CCPUR, January 23, 2016: Vawisun, January ni 22, 2016 khan Khawvela Hmar mithiemhai le Hmar history ngaipawimawtu mi thenkhat Guwahati-ah fekhawmin ‘Hmar History Association’ an indin.
Hi inkhawm hi NEREFS Committee Room, Kharguli-ah nei a na; rawtna siem a, inkhawm kotu le huoihawttu Pu R. H Hminglien Hmar, New Delhi chu Convener niin chair a lak a. Ama inrawina hnuoiah a fekhawmhai chun hi pawl thar hi an indin a. Pawl thiltum chu, a tawi zawngin, ‘research, documenting, publishing & preservation of Hmar history’ a nih.

Thuoitu dinga thlanghai:
President: Prof. Dr. Lal Dena
Vice Presents: Dr. Upa Vanlal Tluonga Bapui
Pu Sumhlihrawng
Rev. Dr. Hrilrokhum Thiek
Rev. Dr. Ruolneikhum Pakhuongte
Executive Secretary: Pu R H Hminglien Hmar
Joint Secretaries: Pu Ramthienghlim Varte
Dr Paul B. Chonzik
Secretary, Fin & Accts: Pu Lalthankunga Hmar
Members: Pu James A. Songate
Pu Tawnluaia
Upa L. Chawngtho Hmar
Pu Lalhmarthang Tuolor
Rev Tlanglawmthang Hrangkhawl
Pu Thangnuntluong Ralsun
Pu Thangsawihmang Sawngate
Pu Louis L. Keivom
Pu Timothy Z. Zote

Ei history inhnik mihai, abikin history tienga mi thiem, publication lo nei ta hai dam; annawleh ei history ngaipawimawtu hai chu Member ni sa hai laia pakhatin a recommend chun, a fee Rs 5000/- pe-in, Life Membership hni thei a na. Mi dang, abikin history student le Hmar history inhniktuhai khawma Annual Member hni thei a nih. Annual Membership Fee chu kum khata dingin Rs 100/- a nih.

Hmalakna ding pawimaw tak tak an rel a. Hi pawl ngir thu hi a’n rang thei anga Hmar Inpui inhriettir dingin an rel bawk.

Committee Room tha le mawi tak, changkang tak el a thlawna inhmangtirtu NEREFS thuneituhai le Kharguli branch manager le a thawkpuihai chungah HHA hotuhaiin lawmthu an hril a nih.
Hmar mithiem fekhawmhai chun a kuomah lawmthu an hril nghal bawk a. Hi inkhawmna fekhawmhai chu an phur tlang hle a, chuleiin, Hmar mipui mi tuel khawma lo hrepuia lo thlawp seng dingin an ngen takzet bawk a nih. Pathien thangpuina le Hmar mipui zarin hi pawl hin ra tha tak insuo thei dinga thurawn tha le ngaidan tha nei hai chun ienglai khawmin hotu hai kuomah peklut thei ning a tih.

Source: Timothy Z Zote@ fb Timothy Zote Editor, Manmasi Digest Bi-Monthly Magazine
Rep. Image - Credit: Hmar History | INPUI.COM


Post a Comment

Powered by Blogger.