CCPur, February 5, 2016: PMS Vice President (Education), Rev. Rohminglien Pakhuongte le a ruolnu Dr. Vanrammawi Pakhuongte, (Sponsor Dept. Director,PMS) inrawina hnuoia Hmarram PMS Sikul Staff hai chun ''Growing Stronger Together''ti thupui hmangin Feb 3rd -Feb 5th, 2016 sûng khan Lungthulien hmunah symposium in an nei. Hi ni thum sûng hin Hmarbiela PMS Staff mi zakhat vêl bawr fekhawmin Students Education tienga Hmarram hmasawnna dingin Topic on Truth, Academic excellence, Extra Curriculam, Staff & Students Relationship thu le hla hai chu alên taka inbuonpui a ni a, Ram le Hnam hmasawnna ding chun inchûkna le Pathien thu keimat a țul zie, le mihriem țhangruol a pawimawzie hai uluk taka chei a nih.
Chun, Hmarbiela dingin Computer Lab hmasatak khawm Lungthulien PMS sikulah inţhut a lo ni ve der ta el khelah Leisen khawmin Asus khawlthluoknei chu a lo lawmlût ve dêr tah. Leisen, Parvachawm le Pherzawl PMS sikula haia Laptop le Printer pêk ani bawk. Ei khawvel boruok pik tak karah Ram le hnam hmangaina leia a hmun ngeia inchawmlûta praktikal taka hmalatu hai hi inpâk an um hle a, țawngțaina'n san zing lem ei tiu.
