Responsive Ad Slot

HNA slams Dr Amo

No comments

Saturday, October 31, 2015


CCpur, Oct 31: The Hmar National Army (HNA), an armed group under the SoO pact, has today slammed Tipaimukh MLA and HAC Chairman Dr Chaltonlien Amo accusing him of valuing his post more than the welfare of the tribals and his constituency even as it laid down three crucial demands to evade a boycott from his tribesmen.

A statement of the outfit said Dr Amo, being the HAC Chairman is fully responsible for the 3 anti-tribal bills pass-ed by Manipur Government.

‘Even if the state Government sidelined the HAC, being a tribal representative he should have the courage to oppose the Bills to safeguard the tribal interests. On the contrary, he continues to justify himself publicly and choose to be indifferent while the tribal world is literally burning. His attitude shows that he values his MLA title more than the welfare of the tribals and his constituency. This blatant act of treachery by Chaltonlien brought dishonour not only to him but to the whole of Hmar tribe to which he belongs,’ it said.

Since Chaltonlien belongs to the Hmar community, the HNA said, it has decided to take full responsibility for the treacherous conduct of one of his tribesmen. It has accordingly tendered public apology to all the tribal communities of Manipur, ‘especially’ to the families of the tribal martyrs, and those who suffered physical injuries because of the Bills, and asked for forgiveness from the tribal communities in the name of the Almighty.

The HNA has meanwhile set a three-point demand before Dr Amo for his ‘treacherous’ conduct against the Tribal people. If these demands are ignored then the outfit said the HAC Chairman will be boycotted by the Hmar tribe and he should be held responsible for anything untoward incident happening to him.

Paying Rs 1 lakh each to families of the nine Martyrs, as a condolence and Rs 10,000 each to all those who are injured because of the anti-tribal bills; tendering a public apology in person to ATSUM, UNC, KIM, ZC, HI, MPC, KIC and all JPO, JAC and Women organisations of Churachandpur district before November 12; and his resignation from the HAC Chairmanship and MLA before he tenders the public apology and to duly submit his resignation letter to the Speaker and to all the above mentioned tribal organisations, are the points the HNA has laid down before Dr Amo.

It further stipulated that the public apology should be tendered at Rev Changa Memorial Chapel Hall.

Asserting that it does not discriminate any communities of Manipur, but respect the fact that ‘we’ all belong to Tibeto-Burman group, the HNA said it desires that all communities should live peacefully with one another and help each other to strive for a better future.

Public Mobilization on Assam Movement -cum- Draw of Gift Coupon

No comments

Friday, October 30, 2015

Muolhoi, 30/10/2015: Vawizan khan CH Khawthlang Hall Muolhoiah HWA huoihawtna in Assam Movement chungchanga Mipui hrilhrietna hun le HWA NC Hills & Karbi Anglong Region buotsai Lottery draw a nih.

Hi huna hin Chairman le Secretary HPCD Assam Region, President Hmar Inpui NCH & KA Region, HWA NCH&KA Vice President, Rev. Kawlthanglien Infimate haiin Movement hung intan dan tlangpui, sawrkar le inbiek mekna hmasawnna hai le mipui ei thangtlang theidan ding thu hai tawi fel deuin a hril.
HPCD Assam Region hin 24/01/2012 khan Union Home Minister Pu PC Chidambaram, Assam CM Pu Tarun Gogoi hai hmaah ralthuom loin tungin tuhin Tripartie talks fepui mek a nih. HPCD hin Assam a Hmar hai ta dingin Hmar Autonomous Council Core and Sattelite sawrkara hniin a fepui mek a nih. Hi movement hi ama mal el niloa Hnam sunga Organisation tin hai inrawnkhawmna vawi iemanizat nei hnunga thu sukthlukna neia Sawrkar le indawr a nih.
HWA NC Hills & Karbi Anglong buotsai Lottery Result chu hieng a hnuoia ang hi a nih-
1st PRIZE- 18106 (Bajaj Pulsar 180)
2nd PRIZE- 39116 (Bajaj Discover 125)
3rd PRIZE - 26346 (Scooty)
CONSOLATION PRIZES (LED TV)
38386, 22748, 25088, 38567, 25246
* Prize hai hi vawizan anthawka tiem tanin ni nga (5 days) sung ngeia indawn ding a nih.
* Coupon pawtthler, suksiet annawleh sukhmang hai chun indawn thei nawni hai.
* Ngaiven nuom hai chun +91 96787 91893 a indawnfie thei ning a tih.
Mitin hi Lottery lo latu popo hai chungah HWA chun lawmthu a hril takzeta, Hnam ta dinga kal eilo pensuokna hai popo ropui ati in mimal tin kuomah chanchibu hmang hin lawmthu a hril takzet a, hmatieng hun peia hi neka nasa lema thang tlang pei dingin mitin a ditsak hle bawk anih.
Hmar Movement dam zing rawse

MZP GHQ in Rev. Dr. Rochunga Pudaite ralna an nei

No comments
CCpur, October 30, 2015: Mizo Zirlai Pawl (MZP) General Headquarters, President inrawina hnuoiah thuoitu ieminzat hai chu a hranpa liua hungin famtah Pu Rev. Dr. Rochunga Pudaite ralna PMS Bungalow Sielmat, CCPur ah an hung nei. MZP hai hi HSA GHQ chun lo tawiawmin ralna hun a hin an thang ve.


Hi zo hin MZP GHQ thuoitu hai hi inpawlpuina HSA GHQ thuoitu haiin HSA Campus, Rengkai, CCpur hmunah an nei bawk.

Hmasawnna Thar | 30 October, 2015

No comments
Tuolsung Headline
JAC inrawinain Joint Consultative meeting nei; Resolution 4 siem
JAC proposed road map a thuin an pawmpui; Pathienni zat bandh lakdawk ta ding
CCPur: Anti­Tribal Bills 3 hai le inzawma Tribal movement fe mek le inzawmin zani 11:00AM khan JAC inrawinain YPA GHQ Hall, Hiangtam Lamka hmunah JAC, Church Leaders,Tribes, Philanthropic le Students Organization leaders han joint Consultative meeting an nei. Consultative meeting hi Rev. Dr Lalhmuoklien, President, Goodwill Council/CCPur in tawngtainain a hawng.
     


Palai fekhawm hai chun, Thutlukna (resolutions) 4 an siem a, chuonghai chu­ 1. Joint Action Committee, Church Leaders le Tribe Leaders han an  hmatienga Governor inhmupui ding; 2.  JAC in  Road Map an siem hai a thu (principle) in an pawmpui a, sienkhawm tribal apex bodies hai lan rawnpui hmasa phawt ding; 3. Biekin inkhawm hai zalen taka a um theina dingin Pathienni haiah chun Bandh, Dharna le nuorna dang dang hai lakdawk/inthlazal ding le 4. Mithi hai chungthuah state sawrkarin Tribal customary law angin hung lut a ta, chu zoah JAC chun sarwkarin inbiek dinga a fielna dawnna a pek chau ding ti hai a nih.
     
JAC in road map (Tribal Unity Month) an siem dungzui chun, November 3­5 sung 48 hours Manipur tribal hai chengna po po huopin Nov. 3, 2015 zanrila inthawk Nov. 5 chen, MTFD in Delhi­a Mass  Rally an nei ding le inruola thaw ding.
    
Nov. 6 a inthawk  JAC road construction Sub­Committee  tribal leaders le tribe based org.hai po po member thangna indin a, sin tan ding, fund drive le a dang dang thaw ding; chu dinga tribe tina inthawk JCB lakkhawm ding; Sinzawl le Tuivai leilak inkar lampui siem ding; Tipaimukh le Mizoram infepawna lampui siem ding; Silchar via Tamenglong  le Jiriram infepawna ding  Ganja road siem ding tihai a nih.
     
Chun, Nov. 15, 2015  zanril­ a inthawk Manipur lutna National Highways hai po poa tribal hai chengna biel sungah  Highway Bandh thaw ding ti le Nov. 20­30 sung JAC Media le Documentation Cell huoihawtnain Tribal Martyrs hai puola Photo  Exhibition thaw ding tihai a nih.
     
Consultation meeting a hin Hmar Inpui; Vaiphei Peoples Council,  Simte Tribe Council, Kuki Innpi CCPur; Mizo Peoples Convention; Gangte Tribe Council, Gangte Tribe Union; Paite Tribe Council; Mate  Tribe Council; Tedim Chin Union; Thangkhal Peoples Organisation; Gangte Students  Organisation; Khangthah Zuun Pawl; Siamsinpawlpi; Zillai, Mizo Zirlai pawl; Hmar Youth Association; Kuki Khanglai Lompi; Young Paite  Association; Young Vaiphei Assn; Simte Youth Org; Zaou Youth Org; Zomi Youth Assn; Chin Youth Assn; Kuki Women Union, Hmar Women Assn; Zomi Mothers Assn; Tribe leaders dang dng; Church leaders le Martyyrs sungkuo hai an thang.
      
Hi huna hin JAC Chief  Convenor H. Mangchinkhup in Delhi inzinna report a pek a pek a, Manipur Assembly in Anti­Tribal Bills  3 a passed hai dodalna le nuorna October 29, 2015 khan ni 29 a tling ta thu, hi sung hin state sawrkarin inbiek dingin vawihni fielna a hung siem ta thu, inbiek dinga fielna ei hmu lai zingin Bill 3 hai New Delhi tieng a thawn a, hi lei hin JAC chun state sawrkar fielna hi a dawnlet naw a nih tiin a hril. 
    
ATSUM inrawinaa Sept. 29, 2015 khan Imphal hmuna Tribal Leaders/Organisation han consultative meeting  nei huna Manipur Tribal Forum Delhi in  JAC le ATSUM thuoituhai Delhi an inzin pawimaw an ti leiin Oct. 7, 2015 khan JAC le ATSUM member an rengin mi 10 hai New Delhi­a fein Union Minister tum tum inhmupuiin Ashok Prasad khawm an inhmupui thu a hril a, mithi hai vui ding hun a lo indawn hunah, JAC le ATSUM palai hai chun, anti­tribal bills 3 hai  Act –a passed lo dinga ziek ngeia assurance i mi pek ngam leh vui kan tih, tiin  Ashok Prasad an dawn niin a hril.

Nk.  Rose Rothangmawi in UPSC  Geologist Group ‘A’ All india rank 11-na a hau
Sielmat/CCPur: Union Public Service Commission (UPSC) in  Central Ground Water Board hnuoia  Group ‘A’ posts Geologists, Geophysicist le Geological Survey of India hnuoia Chemist le  Jr. Hydrogeologists (Scientist B), Group ‘A’ lakna dinga Combined Geo­Scientist and Geologist Examination­2014 a buotsai final result puong a ni ta a. Nk. Rose El Rothangmawi d/o Lalkhawmawi Khawzawl, Sielmat, CCPur chun hlawtlingna changin  All India  (Geologist Group A ) rank 11­na a lak. Geologist a ding hin mi 150 lak an ni a, chuonghai lai chun Vai le mi neinung tak tak nau hai vuong hlenin a 11­nain a thang phak a nih.
     


Nk. Rose El  Rothangmawi hi Indian Institute of Technology (IIT) ­Indian School of Mines (ISM), Dhanbad a Master of Science & Technology zo a ni a, kum 1 sung training ding la nei a tih. Training  ding hin December 9, 2015 khin Hyderabad pan a tih. Training chi hni Foundation Course le Field training  India rama hmun tum tum haiah nei a ta, chu hnunga sin thawna ding le a posting­na ding hriet a ni chau ding a nih.
      
UPSC hnuoia Civil  Services  Exam dam pek i tum am? tia ei Ei Chanchinbu palai indawnna  dawnin, ‘Geologist tieng hi kan hnikna a ni bawk leiin tuhri hin chu Civil Services exam pek tumna ka la nei nawh, lekha tiem rawn a tul leiin training ding ka ni a, Pathienin rem a ti a, lekha tiemna   ding   hun tha ka nei thei chun, hmatieng Civil Services exam pek ka hniel chuong nawh, sienkhawm tu hri hin chu pek tumna ka la nei nawh’ tiin a hril. Hlawtlingna  ding chun tum tak takna nei a tul  tiin a hril. Nk. Rose El hlawtlingna hi ei Chanchinbu chun a lawmpui hle a, hmatieng a sin hnesaw  taka hung thaw pei dingin ditsakna an hlan.
     
Combined Geo­Scientist and Geologist Examination­2014 a hin eini tlangmi dang pakhatin hlawtlingna a changve a, chu chu Manchong Chinlun Zou a nih. Ama ruok hi chu Chemist­ah a ni a,  Chemist­a mi 80 laka um hai lai  rank 74­na a nih.

MZP GHQ thuoitu han Martyrs hai an hung ral
CCPur:  Mizoram­a inthwk Mizo Zirlai Pawl (MZP) GHQ  President Lalsangzuala Ngente; VL Krosshnehzoa, Adviser; Lalhmachhuana, Adviser le Joseph Zohmingthanga, Asst. Gen. Secretary,  hai chu  Churachandpur­ah hungin zanikhan Tribal martyrs hai ralna ana nei bakah zanita JAC inrawinaa Joint Consultative meeting­a thanghai hmaah thuhrilna  hun an hmang.
     


Manipur­a tlangmi hai harsatna tuokah MZP GHQ chun a tlansan naw ding thu, a pawimaw le tul anga Manipur Tribal hai san dinga inpeisaa um an ni thu an hril. MZP GHQ thuoitu hai chun sum le­pai, tha le­zung a pawimaw le tul anga an thlawp ding thu le MZP, All Political party, Mizoram le All NGO, Mizoram in joint meeting an nei huna khawm JAC Draft proposal an peklut ding thu an hril. Anti­Tribal Bills hi Central level­a repeal a ni theina ding khawmin MZP, All Political Party Mizoram le All NGO, Mizoram han New Delhi­ah joint memorandum an pek ding thu an hril bawk.

HWA thuoituhai Hmarbiel­ah
CCPur: Hmar Women Association (HSA), GHW inrawina hnuoia Unit hran hrana thuoitu members 30 vel hai chu Manipur tlangram (tribal ram) hai hnawchepna ding Bill pathum hai chungthu tlangram biela cheng mipui hai  kuoma hrilhrietna (awareness) nei dingin October 30, 2015 hin Tuithaphai suoksanin Hmarbiel pan an tih. Mitinin tawngtainaa lo san seng dingin HWA GHQ chun ngenna a siem.

JPO kutah Ralna 21,200/­
CCPur: Zanikhan mimal le pawl hran han han ralna an pek a, ralna petuhai chu S. Lulun Gangte, Hqt. Veng Maibal 5, Manipur State BJP (ST) Morcha President Rs. 17,300; Lienkholal Haokip, Geljang , Syndicate Bank Manager  Rs. 1,000/­; MZP GHQ, Aizawl Rs. 900/­ le Puon 9; President MZP  GHQ  Rs. 2,000/­ a rengin Rs. 21,200 a nih.  Vawisun Morgue­a thingpui inlumtu ding HYA an nih.

Blood sample 3 lak
CCPur: NVBDCP/CCPur chun zanikhan Dengue invawi ringhla mi 3 hai thisen an lak a, October 3, 2015  hin enfel dingin Imphal­ ah thawn an tih.

JAC kutah ralna Rs. 7,300
CCPur: Chandel District­a Langjiang village chun zanikhan JAC hnuoia Finance Sub­Committee kutah Tribal martyrs hai ralna Rs. 7,300/­ an inhlan.

Teachers Attendance pelut dingin
CCPur: ZEO hnuoia Headmasters han pay bill passed na dingin teacher hai attendance sheet an peklutsa a tul leiin an rang thei angin DI of School hai countersign inthawtir a, Cashier kuta pelut dingin ZEO/CCPur chun an hriettir. Attendance sheet thanglo hai chu Treasury Office in an passed naw ding a nih.

BJP  ST Morcha President in martyrs hai a  hung ral
CCPur:  Mr KS Khaie Leo, State  President  BJP ST Morcha, Manipur Pradesh chu zani 11:00AM khan CCPur­ah a hung a, District Hospital morgue­a Tribal martyrs hai ralna a nei. 
     
KS Khaie Leo chun, tribal rights humhalna dinga hringna inhlan tuhai thisen a thlawnin luong naw  ding thu; Tribal Martyrs hai ruong vui a ni theina dingin Union minister le minister thenkhat kuoma an tlun ding thu; Martyrs hai hming a bo el nawna dinga vuina ding hmun tha tak pe dinga a ngen ding thu hai a hril. Senapati le Sadar Hills District BJP ST Morcha, Manipur hmingin Martyrs hai ralna Rs. 17,300/­ JPO kutah an hlan.

Dr Pudaite condolence service an nei
CCPur: Zanikhan EFCI Executive Council, Sielmat­a nei chun Oct. 10, 2015 nia fam lo chang tah   Rev.  Dr Rochunga Pudaite Condolence service neiin ralna hun le a thina leia sunpuitu le sawlpuituhai kuoma lawmthu hrilna hun an hmang a, zantieng thlaithleng an awtpui. Condolence service hi  Rev. Zoramsiem Nungate in a keihruoi a, Rev. Dr J. Huoplien, Moderator, EFCI in sunna thucha a hril a, Dr Rimawi Pudaite chun an sungkuo aiawin lawmthu  thilna hun a hmang.

Motor inru tum pakhat vuok hlum
Imphal: Zani zingkar 2:30AM vel khan Basikhong Khonghampat hmuna mi thenkhatin Mr Y. Herojit compound sunga innghat Scorpio motor inruk  tuma a kalna hawng an tum naah alarm a hung inri leiin an hlawsam a, motor inru tum hai laia pakhat chu mana an vuok hlum hnungin tlanhmang a tumna bike leh hi lai bula Dil pakhatah an denglut.
     
Chun, zanikhan Kiyamngei hmuna Soibam Romesh Singh (18) of Arapti Awang Leikai chu a motor inruk le tlanhmang a tum lai  mipuiin an man a, an vuok zek hnungin Police kutah an pek. Hienga an buoi lai hin motor inru pawl laia mi pakhat chu Police anga insiemin a va fe a, mipuiin manin Police kutah an peklut.

Ni 20 sung aw ding Economic  Blockade
Imphal: Joint  Action Committee (JAC) Against The Killing of Khupneilal Neihsiel and Robert Hesei chun, an thil ngen nawrnaa darkar 48 Manipur hills districts haia bandh an thaw hnung khawma sawrkarin a ngaisaknaw leiin, an lo puong lawk ta angin November 3, 2015 zanrila inthawk ni 20 sung aw dingin Manipur­a National Highways hai po poah Economic  Blockade an thaw ding thu an puong. State le inter­State transporters’ associations hai bakah hill district haia civil organisations hai chu an blockade hi thlawp dingin JAC chun an ngen.

Scho. Application Nov. 30 chena la peklut thei
Imphal: Kum 2015­16 a Pre­Matric le Post­Matric Scholarship application form October 31, 2015 chena peklut thei dinga ti kha Manipur tlangram district haia buoina dang dang um leiin Tlangram districts haia students hai ta dingin Scholarship Application form  November 30, 2015 chena la peklut thei dinga hun suksei a nih tiin Director, TA/Hills & SC a inthawk ei thu dawngna chun a hril.

ZNP le BJP an thangruol ding
Aizawl: Mizoram­a  Aizawl North­III  A/C a byelection November 21, 2015 a hung um ding bakah  Aizawl Municipal  Corporation le Lai Autonomous District Council Election hung um ding haia hin  Zoram Nationalist Party (ZNP) chun BJP leh thangruolin NDA hnuoiah candidate nei an tum.   Parliamentary Election 2014 a an thangruol pui MNF le MPC hai leh tu tum election hung um ding haia  an thangruol thei nawna thuah pawi an ti thu ZNP chun an  hril. MNF chun an khata ngir an tum bakah MPC chun sawrkarna siemtu Congress thlawp an tum a nih. Congress chun  Aizawl North­III byelection a hin Lalthanzara bawk an candidate nawk ding a nih.

GNLA in an mi thuoihmang insuona dingin
Shillong: Meghalaya­a GNLA helpawl hai chun an mi thuoihmang Block Development Officer (BDO) Jude Rangku T Sangma dam le hima an insuona dingin sawrkar kuoma thil ngen an nei a. An thil ngen chu, anni (GNLA) le helpawl dang dang hai tukdawlna dinga operation thawa um tuta kar sunga sawrkarin a hnukkir ding, chuong a ninaw chun an mi thuoihmang hi tuta kar sungin an kap hlum nghal ding niin sawrkar an inhriettir. GNLA hin Garo Land hran an ngen a nih.  BDO Jude Rangku hi ni 2 vel liemtaa kha Diganggre hmuna inthawka an thuoihmang a nih.
x--------------------------------------------------------------------------------------------

VAWISUN THUPUI
Ka kuthai  hi nanga tieng ka phar hlak a, Ka hringna hi ram chautak angin, nangmaah a dangchar hlak.    ­- Sâm  143:6

Editorial
Hlawtlingna

Hlawtlingna hi mi tinin ei dit a, sienkhawm hlawtlingna hlampui hraw pei ruok chu ei tam nawh. Hlawtlingna chang ding chun taimak a tul a, tuorselna, tumruna, mani inthunun theina, tumna tak tak nei le teireipeina hai nei a tul. Chuong hai thang lo chun hlawtlingna hi hmu le chang thei a ni nawh. Lekha inchuk, sumdawng le thil dang danga hlawtlingna dingin hieng thil hai hi an pawimaw vawng. Chu laizing chun mihriem hai hi ngirhmun inchen lo tak tak dam ei ni a, thenkhat chu nu sunga ei um laia inthawk duot taka enkawl, fak tha le hriselna  dinga tha tinrenga chawmlien ei ni a. Thenkhat ruok chu harsatna tinrengin a bawm sungkuo a inthawka seilien ei ni thung. Hi lei hin milien­milal le sungkuo khawsa theia taka inthawka seilien hai ta ding chun hlawtlingna lamtluong  hih  mi pasie le rethei hai nek chun a lo hadamna chin khawm a um thei, sienkhawm hlawtlingna inhnar um tak le hlawtlingna tlungpui indik tak chang ding chun tuorselna, tumruna, mani inthunun theina, tum tak takna, teireipeina le a dang dang hai bo chun a thei chuong naw a, mi pasie han hlawtlingna dinga ei lampui hraw an kho­in­kham deu hlek ti chau a nih. Hi lei hin mi hlawtling hai hlawtlingna thuruk chu tumruna, tuorselna, mani inthunun theina, tum tak takna le teireipeina hai hi an  ni vawng. Mi tam tak chun hlawtlingna lamtluongpui indik hraw ngam lovin a harsatna po vuong hlena  hrat taka tlan ei tum hlak leiin ei inpaltlu rawp hlak. Hi hi mi dawizep hai mizie a nih. Hlawtlingna dinga rinumna  le harsatna tuor sung hi a sawt nawh. 
     
Khawvel thiemna le varna an sang ta leiin tienlai  lekhathiem pawlsawm passed, BA passed etc...  chin han sin an zawng ngai lova sinin a zawng lem ang hun kha a ni tanaw a. A thiem le var, a tlin le tlak hai chau lawrkhawmna hun (stage) a cheng ei ni ta leiin inchuklai le sin zawng mek hai ta ding khawmin inchuk ve mei mei, ruol hai thaw nazara thaw ve mei mei, exam pe ve mei mei hai ta ding chun hlawtlingna hi vana ra a ni tah. Hi lei hin hlawtling ei nuom a ni chun tum tak takna ei nei a ngai. A thla tel, a kum telin thiemna le varna a pung a, hiengang bawk hin Central Govt. hnuoia sin lakna haia khawm a hun lai/ ei hun laia ei baw a, ei bei tak tak a ninaw chun ei  thiemnaw lei  ni chuong lova sin hmuzo lova um sawng thei a nih. Entirna dingin, kum 4/5 liemtaa  hlawtlingna lo chang hai khawmin tu huna hin thaw hai sienla an ring ang rawk chun mark hmu tanaw el thei, a san chu thiemna an sang dungzuiin cut off hai khawm a hung insang pei a nih. Hi lei tak hin thiemnaw lei ni lovin, ei tumru tawknaw lei le ei tuorsel tawknaw leia hlawsam sawng thei a ni leiin sin zawngtu han mani hun (stage) sung ngeia tum tak takna, tumruna, tuorselna, teireipeina an bei tak tak a tul a nih.
     
Hlawtlingna lamtluong hi inkho­inkham hle sienkhawm ‘Sunhlu phak em em ei hang fak fak zovah tui ei hang dawn chun a thlum ngui ngui hlak’ ang hin huoisen tak le tuorsel taka beitu hai chun ra hlimum le tlum tak an hmu ngei hlak a; inhawi le awlsam taka hlawtlingna hai nekin harsatna, beidawngna le rinumna tinreng fethleng hnunga hlawtlingna chu a ra a tlum lem hlak bawk a nih. Harsatna le rinumna ei ti hai hi hlawtlingna ding chau ni lovin ei nuna tuorselna min chuktirtu an ni rawp hlak bawk. Lekha inchuklai le sin zawng laia harsatna tam tak lo fethleng, mi hlawtling  hai  chu inchuklaihai ta dinga infuina tha le hlu tak tak petu hung niin, mi hai role model, ram, hnam, khawtlang le kohran ta dinga mi tangkai tak an hung ni  ngei hlak.
     
Mi ropui le khawvel hrieta hlawtling tak tak hai hlawtlingna le ropuina chu hlawsamna hih hlawsamnaa ngai lova hlawtlingna kalbia an hmang leia hlawtlingna ditum tak hung chang an ni tlangpui hlak. Hi lei hin hlawsamna hi tumruna, tuorselna le thangtlawmna thaa ei hmanga, teireipeina neia ei bei tak tak a ni phawt chun  hlawtlingna ra thlum le hlimum tak chu a hausa le pasie hai ta vawng a nih. Pathien  chun hnuoia hin ro tam tak a phum a, inrim taka zawng pei pei han an lamsuok rawn ang hin, lekha inchukna, sin zawngna, sumdawngna le thil dang dang haia khawm  hlawtlingna hi an rimpui, a sawlpui le a teirei pei pei hai chan a nih. Indiklo taka hausak le ngirhmun insang chang thut  hai hi a hun laiin vul chuk hlak hai sienkhawm sawt dai lovin an vuoi nawk hlak.


HSA JHQ NC Hills & Karbi anglong in18th Conference a hmang

No comments
Muolhoi, October 29,2015 (Virthli News) : Sun huna hin Conference rorelna Speaker keihruoina hnuoia nei ania, thuoitu hlui famtah hai sunna hun neiin hun hawng tawngtainan conference rorel tan a nih. Palai hming lamna nei ani a Unit tin le JHQ Palai mi 120 fekhawm a nih.

Rorel pawimaw zuolhai chu-
1. 54th HSA Gen. Assembly chungchang thu hril ani a Muolhoi, Haflongah inghat ngei tha ti tlang anih. A hun ding tak hi JHQ le GHQ thutlukna dinga sie a nih.

2. Statistics Dept hi HSA pumpui hin nei ngei ta sien ti chu lungruoltakin remti ani a, Assembly Agenda a pelut a Headquarters level chenah nei ngei remti anih.
3. Education Campaign or Seminar hi JHQ in a thaw hlak hi thaw zawm pei sien, hi neka nasa nawk lema thaw dingin HSA hin hma la zuol sien.

4. Annual Unit Report Form (tuta report form pangai neka activity report kimchang lema pek theina) hi siema kumtin Unit tin hin JHQ Conference huna report pe hlak dingin remti a nih.

Kum 2015-17 Thuoitu ding hai-
President: Tv. Sumneikung Thiek
Vice President: Pu LR Zate
Gen.Secretary: Pu Lalrothang Thiek
Asst.Gen.Secy.: Tv Simeon L Thiek
Finance Secy.: Tv. John Mark Pena
Treasurer: Nk. Agnetha Joute
Departmental Secretaries:-
Education: Nk. Beauty Khawbung
Social & Culture: Tv. Lalrohnun Pena
Public Relation: Tv. Isak Faihriem
Info. & Publicity: Tv. Benjamin Zate
Games & Sports: Tv. David Tuollai
HSA Meritorious Award Ceremony 2015 hi zana nei niin Cl-x a inthawk a chungtieng 1st Division or 1st Class mi 83 hai kuoma inhlan an nih.

KS Pulamte Meritorious Award (HMAR MIL Cl-X a mark hmu insangtak kuoma pek hlak) chu Certificate, Citation le Sumfai chu a dawngtu ding kuoma JHQ chun an hlan bawk.

Certificate of Appreciation (HMAR MIL Cl-XII a mark hmu insangtak hai kuoma inhlan hlak) chu Hmar Litereature Society NC Hills & Karbi Anglong chun Certificate, Citation le Sumfai an hlan.
12th VL Lianzauva Tuolor Memorial Award (Cl-X letter marks in all subjects hmu hai laia insangtak kuoma inhlan hlak) chu Certificate Trophy le Sumfai inhnlan ani bawk.

Thuoitu thar hai Oath Taking Ceremony nei ani a, thu le hla a inpawltlangna le insukhlimna neiin hun hlimumtak hmang a nih.

Condolence Service le lawmthu hrilna hun nei

No comments

Thursday, October 29, 2015

CCpur, October 29, 2015: Vawisun khan EFCI Executive Council chun Oct. 10, 2015 ni a fam lo chang tah le Oct. 24, 2015 ni a vuiliem a lo um tah (L) Rev. Dr,. Rochunga Pudaite ralna le ama thina leia sunpuitu le sawlpuituhai kuomah lawmthu hrilna a hranpa takin programme an hmangpui a, zantieng huna thlaithleng siemin an kiltlang.


Hi huna hi Rev. Zoramsiem Nungate keihruoina hnuoia hmang niin sunna thucha Rev. (Dr.) J. Huoplien Moderator, EFCI chun a hrila, Rev. Dr. Rochunga Pudaite chanchin a inthawka inchuk le entawn ding hai a hrila, Pa nina pali - Hnam Pa, Thiempui Pa, Kohran Pa le Ringna Pa tiin a hril.

 (L) Rev. Dr. Rochunga Pudaite a nuhmei Dr. Rimawi Pudaite chun an sungkuo aiawin an Pa thina sunpuitu, raltu, ngainatu le tlawmngaina a ruong chunga insuotuhai kuomah lawmthu a hril. Hi huna hin fiel an ni angin hnam tum tum le kohran tum tum a thuoituhai an thang tawl.

Hmasawnna Thar | 29 October, 2015

No comments
PS Traffic point-ah Street light
CCPUR: Manipur Tourism Department, Govt. of Manipur huoihawtna hnuoia Imphal hmuna Sangai Festival 2015 hung um ding le inzawma Festival hmaa Imphal, CCPur, Senapati le Moreh khawpui haia 1st phase-a Street light inbunna ding Manipur CM in Order a lo insuo ta le inzawmin sin tan a nih. CCPur district-a chun Police station bul, Tiddim Road le Tipaimukh Road junction Traffic point lai Street light hi inbun tum a ni a, Electricity department chun October 27, 2015 a inthawk khan sin an tan.

CCPur district, Moreh le Senapati haiah 1 seng, le Imphal-ah Street light 3 inbun dinga ti a ni a, CCPur-a hi thil thawna dinga sum seng ding chu Rs. 1,10,000/- a nih. Street Light/lamp hi feet 60 a insang ding a nih.

“Henu Neingailou Hitam-2” Premier Show
CCPUR: Niso Film in an siem “Henu Neingailou Hitam-2” Premier Show chu zani 11:00AM khan B. Vengnom Community Hall, CCPur-ah nei a ni a, film ngainatu hmun tum tuma mi hai thangin film hi an en. Film Director Letthang Doungel in premier show huna hin film background/synopsis hrilin actor/actress le artistes hai mipuihai inhmelhriettirna a nei a, hi zo hin Certificate/memento inhlanna a nei nghal bawk. Hi huna hin Lunseh Kipgen, IPS, DIG (Range-IV) khuollienin a thang a, Functional President in Letjamang Haokip, APO, DRDA/CCPur a thang.


Truck in pasal pakhat a rawt hliem
CCPUR: Zani zantieng dar 6 vel khan Chiengkonpang-ah Truck pakhatin Pulser Bike-a chuong Mr Lamlalmuok s/o Munkholal of Phailien, Kashmir veng chu a baw fuk a, na taka a hliem leiin District Hospital panpui a ni a, sienkhawm a hliem inrik leiin doctor han Imphal tieng panpui dingin an an refer niin ei thu dawngna chun a hril. A bawtu Truck hin chawl chuong lovin a tlansan nia hril a nih. Lamlalmuok hi Donbosco a teacher sinthaw nia hril a nih. Truck hi mi thenkhatin an hnawtzui a, Torbung lai an va man phak niin ei thu dawngna chun a hril bawk.

Dengue+ hmu belsa lo
CCPUR: Churachandpur district-a chun tuta hmaa Dengue positive 23 hmua um hai ti lo Dengue positive hmu belsa an um tanaw niin NVBDCP/CCPur a inthawk ei thu dawngna chun a hril. Amiruokchu, Dengue ringhla hai thisen enfel dinga an thisen lakna ruok chu an la sunzawm zing thu hrilin, zanikhan mi 14 hai thisen enfel dinga lain Imphal tieng an thawn.

Police han mi man an la nei nawh
CCPUR: October 6, 2015 nia Mr Thangliansiam (20) s/o (L) Thonsong of College Veng, N. Lamka Pangjol le Thingkangphai khuo inkara thingkunga ringhla um taka inkhai hlum saa hmu a nina le inzawma YPA N. Lamka Block in tuolthattu hai man dinga thutawp an pek chu zani kha a nita a, sienkhawm Police chun hi thina thuah mi man an la nei nawh. Hun an pek tawp chena mi man an neinaw chun protest nei dingin zani hmasa khan YPA N. Lamka chun an lo puong ta a nih.

EFCI 93rd Executive Council
CCPUR: October 29, 2015 chen aw ding 93th EFCI Executive Council chu zanikhan Sielmat EFCI Biek-in-ah tan a nih. Mizoram, Assam, Tripura, Meghalaya, New Delhi le Manipur haia inthawk palai 90 vel an thang. Executive Council chun Kokbrorok Mission field hawng dingin an rel bakah Council chun vawisun hin Rev. Dr Rochunga Pudaite ralna nei an tih. Rev. Dr J. Huoplien Neitham chun (L) Rev. Dr Rochunga Pudaite ngirhmun EFCI Moderator sin kum 2016 chen a chel dinga ti a nih.

Workshop on NTCP
CCPUR: State Health Society (NHM), Manipur huoihawtnain Hotel Nirmala, Imphal-ah October 30, 2015; 10:00 khin One Day Workshop on National Tobacco Control Program um a tih. Hi huna hin Govt Deptt tum tum 11- Police department, Chief Medical Officer, District Education Officer, Exise department, Labour department, Agriculture department, Food Safety Officer, District Information Officer, PRI/ADC, Block Development Officer le Medical Officer i/c of DH/CHC/PHC haia representative pakhat seng tir dingin Dr. O. Ibomcha Singh, Director (Health)/State Health Society, NHM, Manipur in DC/CCpur kuoma inhriettirna a hung pek.

JAC le JPO kutah ralna Rs. 7,500/-
CCPUR: Zanikhan Thanlon Block-a T. Maojang khuo han Tribal martyrs hai ralna dingin JAC hnuoia Finance Sub-Committee kuomah In tina Rs. 100/- an dawlkhawm Rs. 1200/- an peklut nawk a, khuo tam lem han ralna sum an peklut tawl tah. Chun, zanikhan mimal le organisation 6 han tribal martyrs hai ralna le thangpuina Rs. 6,300/- le Maibal pum 18 JPO kutah an inhlan. Zanita JAC le JPO kuta ralna le thangpuina sum lut belkhawm hi Rs. 7,500/- a nih.

Zanita JPO kuta ralna/-thangpuina petuhai chu -H. Khanching of Pearsonmun Rs 500, D. Lhingboi, Bijang in Rs 1000, Kh. Lalrinawma, Nghathal in JPO hai tulnaa hmang dingin Rs 500, Dr. S. Thianlalmuan Ngaihte of Shillong in Rs 1000, Baptist Dorcas Fellowship, EBCC ,Phailian in Rs 1000, PAPAA Inkuan in Rs 2000, + Maipuang 18 le JPO tulnaa hmang dinga an pek Rs 300/- hai a nih.

ANM, GNM Regular Exam 2015
CCPUR: Zanikhan Female Health Worker (FHW) Training School, CMO campus-ah ANM, GNM Regular Examination, 2015 tan a nih. Bethesda School of Nursing (BSN), Muolvaiphei-a 1st years 40, 2nd year 39 le 3rd year 33 an rengin mi 112 bakah FHW a ANM inchuklai 1st year 29 le 2nd year 28 ( 57) exam-a hin an thang. Nurses hai exam-na hi Nalini Devi, Officer in-charge, Med. Dept le Tutor, Nurshing Institute, Imphal inrawinaa official han an hung enfel. Exam hi zingkar 9AM-12 le zantieng 1-4PM inkar haia nei a nih.


Assembly seat 2 haia byelection notification insuo; Congress le BJP an inbeituo ding
IMPHAL: Election Commission of India (ECI) in a lo puong lawk ta angin Chief Electoral Officer (CEO) Manipur chun November 21, 2015-a Manipur-a Assembly seat pahni Thangmeiband A/C le Thongju A/C haia byelection Notification zanikhan an suo. Nomination paper November 4, 2015 chen file thei ning a ta, Scrutiny November 5, 2015 in nei ning a tih. Inhnukdawk nuom han November 7, 2015 chen inhnukdawk thei an ta, vote tla hai November 24, 2015 in tiem ning a tih.

BJP Central Election Committee Secretary, Jagat Prakash Nada chun zanikhan official-in Thongju A/C a BJP candidate dingin Khumukcham Joykishan le Thangmeiband A/C a BJP Candidate dingin Thongam Bishwajit hai ruot an ni thu official in a puong.

BJP Manipur President Th. Chaoba chun, an party candidate han hratna an chang ngei theina dingin campaign nasa taka thaw a ni ding thu zanita an BJP office Nityapat Chuthek hmuna press conference huna a hril. Ticket pekna thuah party sunga inremnawna a um nawh tiin a hril bawk.

Manipur State Congress Committee chun Thangmeiband A/C-a Congress (I) candidate dingin Jotin Waikhom le Thongju A/C a dingin minister hlui Bijoy Koijom hai an lo ruot ta bawk leiin party dang candidate nei tum an um hriet a ninaw leiin Manipur Assembly seats 2-a byelection um dinga hin Congress le BJP chau an inkhing (straight fight) ding a nih ti a chieng ta a nih.

Thangmeiband A/C a hin voter 25,114 (nuhmei 13,687, pasal 12570) le Thongju A/C-ah voters 28,214 (nuhmei 14,564 le pasal 13,650) an um a nih. Anti-Defection law hnuoia hieng A/C pahnia MLA hai Spreaker in a disqualify leia byelection hi nei a hung tul a nih.

Manipur-a byelection nei ding le inruol hin Jharkhand-a 72-Lohardaga ST A/C; Madhya Pradesh –a 71- Devas A/C; Mizoram-a 12 – Aizawl North – III (ST) A/C le Meghalaya –a 32- Nongstoin ST A/C haia khawm byelection nei a ni ding a nih. Byelection h aia hin EVM hmang vawng ning a tih.

Centre-a sawrkarna siemtu BJP anni laiin state-a sawrkarna siemtu Congress an ni a. Byelection hi kum 2017-a Manipur Assembly election ding thlirlawkna a ni ding a nih tiin Political analyst hai chun an hril.

Photo Contest cum Exhibition and Photography Workshop
IMPHAL: Directorate of information & Public Relations, Govt. of Manipur huoihawtnain zanikhan DIPR Complex, Moirangkhom, Imphal-ah Photography Contest cum Exhibition and 3 Day Photography Workshop tan a nih. Hi huna hin Manipur Dy. CM Gaikhangam; K. Meghachandra Singh, Parliamentary Secy. (IPR) le Letkhogin Haokip, IAS, Principal Secretary hai chief Guest, guest of honour le functional president in an thang. Deputy Director General, Film Division, Ministry of Information and Broadcasting, Govt. of India Shri Joshy Joseph chu hi huna hin special guest in a thang bawk.

Gaikhangam chun, thlalak hi thilthaw thei takel, Journalism-a dinga thil pawimaw a ni thu a hril a. K. Meghachandra chun, hiengang exhibition le contest kum tina huoihawt a ni theina dingin sawrkarin fund a hran lieuin siem sien a nuom thu a hril. DIPR Director Shri Somorjit Salam chun, thlalak tienga inhnik hai technical skills sukpungna dinga buotsai a ni thu a hril.

Photo contest –cum-exhibition a hin applications mi 100 vel han thlalak dang dang 500 chuong an peklut a, result chu exhibition tawp ni DIPR Day Nov. 1, 2015 a puong ning a tih.

Silai leh chuktuoin bike an lakpek
IMPHAL: Zani zingkar khan Singjamei police station huop sunga Kakwa Khongnangpheidekpi area-ah misuol thenkhatin R-15 bike-a chuong Y. Gyanendro s/o Jatishwor of Khongnang Pheidekpi chu silai leh chuktuoin an sukchawl a, motor a inthawk intum tirin a motor hi lapekin an tlanhmang. Gyanendro hi a kut khit pek an tum a, sienkhawm dam le himin a tlansuok. A ruolpa a van thla zo zani zingkar 3AM vela in pana a fe mek laia hi thil hi a tuok a nih.

Loktak Day hmang
IMPHAL: Loktak Lake Development Organisation huoihawtnain zanikhan Loktak Lairembi Lampak hmuna 26th Loktak Day hmang a ni a, Commerce & Industries minister K. Govindas khuollienin a thang a, ; MLA S. Bira Singh functional president le minister hlui H. Sanayaima Singh, le Project Director LDA L. Ghagaton hai guest of honours in an thang.

IED dapdawk
IMPHAL: Zani hmasa zan khan Singjamei Thong hmunah Improvised Explosive Device (IED) hmu a ni a, Police-a bomb disposal group le Imphal West Police Commando han zani zingkar dar 3 vel khan pawi tawklo dingin an suksiet.

KCP(N) demand letter leh an man
IMPHAL: October 27, 2015 khan 11-Assam Rifles han Moreh hmuna KCP(N) overground worker Mrs Premila Devi (42), Nurse, w/o (L) Ojit Sharma, of village Bamon Leikai, Imphal East chu Rs. 3,00,000/- ngenna KCP demand letter pahni leh an m an a, Moreh Police station-ah an peklut niin zanita PRO Assam Rifle thusuok chun a hril.

Swachh Bharat Sunder Bharat campaign rally
IMPHAL: Manipur State Bharat Scouts and Guides huoihawtnain zanikhan “Swachh Bharat” “Sunder Bharat” thupui hmangin campaign rally nei a ni a, rally hi IMC office-a inthawk tan a ni a, IMC Chairman in rally hi a vai liem. Peer Educators cum Campaigners Workshop on “Swachh Bharat” “Sunder Bharat”, NE Region hi Oct. 26, 2015 a tan le Oct. 30, 2015 chen aw ding a nih, zanita rally a hin NE state tum tuma scouts and guides 120 vel an thang.

3rd Phase Bihar election-ah votes 53.32 % a tla
PATNA: Zanita Bihar Assembly 3rd phase election district 6-a Constituencies 50 haia neia chun votes 53.32% a tla. Chun, zanikhan October 12, 2015 nia first phase election neina polling booth pahni No. 131 le no. 118 haiah repoll nei a ni bawk. Zanita 3rd Phase election neia uma khan candidates 808 an u m a, chu laia 71 nuhmei an nih.

Meghalaya-ah Sipai lak runpui
SHILLONG: November 16-18, 2015 inkar sung khin Meghalaya-a Assam Regimental Centre, Shillong hmuna North East state mi hai ta dingin Soldier/ Clerk/ Store Keeper, Technical/ Inventory management, Soldier Technical category haia Indian Army a thang ding sipai lak runpui (recruitment rally) um a tih. Manipur mi, hi recruitment-a thang nuom hai chun November 16 le 17, 2015 haiah a hmuna in report ding a nih. Thu chieng lem hre nuom han Recruiting Headquarter, Shillong Contact Number 0364-2506581-ah kanchieng thei ning a ta, Army Recruiting Office, Rangapahar telephone No 03862-248845 a khawm kan chieng thei ni bawk a tih. (Virthli)

Mawlynnong khuo in PM an khuoa inzin dingin
SHILLONG: Meghalaya state sunga khuo fai taka record “God’s own garden’ tia ko Mawlynnong khuo hai chun Prime Minister Narendra Modi chu an khuoa inzin dingin an fiel. PM Narendra Modi in monthly radio talk – Mann ki Baat Pathienni nuhnung taka a nei hunah faina kawnga hi khuo (Mawlynnong) hming sam meua an pak thu a saksuok hnunga an khuoa inzin dinga an fiel a nih. PM in an khuo hming hmer meua thu a hril hi Mawlynnong khaw mi hai chu an lawm hle a, nasa takin phurna a pek thar niin Mawlynnong village headman Thomlin Khongthohrem chun a hril.

Tripura HRC January 1 a inthawk
AGARTALA: Tripura Human Rights Commission (THRC) chu January 1, 2016 a inthawk function tan a ta, Andhra Pradesh Chief Justice hlui Kalyanjyoti Sengupta chu Chairman hmasa tak ning a tih tiin Tripura Law minister Tapan Chakraborty chun a hril. Principal Secretary hlui RP Meena le Law Secretary hlui Samiraan Das hai chu hi Commission-a member ning an tih. Supreme court chun Delhi, Himachal Pradesh le India hmarsak states 7 hai chu January, 2016 chenah Human Rights Commission indin seng dingin an hriettir a nih.

GNLA han Chokpot BDO an thuoihmang
TURA: Zani hmasa zantieng khan GNLA helpawl ni dinga ringhla han South Garo Hills district-ah Chokpot Block Development Officer (BDO) Jude Rangku T. Sangma an thuoihmang. Rangku T. Sangma hi 2010 batch Meghalaya Civil service officer a ni a, Chokpot a inthawk Deku Deganggre village-a a mithi rala a fenaa an lo man le thuoihmang a nih. Rangku T. Sangma hin official motor Mahindra Armada Jeep ML01-1570 ama in a khal le midang pahni motor-a hin an chuong a, a motor a chuong mi pahni hai chu an tir hmangin motor hi lampui sir lai maksana an thuoihmang a nih. Sum ngenna le inzawmin GNLA chun Rangku T. Sangma hi vauna an lo pek rawp ta hlak a nih.
------------------------------------------------------------------------------
VAWISUN THUPUI
I thununna thuhai chu iengtika khawm theinghil naw ning, Nangin chuong chun mi i sukhar ta sih a. I ta ka ni hi, mi sandam rawh, I thununna thuhai chu ka zawng sih a.
- Sâm 119:93-94

Editorial
Tribal movement ni 60 a upa a ni tah

Manipur Assembly in August 31, 2015 nia Anti –Tribal Bills 3- ‘Protection of Manipur People Bill, 2015’, ‘The Manipur Land Revenue and Land Reforms (Seventh Amendment) Bill, 2015 le ‘The Manipur Shops and establishment (Second Amendment ) Bill, 2015’ a passed leia Manipur tlangram district, a bik takin Churachandpur district sunga hieng bills 3 hai dodalnaa Tribal Movement ei fepui mek chuh Bill passed ni leh tiemin vawisun hi ni 60 a tlingna char a nitah. Anti-Tribal Bills hai hnukkir nawk an ni theina ding hin Tribal hnam tum tum han inthuruol taka hma lain Manipur Tribal Forum Delhi (MTFD) khawma theitawp suoin Central leaders tum tum hai an lo inhmupui ta bakah Manipur-a inthawk JAC inrawinaa ATSUM le Student Organisation tum tuma thuoitu hai khawm Delhi-a fein Central thuoitu hai an zun hmupui ta a nih.

Tribal movement ei fepui ni 60 a tling chena khawm ei MLA hai chun ei phutna an la sukpuitlingnaw bakah state sawrkar khawmin duthusamin Tribal hai khekri hi a la ngaisak tawknaw nia an lang leiin ei hmalakna ei sukhrat zuol sau thil tulin an lang. Midang le ramdanga mipui palai han an nauhai thil suksuola khawm mani thiemnaw inchanga an silfen an hlip ngam lai; an mipui chu hril lo, an tlingna ram leilung chen tawk dinga thil an suksuol hnung khawma mani inthiemnawna nei lova muong muta an lang thung el hi a san um ngei ding a ni a, chu chu mipui hriet chak em em a nih.

Tribal Movement fe mek le inzawma hmalak pei dan ding ngaituo le hriltlang dingin Joint Action Committee (JAC) Against Anti-Tribal Bills chun October 29, 2015, 11AM hin YPA GHQ Hall, Hiangtam Lamka hmunah Joint Consultative meeting um a tih. Hi huna hin Inpui hai/Tribe Councils, Philanthropic Organisations, student bodies le Church leaders hai joint meeting neipui dingin a ko a. Hi huna hin ei movement fepui mek le inzawma ei hmadawm dan ding, sawrkarin tuta neka a mi ngaisak lem theina ding thil thar le lampui thar an hung rawt dawk ngei chu mipui beiseina a nih.

Hieng laizing hin Manipur Tribal Forum Delhi (MTFD) Core Committee in October 26, 2015 nia meeting an nei hunah Anti-Tribal Bills 3 hai chungthua state sawrkar, central sawrkar le tribal leaders han tripartite talks nei dinga an phutna an hmatienga nei a ni theina dinga nawrna le Tribal Martyrs 9 hai ruong tuchena vui lova an la um nain India ram pumpui a dengsuok theina ding bakah Tribal martyrs hai leia Tlangmi hai pumkhata ngir an nizie tarlangna dingin Jantar Mantar, New Delhi hmunah November 4, 2015-a Mass Rally nei dingin an rel a. Mass Rally hin ra tha lem a hung insuo ngei ei beisei a nih.

Tribal movement ei fepui mek le inzawm hin nuorna le helna chi dang dang hai neiin thil tam tak suksiet le Torch rally hai chen khawm nei a lo nita bakah hmun hran hran haia tuchen hin Dharna /sit in protest ei la fepui zing a, sienkhawm ei movement ni 60 a tling chena khawm sawrkar tienga inthawk dawnna lungawitlak tak ei la hmunaw ruok hi chu tuornat a um hle. Hi lei hin sawrkar in ei thil ngiet a ngaisak zuol theina dinga hmalak dan thar ei dap suok a tul takzet in an lang. MTFD in New Delhi hmuna Mass rally an buotsai ang bawk hin Imphal hmuna khawm Mass Peacefull rally nei inla umzie a nei thei deu dim ti dam hi thuoitu han hung ngaituo in hriltlang hai sien a tha el am!. Tuta ei fe dan ringawt hin chu sawrkar na a ver tawknaw ti chu tu chena khawm hin an lang a. Hi lei hin thaw dan dang, lampui dang ei dap chu a tul a nih.

Ei unau Naga han kum 60 chuong zet an suol hnung khawma tuchena an duthusam an la hmu thei nawna san chu anni sunga inthuruolna le inlungruolna an neinaw lei a nih ti ei hriet a, Peace Accord an ziek khawm hi a kawr chau, a tak la umlo a ni a, anni sunga inlungruolna tha tak an neinaw chun an beisei ang rawk chun an hlawtling beiseipui a um nawh. Hi lei hin ei movement a hlawtling ngei theina dingin tlangmi hnam tum tum hai hin ei inthuruolna sukse thei ding thil hrim hrim chu hnawl in, ei inthuruolna hi chel tlat tum ei tiu.

Serchhip-a Biekin-3 a luta Bible rawtu man

No comments
Aizawl, 29 Oct, 2015 (Virthli News): Tarik 27.10.15, Thawlenni zana Serchhip, Mizoram a Biekin- 3 ah lûta Bible le hlabu hai suksie a rawtu ni a intum Krossengmawia, kum 19, s/o Lallianpuia, Serchhip Darnam Veng chu zani (28 October) zantieng khan Serchhip Police ha’n an man. Serchhip hi Aizawl anthawk km-112 vela hla a nih.


Police hai kuomah an puong dan chun Krossengmawia hin October ni 27 zan khan Serchhip Darnam Venga Biekin pathum, BCM Moria, UPC North East India Elim le UPC Mizoram Ramthar Kohran Biek In ah hai lûtin thuomhnaw chi hrang hrang suksie in Bible a raw thu a hril.

Krossengmawia in a hril peina a chun UPC(NEI) Ramthar Kohran Biekinah lût hmasatakin pulpit a Bible chu khuongpu thungna chungah a raw a, hi baka hin pastor visitor bu chu a pawtthler sa bawk.
Hi zo hin Baptist Church of Mizoram Moria Kohran Biekinah lût nawkin Maichama Bible um chu Samuel-I chin a pawtthla a, Maichama pawisa thir pathum chu kil thum neiin an sie bawk a, Pulpit kawla parte, pulpit cheina an hmang hai chu suksiein thawlawm cheng 450 vel an rûka, hi pawisa hi zu mana a hmang thu police hai kuomah a hril.

Moria Kohran biekin a rawk zo hin UPC Mizoram Elim Kohran Biekin ah lût nawkin Bible chu tuiin a bur hu a, lectern a kohran hlabu a chun ramhuoi bietu sinsiena/inchikna ni awm tak Arasi -2 lem chu rinbiel sunga ziekin hi baka hin ‘NIC’ ti thumal a ziek sa bawk a nih.

Krossengmawia hin khuongpui le khuongte le thlengte -10 lai chu Biek-In á¹­uonglai the thangin khuongte chu thlengte in an huol khuma, pulpit a parte an sie hai chu a suksiet bawk.
Police hai kuomah an puong danin Krossengmawia chun ramhuoi a biek hlak thu le a thilthaw hi insukmakna a a thaw thu a hril bakah inruitheithil khawm a thaw hlak thu a hril bawk.

Krossengmawia laka hin Section 448/457/427/295 IPC hmangin thubui zieklût a ni a, tuhin Serchhip police han an kawl mek a nih.



MYC in Upper Republic, Mizoram 5 - 0 in an hneban

No comments

Wednesday, October 28, 2015

HAFLONG|Oct. 28, 2015 (Virthli News): Oct. 27, 2015 zantieng 5:00 PM khan Haflong, DSA Ground ah The 11th CEM Cup chu Muolhoi Youth Club in Upper Republic, Mizoram Team hai chu 5 - 0 in an hneban. Tuta mi hi Quarter Final Robin League a nih a, MYC chu Semi Final kai hmasa tak an nih. Goal thuntuhai Albert (Hmarkhawlien) 1, Ringsan (Silchar) 2, Michael (Rengkai) 2 an nih.

Vawi 2 an hrat tah a, 3 - 2 against Rongmei FC, Silchar,. Chun 5 - 0 against Upper Republic, Mizoram.

Match in hand Rolling Club, Nepal



Sipai lak runpui a um ding

No comments
October 28,2015: Assam Regimental Centre, Shillong (Meghalaya) chun hung tlung ding November 16 - November 18, 2015 inkar sung hin Indian Army a ding sipai lak runpui (Recruitment Rally) a huoihawt tum.

PRO (Defence), Imphal thusuok dungzui chun Northeast states hai ta dingin Soldier/ Clerk/ Store Keeper, Technical/ Inventory management, Soldier Technical category hai tamtak an lak ding thu a hril.

Manipur mi hai chu a hmunah Nov 16 le Nov 17 haiah zing dar 5 a in report ding a nih.

Candidate online registration thaw kher naw hai khawm a hmuna thawfawm thei dinga hril a nih.

Thuchieng hrie nuom hai chun Recruiting Office Headquarters, Shillong hi contact number 0364-2506581a hin indawn thei a nih.
Chun Army Recruiting Office, Rangapahar telephone No 03862-248845 ah indawn thei ani bawk.


Impressions on Pu, Rev. Dr. Rochunga Pudaite

No comments

Tuesday, October 27, 2015

Compiled by- LRS Puruolte

(Taksa le Thlarau rama Mihrang Pasalá¹­ha, Famtah Pu, Rev. Dr. Rochunga Pudaite (1927-2015) kha mihaiin iengti’n am an ngai a? Funeral Programme Oct. 24, 2015 a Sielmat Christian Hr. Sec. School Campus, CCPur-a a ruong sûnna le vui ni a á¹­awngbau lawrkhawm le ama hlutna tam tak um hai laia á¹­henkhat)

# A hringnun á¹­huoitu chu-
"Ama Naupa ngei khawm hla lova, ei renga ta dinga petu chun, thildang popo khawm a thlawnin a mi peksa naw ding am a nih?" -Rom 8:32

# Rev. John L. Pudaite-
"Pathien-in a hmang nasa em a. Rohlu, kei chauh nilo, staff chauh nilo, ei renga ta ding, ei ta ding vawng a nih."

# Rev. Dr. Rochunga Pudaite, The Great Gospel Warrior, fam lo changtah sunna in All India Radio, FM Churachandpur Station, Hmar Program chun 'Ka Khuolzinna' (Travelogue) ti thupui hmanga Dt. 17/3/2015-a All India Radio, FM Churachandpur Hmar program le Rev. Dr. Rochunga Pudaite inpawlpuina Dt. 23/10/2015 zantieng 6-6:30 pm le Dt. 24/10/2015 zantieng dar 6-6:30 haia khan ama sûnna’n inthlasuok (broadcast) a nih.

# Tlangmi hai laia Who's Who International kai phak ama chauh hi la nia hriet a nih!

# Rev. Dr. Jangkholam Haokip, Union Biblical Seminary (UBS) Pune-
“UBS hin khawvel ah mi tam tak a sersuok tah a, chuongang a ni theina dinga hmathlir (vision) neitu chu Leader á¹­ha tak tak hai lei a nih a. Chuonghai lai a chun Pu, Rev. Dr. Rochunga Pudaite khawm a á¹­hang a nih. Ama kha sum-le-pai a á¹­hangpui hlaktu khawm a nih.”

# Dr. Chongrolien Chonzik MS-
“Master of Surgery (MS) ka zo chen a mi chawm puitling a nih. 1st nina a hau. Calcutta (Kolkata) ah Pastor Thangngur hla (Hmar á¹­awng) Gramaphone Disc a record hmasatak a nih. Hienglai hun a hin Gramaphone chu ‘Thingrem hlasak thei’ an ti hlak. ‘Van lal sin hi hun le hunlo hrilloa thaw ding a nih...’ ti hla dam kha a nih…”

# Rev. Lallienvel Pakhuongte Vice President, EFCI-
“EFCI Moderator Kum 43 a chel a, Moderator for Life, EFCI a nih. Vaibelsie, Tluk-le-dingawn a sam uor a (kei lem chun a ngaina ka hriet nawh) chuongang bawk chun a tumru a, ama a inthawk Pathien-in a mi á¹­hangpui phawt chun iengkim ei thaw thei a nih ti hmu thei a nih, mi tam tak ta dinga angel (vantirko) a nih. A hriselnaw leia trolley a nawr tawl le a zal pum khawmin NEIGHRIMS a kan va fe pui lai khawm rawngbawlna ding a la ngaituo zing a nih...”

# Rev. Rohminglien Pakhuongte Vice President, (Education), PMS-
“Ama hi hotu nekin á¹­huoitu a nih. PMS in a suong hle. Khawvelin hrietpui raw se. Khawvela khawnvar var ang a nih.”

# Pi, Dr. Mawii Pudaite-
“Pu Rochung a hringnun iná¹­awmpuitu ka ni hi ka va vangnei ngei…” (Kum 56 zet pumkhata lo um tah an ni thu a hril).

# Mrs. Mary Lalsangpui Pudaite Keating-
“Ka Pa ruong chunga hlasak hi thaw ngailo thil khawm a ni thei. Ka Pa ka'n zana le chawimawinaa hla ka sak ding a nih. Ka unauhai, ka sunghai, Pathien-in talent mihai kuomah thu hril theina a pek a, kei chu hlasak theina a mi pek a nih. Isu Krista hmel ngei ei hmu pha chun iengti'n am um ei ti aw? Hi hnuoia ka Pa thuok lak nuhnung takna kha Vanrama ka Pa thuok lak hmasatakna a nih.”

# Rev. John L. Pudaite-
“Mang nisen, mang a ni nawh! Ka Pa chu inzinmi tak a nih. US a State popo a sir hman a. Ka Pa chu hi laia a'n zinna ainthawk Permanent a a umna ding a pan an tah. Pathien ropui raw se. A'n lawi hmasa hai hlim deuin an um. Chanchiná¹­ha (BFW) leia Chatuon hringna (Eternal Life) neihai ruolá¹­ha tam deu ka Pa in a nei chu ka ring.”

(An naupanglai Summer chawl huna hai a Pa'n á¹­huoiin rawngbawlin an inzin tlanga chuonglai hun a hai chun Indian Dinner kohran tum tum a hai an buotsai hlak a, India rama Chanchiná¹­ha mawmaw a ni dan thuhai an hril hlak a. A Pa'n mawphurna (part) hran hran siem pekin an thaw ding a ruot pek hlak thu a hril a. Chuonglaia chun a Sa chan ding... ti ang damin. Ka chin lai ka thiemnaw sa'n hla ka sak hlak a, ka sang mary'n tu'n a hung sak ta lem a… Pathienin Talent a mi pek seng a nih...)

# Rev. Dr. Jacob Pudaite-
“Ama la damin, hre sien chu a taluo deu tiin lawmthu a hril ka ring…” (Funeral Programme Oct. 24, 2015-a Sielmat Christian Hr. Sec. School Campus, CCPur a a ruong chunga mihai hlutsakna leia a hril a nih.)

# Pu Lalthlamuana Hmar Gen. President, HSA GHQ & Dr. John Pulamte Gen. President, HI-
"HSA Campus, Rengkai a Tribal Hostel chu Dr. Rochunga Pudaite Hostel tia ko ning a tih."

# Dr. John Pulamte Gen. President, HI-
"Hnam Pa ti phu hlie hlie, hnam tin lai á¹­huoitu tlin an pieng hlak a, ama Dr. Rochung hi ning a tih. A thi chena ka sawl, ka kham ti lova hmalatu a nih. A ruong inzalna USA thlang lova a piengna India a thlangna chu ngaisang a um tak zet."

# Pu VL Mawia Chief of Sielmat-
"Ama zarin kan urengin Sielmat H/S ah Free in kan kai… Sielmat khuo a a ruong vuia um chu khuo mipui aiawin lawmthu ka hril."

# Prof. (Dr.) L. Fimate HoD Forensic, JNIMS-
“Vawisunnia ka nina model role, ka tadinga pawimaw tak a nih.”

# Pu L. Keivom IFS Retd.-
DHWA aiaw khaw dangah an fe ngei ngei hlak angin a ruong a hung sawm ve thu, Zoram khawvel aiaw, Delhi, keini sungkuo, Sinlung Academy of Letters (SAL) le a dang dang hai aiaw a ni thu a hril. 2012 khan Keivom Nite "Impression on Keivom" David Buhril in a huoihawt a... chuongang bawk chun Pu Lala Khawbung leh (L) Pu Rochung khawm buotsai an tum thu a hril a, ama'n (Pu Rochung-in) a chanchin a ziek el nekin mi Author 100 vel amani in hung ziek an ta, Chuchun; khawvelin tu'm an’a ti a hriet thei ding a nih. Thaw ngei tum ei tiu. Lala Khawbung leh tum vawng kan tih tiin a puonglang bawk.

# Hmar Retired Officers Club-
“Educational, Social, Culture etc. ei ram tadingin nasatakin a thaw hlawk a nih.”

# Sielmat Village Authority-
School, Hospital, Bungalow, Sielmat Approach Road (40/50 Lakhs+ vel man ding zet a thlawnin a pek), Prayer Mountain, Thlanmuol inzauna ding ram a pek thu le thil á¹­ha tam tak an khuo tadinga a thaw pek hai leia an lawmthu an hril.

Picture a suklang- "Transforming the Nation (Society) through Education" ti hi Pu Rochung a Hmathlir (Vision) a lo ni hlak a, chuongang tak chun a sukpuitling a nih. Pathien-in Pu Rochung ang dam a mi lo pek leiin lawmthu hril ei tiu. Thlatina Nuoi 40 chuong (40 Lakhs+) ei rama Inchûkna/Education le inzawma sengtu a nih. A thaw hlawk zie chu lo ngaituo zawm el rawh...


Dr. Lal Rimawi Pudaite le a nauhaiin Lawmthu an hril

No comments
LAWMTHU HRILNA

Kan pa dittak Rev. Dr. Rochunga Pudaite (88), tarik October 10, 2015 a Colorado, USA ah fam a changna le, vûina hunser hmangna le inzawmin hi group fêthleng hin mipui kuomah lawmthu hril kan bat rawn emem thu kan hung târlang hmasa a.

Fam a chang le inruol, sâpram kan la um lâi zing le Sielmat kan tlung chena thlamuongna țawngkama mi hung ditsaktu le țawngțaipuitu hai chungah lawmthu kan hril a. A mi sawkzângkhâi hle.

Sâpram (USA) kan hung suoksan hnunga hmuntin le ramtina, abikin, New Delhi, Imphal le Churachandpur kan tlung chena hmangai êm êma mi bawisâwmtu Kohran, Hnam le Pawl (philanthropic organizations) hai popo in rênga hming kan lamkim sêng naw ding an leiin in mi hrietthiemna kan ngen a. In rênga chungah kan lawm takzet a nih ti ruok chu mi hriepêk seng dingin Pathien hmingin kan ngen cheu.

Kan chunga in țhatnahai popo kan theinghil naw a. Lalpân a lêt tam malsawmnain vur seng raw se cheu ti hi kan țawngțaina a nih.

In hmangaina dawngtu,

Dr. Lal Rimawi Pudaite le a nauhai
Sielmat, Churachandpur
Manipur


MTFD Press Release ~ 27th Oct 2015

No comments
MANIPUR TRIBALS’ FORUM, DELHI


Press Release
27th Oct 2015

In a meeting held on the evening of the 26th of Oct 2015, the Core Committee of Manipur Tribals’ Forum, Delhi has unanimously agreed that the date for organizing the long-pending Mass Rally at Jantar Mantar will be the 4th of Nov. 2015 starting from 2pm onwards.

The goal of the mass rally is threefold:
(a) To pressurize the Center and State government to swiftly act on the proposed tripartite talks (between the tribal leaders, State government and Centre government) regarding the three bills,
(b) to sensitize the larger national public about the nine unburied tribal martyrs-and-citizens of India and to create maximum exposure and awareness about the cause they died for, and
(c) to collectively mourn and pay respect to our departed brothers in a spirit of oneness and unity.

It was also agreed that each of the apex bodies and forums, both national and international, that have been taking up the cause of the tribals of Manipur, will be contacted with regard to the possibility of organizing a synchronized mass rally all over the country and the world, and their opinions will be sought and decisions respected.

As a mark of respect for our tribal martyrs, ALL of the tribal population residing in Delhi, are humbly requested to do whatever is necessary to ensure that the day (half-day) is kept free for a tribal mourning-cum-rally that Delhi has not yet witnessed.

Each student bodies, respected officers, elders and pastors, and the mothers and youths of all communities, are specially requested to join your brothers and sisters in a show of solidarity and strength.

Let us all prayerfully prepare to continue our fight for our lands, our rights and our identities.

LONG LIVE TRIBAL UNITY


Sd/-

(T ROMEO HMAR)                                                                              
Convenor                                                                                                                  
Manipur Tribals’ Forum, Delhi
Ph: 07838325447                                                              


(J MAIVIO)

Co-convenor
Manipur Tribals’ Forum, Delhi            
Ph: 09873094566
Don't Miss
© all rights reserved
made with by Simon L Infimate