Ngaibantlang, December 24, 2015 (Virthli): Vawisun hi Ngaibantlang a Hmar hnam hai ta dinga chanchintha kawl eng tan ni a nih. Sartuinek revival in hung mawr dawkin Rev. Kama (Lalrok√£m) (F/o Rev. Dr. Hrilrokhum Thiek) chu Ngaibantlang tieng panin a chipui hai lainatna le hmangaina lei chauin chanchintha hril dingin a fesuok a, Vawngzawl khuo chu Dec. 24, 1920 hi a tlungni a hril le pawm ani angin vawisun ni hi PCI Hmar Kohran, Ngaibantlang dunga um (Vawngzawl Presbytery le Ngaibantlang Presbytery) hnuoia kohran popo chun Missionary Day tiin anlo inser hlak a nih.



Rev. Kama hi Hmar hnam laia chanchintha hung phurluttu ani a, Sartuinek anthawka Missionary suok hmasatak ani bawk anih. Ama tilo a hin Sartuinek Harna runpui kum 1919 a tlung zara Missionary hmasa dang hai chu Pastor Kambuong, Pastor Tlurpu hai annih. Rev. Kama hi kum 100 mi niin 26 Dec. 1972 khan athi tah anih. "Chanchintha hung phrtu hai ke chu ava mawi de".

Post a Comment

Powered by Blogger.