By Lalnunthang Songate
Lungthulien, January 15, 2016: Tuta kar Thawleni January 12 khan Hmarbiel Pastor Organization (HPO) office bearers inthungkhawmna chu Lungthulien EFCI Quarter-ah nei a ni a. Hi hun a hin hung tlung ding March 2016 thla tawp velah Hmarbiel pumpui huopin thupui dang dang hmangin nihni sung aw ding Seminar nei dinga rel a nih.


Hi Seminar huna resource person ding Rev. Dr. H.M. Songate, Pi Lalremsiem, Rev. Dr. V. Lalnghakthang, Pu Vanlallien Pulamte le speech petu dinghai le sum-le-paia hung thangpuitu dinghai Upa Dr. L. Fimate former RIMS Director, Pu Sanglur Ex. MLA, Dr. Chaltawnlien Amo MLA, Pu C. Songate IRS le mi dang dang hai khawm inbiekpui fel anni tawl tah.

Hi huna thang nuom hai chun khawtina thuoitu le kohran tin local committee inhriettir dinga ti a nih. Hi Seminar a thang haiin an hlawkpui hle beisei a ni el khelah Action Plan khawm tha taka induongin Hmarbiel mipui ta ding chauh ni loa Hmar khawvel ta dinga thil thangkai tak a hung piengsuok ngei beisei a nih. Mitinin tawngtaina lo hre seng ei tiu.

Post a Comment

Powered by Blogger.