai chuongna Bus 3, Jan. 20, 2016 nia unlimited bandh volunteer han an suksietna thua hmalak dan ding an hriltlang.
March 12 in Lok Adalat a um ding
CCPUR: District Legal Services Authority, CCPur hmalaknain March 12, 2016, 10:30AM a inthawk khin Chief Judicial Magistrate (CJM) Court, CCPur hmunah one day LOK ADALAT um a tih. Banks, civil le reveneue tienga buoina/harsatna rel fel ding nei han March 1, 2016, 12.00 noon chen khin ziekin CJM, CCPur a Chairman/Secy. CCPur Legal Services Authority kuoma hnina peklut thei ning a tih.
Pavanglai Conference Saikawtah
CCPUR: ICI Tuithaphai Presbytery Pavanglai Conferene a vawihnina chu Feb. 2628, 2016 inkar sung khin Saikawt (N) ICI Biekinah “Christian Home” ti thupui hmanga nei ning a tih. Hi Conferene a hin thu hril thiem tak tak han thu hril an ta, Choir inlar tak tak han hlaa rawngbawlna nei bawk an tih. Organising Comittee, Pavanglai Conference chun, hi Conference a thang ding hin inhnikna nei taphawt an fiel.
DDOs hai ta dingin one day training
CCPUR: February 26, 2016, 2PM to 5PM inkar sung khin Manipur State Power Distribution Company Ltd. (MSPDCL) huoihawtnain State Academy of Training, Takyelpat hmuna DDOs hai ta dingin ‘ one Time No Due Website of MSPDCL” chungthuah one Day Training a um ding a ni a, CCPur Dist. a DDOs hai chu Traininga hin thang seng dingin Rosiemlien, Treasury Officer, CCPur chun inhriettirna a siem.
Exam sukbuoi zawnga iengkhawm thaw lo dingin
CCPUR: BSEM, CoHSEM le CBSE hnuoia Feb. 22, 2016 a inthawk April 7, 2016 sunga Class X, XI le XII exam fe mek le inzawmin mipui, civil society organisations tuel khawmin student exam mek hai sukbuoi ding zawnga nuorna (agitation), strike le bandh thaw lo dingin District Administration ch un ngenna a siem bakah Dy. General Manager, MSPDCL/CCPur Divsion chu exam sung electric meivar tha taka pe dingin a ngen bawk.
Hai7 tlangzar hun ding sawn
CCPUR: Tv. Lalsanglien Zote in Haire Hai7 a buoipui mek kum 2016 kum bula tlangzar hman dinga ti chu DJ.Lalvenhimi le B.Malsawmtluangi (Spi) hai le an sak khawmna hla thenkhat a hun hmaa alo leaked out leiin tlangzar hun ding la sawn hlat hriet a ni a, Hla thar a dang khum thar mek niin ei thu dawngna chun a hril. Tv. Lalsanglien Zote hin Feb. 25, 2016 zan khin Life Cafe, JJ building, Rengkaiah perform a tih.
MTMRC team in lampui siemna report an pek
CCPUR: Manipur Tribal Movement Road Construction (MTMRC) team chun Sinzawl – Tuivai inkar lampui siemthatna sin Feb. 23, 2016 nia tan a ni le inzawmin zani zantieng 3:30PM khan PTC Conferene Hall, Hiangtam Lamka hmuna report an pek. MTMRC Chairman chun, Sinzawl –Tuivai lampui siemthatna sin thawa um hi tu do le demnaa thaw a ninaw a, mipui ditna anga sin thaw a nih tiin a hrila, zero balancea intan nisienkhawm MTMRC hnuoia sin thaw tan theia umin a tawp chena sin thawng an ta, a tul anga thawlawm pe dingin mipui hai an ngen. MTMRC Information Centre, Bank Account le website chen khawm hawng a la hung ni ding thu Chairman chun a hril bawk.
Feb. 23, 2016 khan Sinzawl hmunah lampui siemtu ding hai flag off an ni a, hi huna hin mi hran hranin thuhrilna hun an hmang. JAC Chief Convenor H. Mangchinkhup chun, Manipur sarkarin tlangmi hai a mi ngaitha leia einin lampui ei siem a tul a ni thu a hril a; JAC Asst. Secy. Paul Lalchhanhima chun, lampui siemna kawnga Mizoram le Manipur a CCPur mipui han mawphurna an nei ve ve thu a hril.
MZP (Mizoram) Vice President chun, MTMRC hmalakna ropui a ti thu hrilin Manipur tlangmi hai ta dinga tlanse lova theitawpa thang an lak ding thu a hrilin lampui siemnaa dingin Rs. 1500 a pek.
Lalmuanpuia Punte, Gen. Secy. ZoRO GHQ chun, AntiTribal Bills 3 hai a fethleng nawna dingin India President kuoma ZoRO in Memorandum a lo pek ta thu, Central leader tum tum an lo inhmupui ta thu a hril. Hi huna hin Lalhmachhuana Zofa, ZORO chun a ma mimalin Rs. 2000 a pek bakah Laltanpuia, senior Advocate chun Hmar hnam hmingin ZoRO fethlengin Rs. 1000 a pek bawk. Mizo Students Union (MSU) in Rs. 1000/ hi huna hin an pek bawk.
Rohit Vemula thina thuah Rajya Sabha inthung sukchawl;
JNU le Hyderabad University buoina thu Lok Sabha-ah hriltlang
NEW DELHI: Tuta hma deu a Hyderabad University a Dali student Ph.D. inchuklai Rohith Vemula an University sunga ama le ama an khai hlumna chungthu chu zanikhan Rajya Sabha ah hriltlang a nih. Hi huna Selkaltu le rorelna khawl cheltu memberhai nasa takin an insel buoi a, Union Human Resource Development Minister Smriti Irani le Bajujan Samaj Party (BSP) Chief, Ms Mayawati hai lem chu an insel nasa zuol bik. Selkaltu memberhai chun sawrkar le HRD minister hai kal zawngin nasa takain an khek a, an thil ngen le inzawmin sawrkar chu dawnna pe dingin an phut. Rajya Sabha inthunt hi vawisari laizet sukchawl pha a nih. Selkaltu pawl han inpui inthung rorel hlei thei lova an sukbuoi leiin zani zantieng dar 4 khan Rajya Sabha inthung chu zanita dinga sukchawl pha a nih.
Lok Sabha a khawm zanikhan Jawaharlal Nehru University (JNU), New Delhi le Hyderabad University a Dali student Rohit Vemula an khai hlumna thuhai hriltlang a nih. Hieng University pahni haia buoina suok chingfel lova a umna thuah sawrkar thlungpui chu nasa takin selkaltu members han an dem. JNU le Hyderabad University haia thil tlung thu hi vawisun khawm hin Lok Sabha ah hriltlang nawk la ning a tih.
Hieng laizing hin JNU a buoina suok le inzama mana um Kanhaya Kumar, President JNU Students Union in Supreme Cout a bail a ngenna thua hearing nei dinga ti chu Court in Feb. 29, 2016 nia nei lem dingin a sawn hla. Hi buoinaa mawphurtua intum student dang 5 hai laia pahni, Umar Khalid le Anirban Bhattacharya hai chu zani zingkar inhma tak khan Delhi Police kuta an inpe a, zanikhan Court hmaah inlangtir an nih.
Sports University le RIMS chungthu
IMPHAL: Parliament in Manipur a Sports University indinna ding bill a pasi zo pha leh State sawrkarin hi University thar indin vat a ni theina dingin an rang thei angin hma lang a tih. Hi University building ding balzo hma pova dingin Khuman Lampak Stadium a building thenkhat chu lo hmanglawk dingin sawrkar thlungpui ngen a ni bakah RIMS, Imphal chu AIIMS, New Delhi ngirhmun anga hlangkai dingin sawrkar thlungpui ngen a nih tiin CM O.Ibobi Singh in zanikhan Inpuiah a hril. Manipur Assembly chun zanikhan Demands 8 hriltlangin an pasi.
Zanita Demands for Grants 201617 pass a um hai lai hin State Legislature Rs. 54,85,31,000/(Demand No.1), Council of Ministers Rs.7,44,74,000/ (Demand No. 2), Secretariat Rs. 66,43,02,000/ (Demand No.3), Municipal Administration, Housing and Urban Development Rs.113,59,78,000/ (Demand No.12),Election Rs. 34,30,85,000/(Demand No.27), Planning Rs. 590,27,68,000/(Demand No.30), Minorities and Other Backward Classes Rs.58,26,71,000/ (Demand No.47) le Information Technology Rs. 22,17,76,000/ (Demand No. 50) hai a thang. Demands passed a um hi a rengin Rs. Rs 947,35,85,000 a nih.
Lamlakah Manipur motor tam tak an intang
IMPHAL: Naga Students’ Federation (NSF) in Naga area sunga Meitei/Manipuri motor hai tlan an khap le dang lei in Manipur motor tam tak lamlakah an intang. NH2 (ImphalDimapur Road) a Mayangkhang le Ningthoukhong, Senapati District hmuna mi thenkhatin Trucks 30 chuong sukchawlin an motor lekha pawimawhai an lakpek a, hieng motor lekhahai hi a neituhai kuoma pekir dingin NSF ngen an nih tiin Ranjit Sarangthem, AMSU thuoitu chun a hril. NSF ban lei hin Naga area sungah Manipur motor hai chu tlan ngam lovin an chawl thup a nih.
Bank Account number hril lo dingin
IMPHAL: Manipur a Cyber Crimes laka invengna dingin mi tukhawma an Bank Account number hai phone, SMS le email ah hriet ngailo han an indawn changin hril ngailo dingin O. Nabakishore, Chief Secretary, Manipur in mipuihai an hriettir. Swombunga pasal pakhat chu hriet ngailo kuoma a bank account number a hril leiin a Account a inthawk pawisa Rs. 24,000 lakpek a ni thu zanita Imphala Chanchinbumihai an hmupui huna a hril. Hi huna thang ve Dr A.K. Jhalajit, SP, Imphal West chun, Cyber Crime cases Manipurah 113 registered a ni ta thu a hril. Cyber Crime laka invengna dingin ATM umna haiah CCTVs inthut belsa ni dingin O.Nabakishore hin a hril.
1st State Level Mushroom Exhibition
IMPHAL: Mushroom Growers Association, Manipur (MuGAM) huoihawtnain April 24, 2016 khin BOAT, Imphalah 1st State Level Mushroom Exhibition nei ning a tih tiin Soram Rajendrakumar, Secretary, MuGAM chun zanita Imphal hmuna Chanchinbumihai an hmupui huna a hril.
Sharmila Court hmaah an lang
IMPHAL: Irom Chanu Sharmila (43) chu zanikhan bungheia a nuorna le inzawma case a nei le inzawmin Chief Judicial Magistrate (CJM), Imphal East hmaah an lang. Final hearing a ni ta a, Court rorelna le thutlukna chu Feb. 29, 2016 khin puonglang ning a tih. Sharmila hin Manipura inthawk Armed Forces Special Powers Act (AFSPA), 1958 hlip dinga ngenin November 2000 a inthawka kha bungheia nuorna nei tan ta a nih. Sharmila hi ama le ama inthat a tum tia Jan. 23, 2015 a man nawk a nih. Vawi iemanizat insuo a ni ta a, sienkhawm bunghei a tawpsan naw leia mana um nawk a nih.
Feb. 26 ah hearing nei ding
IMPHAL: July 23, 2009 a B.T. Road, Imphala Ch. Sanjit Meitei Manipur Police Commando han an kap hlumna le inzawma Sanjit nu, Chungkham Taratombi Leima in Manipur High Court a Writ Petition a file le inzawma hearing chu Feb. 26, 2016 ah nei lem dingin Manipur High Courta double bench chun zanikhan a ruot thar. Sanjit thina chungthu hi a thara sui dingin Sanjit nu hin a ngen a nih.
Health Minister in hrilfiena a siem
IMPHAL: State Health Mission Society hnuoia sin ruok chi tum tum lakna ding le inzawma Advertisement thawa umah an dik naw a um a hi thil hi printing mistake (sutsuol pal) a ni a, sukdikna siem a ni ta bakah hieng sin ruokhai hni thei hun khawm 26022016 chena dinga hun suksei a nih tiin zanikhan Health & Family Welfare Minister Phungzathang Tonsing in hrilfiena a siem.
Public property suksetu hai hremna ding
NEW DELHI: Supreme Court chun sawrkara thil ngen leia nuorna le helna (agitation) nei huna mimal annawleh political parties khawm nihai sien mipui thil (public property) sukse le suosamtu hai chu hremna na tak pek ning an tih tiin a hril. Supreme Court chun agitation leia public property suksetu hai hremna ding dan siem a tih tiin Justice JS Khehar inrawi Supreme Court bench chun a hril a, public property an suksiet hai an siemthat ding a nih tiin a hril bawk.
Assam Electiona Constituency 10 ah VVPT
GUWAHATI: Assam Assembly Election hung um dinga hin Constituencies 10 haia chun Assam rama a hmasatakna dingin Voter Verifiable Paper Trial (VVPT) hmang sin ning a tih tiin Assam Chief Electoral Officer, Vijender chun a hril. VVPT hmangna ding constituency hai lai hin Kamrup Metro districta Dispur le Jalukbari constituencies hai khawm a thang. VVPT hmangna haia hin voters hai chun an candidate vote hai print dawkin an hmu thei ding a nih. VVPT hi constituencies 10 haia polling booths 2,400 hai a huom ding a nih. Assam Assembly election ding le inzawm hin District Administrations tin hai chun Electronic Voting Machine (EVM) enfelna sin a thawk khatna an zo tah tiin Assam CEO chun a hril.
Nepala vuongna tla thlaah a sunga chuong mi 23 an thi vawng
KATHMANDU: Zanikhan Nepalah TwinOtter turbopop aircraft (N9AHH), Tara Airlines in an service, mi 23 chuongna chu tuoksiet tuokin a tla thla a, a sunga chuong passenger mi 23 an thi vawng. Vuongnaa chuong hai lai hin ramdangmi (foreigner) 2 Chinese le Kuwait mi an thang a, midang hai chu Nepal mi vawng niin, naupang 2 an thangsa. Passenger 18 chu Nepal mi; 3 dang hai chu vuongnaa thawktu an nih.
Hi vuongna hi Pokhara a inthawk Jomson pana a vuong lai meka a umna chin hriet lova inhmang a ni a, nasa taka zawng a ni hnungin Myagdi hmuna tuoksiet tuok a nih hmusuoka um a nih. A tlak hnungin a chawk leiin a se nasa hle a, tuoksiet a tuok nasan an hrietnaw thu Nepal Civil Aviation Authority official hai chun an hril.
Nepal a hin kum 1949 a inthawk khan Helicopter thangin vuongna tuoksiet tuoka tla thla vawi 70 a tlung ta a, hieng haia hin mi 700 chuongin an thi pha ta a nih.
TN CM lim le hming tattoo an sut
CHENNAI: Tamil Nadua chun AIADMK supremo le Tamil Nadu CM ni lai mek J. Jayalalitha piengchampha vawi 68na le inzawmin mi 1,000 chuong in an ban haiah J. Jalyalalitha lim le hming tattoo an sut tawl. Tattoo sutna hi Valachery MLA MK Ashok huoihawtna h nuoia nei a ni a, tattoo sut nuom mi tam tak an ngir tlar. Mi 668 lai chau thang dinga beisei an ni laiin mi 1,000 chuong an thang nia hril a nih. Hi huna hin O. Panneerselvam thangin senior ministers hai khawm an thang tawl.
Math subject–ah a naupa aiin a exam
AGRA: Uttar Pradesha Class X Board exam fe meka chun Shri MKT Girls Inter College, Rahlai, Agra exam centreah zani hmasa khan pasal kum 30 mi chu mathematics subject exam hunah a naupa aiin a exam leiin flying squad han an man. Flying squad haihi District Inspector of School (DIOS) Jitendra Kumar Yadav inrawi an ni a, naupang ruol exam thang hai lai hin papui pakhat an hmu a, mak ti taka a Admit card hai an hang enfel le chun a naupa aia exam a nih ti an hmusuok a nih. A naupa aia mathematics exam petu hi Ratiram a ni a, a naupa chu Ramvilas a nih. Mr Ratiram chun, a naupa hi Mathematics a thiemnaw em leia ama aia a exam pek niin a hril. Hi thil tlung le inzawm hin DIOs chun Ratiram le a naupa chungah FIR file dingin school principal thu a pek.
VAWISUN THUPUI
Krista leia ama in ring chau ni loin, ama leia in ruot khawm phal a ni sih a, Philipi 1:29
Editorial
Thenum statehai leh ei inunauna le inlaichinna siem that
Mihriem hai hi khawsa tlang dinga Pathien mi siem ei ni a, mani khat chau a khawsa thei ei um der nawh. Midanghai zara khawsa thei, midang mamaw vawng ei ni a, midang mamaw lo ei um nawh. Chuleiin midang le thangruol theim le inngei taka um thei hnam le ram hai chu hnam le ram vangnei an nih. Hi lei h in rambung tin le hnam tinin khawvela rambung tum tum hai leh inrem tak le ralmuong taka an um theina dingin hma nasa takin an lak a. A bikin foreign policy siem thiem thiem ram ralmuong le ram zalen, mihai inhnar an hung ni hlak. Rambung thenkhat, ram buoi ei ti hai hi tukhawma an inhnar naw a, ram rinum le ram nelumlo an ni hlak. Mihai khawma inzinna ding le khawsakna dingin an dit ngai nawh. An ramah inthuruolna a u m naw leiin an ni le anni an indotuo a, ram le hnamin nasa takin a siet pha a, rambung himna haiah an raltlan a, rimsi takin an khawsa hlak.
Ram le hnam changkangna ding chun a sunga chenghai inunau that le that lovin kawngro nasa takin a sut a nih. India ram hi rambung lien ve takel, states 29 le Union Territories 7 zet umna, hnamtin, chitin, tawng hran hran, sakhuo tum tum zuituhai chengna ram a nih. Ei hnam ei chi, ei sakhuo le ei culture hai danglam sienkhawm rambung pakhata um ei ni leiin India mi vawng ei nih. Hi lei hin India mi ei ninaa hin ei chieng le ei piengthar a tul. Ei inunauna, ei inpumkhatna le ei inthuruolna a tha naw chun ei ram le ei hnamin a siet pha ding a nih. Ei thangruol thiem a, ei inunauna a tha phawt chun ngirsuok ei ta, ram hmasawn le ram inhawi a hung ni ding a nih.
Ei hriet seng angin mitin zalen taka um theina democracy ram, India ramah hnam hran hran hai ei chengtlang a, a vangnei thlakin an hawi hle. Ei ram le hnam thuoituhai khawmin inunauna tha nei a tulzie hriein inngei diel diela khawsa tlang dingin an min chuktir a, an thil min chuktir hi ei zui le zawm that a tul hle. Ei inunauna siem thatna ding hin thuoitu le hotu ei ti hai an pawimaw tak chuong nawh ti le mipuihai ei pawimaw em em a nih ti hi ei hriet nuom a um. Hieng a ni lei hin ei inunauna sukse theitu hrim hrim laka fimkhur chu mitin thaw ding le mawphurna a nih. Mizo hlaphuoktu Pu Rokunga in “Hnam danghai hmusit el lovin ruolah siem ei tiu” a ti hi ei lungrilah vawng tlat seng ei tiu.
Manipur a chenghai ta ding chun ei thenum state Nagaland, Assam le Mizorama chenghai chu ei inunaupui that pui a tul zuol. Hieng state haia chenghai leh ei inunauna a tha naw a, ei insel a, ei inhal a, ei inkhing a, ei eptuo vai chun harsatna hril ruollo ei tuok nghal ding a nih. Assam le Nagaland hai lem chu ei mamaw thil hai p o po ei laklutna, ei hring le damna lampui an ni leiin inkhingpui le inhmelmapui thei ding ngirhmuna ei um nawh. Hieng a ni lei hin ei inlaichinna le ei inunauna hi a hma neka ei siem that zuol a tul bek bek a nih. Ei inlaichinna le inunauna siem thatna ding chun hnambing thila buoina suok th eina lakah ei insukfihlim hmak a tul a nih. An khingpui le an hmelmapui zawnga ei che vai vai chun bu le hme el bakah ei mamaw thil hai po po lalut thei lo dingin ei lampui mi dangchat pek an ta, fak ding tlasam le phingtamin ei um el ding a nih.
Naga Students Federation (NSF) in Manipur sawrkar lakah lungawinawna an nei leiin Naga areas sungah Meitei/Manipuri motor hrim hrim lut thei naw nih tia thusuok an si em leiin Manipur motorhai chu Naga area sungah fe ngam lovin an hang um tan a, hun sawt a sei hi khapna hi a fe vai chun fak le dawn chau ni lovin mihriem khawsakna ding thil hai po poah harsatna namen lo takel ti tuok ding a nih ti chu a chieng sa a nih. Hieng a ni lei hin ei state sarwkar khawma hi thil hi an hmatienga a chingfel nuom a um hle. State le state annawleh hnam le hnam inkarah buoina an tlun pha thei ding a ni leiin fimkhur taka Manipur le Nagland state sawrkar han NSF thil ngen hi an chingfel a tul a nih.
Khawvela hin hnam hran hran ei um a, ei ditzawng le ditnaw zawng, ei ngaidan le nuom dan an ang naw a, inremnaw chang le insukbuoi hiel chang khawm a tlung hlak. Hi thil hi khawvel fe dan a nih. Hiengang hnam le hnam insukbuoi hi a tha naw a, sienkhawm vawisun chen hin khawvelin a la fehmang san thei naw a, thil pawi takel a nih. Hiengang harsatna le buoina hi a tlung nawna dingin sawrkar le mipui hai thang ei lak tlang seng nuom a um. Lungsen le an khingpui zawnga lak lo hram hram a tha. A bikin hnam thil zawnga lak lem chu tum sin lo hrim hrim ding a nih. Nu le pa taka ei nei, Manipur le Nagaland state sawrkar han thiem taka an hung chingfel mipui han lo beisei phawt ei tiu.
