Hmar Inpui in charge inhlanna an nei
TUITHAPHAI/CCPUR: Hmar Inpui (HI), Gen. Hqrs Thuoitu dinga thlang thar hai le thuoitu hlui hai chun Charge inhlanna Feb.16, 2016 zantieng dar 3:30 pm khan Hmar Secretariat, HSA Campus, Rengkai, CCpur, Manipur hmun ah an nei. Hi huna hin hriepuitu dinga fiel bik anni angin Hmar hnam sunga media persons le social activist thenkhat haiin hi hun hi an uop a nih.
Hi huna hin Outgoing Gen. President, HI Dr. John Pulamte chun hun lo liemtah a mi inzaum tak tak hai le hnam rawng bawl tlang theia a lo umna chu mipui ditsakna lei a ni thu hrilin Hmar Inpui Gen. Hqrs. a President chen lo chel theia a lo umna thuah lawmthu a hril a; Manipur, Mizoram, Assam, Meghalaya le a dang dang a hai Hmarhai chu cheng le indar zau tak, hnam thuoi thafan um tak an ni thuhai a hril.
Incoming President, HI Pu Joseph Lalrothang chun fel taka Charge inhlanintuo theia a umna thu ah lawmum a ti thu hrilin, harsatna tam tak lo paltlang tah thuoitu hmasahai chungah lawmthu a hril a, thuoitu hmasa hai thurawn chu thlang thar a um haiin an la hung mamaw rawp ding le la’n thlawppui pei a nuom thu hai a hril a, bu faktui dawn zawng hman lo raka hma an lo lakna haia inpakum, lawmum a ti thu hai hrilin, hmatienga hai la thangtlang pei dingin a fiel. Thuoitu hlui hai khawmin hmatieng peia a tul anganga thlang thar a um hai chu an la thlawp pei ding thu hi huna hin an hril tawl.
Hi huna hin hmalak pei dan ding thenkhat baka HI Constitution le 8th Assembly Resolution hai inhriltuona nei a ni bawk. Charge inhlanna huna hin HI Sumfai, Files le Properties inhlan intuo theihai chu felfai taka inhlan intuo vawng a nih. Thuoitu hmasahai inpekzona le taimakna ngaisangum an ti thu, properties, Office building le a dang dang phuisui taka HI in a nei theina thuah lawmum an ti thuhai hi huna hin an inzawt tawl a. Incoming Vice President, Hmar Inpui Upa J. Lalchhanhima in Pathien kuoma tawngtaina a nei zovin zantieng bu tuihnai tak awt tlangna nei a ni bawk.
Hmar Inpui (20162019) thuoitu tharhai chu President - Pu Joseph Lalrothang, Vice President - Upa J. Lalchhanhima, Gen. Secy. Francis Songate, Jt. Secy. - Dr. Immanuel Zarzosang Varte, Fin. Secy. - Upa Laltlanmawi, Treasurer - Nk. May Rose hai an nih.
-LRS Puruolte/Photo: Alan Famhoite
Rural Devpt. Jt. Secretary in a hung enfel
CCPUR: Mr Rajeev Sadananda, Joint Secretary, Ministry of Rural Development, Govt. of India chu zanikhan CCPur Districtah a hung inzin a, Awaas Soft MIS fethlenga beneficiaries hai kuoma kum 201516 a In bawlna dinga sum hung pek hai a nina anga taka hmang a ni le ninaw a hmuna a hung enfel. Mr Rajeev Sadananda hin Sangaikot blocka khuo 3 haia Awaas Soft MIS fethlenga In bawla um hai a enfel a, lungawium le tha a ti tawk thu a hril. Mr Rajeev hin Feb. 18, 2016 khin Thoubal le Imphal East haia Awaas Soft MIS fethlenga In bawl hai enfel nawk a ta, zantieng Imphal suoksanin New Delhi pan nawk a tih.
SP inrawinain inrawnkhawmna nei
CCPUR: Tulaia Whatsapp le Facebook hmanga hnam buoina intlun thei ding thil thedar a nina chungthuah zanikhan Mr L. Mangkhogin Haokip, IPS, SP, CCPur inrawinain SP/CCPur Officeah Student Organisations leaders le Philanthropic Organisations leaders tum tum han inrawnkhawmna an nei a, Col. Aditya Verma, CO 7Assam Rifles khawm a thang.
Hi huna hin CCPur District sunga hnam tin hai inrem taka ei chengtlang theina dingin Social media haia thu thedar (post dar) dan chungthuah iengtia hma lak tlang dim ti an hriltlang.
Jail in function tir le Circuit house bawlzo vat dingin
CCPUR: ThadouKuki Students Union (TKSU) GHQ chun zanikhan thusuok siemin, Tuibuonga District Jail chu Army Camps/Cantonment dinga siem a ninaw leiin, misuol le criminal hai umna dinga bawl a ni leiin a nina ang taka hmang a ni theina dingin sawrkar thuneitu hai hma la dingin an ngen bakah; NEC fund hmanga Hmarvenga Circuit House bawl mek chu bawl tan hlima hrat taka sin thaw a ni laiin tu tieng tienga sin thaw a muong em em chungthuah thuneitu hai chu bawlzo vat a ni theina dinga hma la dingin an ngen.
DICah Entrepreneurship training tan
CCPUR: Feb. 17, 2016 a inthawk khan DIC Office, Tuibuong Central Hallah March 1, 2016 chen aw ding Trade tum tum haia dina Entrepreneurship training tan a nih. Zanikhan Readymade garment/Tailoring, Aromatic & Medicinal Plantation, Embroidery le Beauty Parlour hnuoia training dinga thlangsuok hai trainingah an thang a, Resource person in Deborah le P. Khamsanglian hai an thang.
Y. Nabachandra, GM/DIC CCPur chun, Make in India le Make in Manipur hnuoia sin an hmu ngei theina dingin traininga thang hai chu lunglut taka training dingin training hawngna huna an fui. Bank in an sumdawng tanna ding (capital) a pek leia an sumdawngna hlawtling ding a ninaw thu hrilin an tradeah thiemna le inhnikna tak tak an nei leia hlawtling ding an ni lem thu trainee hai a hril. Business le inzawm chau ni lovin Bank thua khawm ni 2 sung training an la nei ding thu a hril.
Zanita tan hai hin Feb. 22, 2016 chen sunzawm an ta, a dawt dawtin trade dang dang han an nei pei ding a ni a, March 1, 2016 khin zo a ni ding a nih.
Bridging the Borders Cultural prog.
CCPUR: North East Zone Cultural Centre, Ministry of Culture, Govt. of India le Dept. of Art & Cultue, Govt. of Manipur le CCPur Dist. Admn., Govt. of Manipur hai thangruola huoihawtnain Feb. 19 le 20, 2016, 1:00PM haia Saikawt village le Kholmun village, CCPur haiah cultural prog. um a ta, Lunminthang Haokip, IAS, DC, CCPur le Ms Mannuamching, IAS, CEO, ADCC hai chieft Guest in thang an tih.
Badminton Tournament tan
CCPUR: 1st ZBA Badminton Tournament chu zani 10:00AM khan Hiangtam Lamka Community Hallah tan a ni a, tournament hi G. Thangkhosuanmung, EM, ADCC & Chief of Hiangtam Lamka in a hawng. Exhibition matchah Col. Aditya Verma le Lt. Col. Manish Senger hai le David Piaklian, Addl. SP (L&O) le H. Balram, Addl. SP (Operation) hai an inkhel. Hi tournament single openah mi 29, double open pair ah 22, 40+years singleah mi 9 le 40+ double pairah mi 10 an thng a, Feb. 20, 2016 khin zo an tih.
Cabinet in Arunachal Pradesh a President Rule zama um lakdawk dingin a recommend
NEW DELHI: Supreme Court in Arunachal Pradesh Governor JP Rajkhowa Chief Minister thar laklut a remti peknaw hnungin zanita Union Cabinet meeting chun Arunachal Pradesha President Rule zama um chu lakdawk dingin a recommended. Arunachal Pradesh a hin politics thila buoina um leia January 26, 2016 a kha President Rule zama um a nih.
February 15, 2016 khan Congress dissident Kalikho Pul inrawinaa MLA 31 hai chun sawrkar thar siem tuma Governor inhmupuiin sawrkar thar insiemtir dingin an ngen a, hi huna hin Congress MLA hel 19 le BJP MLA 11 bakah Independent MLA 2 han an zui a nih.
Kalikho Pul inrawinaa Arunachal Pradesha Congress MLA group khatin an Chief Minister ni lai Nabam Tuki dit lova an hel leia Arunachal Pradesha politics thila buoina hi hung um a nih. Arunachal Pradesh CM hlui Nabam Tuki chun thlawptu MLAs 26 a nei nia hril a nih. Assembly seats 60 uma hin Congress chun MLA 47 an nei a, hi laia 21 han an CM dit lova an hel leia buoina hi hung um a ni a, BJP MLA 11 le Independent MLA 2 han Congress MLA hel hai hi an thlawp sa a nih.
Union Cabinet in zanita President Rule lakdawk dinga an rel hmain zanikhan senior leader Ghulam Nabi Azad inrawinaa Congress delegation chun Rashtrapathi Bhawanah President Pranab Mukherjee inhmupuiin memorandum an pek a, Union Cabinet in President Rule lakdawk dinga a lo recommend khawma action la lo dingin an ngen a nih.
Class X&XII Exam thienghlim taka nei dingin
IMPHAL: Board of Secondary Education, Manipur hnuoia HSLC Examination, 2016 le Council of Higher Secondary Education, Manipur hnuoia Higher Secondary Examination, 2016 hai thienghlim tak le tluong taka nei a ni theina dingin sawrkar chun theitawp suoin hma a lak a, Flying Squads le MicroObeservers hai ruot an ni bakah ensinna dingin Class XII exam centres 18 haiah CCTV Camera inthut ning a tih tiin Education Minister M. Okendro in a SSA Hall Babupara a Chanchinbumihai an hmupui huna a hril. Class XII exam hi 2222016 a tan ding le Class X Exam hi 132016 a tan ding a nih.
JCILPS in hma an lak tan nawk
IMPHAL: Manipur Assembly in nikuma Bills 3 a pasihai tuchena President in suoi a la thaw lo dodalna le hi Bills a President in suoi a thawna dinga Central le State sawrkar nawrnain JCILPS chun zanita inthawk khan Keishampat Community Hallah hun tiemchin um lo ding Poster Campaign le Street Corner Meeting an thaw tan nawk tah. State danga inthawka hung (outsiders) work permit neinaw taphawt chu man a, Police kuta pek pei an tum niin JCILPS thusuok chun a hril.
KSO le ANSAM in highway bandh an thul
IMPHAL: KSO GHQ le ANSAM in February 17, 2016 zanrila inthawk tiemchin um lova National Highways haia bandh thaw tan an tum chu la thul phawt dingin zanita joint meeting an nei huna an rel. Manipur cabinet meeting in contract teachers hai sin suknghet a ni theina dinga Primary teacher 1582 le Graduate teacher 419 lak dinga recruitment nei dinga remtina a nei leia an bandh thaw tum hi an la thul niin Asst. Gen. Secy. ANSAM James Inka le KSO GHQ Gen. Secy. Seiboi Haokip han an hril.
Court hmaa an puongna thu
IMPHAL: July 23, 2011 a Ch. Sanjit kap hlumtu Manipur Police Head Constable Th. Herojit chun media hai hmaa an puongna thu chu Feb. 20, 2016 khin Court of Session Judge, Manipurah a puonglang ding niin ei thu dawngna chun a hril. Hi thil tlung le inzawma JAC indina um chun zanikhan Ch. Sanjit le Rabina kap hlumtuhai chu hrem ngei dinga phutnain Khurai Lamlong Keithelah lampui hrawna an nei.
Truck 50 Security Escort in
IMPHAL: Jiribam District Demand Committee (JDDC) in NH37 (ImphalJiribam road) a total bandh/blockade an thaw leia Jiribam a intang Trucks 50 hai chu zani zingkar khan Security Escort in Imphal hung panpui an nih. JDDC hin Feb. 10, 2016 a inthawka total bandh/blockade hi an lo thaw tan ta a nih.
JNUSU President lunginah sielut
NEW DELHI: Feb. 9, 2016 a Jawaharlal Nehru University (JNU), New Delhi campusa antiIndian slogan khekpui a nina thu le inzawma man JNU students Union Prsident Kanhaiya Kumar chu zanikhan Metropolitan Magistrate, Lovleen hmaah inlangtir a ni a, Court in a rel angin March 2, 2016 chen intang dingin zani ma khan lunginah sielut a nih. Mi thenkhatin an lo bei leiin hliemna a tuok pha.
Kashmir, Manipur le Nagaland hai zalenna
KOLKATA: Zanikhan Jadavpur University campusah Students thenkahtin lampui an hraw a, an poster haiah Kashmir, Manipur le Nagaland hai zalena pek ni raw hai seh ti an ziek. Hieng poster haia hin RADICAL ti group in an hming an signed. Lampui hrawnaa hin Students Unions le hi University authorities hai an thang ve nawh tiin hi University Vice Chancellor, Suranjan Das chun a hril.
Petrol man sukhnuoi; Diesel man sukpung
NEW DELHI: Sawrkar chun zanrila inthawk khan Petrol litre 1ah Paise 32 in a sukhnuoi a, Diesel man ruok chu litre 1ah Paise 28 in a sukpung thung.
Bekan fak suol leiin mi 9 hospitalah admit
AIZAWL: Mizorama Falkawn a chun zani zingkar khan Bekan fak suol leiin mi 10 an damnaw pha a, anni laia 9 hai chu Falkawn referral Hospitalah admit an ni a, an ngirhmun ruok chu a der thawng nawh tiin ei thu dawngna chun a hril. Bekan hi mi pakhat in a siem inchawa an fak a nih.
NHRC in Patiala House notice a pek
NEW DELHI: Tulai hnai ela Patiala House Court campus sunga Journalist le students thenkhat vuok le sawisak an nina thuah National Human Rights Commission (NHRC) chun Union Home Secretary, Chief Secretary le Delhi Police Commissioner hai kuomah notice a pek a, tuta kar sung ngei Patiala House Courta thil tlung dan report pe dingin an hriettir.
Complaint um dungzui chun India ram kal zawnga tawngkam a nei leia man JNU Student Union President Kanhaiya Kumar court hmaa inlangtir a ni huna Delhi BJP MLA le BJP suporters han Lawyers thuom (uniform) anga inbel han Court campus sungah Journalists le student iemanzat hai an sawisak niin a hril.
NHRC chun JNU teachers, students le journalist han court hearing sim ve theina rights an nei tia hrilin, hi hi tharum hmanga dang a nih tiin a hril. Hi huna duty police hai khawm an sin thaw zo lovin NHRC chun an tum bawk.
Mizoramah nikum sung TB leiin mi 38 an thi
AIZAWL: Mizorama chun kum 2015 sung khan TB (Tuberculosis) natna leiin mi 38 an thi niin zani hmasaa Kulikawna Health Worker Training School auditorium hmuna 4th Quarter Review meeting 2015 nei hunah state TB Officer Dr Vanlalfela chun a hril. Kum 2015 sung khan TB invawi hai laia 84% hai chu enkawl dam an nih tiin a hril bawk. Kum 2015 sung khan TB le HIV invawi kawp 177 le MDRTB invawi 47 hmusuok an nih.
8th Delhi Dialoge New Delhiah tan
NEW DELHI: Zanikhan New Delhiah 8th Delhi Dialogue tan a nih. Hi huna External Affairs Ministrya Secretary (East) Anil Wadhwa in thu a hrilnaah Association of South Asian Nations (ASEAN) rambung hai chu India rama hung sumdawng dingin a fiel a, sawrkar thlungpui chun business environment siemthat tumin hma alak zing a nih tiin a hril. Arunachal Pradesh thangin India hmarsak state haia border trade sukhrat le trade points hawng belsa tum a ni thu, IndiaMyanmarThailand Trilateral Highway zo a ni huna insumdawngtuona suklien a ni ding thu, hi lampui hin ASEAN rambung hai le infepawna le inlaichinna tha lem an tlun ding thu a hril bawk.
A taksa bung a mamaw hai kuoma pe dingin
BENGALURU: Kum 23a upa Harish Nanjappa chu Feb. 16, 2016 khan TumakuruBengaluru roadah a chuongna Bike chu Truck hung tlan in a rawt leiin a taksa pum chu pahni in an bawng a, hospital panpuitu le doctors hai kuomah, a taksa bung hmang theia la um hai chu a mamaw hai kuoma pe dingin a ngen mawl mawl! Harish Nanjappa hi hospital tlungpui a ni sawtnawte hnungin a thi. A ngenna angin doctor hai chun a mit (eye) chu hospitala mit mamaw hai ta dingin an vawng tha. Harish hi Whitefield company SSMS Pvt. Ltd. a thawk, Tumakaru districta Gubbi hmuna panchayat electiona vote thlak dinga fe, Bengaluru pana a hung kir tienga eksiden hi a tuok a nih. Harish rawt hlumtu Truck driver Varadaraj hi Police han manin case an siem khum.
Harish hi a pum bawng hni in suok sienkhawm helmet a khum leiin a luah hliemna a tuok naw a, hiengang eksiden rapthlak tak a tuok laia a taksa bung hmang thei hai a mamaw hai ta dinga la dinga nuomna lungril a la nei thei chu mak a ti thu Dr Bhujang Shetty chun a hril.
Nagaland PWC team Delhiah an cham mek
KOHIMA: Naga political issue an hmatienga chingfel a ni theina dinga thlawp dinga National party tum tum hai fiel dinga inzin member 19 umna Nagaland Parliamentary Working Committee (PWC) team chu New Delhiah an cham mek. PWC team hi an Chief Minister TR Zeliang le Speaker Chotisuh Sazo han an inrawi a, zani hmasa khan BJP President Amit Sha le JD(U) President Sharad Yadav hai an inhmupui.
BJP National President Amit Shah chun, an thil ngen hai sukpuitling a ni theina dinga hma a lak ding thu le Mr Yadav chun Naga political issue chingfel a hung ni theina dinga Constitution siemthat a lo tul a ni khawmin an party chun a thlawp ding thu PWC team hi a lo tiem niin ei thu dawngna chun a hril.
Indik taka rorel a ninaw chun inthat a tum
VADODARA/ANAND: Gujarata Anand districta Jawahar Navodaya Vidyalayaa Class VIII inchuklai nuhmei kum 13 mi chun President Pranab Mukherjee kuomah lekha a thawn a, an School principal chunga intumna a siem thuah ni 10 sunga indik taka rorel a ninaw hun ama le ama an that ding thu ziek. Nuhmei naupang hin an principal in a suknawmna hlak thu a hril a, sienkhawm district thuneitu hai chun an tumna hi belchieng dawllo a nih tiin an ngaisak naw a nih.
Khawvela Smartphone man tlawm tak Rs. 251 man ding
NEW DELHI: Indian Smartphone siemtu Ringing Bells chun khawvela smartphone mantlawm tak ding Freedom 251, Rs. 251 man chau ding an siem. Hi Smartphone hi February 18, 2016 a inthawk khin company website freedom251.com fethlenga inchawk thei ni dingin ei thu dawngna chun a hril.
Freedom 251 smartphone hi 1inch HD 960x540 pixel resolution; 1.3GHz quadcore processor; Android 5.1 Lolipop operating system; 1GB RAM le internal storage 8GB, 32 GB chena suklien th ei, rear camera 3.2 le frontfacing 0.3MP; 3G support; battery 1,450mAh; WhatsApp, Facebook, YouTube le a dang dang support; 1 year warranty nei a ni a, India ram pumpuiah servicing centre 650 a nei. India’s Make In India initiative hnuoia company in hi smartphone hi an siem a nih.
VAWISUN THUPUI
I thil fak leiin Pathien sinthaw sukse naw. Thil po po chu an thieng ngei, nisienlakhawm, a thil fakin mi a sukthluk chun, a fatu ta dingin suol a nih. Rom 14:20
Editorial
Ram, hnam hmasawnna dingin Intodel tum
Ram le hnamin hma a sawn a, an thanglien theina ding chun a ram sunga cheng hai lungrilah intodel tumna lungril nei tlat le, chu dinga tumruna, taimakna, indikna le tuorselna mipui han ei nei a tul. Khawvela ram ropui le hausa hai ei en chun, hnam taima, indik, ringum le tuorsel, ram dang le midang pur lova mania intodel tum tlat hlak hai an ni zat zat.
British han India ram an awpde lai khan Manipur hi princely state pakhat a ni ve a, kha huna khan Manipur chun a dikna le chanvo pe dingin nasa takin an lo nawr ve a, Indopui pahnina zo hnung September 21,1949 khan Maharaja Budhachandra chun Manipur chu Burma neka India ram tienga kawp lem dingin agreement a lo ziek a, sienkhawm Manipur Maharaja in India rama kawp dinga a pawmna Treaty of Accession a lo ziek kha thawluina hmanga inziektir a nih tiin Manipur groups thenkhat chun an dodal a, Manipur Independent suol in tuchen hin ralthuom an la chawi zing a, mi tam takin thina le hliemna tuokin, Manipur chu khawvela ram ralmuong lo pawl laia thang ta zing a nih.
Hienga dodalna um lai zing hin January 21, 1972 khan Manipur chu State puitlinga hlangkaiin a lo um a, Independent ni lo, state puitlinga hlangkai ei nia inthawk kum 44 a liem hnung khawmin Manipur chu India rama state intodel lo tak, sawrkar thlungpui thlahnuoia la dam ve tawk tawk ei nih. State puitlinga hlangkai ei ni hnung khawma mani le mani intodel theina ding ei huot kaw theinaw laiin Independent lo hmu ta ang inlakhawm ei ropui naw dingzie hi chieng takin an lang. Economic blockade lei annawleh fur ruotui tlak leia ei nitin mamaw phurna lampui hai a siet huna fak le dawn le kawng iengkimah harsatna namen lo ei tuok hlak hin a sunga cheng han mania intodel tumna lungril ei neilien a pawimaw zie chieng takin an lang a nih.
Hi lei hin Manipur mipui han ei mamaw tak chu Independent nekin mania intodel tumna lungril neia hma lak hi a nih. Ram intodel si lova Independence lo ni ve ringawt kha ropuina a ni naw a, chu nekin thabo le kutdaw pungna a ni lem. Manipur hi boruok sik le sa inhawi takel, a hnuoi Nga, a chung Bu ti hiela hril a ni laiin bu le thlai intodelna khawp thar suok zo lo ei nina hi thil inzakum tak a ni a. Ei taima tawk naw lei bakah inrim pei lova indiklo taka sum le pai laklut nuomna lungril ei nei lien leia tu ngirhmuna um hi ei nih. Independent lo hmu te reng inla khawm ram buoi tak le khawvel rambung tum tum hai chawm hlawm hung ning a ta, state chau ei ni hmana inzawr hrat pawl ei ni hin, Independence hang hmu lem inla chu ei inzawrna ri hi mi ri sawn el ngei ei tih.
Mitin hnam tinin zalenna hi ei ditin, ei ngai thupui ta hle. Chu laizing chun zalenna hi a hmang thiem naw hai ta dinga sietna rapthlak tak intlun theitu a nizie chieng takin tulaia ei hun tawng meka khawm hin an lang chieng hle. Thalai han nu le pa le thuoitu hai inzana ei tlasam a, mani zalenna ngaipawimaw hlur, mawphurna ruok chu ngaitha tlat ei pung pei a. Khawtlang le hnam rorelna khawm mumalin a fe thei tanaw a, sin nei lo, thaw ding hrelo/neilo khawpui sungah nu le pa thawsuoksa ringa intivei taka lengkuol ei pung tuol tuol a; nu le pa hai hlakin ei nau le te hai ei hmangaina mit an del leia an inrim le sawl ding inlau dawr dawrin, an mi hni le ngen phawt thaw pek ngei ngei tumin nei bak bak sengin ei thil nei le lungril ei seng tawl a ni hi!
Hienganga nun ei hmang sung chun ei ram le hnam hi ram ropui le hnam ropui a ni thei ngainaw ding a nih. Ei hril ta ang khan khawvela hnam ropui le ram hausa hai hi hnam taima, tumru le mania intodel tumna nei tlat, an thalai hai khawmin nulepa chawmhlawm ni neka mania intodel tumna nei tlat mi hai chengna ram a nih. Hi lei hin ram le hnam ka hmangai ei ti a ni chun taimak insuo a, mani intodel tum tlat hi thalai, nu le pa le mitin in ei thaw ding pawimaw tak a nih. Sungkuo tin le mimal tin hi intodel khip khepin um inla chu ram le hnam intodel hung ning ei ta, midang, ramdang le hnam dang hai purtu ni neka thangpuina kut rawl zat zat theitu hang ni inla chu mi danghnam dang hai ngaisang, inza hung ning ei ta, sawrkar thlungpui khawmin tuta nek hin mi ngaisak ngei a tih. Mihriem thangpui ngai zing zing hai chu mi inza an kai ngainaw ang bawkin, ram le hnam intodel lo hai chu mi inza an ni ngai nawh. Hi lei hin ei ram le hnam hi ram ropui le hnam ropuia siem ei tum a ni chun taimakna, tumruna, indikna le tuorselna hai neia mania intodel tum tlat dinga thalai han hma ei lak a tul.
Intodel tumna neka, kutdaw lungril, mani dikna, chanvo le mani hlutna khawm thlakhla zo lo khawpa inzawr ching ei pung hi ei ram le hnam tlaksietna a ni a. Kristien hai lem chun Pathien pawi ei tawk a nih ti ei hriet a tul. Mani chau khawm ni lova hnam pumpui zawr khawm pawi ti lo thuoitu hlak ei pung pei; hnamin lampui a hraw thelna hmua lampui indika thuoi tum neka, lampui a hraw thelna tak remchanga laa mani mimal hlawkna dinga hnam sunga ‘PAWL’ hmang tangkai tum thuoitu ei suok pei bawk. Hiengang thuoitu hai hi an nih hnam kutdawa mi siemtu chu! Hienga ei fe pei chun hnam boral ei la hung ni vat ding an leiin thuoitu le mipui hai ei thanghar a hun ta takzet.
TUITHAPHAI/CCPUR: Hmar Inpui (HI), Gen. Hqrs Thuoitu dinga thlang thar hai le thuoitu hlui hai chun Charge inhlanna Feb.16, 2016 zantieng dar 3:30 pm khan Hmar Secretariat, HSA Campus, Rengkai, CCpur, Manipur hmun ah an nei. Hi huna hin hriepuitu dinga fiel bik anni angin Hmar hnam sunga media persons le social activist thenkhat haiin hi hun hi an uop a nih.
Hi huna hin Outgoing Gen. President, HI Dr. John Pulamte chun hun lo liemtah a mi inzaum tak tak hai le hnam rawng bawl tlang theia a lo umna chu mipui ditsakna lei a ni thu hrilin Hmar Inpui Gen. Hqrs. a President chen lo chel theia a lo umna thuah lawmthu a hril a; Manipur, Mizoram, Assam, Meghalaya le a dang dang a hai Hmarhai chu cheng le indar zau tak, hnam thuoi thafan um tak an ni thuhai a hril.
Incoming President, HI Pu Joseph Lalrothang chun fel taka Charge inhlanintuo theia a umna thu ah lawmum a ti thu hrilin, harsatna tam tak lo paltlang tah thuoitu hmasahai chungah lawmthu a hril a, thuoitu hmasa hai thurawn chu thlang thar a um haiin an la hung mamaw rawp ding le la’n thlawppui pei a nuom thu hai a hril a, bu faktui dawn zawng hman lo raka hma an lo lakna haia inpakum, lawmum a ti thu hai hrilin, hmatienga hai la thangtlang pei dingin a fiel. Thuoitu hlui hai khawmin hmatieng peia a tul anganga thlang thar a um hai chu an la thlawp pei ding thu hi huna hin an hril tawl.
Hi huna hin hmalak pei dan ding thenkhat baka HI Constitution le 8th Assembly Resolution hai inhriltuona nei a ni bawk. Charge inhlanna huna hin HI Sumfai, Files le Properties inhlan intuo theihai chu felfai taka inhlan intuo vawng a nih. Thuoitu hmasahai inpekzona le taimakna ngaisangum an ti thu, properties, Office building le a dang dang phuisui taka HI in a nei theina thuah lawmum an ti thuhai hi huna hin an inzawt tawl a. Incoming Vice President, Hmar Inpui Upa J. Lalchhanhima in Pathien kuoma tawngtaina a nei zovin zantieng bu tuihnai tak awt tlangna nei a ni bawk.
Hmar Inpui (20162019) thuoitu tharhai chu President - Pu Joseph Lalrothang, Vice President - Upa J. Lalchhanhima, Gen. Secy. Francis Songate, Jt. Secy. - Dr. Immanuel Zarzosang Varte, Fin. Secy. - Upa Laltlanmawi, Treasurer - Nk. May Rose hai an nih.
-LRS Puruolte/Photo: Alan Famhoite
Rural Devpt. Jt. Secretary in a hung enfel
CCPUR: Mr Rajeev Sadananda, Joint Secretary, Ministry of Rural Development, Govt. of India chu zanikhan CCPur Districtah a hung inzin a, Awaas Soft MIS fethlenga beneficiaries hai kuoma kum 201516 a In bawlna dinga sum hung pek hai a nina anga taka hmang a ni le ninaw a hmuna a hung enfel. Mr Rajeev Sadananda hin Sangaikot blocka khuo 3 haia Awaas Soft MIS fethlenga In bawla um hai a enfel a, lungawium le tha a ti tawk thu a hril. Mr Rajeev hin Feb. 18, 2016 khin Thoubal le Imphal East haia Awaas Soft MIS fethlenga In bawl hai enfel nawk a ta, zantieng Imphal suoksanin New Delhi pan nawk a tih.
SP inrawinain inrawnkhawmna nei
CCPUR: Tulaia Whatsapp le Facebook hmanga hnam buoina intlun thei ding thil thedar a nina chungthuah zanikhan Mr L. Mangkhogin Haokip, IPS, SP, CCPur inrawinain SP/CCPur Officeah Student Organisations leaders le Philanthropic Organisations leaders tum tum han inrawnkhawmna an nei a, Col. Aditya Verma, CO 7Assam Rifles khawm a thang.
Hi huna hin CCPur District sunga hnam tin hai inrem taka ei chengtlang theina dingin Social media haia thu thedar (post dar) dan chungthuah iengtia hma lak tlang dim ti an hriltlang.
Jail in function tir le Circuit house bawlzo vat dingin
CCPUR: ThadouKuki Students Union (TKSU) GHQ chun zanikhan thusuok siemin, Tuibuonga District Jail chu Army Camps/Cantonment dinga siem a ninaw leiin, misuol le criminal hai umna dinga bawl a ni leiin a nina ang taka hmang a ni theina dingin sawrkar thuneitu hai hma la dingin an ngen bakah; NEC fund hmanga Hmarvenga Circuit House bawl mek chu bawl tan hlima hrat taka sin thaw a ni laiin tu tieng tienga sin thaw a muong em em chungthuah thuneitu hai chu bawlzo vat a ni theina dinga hma la dingin an ngen.
DICah Entrepreneurship training tan
CCPUR: Feb. 17, 2016 a inthawk khan DIC Office, Tuibuong Central Hallah March 1, 2016 chen aw ding Trade tum tum haia dina Entrepreneurship training tan a nih. Zanikhan Readymade garment/Tailoring, Aromatic & Medicinal Plantation, Embroidery le Beauty Parlour hnuoia training dinga thlangsuok hai trainingah an thang a, Resource person in Deborah le P. Khamsanglian hai an thang.
Zanita tan hai hin Feb. 22, 2016 chen sunzawm an ta, a dawt dawtin trade dang dang han an nei pei ding a ni a, March 1, 2016 khin zo a ni ding a nih.
Bridging the Borders Cultural prog.
CCPUR: North East Zone Cultural Centre, Ministry of Culture, Govt. of India le Dept. of Art & Cultue, Govt. of Manipur le CCPur Dist. Admn., Govt. of Manipur hai thangruola huoihawtnain Feb. 19 le 20, 2016, 1:00PM haia Saikawt village le Kholmun village, CCPur haiah cultural prog. um a ta, Lunminthang Haokip, IAS, DC, CCPur le Ms Mannuamching, IAS, CEO, ADCC hai chieft Guest in thang an tih.
Badminton Tournament tan
CCPUR: 1st ZBA Badminton Tournament chu zani 10:00AM khan Hiangtam Lamka Community Hallah tan a ni a, tournament hi G. Thangkhosuanmung, EM, ADCC & Chief of Hiangtam Lamka in a hawng. Exhibition matchah Col. Aditya Verma le Lt. Col. Manish Senger hai le David Piaklian, Addl. SP (L&O) le H. Balram, Addl. SP (Operation) hai an inkhel. Hi tournament single openah mi 29, double open pair ah 22, 40+years singleah mi 9 le 40+ double pairah mi 10 an thng a, Feb. 20, 2016 khin zo an tih.
Cabinet in Arunachal Pradesh a President Rule zama um lakdawk dingin a recommend
NEW DELHI: Supreme Court in Arunachal Pradesh Governor JP Rajkhowa Chief Minister thar laklut a remti peknaw hnungin zanita Union Cabinet meeting chun Arunachal Pradesha President Rule zama um chu lakdawk dingin a recommended. Arunachal Pradesh a hin politics thila buoina um leia January 26, 2016 a kha President Rule zama um a nih.
February 15, 2016 khan Congress dissident Kalikho Pul inrawinaa MLA 31 hai chun sawrkar thar siem tuma Governor inhmupuiin sawrkar thar insiemtir dingin an ngen a, hi huna hin Congress MLA hel 19 le BJP MLA 11 bakah Independent MLA 2 han an zui a nih.
Kalikho Pul inrawinaa Arunachal Pradesha Congress MLA group khatin an Chief Minister ni lai Nabam Tuki dit lova an hel leia Arunachal Pradesha politics thila buoina hi hung um a nih. Arunachal Pradesh CM hlui Nabam Tuki chun thlawptu MLAs 26 a nei nia hril a nih. Assembly seats 60 uma hin Congress chun MLA 47 an nei a, hi laia 21 han an CM dit lova an hel leia buoina hi hung um a ni a, BJP MLA 11 le Independent MLA 2 han Congress MLA hel hai hi an thlawp sa a nih.
Union Cabinet in zanita President Rule lakdawk dinga an rel hmain zanikhan senior leader Ghulam Nabi Azad inrawinaa Congress delegation chun Rashtrapathi Bhawanah President Pranab Mukherjee inhmupuiin memorandum an pek a, Union Cabinet in President Rule lakdawk dinga a lo recommend khawma action la lo dingin an ngen a nih.
Class X&XII Exam thienghlim taka nei dingin
IMPHAL: Board of Secondary Education, Manipur hnuoia HSLC Examination, 2016 le Council of Higher Secondary Education, Manipur hnuoia Higher Secondary Examination, 2016 hai thienghlim tak le tluong taka nei a ni theina dingin sawrkar chun theitawp suoin hma a lak a, Flying Squads le MicroObeservers hai ruot an ni bakah ensinna dingin Class XII exam centres 18 haiah CCTV Camera inthut ning a tih tiin Education Minister M. Okendro in a SSA Hall Babupara a Chanchinbumihai an hmupui huna a hril. Class XII exam hi 2222016 a tan ding le Class X Exam hi 132016 a tan ding a nih.
JCILPS in hma an lak tan nawk
IMPHAL: Manipur Assembly in nikuma Bills 3 a pasihai tuchena President in suoi a la thaw lo dodalna le hi Bills a President in suoi a thawna dinga Central le State sawrkar nawrnain JCILPS chun zanita inthawk khan Keishampat Community Hallah hun tiemchin um lo ding Poster Campaign le Street Corner Meeting an thaw tan nawk tah. State danga inthawka hung (outsiders) work permit neinaw taphawt chu man a, Police kuta pek pei an tum niin JCILPS thusuok chun a hril.
KSO le ANSAM in highway bandh an thul
IMPHAL: KSO GHQ le ANSAM in February 17, 2016 zanrila inthawk tiemchin um lova National Highways haia bandh thaw tan an tum chu la thul phawt dingin zanita joint meeting an nei huna an rel. Manipur cabinet meeting in contract teachers hai sin suknghet a ni theina dinga Primary teacher 1582 le Graduate teacher 419 lak dinga recruitment nei dinga remtina a nei leia an bandh thaw tum hi an la thul niin Asst. Gen. Secy. ANSAM James Inka le KSO GHQ Gen. Secy. Seiboi Haokip han an hril.
Court hmaa an puongna thu
IMPHAL: July 23, 2011 a Ch. Sanjit kap hlumtu Manipur Police Head Constable Th. Herojit chun media hai hmaa an puongna thu chu Feb. 20, 2016 khin Court of Session Judge, Manipurah a puonglang ding niin ei thu dawngna chun a hril. Hi thil tlung le inzawma JAC indina um chun zanikhan Ch. Sanjit le Rabina kap hlumtuhai chu hrem ngei dinga phutnain Khurai Lamlong Keithelah lampui hrawna an nei.
Truck 50 Security Escort in
IMPHAL: Jiribam District Demand Committee (JDDC) in NH37 (ImphalJiribam road) a total bandh/blockade an thaw leia Jiribam a intang Trucks 50 hai chu zani zingkar khan Security Escort in Imphal hung panpui an nih. JDDC hin Feb. 10, 2016 a inthawka total bandh/blockade hi an lo thaw tan ta a nih.
JNUSU President lunginah sielut
NEW DELHI: Feb. 9, 2016 a Jawaharlal Nehru University (JNU), New Delhi campusa antiIndian slogan khekpui a nina thu le inzawma man JNU students Union Prsident Kanhaiya Kumar chu zanikhan Metropolitan Magistrate, Lovleen hmaah inlangtir a ni a, Court in a rel angin March 2, 2016 chen intang dingin zani ma khan lunginah sielut a nih. Mi thenkhatin an lo bei leiin hliemna a tuok pha.
Kashmir, Manipur le Nagaland hai zalenna
KOLKATA: Zanikhan Jadavpur University campusah Students thenkahtin lampui an hraw a, an poster haiah Kashmir, Manipur le Nagaland hai zalena pek ni raw hai seh ti an ziek. Hieng poster haia hin RADICAL ti group in an hming an signed. Lampui hrawnaa hin Students Unions le hi University authorities hai an thang ve nawh tiin hi University Vice Chancellor, Suranjan Das chun a hril.
Petrol man sukhnuoi; Diesel man sukpung
NEW DELHI: Sawrkar chun zanrila inthawk khan Petrol litre 1ah Paise 32 in a sukhnuoi a, Diesel man ruok chu litre 1ah Paise 28 in a sukpung thung.
Bekan fak suol leiin mi 9 hospitalah admit
AIZAWL: Mizorama Falkawn a chun zani zingkar khan Bekan fak suol leiin mi 10 an damnaw pha a, anni laia 9 hai chu Falkawn referral Hospitalah admit an ni a, an ngirhmun ruok chu a der thawng nawh tiin ei thu dawngna chun a hril. Bekan hi mi pakhat in a siem inchawa an fak a nih.
NHRC in Patiala House notice a pek
NEW DELHI: Tulai hnai ela Patiala House Court campus sunga Journalist le students thenkhat vuok le sawisak an nina thuah National Human Rights Commission (NHRC) chun Union Home Secretary, Chief Secretary le Delhi Police Commissioner hai kuomah notice a pek a, tuta kar sung ngei Patiala House Courta thil tlung dan report pe dingin an hriettir.
Complaint um dungzui chun India ram kal zawnga tawngkam a nei leia man JNU Student Union President Kanhaiya Kumar court hmaa inlangtir a ni huna Delhi BJP MLA le BJP suporters han Lawyers thuom (uniform) anga inbel han Court campus sungah Journalists le student iemanzat hai an sawisak niin a hril.
NHRC chun JNU teachers, students le journalist han court hearing sim ve theina rights an nei tia hrilin, hi hi tharum hmanga dang a nih tiin a hril. Hi huna duty police hai khawm an sin thaw zo lovin NHRC chun an tum bawk.
Mizoramah nikum sung TB leiin mi 38 an thi
AIZAWL: Mizorama chun kum 2015 sung khan TB (Tuberculosis) natna leiin mi 38 an thi niin zani hmasaa Kulikawna Health Worker Training School auditorium hmuna 4th Quarter Review meeting 2015 nei hunah state TB Officer Dr Vanlalfela chun a hril. Kum 2015 sung khan TB invawi hai laia 84% hai chu enkawl dam an nih tiin a hril bawk. Kum 2015 sung khan TB le HIV invawi kawp 177 le MDRTB invawi 47 hmusuok an nih.
8th Delhi Dialoge New Delhiah tan
NEW DELHI: Zanikhan New Delhiah 8th Delhi Dialogue tan a nih. Hi huna External Affairs Ministrya Secretary (East) Anil Wadhwa in thu a hrilnaah Association of South Asian Nations (ASEAN) rambung hai chu India rama hung sumdawng dingin a fiel a, sawrkar thlungpui chun business environment siemthat tumin hma alak zing a nih tiin a hril. Arunachal Pradesh thangin India hmarsak state haia border trade sukhrat le trade points hawng belsa tum a ni thu, IndiaMyanmarThailand Trilateral Highway zo a ni huna insumdawngtuona suklien a ni ding thu, hi lampui hin ASEAN rambung hai le infepawna le inlaichinna tha lem an tlun ding thu a hril bawk.
A taksa bung a mamaw hai kuoma pe dingin
BENGALURU: Kum 23a upa Harish Nanjappa chu Feb. 16, 2016 khan TumakuruBengaluru roadah a chuongna Bike chu Truck hung tlan in a rawt leiin a taksa pum chu pahni in an bawng a, hospital panpuitu le doctors hai kuomah, a taksa bung hmang theia la um hai chu a mamaw hai kuoma pe dingin a ngen mawl mawl! Harish Nanjappa hi hospital tlungpui a ni sawtnawte hnungin a thi. A ngenna angin doctor hai chun a mit (eye) chu hospitala mit mamaw hai ta dingin an vawng tha. Harish hi Whitefield company SSMS Pvt. Ltd. a thawk, Tumakaru districta Gubbi hmuna panchayat electiona vote thlak dinga fe, Bengaluru pana a hung kir tienga eksiden hi a tuok a nih. Harish rawt hlumtu Truck driver Varadaraj hi Police han manin case an siem khum.
Harish hi a pum bawng hni in suok sienkhawm helmet a khum leiin a luah hliemna a tuok naw a, hiengang eksiden rapthlak tak a tuok laia a taksa bung hmang thei hai a mamaw hai ta dinga la dinga nuomna lungril a la nei thei chu mak a ti thu Dr Bhujang Shetty chun a hril.
Nagaland PWC team Delhiah an cham mek
KOHIMA: Naga political issue an hmatienga chingfel a ni theina dinga thlawp dinga National party tum tum hai fiel dinga inzin member 19 umna Nagaland Parliamentary Working Committee (PWC) team chu New Delhiah an cham mek. PWC team hi an Chief Minister TR Zeliang le Speaker Chotisuh Sazo han an inrawi a, zani hmasa khan BJP President Amit Sha le JD(U) President Sharad Yadav hai an inhmupui.
BJP National President Amit Shah chun, an thil ngen hai sukpuitling a ni theina dinga hma a lak ding thu le Mr Yadav chun Naga political issue chingfel a hung ni theina dinga Constitution siemthat a lo tul a ni khawmin an party chun a thlawp ding thu PWC team hi a lo tiem niin ei thu dawngna chun a hril.
Indik taka rorel a ninaw chun inthat a tum
VADODARA/ANAND: Gujarata Anand districta Jawahar Navodaya Vidyalayaa Class VIII inchuklai nuhmei kum 13 mi chun President Pranab Mukherjee kuomah lekha a thawn a, an School principal chunga intumna a siem thuah ni 10 sunga indik taka rorel a ninaw hun ama le ama an that ding thu ziek. Nuhmei naupang hin an principal in a suknawmna hlak thu a hril a, sienkhawm district thuneitu hai chun an tumna hi belchieng dawllo a nih tiin an ngaisak naw a nih.
Khawvela Smartphone man tlawm tak Rs. 251 man ding
NEW DELHI: Indian Smartphone siemtu Ringing Bells chun khawvela smartphone mantlawm tak ding Freedom 251, Rs. 251 man chau ding an siem. Hi Smartphone hi February 18, 2016 a inthawk khin company website freedom251.com fethlenga inchawk thei ni dingin ei thu dawngna chun a hril.
Freedom 251 smartphone hi 1inch HD 960x540 pixel resolution; 1.3GHz quadcore processor; Android 5.1 Lolipop operating system; 1GB RAM le internal storage 8GB, 32 GB chena suklien th ei, rear camera 3.2 le frontfacing 0.3MP; 3G support; battery 1,450mAh; WhatsApp, Facebook, YouTube le a dang dang support; 1 year warranty nei a ni a, India ram pumpuiah servicing centre 650 a nei. India’s Make In India initiative hnuoia company in hi smartphone hi an siem a nih.
VAWISUN THUPUI
I thil fak leiin Pathien sinthaw sukse naw. Thil po po chu an thieng ngei, nisienlakhawm, a thil fakin mi a sukthluk chun, a fatu ta dingin suol a nih. Rom 14:20
Editorial
Ram, hnam hmasawnna dingin Intodel tum
Ram le hnamin hma a sawn a, an thanglien theina ding chun a ram sunga cheng hai lungrilah intodel tumna lungril nei tlat le, chu dinga tumruna, taimakna, indikna le tuorselna mipui han ei nei a tul. Khawvela ram ropui le hausa hai ei en chun, hnam taima, indik, ringum le tuorsel, ram dang le midang pur lova mania intodel tum tlat hlak hai an ni zat zat.
British han India ram an awpde lai khan Manipur hi princely state pakhat a ni ve a, kha huna khan Manipur chun a dikna le chanvo pe dingin nasa takin an lo nawr ve a, Indopui pahnina zo hnung September 21,1949 khan Maharaja Budhachandra chun Manipur chu Burma neka India ram tienga kawp lem dingin agreement a lo ziek a, sienkhawm Manipur Maharaja in India rama kawp dinga a pawmna Treaty of Accession a lo ziek kha thawluina hmanga inziektir a nih tiin Manipur groups thenkhat chun an dodal a, Manipur Independent suol in tuchen hin ralthuom an la chawi zing a, mi tam takin thina le hliemna tuokin, Manipur chu khawvela ram ralmuong lo pawl laia thang ta zing a nih.
Hienga dodalna um lai zing hin January 21, 1972 khan Manipur chu State puitlinga hlangkaiin a lo um a, Independent ni lo, state puitlinga hlangkai ei nia inthawk kum 44 a liem hnung khawmin Manipur chu India rama state intodel lo tak, sawrkar thlungpui thlahnuoia la dam ve tawk tawk ei nih. State puitlinga hlangkai ei ni hnung khawma mani le mani intodel theina ding ei huot kaw theinaw laiin Independent lo hmu ta ang inlakhawm ei ropui naw dingzie hi chieng takin an lang. Economic blockade lei annawleh fur ruotui tlak leia ei nitin mamaw phurna lampui hai a siet huna fak le dawn le kawng iengkimah harsatna namen lo ei tuok hlak hin a sunga cheng han mania intodel tumna lungril ei neilien a pawimaw zie chieng takin an lang a nih.
Hi lei hin Manipur mipui han ei mamaw tak chu Independent nekin mania intodel tumna lungril neia hma lak hi a nih. Ram intodel si lova Independence lo ni ve ringawt kha ropuina a ni naw a, chu nekin thabo le kutdaw pungna a ni lem. Manipur hi boruok sik le sa inhawi takel, a hnuoi Nga, a chung Bu ti hiela hril a ni laiin bu le thlai intodelna khawp thar suok zo lo ei nina hi thil inzakum tak a ni a. Ei taima tawk naw lei bakah inrim pei lova indiklo taka sum le pai laklut nuomna lungril ei nei lien leia tu ngirhmuna um hi ei nih. Independent lo hmu te reng inla khawm ram buoi tak le khawvel rambung tum tum hai chawm hlawm hung ning a ta, state chau ei ni hmana inzawr hrat pawl ei ni hin, Independence hang hmu lem inla chu ei inzawrna ri hi mi ri sawn el ngei ei tih.
Mitin hnam tinin zalenna hi ei ditin, ei ngai thupui ta hle. Chu laizing chun zalenna hi a hmang thiem naw hai ta dinga sietna rapthlak tak intlun theitu a nizie chieng takin tulaia ei hun tawng meka khawm hin an lang chieng hle. Thalai han nu le pa le thuoitu hai inzana ei tlasam a, mani zalenna ngaipawimaw hlur, mawphurna ruok chu ngaitha tlat ei pung pei a. Khawtlang le hnam rorelna khawm mumalin a fe thei tanaw a, sin nei lo, thaw ding hrelo/neilo khawpui sungah nu le pa thawsuoksa ringa intivei taka lengkuol ei pung tuol tuol a; nu le pa hai hlakin ei nau le te hai ei hmangaina mit an del leia an inrim le sawl ding inlau dawr dawrin, an mi hni le ngen phawt thaw pek ngei ngei tumin nei bak bak sengin ei thil nei le lungril ei seng tawl a ni hi!
Hienganga nun ei hmang sung chun ei ram le hnam hi ram ropui le hnam ropui a ni thei ngainaw ding a nih. Ei hril ta ang khan khawvela hnam ropui le ram hausa hai hi hnam taima, tumru le mania intodel tumna nei tlat, an thalai hai khawmin nulepa chawmhlawm ni neka mania intodel tumna nei tlat mi hai chengna ram a nih. Hi lei hin ram le hnam ka hmangai ei ti a ni chun taimak insuo a, mani intodel tum tlat hi thalai, nu le pa le mitin in ei thaw ding pawimaw tak a nih. Sungkuo tin le mimal tin hi intodel khip khepin um inla chu ram le hnam intodel hung ning ei ta, midang, ramdang le hnam dang hai purtu ni neka thangpuina kut rawl zat zat theitu hang ni inla chu mi danghnam dang hai ngaisang, inza hung ning ei ta, sawrkar thlungpui khawmin tuta nek hin mi ngaisak ngei a tih. Mihriem thangpui ngai zing zing hai chu mi inza an kai ngainaw ang bawkin, ram le hnam intodel lo hai chu mi inza an ni ngai nawh. Hi lei hin ei ram le hnam hi ram ropui le hnam ropuia siem ei tum a ni chun taimakna, tumruna, indikna le tuorselna hai neia mania intodel tum tlat dinga thalai han hma ei lak a tul.
Intodel tumna neka, kutdaw lungril, mani dikna, chanvo le mani hlutna khawm thlakhla zo lo khawpa inzawr ching ei pung hi ei ram le hnam tlaksietna a ni a. Kristien hai lem chun Pathien pawi ei tawk a nih ti ei hriet a tul. Mani chau khawm ni lova hnam pumpui zawr khawm pawi ti lo thuoitu hlak ei pung pei; hnamin lampui a hraw thelna hmua lampui indika thuoi tum neka, lampui a hraw thelna tak remchanga laa mani mimal hlawkna dinga hnam sunga ‘PAWL’ hmang tangkai tum thuoitu ei suok pei bawk. Hiengang thuoitu hai hi an nih hnam kutdawa mi siemtu chu! Hienga ei fe pei chun hnam boral ei la hung ni vat ding an leiin thuoitu le mipui hai ei thanghar a hun ta takzet.
