Aizawl, 4th Dec, 2015 (Virthli News): India rama Kristien state umsun ti a ko thei nisienkhawm Mizoram a hin khawtlangin thienglo a ei ngai, khawsak-nun dan le tisa chakna (sexual orientation) mak tak tak a pung nasa hle.

Mizoram State Aids Control Society (MSACS) ṭhuoituhai hril danin tu ngirhmun a hin Mizoram ah mawngkawhur (homosexual) or MSM (Man having sex with Man) mi 475 lai inzieklut an uma, chuhai laia 0.90 percent chu HIV positive an nih.

Aizawl ah in registered mi 430 an uma, Lunglei ah mi 45 an rengin mi 475 an um thu le hi baka hin inzieklut nuomlo tam tak an um an ring thu MSACS thuoituhai chun chanchinbumi hai an hril.

Mawngkawhur lai a mi ṭhenkhat hi nuhmei nei ta hnung dam an ni a, kum 18 le 45 inkar an ni tlang puia, naupang tamtak khawm an um niin an hril bawk.

Kum 2007 a MSACS in survey a thawna report dungzui chun MSM mi 113 an um a, kum 8 sungin mi 362 laiin an lo pung hman tah tina a nih.

MSACS ṭhuoituhai hrildan chun MSM hai lai hin HIV positive an dar hrat niin an hrila, khawtlangin hmusit le endawng el lova, hmangai le duot taka ena, HIV an dar hratnawna dinga an inpuong ngam theina dingin ṭhanglapui dingin mipui an ngen a nih.



Post a Comment

Powered by Blogger.