JAC inTribal Martyrs poster suksiet an dem
CCPUR: Tiddim Roada JAC against Thangting in bandh an thaw sung khan bandh volunteers ni dinga ringhla han Kangvai area sunga Bills pathum hai dodalna le inzawma Tribal martyrs hai thlalak poster tara um hai chu an suksiet vawng niin ei thu dawngna chun a hril.
Hi thil hi JAC Against AntiTribal Bills chun, nasa taka an dem thu zanikhan an puong. JAC Against AntiTribal bills chun Bills 3 hai dodalna leia ni 143 zet movement an fepui sungin hnambing dodal zawnga thil an la thaw ngainaw thu hrilin hi thil hi an dem hle thu an puong a. Jan. 20, 2016 nia bandh thawtu hai le nuhmei ruol inbeituo huna Bishnupur Police Commando han nuhmei naupai lai thanga civil mi hai chunga kut an thlakna chu an hrietthiemnaw thu an hril bawk.
HSA Gen. Assembly a fe nuom hai ta dingin
CCPUR: January 2729, 2016 inkar sunga Muolhoi Public Ground, Muolhoi, Assama Hmar Students’ Association (HSA) 55th General Assembly nei ding le inzawmin CCPur Jt. Hqrts chun Units tin haia inthawk a fe nuom hai ta dingin motor tir a tum a, a fe nuom hai chun January 25, 2016 chen khin Mobile No. +91 8575 608 297 annawleh +91 9612 611 523 haiah mani hming, khuo le Mobile Number peklut thei ning a tih tiin Information Secy. HSA CCPur Jt. Hqrts chun inhriettirna a siem.
Ruol Buhril, IAS CS rank in a kaisang
CCPUR: Pu Ruolkhumlien Buhril, IAS, tuta New Delhia Additional Secretary to the Govt. of India sin chel lai mek chu a Cadre Tamil Naduah Chief Secretary (CS) level/rank in zani hmasa khan a kaisang. Pu Ruolkhumlien Buhril hi 1984 batch IAS Officer, Tamil Nadu Cadre a nih. A kaisangna ei chanchinbu chun a lawmpui hle.
WCO Certificate of Merit dawng dinga thlang
CCPUR: Superintendent, Customs & Central Excise, Shillong (Meghalaya) sin thaw lai mek Pu Lalthankunga Hmar s/o Upa H.C. Zaikung chu a sin thawthat leiin “World Customs Organisation (WCO) Certificate of Merit” dawng dinga thlangsuok hai lai a thang ve. Hi Award dawng ding hin India rama mi 15 thlangsuok an ni a, North East a inthawk hi award dawng dinga thlang chu Pu Lalthankunga Hmar chau hi a ni a, January 27, 2016 khin New Delhia International Customs Day lawmna huna inhlan ning a tih. Pu Lalthankunga Hmar hin tuta hma khawmin a sin thaw that leiin Commissioner of Customs, North Eastern Region le Minister, Trade & Commerce, Govt. of Mizoram a inthawk chawimawina “Letter of Appreciation” a lo dawng ta bawk a nih. Pu Lalthankunga hi hnam le Kohran ta ding khawma thaw hlawk takel Hmar Inpui, Meghalaya Region hotu ni lai mek a nih.
HI inrawinain joint meeting a um ding
CCPUR: January 23, 2016, 11:00AM khin Hmar Inpui Gen. Hq. inrawinain 8th Hmar Inpui Assembly hung um ding le inzawmin HL Daka Memorial Hall, HSA Campus, Rengkai, CCPurah Joint meeting um a tih. Hi huna hin Hmar Inpui Hmarram Region, Vangai Region le Jiribam regions hai thangin Hmar khuo tina lal (Chief)/ VA Chairman le Secretary annawleh an aiawtu hai thang seng dinga inhriettir an nih. Hi baka hin HYA Imphal Jt. Hqrts le HYA Lamka Branch President/Secretary hai khawm thang dinga fiel an nih.
Free textbook an sem
CCPUR: Partnership Mission Society(PMS) hnuoia Partnership Parent Programme hnuoiah PMS Office, Bijang/Hmarvengah Prep Class X inchuk lai chawm naupang hai kuomah Free Uniform, Textbook, Exercise book sem mek a nih. Jan. 22, 2016 hin Class VI & VII hai sem ning a ta, Jan. 25, 2016 in Class VIII, Jan. 27 in Class IX le Jan. 28, 2016 in Class X hai sem ning a tih. PMS hnuoia hin Schools 21 a um a, chawm naupang 2689 hai kuomah Christmas Gift in Sweater khawm sem a ni bawk
Manipur in state puitling a hmu champha vawi 44-na ursun taka hmang
IMPHAL: Manipur in State puitling a hmu kum 44 lingna champha ‘44th Manipur Statehood Day’ chu zanikhan state sawrkar huoihawtnain Manipur Film Development Corporation Auditorium, Palace Compoundah hmang a nih. Hi huna hin Manipur CM O.Ibobi Singh khuollienin a tang. Dy. CM Gaikhangam le Health & FW minister P. Tonsing hai functional president le Guest of honor in an thang a, Ministers, MLAs bakah civil le Police tienga Officer lien han an uop bawk.
Hi huna CM O.Ibobi Singh in thu a hrilnaa chun, Congress in kum 15 sawrkarna an siem sungin Manipurah Economy le health care tiengpangah hmasawnna nasa tak a um thu; State sawrkarin thawktu hai hlaw thla tina a pek theinaw hun khawm a um thu; Manipur in state puitling a hmua inthawk state hmasawnna dinga sawrkar in hma nasa taka a lak a hril a. Kum 44 liemta sunga sawrkar thlungpuiin state sawrkar kuoma plan sum a hung pek a tlawm tham leiin state dang thenkhat hai le tekhiin hmasawnna kawnga Manipur chu a hratnaw hle a; Sin thaw thei hun (working seasons) a tawi lei bakah Economic blockades le bandh inzing uta a um hlak leiin hmasawnna sin thawna nasa taka a sukbuoi hlak leiin a hun taka sin zo thei lovin a um pha hlak a nih tiin a hril. Ei rama problems, issues le ngaidan inkalna tum tum um hai hi sawrkar thlungpui annawleh puotieng mi hunga an mi hung chinfel pek ding ni lovin, ei ni’n inbiekna neia, ei ngaidan le ditdan inang nawna hai hriltlanga ei chingfel ding a nih tia hrilin ei ram hmasawnna dinga sawrkar hmalakna hai thlawp dingin mitin a ngen a, harsatna tum tum hai chingfel a, hmasawnna sin hrat taka thaw a ni theina dingin ministers, Officers, NGOs, CSOs le stakeholders hai chu thangruol dingin a ngen.
Home Minister Gaikhangam chun, Manipurin state puitling a hmu champha hmangna hun pawimaw takah officers le MLAs thenkhat an thangnaw chu thil vangduoi thlak takel, state sawrkar dang hai hriet dinga thil inzakum tak a nih tiin a hril a. Officers state functiona thang lo hai chunga a tul anga action la dingin an hriettir.
Manipur hi January 21, 1972a kha State puitlinga hlangkai a nih. Tripura le Meghalaya hai khawmin zanikhan Statehood Dy an hmang ve.
Bandh ni 30 sunga dingin an hlip
IMPHAL: Manipur sawrkarin Thangjing ti ‘Thangting’ tia a thlakthleng dodalna le inzawma indin JAC in Tiddim Roada tiemchin umlo bandh an thaw chu sawrkar in an thil ngen sukpuitling pek dinga a tiem leiin January 20, 2016 zanrila inthawka tiemin ni 30 sunga dingin an Bandh thaw an inthlazal. Hi JAC chun Thangjing tia thlakthleng nawk dingin sawrkar an ngen a nih. Bandh an inthlazal ni 30 sung hin sawrkarin an thil ngen a sukpuitling naw chun February 22, 2016 a inthawk helna chi tum tum an nei tan nawk ding thu an hril. MLA Prithviraj chun, Thangjing tia thlakthleng a ninaw chun an ban ding thu a puong.
Nuhmei saruok thlalak thedartu Police in an man
IMPHAL: Social Networking site le Whatsapp haia nuhmei tleirawl saruok thlalak thedartu Telem Ranju Singh (23) s/o Telem Rosoraj Singh of Khurai Lairikyengbam Leikai chu zanikhan Imphal West Policea Cyber Crime Unit han Thangmeiband hmuna an man. Nuhmeinu sung han case an siem leia Ranju Singh hi Police han an man a ni a, Manipur Policea Cyber Crime Unit chun hi thua hin Imphal Police Station- ah FIR 18(1)2016 IPS, U/S 354 D(1)(ii) IPC an file. Zani hmasa khawm khan Facebook le Whatsapp haia thlalak pawrche thedarna le inzawmin Th. Amarjit Singh (26) s/o Tiken Singh of Singjamei Thongam Leikai chu Imphal West Policea Cyber Crime Unit han an lo man ta bawk.
CM in Gaan Ngai hmangtu ding hai chibai
IMPHAL: Zeliangrong hnam hai festival pawimaw Gaan Ngai vawisun hin hmang ning a tih. Manipur CM O.Ibobi Singh chun Gaan Ngai festival hmangtu dinghai po po ditsakna chibai a buk. Manipura hnam tum tum cheng hai kara inthuruolna, in hmangaina, inremna le inunauna tha lem hi festival hin a hung intlun ngei a beisei thu CM chun a hril.
Award hni thei lai a nih
IMPHAL: Tribal Peace & Harmony Award, 2015 dawng thei ding ngirhmuna um hai ta dingin Feb. 5, 2016 chenin hnina lekha Tribal Research Institute, Govt. Of Manipur, Chingmeirong, Imphal hmuna peklut thei ning a tih. Hnina lekha le thu chieng lem chu hi institute website: www. trimanipur.com ah January 30, 2016 chenin lak le hmu thei ning a tih. Hi Award hni thei dinghai chu Tribes le Communities hran hran hai kara inremna le muongna a um theina dinga hma latu hai anni ding a nih.
Ministry of Textiles in Water reservoir 9 siem
IMPHAL: Union Ministry of Textiles chun Geotechnical textiles hmangin Manipurah Water reservoir 9 Manipura district 9 haiah demonstration basisa siem dingin remtina a nei tah. Ministry of Textiles, Govt. of India Apex Monitoring Committee Meeting vawithumna tulai hnai ela nei huna hi thil hi remti a nih tiin Addl. Chief Engineer, Command Area Development Authority K. Manuranjan in a hril. Hieng thil hai thawna dinga sum seng dinga riruong chu Rs. 1.60 crores chuong a ni a, hung release vat ni tang a tih tiin a hril.
Hmun tum tumah dappui an thaw
IMPHAL: Jan. 26, 2016 nia India Republic Day hmang ding le inzawma buoina um lova hmang a ni theina dingin Imphal khawpui sunga chun venghimna nasa taka sukkhau a ni a. Zani zingkar dar 4 a inthawk khan Imphal East le Imphal West Police Commandos han Hatta Golapati hmuna dappui an thaw a, mi 4 hai chu Identity document an pek theinaw leiin an hrentang a, thu indawnchieng dingin Porompat Police stationah an peklut.
Drawing Competition an buotsai
IMPHAL: 9 Sector Assam Rifles hnuoia 12Bihar Regiment chun Jan. 20, 2016 khan Azad Public School, Maitram hmuna Drawing le Painting Competition “Colour Splash” an buotsai. Competitiona hin students 70 an thang.
Chun, Jan. 21, 2016 khan 45Assam Rifles han Mantripukhri hmuna Assam Rifles Public School Annual Sports Meet 201516 an buotsai. Hi huna hin Maj. Gen. VS Sreenivas, VSM**, IG, AR (South) le Mrs Laxmi Sreenivas, Regional President, AR Women Welfare Assn. Manipur hai chu chief guest le guest of honour in an thang.
January 18, 2016 khan 11Assam Rifles chun Chandel Districta Moreha Dalpati groundah Free Veterinary aid camp an buotsai. Hi huna hin Ui, Vawk, Kel le Beram 192 vel treatment pek an nih. (PROAR)
Stenographer post 11 a ruok
IMPHAL: High Court of Manipur Imphal hnuoia thawk ding Stenographer Grade I post 9 le Stenographer GradeII post 2, a rengin post 11 a ruok. Pay scale Rs. 12,00040,000+ Grade Pay of Rs. 5900 per month le Rs. 8,00035,000+ Grade Pay Rs. 4,300 per month a nih. Application hi online in Jan. 25, 2016Feb. 5, 2016 inkar sungin peklut thei ning a tih. thu chieng lem hi High Court website: www: http://hcmimphal.nic.in ah hmu le hriet thei ning a tih.
UNLF cadre pakhat man
IMPHAL: January 20, 2016 khan 45Assam Rifles chun Yurabung hmuna motor inlawn hai an dapnaah UNLF cadre SS Pvt. Raghu @ Thomas s/o Biren Kumar of Khajiri, Bishupur District an man a, Lamlai Police stationah an peklut. (PROAR)
Team Shirui in Women Polo trophy
IMPHAL: First Manipur Statehood Women’s Polo Tournament final zanikhan Shirui team le USPA Women in Mapal Kangjeibung hmuna an inkhel a, Shirui Team chun USPA chu 65 a hnein First Manipur Statehood Day Women’s Polo Champion Trophy an lak. Champion Trophy hi Manipur CM O.Ibobi Singh in an hlan.
Pressure Cookera fit IED 4 hmu
JAMMU: Jammu and Kashmira Poonch districta, Salhotri border a chun zanikhan Rashtriya Rifles han Pressure Cooker le gas cylindera fit Improvised Explosive Devices (IEDs) 4 an dapdawk. Hieng IEDs hai hi a hnungin puok thei lo dinga suksiet an nih.
Hyderabad University Professors 10 an inban
HYDERABAD: Tulai hnaia Hyderabad Universitya Ph.D inchuklai Dalit hnama mi Rohit Vemula ama le ama an khai hlumna le inzawmin hi Universitya administrative post chel professors 10 hai chun inbanna an pek. Professor inban hai lai hin SC le ST hnama mi khawm an thang. Rohit Vemula thina thuah Union HRD Minister Smriti Irani tawng dana an lungawinaw leia inbanna hi an pek a nih. Rohit le a ruoldang mi 4 hai chunga action kha University executive committee in an lak a nih tiin Union HRD minister chun a hril a nih. Hi thua hin professor inban hai chun Committeeah Dalit hnama mi an thangnaw thu an hril. Rohit thina lei hin zani khawm khan student han protest an la nei sunzawm pei a, suksuoltu official hai chunga action la ding le zangnadawmna pe dingin an ngen.
French President Jan. 24 in India ram
NEW DELHI: January 26, 2016a New Delhi hmuna India Republic Day hmang huna khuolliena thang ding French President Francois Hollande chu January 24, 2016 khin India ram hungtlung a tih tiin New Delhia External Affairs Ministry thusuok chun a hril. Mr Hollande hi Jan. 24, 2016 zantieng khan Chandigarh hungtlung a ta, PM Narendra Modi in lo va tuok a tih.
Plastic technology institutes 100 indin tum
NEW DELHI: Chemicals and Fertilizers Minister Ananth Kumar chun, petrochemical sectora skilled manpower tlaksamna sukbit a ni theina dingin India ramah Central Institutes for Plastic Engineering and Technology (CIPET) 100 indin tum a nih tiin a hril. Hi thu hi zani hmasaa New Delhi hmuna National Awards for Technology in Innovation in Petrochemicals and downstream Plastics Processing Industry a semna huna a hril a nih.
AGP in Cong. le AIUDF an thangruolpui naw ding
GUWAHATI: Asom Gana Parishad (AGP) chun, Assam Assembly election hung um dinga hin Congress annawleh AIUDF an thangruolpui naw ding thu zanikhan party spokesperson Manoj Saikia in a puong. BJP le thangruol tumin an inbiek nia hril rik um chu Manoj Saikia hin a hniel a, sienkhawm Election hung um dinga AGP in party candidate an nei nuomna hmun list ruok chu BJP kuoma an peklut thu a hril. AGP hin P.K. Mahanta inrawina hnuoiah Assamah term 2 sawrkarna an lo siem ta a, sienkhawm Lok Sabha election nuhnung taka khan seat 1 khawm an lak nawh.
Hieng laizing hin Assam CM Tarun Gogoi le state Congress President Anjan Dutta hai chun zanikhan New Delhi hmuna Congress Vice President Rahul Gandhi an inhmupui.
UPah Plastic bag khapna dan a hmang tan
LUCKNOW: Uttar Pradesh a chun zanita inthawk khan Plastic/polythene bags hmang khapna dan a hmang tan.December 18, 2015 a kha Uttar Pradesh Cabinet in a state pumpuia polythene bags hmang khap dinga a lo rel ta a ni a, hi thua notification chu December 22, 2015 a kha insuo a nih. Dawr siemtu hai chu anni dawrtu hai polythene bag- a pe ta lo dingin an hriettir a, a bawsetu hai chunga Environment Protection Act. 1986 hnuoia hremna pek an ni ding thu sawrkar thusuok chun a hril. Polythene khapna hin Invitation cards, lekhabu le magazine tuomnaa hmang plastic film hai khawm a huomsa vawng a, sienkhawm Bawngnene thangin dawn ding thil tuomna bawm hai ruok chu a huomsa nawh. Environment humhalna ding le hrisel lemna dinga hi thil hi thaw a nih.
Hieng laizing hin plastic bag siemna factory a sinthaw tam tak hai ta dingin harsatna a hung intlun pha ding a ni a. Plastic ban na hlip dinga petition filea um chungthua hearing chu February 4, 2016 khin um a tih.
Police le inbeituonaah mi 8 an hliem
AIZAWL: Zanikhan Mizo Students Union, Aizawl City College Joint Students Union le Mizoram Blind Society chun B. Sairengpuii a service keisei-a Persons with Disabilities (PwD) Commissiner a ruot a ni dodalna an nei a, B. Sairengpuii office lut an tum huna Police han an lo dang leiin nasa takin an innawrtuo a, mi 8 in hliemna an tuok niin Aizawl District SP Lalhuliana Fanai chun a hril. Hliem hai lai hin Police 6 an thang. Student hai chun Sairengpuii hi Secretariat Service Officera inthawka pension ta hnung, hi sin chel dinga qualified khawm ni lo Chief Minister Lalthanhawla nuhmei Lal Riliani sangnu a ni leia a service keisei peka hi sin chel dinga ruot an ditnawzie inentirnaa lampui hrawna neia a office hi va hlukhum an tum a nih.
NDFB(S)1 le KPLT 3 man
GUWAHATI: Assam rama Chirang district a chun zanikhan NDFBS selfstyled platoon commander Luithui Brahma chu Doliagaon hmuna ralthuom leh an man niin IGP LR Bishnoi chun a hril. Luithui Brahma hi kum 2014a Ultapani hmuna Adivasi tam tak thatnaa inrawlna neia intum le NIA in wanteda an puong a nih tiin Mr Bishnoi chun a hril.
Chun, zani hmasa zan khan Army le Police thangruol han Karbi Anglong districtah KPLT cadre pathum Welson Teron, Amush Engti le Biren Engti hai chu Barpathar hmuna ralthuom le a mu leh an man bawk.
VAWISUN THUPUI
En ta, vawisun hin, hnamhai chunga le ramhai chunga chun, Hrukbik ding le sukchim ding le, sukse ding le, Peithla ding le, bawl ding le Phun dingin ka sie ta che a nih,” a ta. Jeremia 1:10
Editorial
Dan hmanga hrem ngam sawrkar ei mamaw
Manipur a hin bandh le economic blockade hi a tam hle a, bandh le economic blockade leia changkang le hmasawn ding ni inla chu Manipur state hi India ramah chun a changkang tak le hmasawn tak ei ni ngei ring a um. Amiruokchu, hmasawnna le changkangna hai nekin harsatna tam tak ei tuok pha a, India rama state hai laia chu a rethei pawl tak le a changkang naw pawl tak ei nih ti chu hmu le hriet theiin a um. Nisienlakhawm bandh le economic blockade chu ei lungawinaw inlangtirna hmangruo takin ei hmang a, hmatieng peia khawm ei la hmang pei ding niin an lang. Bandh le economic blockade ei tuorhlazie hi ngaituo chet chet a, bandh le economic blockade neka tha lem thaw dan lampui ei ngaituo dawk hi a tulin a hun ta hle.
Bandh le economic blockade ei thaw leia thil fel nghal ta duok hi hril ding a um mang si naw a, mani le mani harsatna ei insiemna mei mei a nih. Hi laizing hin bandh le economic blockade huoihawt hi lungawinaw inlangtirna vawrtawpa ngaia ni deu leiin bandh le economic blockade intlungtirtu ta ding khawm a muolpho thlak a, mipui tam tak harsatna intlungtirtu anni leiin bandh le economic blockade huoihawtna khawp lungwinawna ding thil a hung um hlak hi ngaizam el thei chi a ni nawh. Hi lei hin state sawrkar khawma a ngaisak vat vat le a chingfel vat nuom a um.
Bandh le economic blockade ei huoihawtna san hran hran hai hi pawl pakhat annawleh ei ram pumpui huopin a tangkaina a nei dim! ti hi chik taka hiengang thil thawtu hai hin ei ngaituo hlak thiltha ni ngei a tih. Mimal annawleh pawl pakhat hamthatna ding chau hin chu bandh le economic blockade hi thaw ngai naw inla nuom a um. A huop chin hi a chin taluo deu niin an lang. Tiddim Road a bandh thaw lem hi chu mipui thil a huopzo naw a, Churachandpur district mipuihai hremna le sukharsatna chau a nih.
Tiddim Road a bandh thawa um mekna san lem hi chu a puithu naw hle a, thil nep tak a nih. Thangting ti nuom han Thangting ting an ta, Thangjing ti nuom han Thangjing tizing an ta, a pawina hrim hrim um dingin an lang der nawh. Churachandpur khawm a thenin Lamka an ti a, a thenin Churachandpur an la ti zing a, buoina ding hrim hrim a um nawh. India rama khawpui hming tam takel thlakthleng an ni ta a, hmun annawleh khawpui hming thlakthleng leia bandh thaw a um ve ngai nawh. Ei rama bandh ei thaw pha hi inzak a um a, thil invet thlak takel a nih. Mihai nuizat bur nina mei mei ding a nih.
Bandh le economic blockade thaw hi Supreme Court khawma dan kal a nih tia a lo rel ta sa a ni a. Chuleiin, bandh le economic blockade huoihawttuhai chu dan kal le hrem thei an nih. State sawrkar khawma bandh le economic blockade thawhai chu dan anga hrem dingin thusuok a siem der ta a, sienkhawm chu thusuok chu a hmang naw leia bandh le economic blockade hi ei ramah a la fe pei niin an lang. Ei ramin bandh le economic blockade thawtuhai hrem ngam le an chunga dan anga action la hmak hmak ngam sawrkar hrat le tha a mamaw takzet a nih.
Bandh le economic blockade thaw a ni leia a tuor nasa tak hai chu nitina inhlawfa chawpa fakzawng le kut sinthawhai ei ni a, sawrkar sinthaw le institution hran hrana thawktuhai ta ding ruok chun chawlhadamnain an hmang thei a, mi tam tak chun pawi an ti naw el thei hiel awm ie. Chuleiin, sin hnuoihnung lem thawtu hai tuorna siem zawng ni lova hmalak dan dang dap thiem lem inla; Court a fe a ngai leh Court ah fepui ngam inla; thil a fel lem le mipui sukbuoi nawna le sukharsatnawna a hung ni pha lem ngei beisei a um.
CCPUR: Tiddim Roada JAC against Thangting in bandh an thaw sung khan bandh volunteers ni dinga ringhla han Kangvai area sunga Bills pathum hai dodalna le inzawma Tribal martyrs hai thlalak poster tara um hai chu an suksiet vawng niin ei thu dawngna chun a hril.
Hi thil hi JAC Against AntiTribal Bills chun, nasa taka an dem thu zanikhan an puong. JAC Against AntiTribal bills chun Bills 3 hai dodalna leia ni 143 zet movement an fepui sungin hnambing dodal zawnga thil an la thaw ngainaw thu hrilin hi thil hi an dem hle thu an puong a. Jan. 20, 2016 nia bandh thawtu hai le nuhmei ruol inbeituo huna Bishnupur Police Commando han nuhmei naupai lai thanga civil mi hai chunga kut an thlakna chu an hrietthiemnaw thu an hril bawk.
HSA Gen. Assembly a fe nuom hai ta dingin
CCPUR: January 2729, 2016 inkar sunga Muolhoi Public Ground, Muolhoi, Assama Hmar Students’ Association (HSA) 55th General Assembly nei ding le inzawmin CCPur Jt. Hqrts chun Units tin haia inthawk a fe nuom hai ta dingin motor tir a tum a, a fe nuom hai chun January 25, 2016 chen khin Mobile No. +91 8575 608 297 annawleh +91 9612 611 523 haiah mani hming, khuo le Mobile Number peklut thei ning a tih tiin Information Secy. HSA CCPur Jt. Hqrts chun inhriettirna a siem.
Ruol Buhril, IAS CS rank in a kaisang
CCPUR: Pu Ruolkhumlien Buhril, IAS, tuta New Delhia Additional Secretary to the Govt. of India sin chel lai mek chu a Cadre Tamil Naduah Chief Secretary (CS) level/rank in zani hmasa khan a kaisang. Pu Ruolkhumlien Buhril hi 1984 batch IAS Officer, Tamil Nadu Cadre a nih. A kaisangna ei chanchinbu chun a lawmpui hle.
WCO Certificate of Merit dawng dinga thlang
CCPUR: Superintendent, Customs & Central Excise, Shillong (Meghalaya) sin thaw lai mek Pu Lalthankunga Hmar s/o Upa H.C. Zaikung chu a sin thawthat leiin “World Customs Organisation (WCO) Certificate of Merit” dawng dinga thlangsuok hai lai a thang ve. Hi Award dawng ding hin India rama mi 15 thlangsuok an ni a, North East a inthawk hi award dawng dinga thlang chu Pu Lalthankunga Hmar chau hi a ni a, January 27, 2016 khin New Delhia International Customs Day lawmna huna inhlan ning a tih. Pu Lalthankunga Hmar hin tuta hma khawmin a sin thaw that leiin Commissioner of Customs, North Eastern Region le Minister, Trade & Commerce, Govt. of Mizoram a inthawk chawimawina “Letter of Appreciation” a lo dawng ta bawk a nih. Pu Lalthankunga hi hnam le Kohran ta ding khawma thaw hlawk takel Hmar Inpui, Meghalaya Region hotu ni lai mek a nih.
HI inrawinain joint meeting a um ding
CCPUR: January 23, 2016, 11:00AM khin Hmar Inpui Gen. Hq. inrawinain 8th Hmar Inpui Assembly hung um ding le inzawmin HL Daka Memorial Hall, HSA Campus, Rengkai, CCPurah Joint meeting um a tih. Hi huna hin Hmar Inpui Hmarram Region, Vangai Region le Jiribam regions hai thangin Hmar khuo tina lal (Chief)/ VA Chairman le Secretary annawleh an aiawtu hai thang seng dinga inhriettir an nih. Hi baka hin HYA Imphal Jt. Hqrts le HYA Lamka Branch President/Secretary hai khawm thang dinga fiel an nih.
Free textbook an sem
CCPUR: Partnership Mission Society(PMS) hnuoia Partnership Parent Programme hnuoiah PMS Office, Bijang/Hmarvengah Prep Class X inchuk lai chawm naupang hai kuomah Free Uniform, Textbook, Exercise book sem mek a nih. Jan. 22, 2016 hin Class VI & VII hai sem ning a ta, Jan. 25, 2016 in Class VIII, Jan. 27 in Class IX le Jan. 28, 2016 in Class X hai sem ning a tih. PMS hnuoia hin Schools 21 a um a, chawm naupang 2689 hai kuomah Christmas Gift in Sweater khawm sem a ni bawk
Manipur in state puitling a hmu champha vawi 44-na ursun taka hmang
IMPHAL: Manipur in State puitling a hmu kum 44 lingna champha ‘44th Manipur Statehood Day’ chu zanikhan state sawrkar huoihawtnain Manipur Film Development Corporation Auditorium, Palace Compoundah hmang a nih. Hi huna hin Manipur CM O.Ibobi Singh khuollienin a tang. Dy. CM Gaikhangam le Health & FW minister P. Tonsing hai functional president le Guest of honor in an thang a, Ministers, MLAs bakah civil le Police tienga Officer lien han an uop bawk.
Hi huna CM O.Ibobi Singh in thu a hrilnaa chun, Congress in kum 15 sawrkarna an siem sungin Manipurah Economy le health care tiengpangah hmasawnna nasa tak a um thu; State sawrkarin thawktu hai hlaw thla tina a pek theinaw hun khawm a um thu; Manipur in state puitling a hmua inthawk state hmasawnna dinga sawrkar in hma nasa taka a lak a hril a. Kum 44 liemta sunga sawrkar thlungpuiin state sawrkar kuoma plan sum a hung pek a tlawm tham leiin state dang thenkhat hai le tekhiin hmasawnna kawnga Manipur chu a hratnaw hle a; Sin thaw thei hun (working seasons) a tawi lei bakah Economic blockades le bandh inzing uta a um hlak leiin hmasawnna sin thawna nasa taka a sukbuoi hlak leiin a hun taka sin zo thei lovin a um pha hlak a nih tiin a hril. Ei rama problems, issues le ngaidan inkalna tum tum um hai hi sawrkar thlungpui annawleh puotieng mi hunga an mi hung chinfel pek ding ni lovin, ei ni’n inbiekna neia, ei ngaidan le ditdan inang nawna hai hriltlanga ei chingfel ding a nih tia hrilin ei ram hmasawnna dinga sawrkar hmalakna hai thlawp dingin mitin a ngen a, harsatna tum tum hai chingfel a, hmasawnna sin hrat taka thaw a ni theina dingin ministers, Officers, NGOs, CSOs le stakeholders hai chu thangruol dingin a ngen.
Home Minister Gaikhangam chun, Manipurin state puitling a hmu champha hmangna hun pawimaw takah officers le MLAs thenkhat an thangnaw chu thil vangduoi thlak takel, state sawrkar dang hai hriet dinga thil inzakum tak a nih tiin a hril a. Officers state functiona thang lo hai chunga a tul anga action la dingin an hriettir.
Manipur hi January 21, 1972a kha State puitlinga hlangkai a nih. Tripura le Meghalaya hai khawmin zanikhan Statehood Dy an hmang ve.
Bandh ni 30 sunga dingin an hlip
IMPHAL: Manipur sawrkarin Thangjing ti ‘Thangting’ tia a thlakthleng dodalna le inzawma indin JAC in Tiddim Roada tiemchin umlo bandh an thaw chu sawrkar in an thil ngen sukpuitling pek dinga a tiem leiin January 20, 2016 zanrila inthawka tiemin ni 30 sunga dingin an Bandh thaw an inthlazal. Hi JAC chun Thangjing tia thlakthleng nawk dingin sawrkar an ngen a nih. Bandh an inthlazal ni 30 sung hin sawrkarin an thil ngen a sukpuitling naw chun February 22, 2016 a inthawk helna chi tum tum an nei tan nawk ding thu an hril. MLA Prithviraj chun, Thangjing tia thlakthleng a ninaw chun an ban ding thu a puong.
Nuhmei saruok thlalak thedartu Police in an man
IMPHAL: Social Networking site le Whatsapp haia nuhmei tleirawl saruok thlalak thedartu Telem Ranju Singh (23) s/o Telem Rosoraj Singh of Khurai Lairikyengbam Leikai chu zanikhan Imphal West Policea Cyber Crime Unit han Thangmeiband hmuna an man. Nuhmeinu sung han case an siem leia Ranju Singh hi Police han an man a ni a, Manipur Policea Cyber Crime Unit chun hi thua hin Imphal Police Station- ah FIR 18(1)2016 IPS, U/S 354 D(1)(ii) IPC an file. Zani hmasa khawm khan Facebook le Whatsapp haia thlalak pawrche thedarna le inzawmin Th. Amarjit Singh (26) s/o Tiken Singh of Singjamei Thongam Leikai chu Imphal West Policea Cyber Crime Unit han an lo man ta bawk.
CM in Gaan Ngai hmangtu ding hai chibai
IMPHAL: Zeliangrong hnam hai festival pawimaw Gaan Ngai vawisun hin hmang ning a tih. Manipur CM O.Ibobi Singh chun Gaan Ngai festival hmangtu dinghai po po ditsakna chibai a buk. Manipura hnam tum tum cheng hai kara inthuruolna, in hmangaina, inremna le inunauna tha lem hi festival hin a hung intlun ngei a beisei thu CM chun a hril.
Award hni thei lai a nih
IMPHAL: Tribal Peace & Harmony Award, 2015 dawng thei ding ngirhmuna um hai ta dingin Feb. 5, 2016 chenin hnina lekha Tribal Research Institute, Govt. Of Manipur, Chingmeirong, Imphal hmuna peklut thei ning a tih. Hnina lekha le thu chieng lem chu hi institute website: www. trimanipur.com ah January 30, 2016 chenin lak le hmu thei ning a tih. Hi Award hni thei dinghai chu Tribes le Communities hran hran hai kara inremna le muongna a um theina dinga hma latu hai anni ding a nih.
Ministry of Textiles in Water reservoir 9 siem
IMPHAL: Union Ministry of Textiles chun Geotechnical textiles hmangin Manipurah Water reservoir 9 Manipura district 9 haiah demonstration basisa siem dingin remtina a nei tah. Ministry of Textiles, Govt. of India Apex Monitoring Committee Meeting vawithumna tulai hnai ela nei huna hi thil hi remti a nih tiin Addl. Chief Engineer, Command Area Development Authority K. Manuranjan in a hril. Hieng thil hai thawna dinga sum seng dinga riruong chu Rs. 1.60 crores chuong a ni a, hung release vat ni tang a tih tiin a hril.
Hmun tum tumah dappui an thaw
IMPHAL: Jan. 26, 2016 nia India Republic Day hmang ding le inzawma buoina um lova hmang a ni theina dingin Imphal khawpui sunga chun venghimna nasa taka sukkhau a ni a. Zani zingkar dar 4 a inthawk khan Imphal East le Imphal West Police Commandos han Hatta Golapati hmuna dappui an thaw a, mi 4 hai chu Identity document an pek theinaw leiin an hrentang a, thu indawnchieng dingin Porompat Police stationah an peklut.
Drawing Competition an buotsai
IMPHAL: 9 Sector Assam Rifles hnuoia 12Bihar Regiment chun Jan. 20, 2016 khan Azad Public School, Maitram hmuna Drawing le Painting Competition “Colour Splash” an buotsai. Competitiona hin students 70 an thang.
Chun, Jan. 21, 2016 khan 45Assam Rifles han Mantripukhri hmuna Assam Rifles Public School Annual Sports Meet 201516 an buotsai. Hi huna hin Maj. Gen. VS Sreenivas, VSM**, IG, AR (South) le Mrs Laxmi Sreenivas, Regional President, AR Women Welfare Assn. Manipur hai chu chief guest le guest of honour in an thang.
January 18, 2016 khan 11Assam Rifles chun Chandel Districta Moreha Dalpati groundah Free Veterinary aid camp an buotsai. Hi huna hin Ui, Vawk, Kel le Beram 192 vel treatment pek an nih. (PROAR)
Stenographer post 11 a ruok
IMPHAL: High Court of Manipur Imphal hnuoia thawk ding Stenographer Grade I post 9 le Stenographer GradeII post 2, a rengin post 11 a ruok. Pay scale Rs. 12,00040,000+ Grade Pay of Rs. 5900 per month le Rs. 8,00035,000+ Grade Pay Rs. 4,300 per month a nih. Application hi online in Jan. 25, 2016Feb. 5, 2016 inkar sungin peklut thei ning a tih. thu chieng lem hi High Court website: www: http://hcmimphal.nic.in ah hmu le hriet thei ning a tih.
UNLF cadre pakhat man
IMPHAL: January 20, 2016 khan 45Assam Rifles chun Yurabung hmuna motor inlawn hai an dapnaah UNLF cadre SS Pvt. Raghu @ Thomas s/o Biren Kumar of Khajiri, Bishupur District an man a, Lamlai Police stationah an peklut. (PROAR)
Team Shirui in Women Polo trophy
IMPHAL: First Manipur Statehood Women’s Polo Tournament final zanikhan Shirui team le USPA Women in Mapal Kangjeibung hmuna an inkhel a, Shirui Team chun USPA chu 65 a hnein First Manipur Statehood Day Women’s Polo Champion Trophy an lak. Champion Trophy hi Manipur CM O.Ibobi Singh in an hlan.
Pressure Cookera fit IED 4 hmu
JAMMU: Jammu and Kashmira Poonch districta, Salhotri border a chun zanikhan Rashtriya Rifles han Pressure Cooker le gas cylindera fit Improvised Explosive Devices (IEDs) 4 an dapdawk. Hieng IEDs hai hi a hnungin puok thei lo dinga suksiet an nih.
Hyderabad University Professors 10 an inban
HYDERABAD: Tulai hnaia Hyderabad Universitya Ph.D inchuklai Dalit hnama mi Rohit Vemula ama le ama an khai hlumna le inzawmin hi Universitya administrative post chel professors 10 hai chun inbanna an pek. Professor inban hai lai hin SC le ST hnama mi khawm an thang. Rohit Vemula thina thuah Union HRD Minister Smriti Irani tawng dana an lungawinaw leia inbanna hi an pek a nih. Rohit le a ruoldang mi 4 hai chunga action kha University executive committee in an lak a nih tiin Union HRD minister chun a hril a nih. Hi thua hin professor inban hai chun Committeeah Dalit hnama mi an thangnaw thu an hril. Rohit thina lei hin zani khawm khan student han protest an la nei sunzawm pei a, suksuoltu official hai chunga action la ding le zangnadawmna pe dingin an ngen.
French President Jan. 24 in India ram
NEW DELHI: January 26, 2016a New Delhi hmuna India Republic Day hmang huna khuolliena thang ding French President Francois Hollande chu January 24, 2016 khin India ram hungtlung a tih tiin New Delhia External Affairs Ministry thusuok chun a hril. Mr Hollande hi Jan. 24, 2016 zantieng khan Chandigarh hungtlung a ta, PM Narendra Modi in lo va tuok a tih.
Plastic technology institutes 100 indin tum
NEW DELHI: Chemicals and Fertilizers Minister Ananth Kumar chun, petrochemical sectora skilled manpower tlaksamna sukbit a ni theina dingin India ramah Central Institutes for Plastic Engineering and Technology (CIPET) 100 indin tum a nih tiin a hril. Hi thu hi zani hmasaa New Delhi hmuna National Awards for Technology in Innovation in Petrochemicals and downstream Plastics Processing Industry a semna huna a hril a nih.
AGP in Cong. le AIUDF an thangruolpui naw ding
GUWAHATI: Asom Gana Parishad (AGP) chun, Assam Assembly election hung um dinga hin Congress annawleh AIUDF an thangruolpui naw ding thu zanikhan party spokesperson Manoj Saikia in a puong. BJP le thangruol tumin an inbiek nia hril rik um chu Manoj Saikia hin a hniel a, sienkhawm Election hung um dinga AGP in party candidate an nei nuomna hmun list ruok chu BJP kuoma an peklut thu a hril. AGP hin P.K. Mahanta inrawina hnuoiah Assamah term 2 sawrkarna an lo siem ta a, sienkhawm Lok Sabha election nuhnung taka khan seat 1 khawm an lak nawh.
Hieng laizing hin Assam CM Tarun Gogoi le state Congress President Anjan Dutta hai chun zanikhan New Delhi hmuna Congress Vice President Rahul Gandhi an inhmupui.
UPah Plastic bag khapna dan a hmang tan
LUCKNOW: Uttar Pradesh a chun zanita inthawk khan Plastic/polythene bags hmang khapna dan a hmang tan.December 18, 2015 a kha Uttar Pradesh Cabinet in a state pumpuia polythene bags hmang khap dinga a lo rel ta a ni a, hi thua notification chu December 22, 2015 a kha insuo a nih. Dawr siemtu hai chu anni dawrtu hai polythene bag- a pe ta lo dingin an hriettir a, a bawsetu hai chunga Environment Protection Act. 1986 hnuoia hremna pek an ni ding thu sawrkar thusuok chun a hril. Polythene khapna hin Invitation cards, lekhabu le magazine tuomnaa hmang plastic film hai khawm a huomsa vawng a, sienkhawm Bawngnene thangin dawn ding thil tuomna bawm hai ruok chu a huomsa nawh. Environment humhalna ding le hrisel lemna dinga hi thil hi thaw a nih.
Hieng laizing hin plastic bag siemna factory a sinthaw tam tak hai ta dingin harsatna a hung intlun pha ding a ni a. Plastic ban na hlip dinga petition filea um chungthua hearing chu February 4, 2016 khin um a tih.
Police le inbeituonaah mi 8 an hliem
AIZAWL: Zanikhan Mizo Students Union, Aizawl City College Joint Students Union le Mizoram Blind Society chun B. Sairengpuii a service keisei-a Persons with Disabilities (PwD) Commissiner a ruot a ni dodalna an nei a, B. Sairengpuii office lut an tum huna Police han an lo dang leiin nasa takin an innawrtuo a, mi 8 in hliemna an tuok niin Aizawl District SP Lalhuliana Fanai chun a hril. Hliem hai lai hin Police 6 an thang. Student hai chun Sairengpuii hi Secretariat Service Officera inthawka pension ta hnung, hi sin chel dinga qualified khawm ni lo Chief Minister Lalthanhawla nuhmei Lal Riliani sangnu a ni leia a service keisei peka hi sin chel dinga ruot an ditnawzie inentirnaa lampui hrawna neia a office hi va hlukhum an tum a nih.
NDFB(S)1 le KPLT 3 man
GUWAHATI: Assam rama Chirang district a chun zanikhan NDFBS selfstyled platoon commander Luithui Brahma chu Doliagaon hmuna ralthuom leh an man niin IGP LR Bishnoi chun a hril. Luithui Brahma hi kum 2014a Ultapani hmuna Adivasi tam tak thatnaa inrawlna neia intum le NIA in wanteda an puong a nih tiin Mr Bishnoi chun a hril.
Chun, zani hmasa zan khan Army le Police thangruol han Karbi Anglong districtah KPLT cadre pathum Welson Teron, Amush Engti le Biren Engti hai chu Barpathar hmuna ralthuom le a mu leh an man bawk.
VAWISUN THUPUI
En ta, vawisun hin, hnamhai chunga le ramhai chunga chun, Hrukbik ding le sukchim ding le, sukse ding le, Peithla ding le, bawl ding le Phun dingin ka sie ta che a nih,” a ta. Jeremia 1:10
Editorial
Dan hmanga hrem ngam sawrkar ei mamaw
Manipur a hin bandh le economic blockade hi a tam hle a, bandh le economic blockade leia changkang le hmasawn ding ni inla chu Manipur state hi India ramah chun a changkang tak le hmasawn tak ei ni ngei ring a um. Amiruokchu, hmasawnna le changkangna hai nekin harsatna tam tak ei tuok pha a, India rama state hai laia chu a rethei pawl tak le a changkang naw pawl tak ei nih ti chu hmu le hriet theiin a um. Nisienlakhawm bandh le economic blockade chu ei lungawinaw inlangtirna hmangruo takin ei hmang a, hmatieng peia khawm ei la hmang pei ding niin an lang. Bandh le economic blockade ei tuorhlazie hi ngaituo chet chet a, bandh le economic blockade neka tha lem thaw dan lampui ei ngaituo dawk hi a tulin a hun ta hle.
Bandh le economic blockade ei thaw leia thil fel nghal ta duok hi hril ding a um mang si naw a, mani le mani harsatna ei insiemna mei mei a nih. Hi laizing hin bandh le economic blockade huoihawt hi lungawinaw inlangtirna vawrtawpa ngaia ni deu leiin bandh le economic blockade intlungtirtu ta ding khawm a muolpho thlak a, mipui tam tak harsatna intlungtirtu anni leiin bandh le economic blockade huoihawtna khawp lungwinawna ding thil a hung um hlak hi ngaizam el thei chi a ni nawh. Hi lei hin state sawrkar khawma a ngaisak vat vat le a chingfel vat nuom a um.
Bandh le economic blockade ei huoihawtna san hran hran hai hi pawl pakhat annawleh ei ram pumpui huopin a tangkaina a nei dim! ti hi chik taka hiengang thil thawtu hai hin ei ngaituo hlak thiltha ni ngei a tih. Mimal annawleh pawl pakhat hamthatna ding chau hin chu bandh le economic blockade hi thaw ngai naw inla nuom a um. A huop chin hi a chin taluo deu niin an lang. Tiddim Road a bandh thaw lem hi chu mipui thil a huopzo naw a, Churachandpur district mipuihai hremna le sukharsatna chau a nih.
Tiddim Road a bandh thawa um mekna san lem hi chu a puithu naw hle a, thil nep tak a nih. Thangting ti nuom han Thangting ting an ta, Thangjing ti nuom han Thangjing tizing an ta, a pawina hrim hrim um dingin an lang der nawh. Churachandpur khawm a thenin Lamka an ti a, a thenin Churachandpur an la ti zing a, buoina ding hrim hrim a um nawh. India rama khawpui hming tam takel thlakthleng an ni ta a, hmun annawleh khawpui hming thlakthleng leia bandh thaw a um ve ngai nawh. Ei rama bandh ei thaw pha hi inzak a um a, thil invet thlak takel a nih. Mihai nuizat bur nina mei mei ding a nih.
Bandh le economic blockade thaw hi Supreme Court khawma dan kal a nih tia a lo rel ta sa a ni a. Chuleiin, bandh le economic blockade huoihawttuhai chu dan kal le hrem thei an nih. State sawrkar khawma bandh le economic blockade thawhai chu dan anga hrem dingin thusuok a siem der ta a, sienkhawm chu thusuok chu a hmang naw leia bandh le economic blockade hi ei ramah a la fe pei niin an lang. Ei ramin bandh le economic blockade thawtuhai hrem ngam le an chunga dan anga action la hmak hmak ngam sawrkar hrat le tha a mamaw takzet a nih.
Bandh le economic blockade thaw a ni leia a tuor nasa tak hai chu nitina inhlawfa chawpa fakzawng le kut sinthawhai ei ni a, sawrkar sinthaw le institution hran hrana thawktuhai ta ding ruok chun chawlhadamnain an hmang thei a, mi tam tak chun pawi an ti naw el thei hiel awm ie. Chuleiin, sin hnuoihnung lem thawtu hai tuorna siem zawng ni lova hmalak dan dang dap thiem lem inla; Court a fe a ngai leh Court ah fepui ngam inla; thil a fel lem le mipui sukbuoi nawna le sukharsatnawna a hung ni pha lem ngei beisei a um.
