Muolhoi, January 29, 2016 (Virthli): Muolhoi khioa Hmar hnam hming chawia pawl lientak le upatak Hmar Students' Association (HSA) Khawmpui Lien (General Assembly) vawi 55 na chu a nipuini tak (main Celebration) chu Muolhoi Public ground ah ropui taka hmang a nih.
Hi huna hin Pu P.B. Acharya, His Excellency, Governor of Assam & Nagaland chu Khuollien a hmang a nia, helicopter hmangin Muolhoi khawpuiah a nuhmei leh an hung tum a nih. Chief Host in Hmar nau haiin khawvela ei MLA neisun Pu Dr. Chaltawnlien Amo, MLA, Hon'ble Chairman, HAC, Manipur chu hmang a nia, Guests of Hounour in Pu Niranjan Hojai, Hon’ble Chief Executive Member, NC Hills Autonomous Council le Shri Tuliram Ronghang, Hon’ble Chief Executive Member, Karbi Anglong Autonomous Council hai hmang anni bawk a nih. Functional President in Dr. John Pulamte, President, Hmar Inpui GHQ le Special Guests in Pi L.Sweety Changsan, IAS, Commissioner & Secretary, Govt.of Assam, Pu Ruolkhumlien Buhril, IAS le Pu Amarendra baruah, ACS, DC, Dima Hasao hai hmang an nih. Anni hai bak a hin Manipur tienga ei MDC hai Pu Lalhrillien Hmar, Pu Lalhossan, Pu Lalditsang le Assam sunga Hmar MAC hai le ei hnam sunga mipawimaw tak tak hai an thang.
Khuollien hi India hlapui (National Anthem) le lawmlut in HSA GHQ President Pu Lalthlamuana Hmar in Presidential Address le guest hai le mipui hai chu lawmlutna a nei nghal a nih. Hi a nei zo hin Assam a Hmar nau hai harsatna chidang dang hai le inzawmin HSA President hin Governor kuoma Memorandum a pek bawk a nih.
HI huna hin Chief Guest Pu P.B. Acharya chun 55th General Assembly Souvenir "SINLUNG" ti chu tlangzarna a nei zovin HSA Lifetime Achievemnet Award mi pahni - Pu Dr. Hrilrokhum Thiek le Pu L. Keivom hai kuoma inhlanna a neia, hi zo hin thuhrilna a nei zawm nghal a nih.
Hnam lam mawi le nal tawk takin HSA Cutural Troupe haiin inentirna an neia, HSA Assembly Choir haiin hla mawi tak tak el sakna an nei bawk a nih.
Hun khana hmang zo ani hin hun hnina chu Academic Session a hmang a nih.
Zan hun hi Valedictory -Cum- Entertainment huna hmang ning ata, Pu Dr. Chaltawnlien Amo chu Chief Host ning ata, Pu Ngamrothang Hmar, MAC, NCHAC chu Functional President a hmang ning ata, Special Invitee in Pu Lalhrillien Hmar, MDC, ADCC, Manipur le Special Guests in Pu S. Thiek, ACS, Guwahati le Pu Lalsiemdik Tusing, IRAS, Lumding, Assam hai ning an tih.
