CM in Vangai le Sinzawlah Power SubStation a hawng
Sipuikawn hmuna Khengjang-a mi ang Power Sub-Station sie ning a tih: CM
CCPUR: JAC hmalakna hnuoia mipuiin official fe ding hai dangin boycott hai sienkhawm Manipur CM O.Ibobi Singh chun zanikhan Ankhasuo (Vangai) le Sinzawl (Thanlon) haiah 33/11 KV Power Sub Station hai a hawng. Hieng Power SubStation hawngna hun haia hin AntiTribal Bills 3 Manipur Assembly in a passed hai leia Tribal Movement fe meka JAC Against AntiTribal Bills in Hill district lut thei lo dinga an boycott hai CCPur District MLAsHealth Minister P. Tonsing; HAC Chairman Dr Amo; Parliamentary Secretary V. Valte le Ginsuanhau hai bakah IFCD minister Ngamthang Haokip khawm an thang niin ei thu dawngnain a hril bakah thuhrilna hun khawm an hmang tawl seng nia hril a nih.
Hieng Power SubStation pahni hai hi Manipur State Power Distribution Company Limited (MSPDCL) huoihawtna hnuoia hawngna programme hmang an ni a, MSPDCL Managing Director N. Sarat Singh thangin Electric Departmenta Officials hai bakah District Level Officers (DLOs) tam takin an uop bawk. Power SubStation hai hawngna hi JAC in boycott puong hai sienkhawm Manipur CM O.Ibobi Singh inrawinaa Ministerial team hai chu zanikhan Helicoptera chuongin Power SubStation hawngna hmun hai hi an pan a, tha taka an hawng hnungin zani zantieng 2:00PM khan Helicopter bawkin Imphal tieng ministerial team hi an kir nawk vawng nghal.
Ankhasuo (Vangai) hmuna 33/11 KV Power SubStation hawngnaa CM O.Ibobi Singh in thu a hrilnaa chun, Tipaimukh biel mipui po po hai electric meivar supplytu dingin Sipuikawn hmuna Khengjang Power SubStation a mi ang 132/33 Power SubStation inthut a la ni ding thu hrilin, a hmun ding khawm enfel vawng a ni tah tiin a hril. Vangaia Power SubStation hawnga um hi ruot a ni angin Pastor Jones R. Joute in tawngtainain an hlan. Power SubStation pahni hai hawngna hi JAC in boycott hai sienkhawm buoina um lova tha taka hawng zo niin ei thu dawngna chun a hril.
Hieng Power SubStation hawngna hai hi ADC/CCPura MDC iemanizat khawmin an uop niin ei thu dawngna chun a hril.
Power Substation hawng a ni le inzawm hin electric infetir nghal a ni a, mimal In haia a hrui keilut a ni hun huna hmang thei nghal ni ta dingin ei thu dawngna chun a hril a, Vangai biel po meivar a pekzo hne hle dinga beisei a nih. Patpuihmun chen electric hrui keilut le transformer inthut a nita bakah Sartuinek a khawm transformer inbukna sin thaw mek niin ei thu dawngna chun a hril. (with inputs from Virthi)
Tukum sung Malaria Positive 135 hmu
CCPUR: District Malaria Department/CCPur chun JanuaryDecember 15, 2015 sung khan damnaw mi 18715 hai thisen lain an enfel a, Malaria positive 135 an hmusuok. Malaria hrik pai hmusuoka um hai laia 88 chu Malaria PF an ni a, 47 hai chu Malaria PV an nih. August, 2015 thla sung khan Malaria Positive 35 zet hmusuok an ni a, hi laia 24 Malaria PF an ni a, tukum sunga Malaria positive hmusuoka um tamna tak a nih.
JAC in ni 10 sung ngei Special Assembly
CCPUR: Joint Action Committee (JAC) Against AntiTribal Bills chun, November 9, 2015 nia Charter of Demands an lo peklut le December 24, 2015 nia Inpuis/Tribe Councils, JAC le JPO leaders han thutlukna siema an lo rel ta angin tuta inthawk ni 10 sung ngeia Manipur State Legislative Assembly ko dingin zanikhan Manipur Chief Minister O.Ibobi Singh an ngen.
Workshop on creation & planning model dist
CCPUR: December 30, 2015, 10:00AM khin Dr Himanshu Bhushan, Director, Regional Resource Centre, NEcum Adviser, Public Health & Planning, NHSRC, New Delhi inrawinain District Hospital, Thoubalah “Workshop on Creation & Planning of Model District” um a tih. Hi huna hin CCPur District le Thoubal District haia CMOs hai; DFWO hai; Medical Superintendents; DPMU; CHC le PHC haia MO i/c hai thang an tih.
Music Video Album tlangzar
CCPUR: December 29, 2015, 11:30AM khan Rev. Thangkhosiem, Executive Director, ESC chun Bijang ESC Church campusah Bijang Naupang Sunday School Union in an siem “Nun Nawpna Kim Lal Isu” ti Music Video VolII a tlangzar. Albuma hin hla 13 a um. Kum 2013 khan “Nun Nawpna Kim Lal Isu” VolI tlangzar a nih.
Mrs. Hawihcha, BNSSU, Mother chun, tulai music le dance ‘hiphop’ le rap song’ han thalai hai lungril nasa takin a keihruoi a, hi lei hin thangthar hai hringnun a tha tienga keihruoina ding beiseia ESC Church Bijang in naupang han hla inchuk le sakna kawnga hun an hmang rawn lem theina dinga video album hi a buotsai a ni thu a hril.
Inlirthei khaltu hai fimkhurna ding
CCPUR: Kum 2015 ei hmang zo mek ta a; Churachandpur khawpui lampui a se el chau ni lovin hmun tum tuma Culvert chim hmu ding a um leiin Motor khaltu hai fimkhur thil tul a nih. A bik takin December 31, 2015 (Kumhlui inthla) ni le zan hun haia hin a bik takin thalai hai lai harfim taka motor khal ei vang nuom hle a, hi lei hin Culvert chim le thalo um hai leia eksiden ei tuok nawna dinga ei fimkhur thil tha ning a tih. Ei hriet theina dingin Light House Lanea Zoveng lutna ding lai hin Culvert chim a um bakah Mission Road lai Culvert chim a um bawk.
BJP in hratna an chang ngei an beisei
IMPHAL: January 11, 2016a phairam district Assembly Constituencies 40 huop sunga Municipal le Nagar Panchayat election hung um dinga khin BJP chun hrat filawrna an chang ngei a beisei thu Manipur BJP President Th. Chaoba in zanikhan a hril. Municipal le Nagar Panchayat seats um po poah BJP in candidate an nei vawng ding thu Mr Chaoba chun a hril.
Digital India Week Best performing district
IMPHAL: Ministry of Communication and IT hnuoia Department of Electronic and Information Technology chun Imphal East District le Bishenpur District hai chu Manipura District tin hai laia Digital India Week (1 July to 7 July 2015) Best performing district in a thlang. Award hi India Habitat Centre, New Delhi hmuna Union minister Ravi Shankar Prasad in zani hmasa khan a sem a, Dist. Collector Imphal East M. Joy Singh le Dist. Collector Bishenpur W. Bobby Singh han Award hi an dawng.
Archive Weeks - cum - Exhibition
IMPHAL: Zanikhan Manipur State Archives Complex, Keishampat hmuna Manipur State Archives Dirctorate of Art and Culture, Govt. of Manipur huoihawtnain ‘ 36th Archives Week celebration cum exhibition’ nei a ni a, hi huna hin kum 19011935 inkar sunga maps 56, political agent file le State assembly in resolution an passed hai pholang a nih. Hi huna hin Retd. Principal of LMS Law College Padmashree RK Jhalajit Singh khuollienin a thang a, K. Radhakumar, IAS, Secy. Art and culture le Y. Mohendro Singh, director of college development council hai functional president le guest of honour in an thang.
Assam Rifles han thil tum tum an sem
IMPHAL: 2Assam Rifles chun Dec. 28, 2015 khan Thoubal districta Phundrei Mayai Leikaia Weavers and Handicraft Co Operative Society kuomah puonthui khawl ‘Sewing machine’ set khat an pek.
Chun, December 18, 2015 khan 45Assam Rifles han Imphal East district sunga Nilakuti Sub Divisiona Awang Wabagai khawmi hai kuomah Solar lights an sem bawk niin zanita PRO Assam Rifles thusuok chun a hril.
PLA le KYKL cadre man
IMPHAL: December 28, 2015 khan 45Assam Rifles han Pangei hmuna PLA cadre No 2845, L/Cpl Laimujam Rupachandra @ Tanison (28) S/o (L) Joychandra, of Tangtha Khunou, Thoubal District an man a, Heingang Police Stationah an peklut.
Chun, hi ni ma hin 16Assam Rifles han Leimakhong Mapan hmuna motor inlawn hai an dapnaah KYKL cadre No 777, Batch No 30, SS Pvt Yumkhaibam Lukhoi @ Aboi Singh (23) S/o (L) Y Meipak Singh, of Andro Khuman village, Imphal East District an man a, Lamlai Police stationah an peklut niin zanita PRO Assam Rifles thusuok chun a hril.
Minister chengna in silaia kap
AGRA: Zanikhan Minister of State for Human Resource Ramshankar Katheria chengna in chu NSUI party worker Manish Gautam le midang thenkhat han silaiin an kap. Mr Ramshankar Katheria chengna in hi Agra University, Khandari campus sunga um a ni a, mihriem thi le hliemna tuok ruok chu an um nawh.
Jan. 1 a inthawk Junior level sin laknaah interview um talo ding
NEW DELHI: India rama Central Government ministries le Public Sector Undertaking (PSUs) hai chu January 1, 2015 a inthawk junior level post lakna haiah interview sukbo/thaw ta lo dingin Department of Personnel and Training (DoPT) in Central Govt. ministries tina Secretaries hai an hriettir. Amiruokchu, skill or Physical test chu la sunzawm thei an tih tiin DoPT thusuok chun a hril. Hi thil hi Group C le nongazetted post Group ‘B’category le a tlukpui post lakna haia hmang zawm dinga ti a nih.
Biharah VIPs han sirens an hmang khap
PATNA: Bihar sawrkar chun a state pumpuiah VIPs motor han sirens le hooters an hmang a khap. Siren le hooters hai hi State Governor, Chief Justice of Patna High Court, Fire Tenders le Ambulance hai chauin an hmang a phal. Hi thil hi Bihar state sunga sound pollution pung pei dangna dinga Chief Mininister Nitish Kumar inrawinaa cabinet meeting in an rel a nih. Hi khapna dan bawsetu hai chunga action khau tak la dingin officials hai an hriettir.
India ramah RNI registered newspaper 1,05,443 a um
NEW DELHI: India rama chun Registrar of Newspapers for India (RNI) a in registered Chanchinbu (newspapers) 1,05,443 a um niin Information and Broadcasting Minister Arun Jaitley chun zanita Registrar of newspapers for India siem 59th Annual report a tlangzarna huna a hril. Mr Jaitley chun, ei rama democracy sawmhringna dingin Chanchinbu hai an pawimaw hle thu a hril a, khawvel hmun hran hran haiah Chanchinbu hai intar deu deu hai sienkhawm India rama chun a pawimawna a la danglam chuong naw a, tuchena khawm hin India rama Chanchinbu inthangna chu zaah 6 a inthawk 8 percent in a pung a, hienganga Chanchinbu pung pei nasan le an pawimawna a danglam chuong nawna san chu hnam bing le state binga insuo chanchinbu a pung lei a nia hriet a ni thu a hril a. Chanchinbu/Mediaa Chanchin thar le mimal ngaidan insuoa um hai chu ngaipawl lo dingin mipui hai a ngen.
India rama chun kum 201415 sung khan RNI a in register thar 5,817 a um a, India rama Hindi tawnga chanchinbu circulation zat chu 25 crore chuong niin a tam tak an ni a, a dawttu chu English niin circulation 6 crore chuong a nih tiin zanita RNI report chun a hril. Bengali newspaper Ananda Bazar Patrika chu India rama circulation tam tak a ni a, Bengali (kolkata edition) in copies 11,78,779; Hindustan Times, English (Delhi Edition) 10,18,367 le Times of India (Delhi Edition) 9,72,180 a nih.Times of India English (33 editions) chun multieditionah nitin copies 46,30,220 published a, a tam tak an ni a, a dawttu chu Dainik Bhaskar, Hindi (34 editions) 36,94,385 a nih. Chanchinbu tamna tak state chu Uttar Pradesh niin Chanchinbu 16,130 a u m a, Maharashtraah 14,394 le Delhi –ah 12,177 a um.
Naxalites helpawl 23 an inpe
RAIPUR: Chhattisgarha Baster districta chun zanikhan nuhmei 3 thangin Naxalites cadres 23 hai chu Police kutah an inpe. Maoist ideologyah an lungawi tanaw bakah ringzona an nei tanaw lei le sawrkarin surrender policy a siem anga nundan pangngai hmanga hamthatna dawng an nuom leia inpe an nih tiin Baster region Superintendent of Police R.N. Dash chun a hril. Inpe hai laia 6 hai chu Kudum Khodra village mi, 5 hai chu Chandragiri village mi, 11 hai chu Biaspur village mi le pakhat chu Pungarpa village a cheng a nih. Inpe hai laia pahni Madkami Hidmo le Ando Markam hai chu sawrkarin luman Rs. 1 lakh neia a lo puong ta an ni a, inpe hai hi lawmpuinain Rs. 10,000/ seng inhlan an ni bawk. Kar hmasa khan Chintalnar area, Sukma Districtah Naxalites 70 an lo inpe ta bawk a nih.
Assam BJP in Congress leader chungah FIR
GUWAHATI: December 27, 2015 nia Congress leader Nilmani Sen Deka in Union Human Resource Development minister Smriti Irani chu PM Narendra Modi second wife a nih tia a hrilna le inzawmin BJP Assam President Sarbanand Sonawal in Deka chungah FIR a file a, Deka chunga action la dingin a ngen. Deka tawngkam hmang dodalnaa zani hmasaa BJP workers han Guwahatia Congress office tuola protest an nei huna inbeituonaah mi tam takin hliemna an lo tuok pha ta a nih. Hieng laizing hin Assam Congress President Anjan Dutta chun BJP workers han Congress workers hai an bei leiin Congress workers 7 zetin hliemna an tuok a nih tia intumin BJP workers 4 hai chungah FIR a file a, hi thua hin Police chun BJP workers 4 an man.
Assam CM Tarun Gogoi chun a Agriculture Adviser Nilmani Sen Deka le Parliamentary Secretary Rupjyoti Kurmi han PM le Union HRD minister chunga tawngkam mawilo a hmang chu a lawmnaw thu a hril ve.
UGC in online Admission system
NEW DELHI:University Grants Commission (UGC) chun academic Session nawka inthawk University tin hai chu Online Admission System hmang thei dinga induong dingin an hriettir. Hi thua hin UGC Chairman Ved Prakash chun Universities tin hai chu an hmalak dan progress report pe dingin an hriettir bawk. Hi thil hi admission thawna langtlang (transparency) lem theina ding; students le nu le pa han harsatna tam tak an tuok hlak chingfelna dinga thaw tum a nih.
Kum 2015 sungin journalist 110 zet an sinthawna hmuna that
PARIS: Reporters Without Borders (RSF) in zanita report a puonglang danin kum 2015 sung hin khawvel pumpuiah Journalist (Chanchinbumi) 110 zet that an nih. Journalist thi hai laia 67 hai chu an sinthaw (duty) na hmuna that an ni a, 43 dang hai chu a san mumal hriet lova thi an nih. Hi baka hin nonprofessional “citizenjournalist’ 27 le media workers 7 that an ni bawk niin RSF report chun a hril. Kum 2014 a journalist thi hai laia hmun thuma thea hmun hni chu indona (war zones) a an dutyna hmuna that an ni a, tukum (2015) a journalist thi hai laia a tamlem hmun 3a thea hmun 2 hai chu ram ralmuongna rama thi an ni thung.
India rama chun kum 2015 kum bula inthawk khan journalist 9 that an ni a, hieng hai laia thenkhat chu politicians hai inrawlna organised crime report lei le thenkhat chu illegal mining an cover leia that niin RSF report chun a hril a, hi lei hin India ram chu Asia rambung laia Journalist hai ta dinga rambung himlo pawl laia mi a nih tiin RSF chun a hril a, India sawrkar chu Journalist hai himna dinga plan siem dingin a ngen.
VAWISUN THUPUI
Nangni, unauhai, suok ni lo, dinga ko in ni sih a, nisienlakhawm, suok in ni nawna chu tisa ta dinga remchangah hmang naw unla, hmangainain rawng inbawl tuo pek seng lem ro. Galati 5:13
Editorial
Lungawina
Mihriem hai hriselna dinga tha le pawimaw tak pakhat chu lungawina hi a nih. Ei lung a awi chun ei hadam a, ei hadam chun ei hrisel hlak a nih. Kristien hai hin iengkima lungawi ding ei nizie ei hril uor hle. Sienkhawm mipui chau ni lovin Pastors le Kohran Upa hai khawm an hringnun hlimin an lawm zing theinaw ang bawkin lungawina kim nei hi chu ei vang vieu ring a um. Iengtik hun le hmuba khawm lungawi taka um thei mihriem hi chu khawvela hin ei vang vieu ring a um bawk. Sum le pai, rohlu le thil dang dang tam tak nei tam le tlawm khawmin mihriem nuna hin lungawina an nghat chuong nawh. Khawvela hausa tak le thilthaw thei tak tak hai khawmin lungawina kim an hmu thei chuong nawzie chu, khawvela mi inlar le hausa tam tak lungril beidawng leia mani inthat an khat tawka hriet dingin an um zing a. Lungawina zawnga inruithei chitin reng thawa nun hlimna famkim zawngtu hai khawmin an hmu chuong naw a, chu nekin an hringnun sukrinum zuoltu le an ta dinga harsatna le beidawngna nasa lem intluntu a hung ni pei hlak.
Khawvela natna tibaium tak takhai chau hi mihriem hringna suottu an ni tanaw a, chu nekin tulai khawvela mihriem hringna suot rawn tu tak chu lungawinawna le lungril beidawngna (depression) ‘ lifestyle disease’ an i ti el hi a hung ni ta hiel a nih. Khawvel a changkang pei a, tienlai le tekhi chun ei hausa tawl tain, mi hausa ei pung deu deu; taksa khawsakna le nitin nun nasa takin a hadam pei a, thil tha le changkang tak tak a suok pei bawk leiin mihriem hai hi lungawiin hlim deu deu awm tak nisi khan lungril beidawng ei pung deu deu a, lungawinawna a pung deu deu hin lungawina kim nei harsat zie chieng takin a suklang awm ie. Mihriem khawsakna ngirhmun an chennaw ang bawkin ei lungawina le lungawinawna khawm inchen naw nih. A pasie deu hai lungawina le lungawinawna a chin deu a, a hausa le a che thei deu hai lungawinawna a lien ting el a nih. A hausa le chethei, inhawi ti le lungawi lem dinga ei ring hai lem hman hman hi a a lungawilo an ni lem hman hmanin an lang. A san iengdang lei a ni nawh, mihriem hai hi duamnaa sip ei ni lei a nih.
Mitin chu lungawina zawngin ei tlan sup sup a, thenkhat in suol le tha khawm thlier hran thiemna nei lo khawp hielin lungawina ei hnawt a, sienkhawm, an tawpna chu sietna le beidawngna a ni hlak. Hi lei hin mani nina le ngirhmuna lungawi thei ni hi thil hlu tak, khawvel sum le paia inchawk zo ruollo chu a nih. Mi tam tak ei lungawi naw a, ei hlim thei ngai nawna san chu ei nina le ei neia lungawi lova ei neinaw dita ei zawng rawp hlak lei a nih.Hi hin khawvela dittawk a um theinaw zie chieng takin a suklang a, mihriem hringnuna hlimna, lawmna le lungawina hai hi khawvelin a mi pek thei ruollo a nizie a chieng hle bawk.
Lungawina le hlimna hai hi mihriem han ei hnawt nasa po leh a hla deu deu amani ti dingin a um hlak. Hi lei hin mani chantawka lungawi inchuk hi mihriem hai ta dinga thil pawimaw tak a nih. Mihriem hai hi chinlem nei lova duam ei ni a, ei pienga inthawk ei thini chena lungawina hnawta beisei nei ei ni leiin khawvel tieng thlir chun lungawina ding hrim hi a um naw a, Pathiena inthawk chau naw chun a um nawh.
Sipuikawn hmuna Khengjang-a mi ang Power Sub-Station sie ning a tih: CM
CCPUR: JAC hmalakna hnuoia mipuiin official fe ding hai dangin boycott hai sienkhawm Manipur CM O.Ibobi Singh chun zanikhan Ankhasuo (Vangai) le Sinzawl (Thanlon) haiah 33/11 KV Power Sub Station hai a hawng. Hieng Power SubStation hawngna hun haia hin AntiTribal Bills 3 Manipur Assembly in a passed hai leia Tribal Movement fe meka JAC Against AntiTribal Bills in Hill district lut thei lo dinga an boycott hai CCPur District MLAsHealth Minister P. Tonsing; HAC Chairman Dr Amo; Parliamentary Secretary V. Valte le Ginsuanhau hai bakah IFCD minister Ngamthang Haokip khawm an thang niin ei thu dawngnain a hril bakah thuhrilna hun khawm an hmang tawl seng nia hril a nih.
Hieng Power SubStation pahni hai hi Manipur State Power Distribution Company Limited (MSPDCL) huoihawtna hnuoia hawngna programme hmang an ni a, MSPDCL Managing Director N. Sarat Singh thangin Electric Departmenta Officials hai bakah District Level Officers (DLOs) tam takin an uop bawk. Power SubStation hai hawngna hi JAC in boycott puong hai sienkhawm Manipur CM O.Ibobi Singh inrawinaa Ministerial team hai chu zanikhan Helicoptera chuongin Power SubStation hawngna hmun hai hi an pan a, tha taka an hawng hnungin zani zantieng 2:00PM khan Helicopter bawkin Imphal tieng ministerial team hi an kir nawk vawng nghal.
Ankhasuo (Vangai) hmuna 33/11 KV Power SubStation hawngnaa CM O.Ibobi Singh in thu a hrilnaa chun, Tipaimukh biel mipui po po hai electric meivar supplytu dingin Sipuikawn hmuna Khengjang Power SubStation a mi ang 132/33 Power SubStation inthut a la ni ding thu hrilin, a hmun ding khawm enfel vawng a ni tah tiin a hril. Vangaia Power SubStation hawnga um hi ruot a ni angin Pastor Jones R. Joute in tawngtainain an hlan. Power SubStation pahni hai hawngna hi JAC in boycott hai sienkhawm buoina um lova tha taka hawng zo niin ei thu dawngna chun a hril.
Hieng Power SubStation hawngna hai hi ADC/CCPura MDC iemanizat khawmin an uop niin ei thu dawngna chun a hril.
Power Substation hawng a ni le inzawm hin electric infetir nghal a ni a, mimal In haia a hrui keilut a ni hun huna hmang thei nghal ni ta dingin ei thu dawngna chun a hril a, Vangai biel po meivar a pekzo hne hle dinga beisei a nih. Patpuihmun chen electric hrui keilut le transformer inthut a nita bakah Sartuinek a khawm transformer inbukna sin thaw mek niin ei thu dawngna chun a hril. (with inputs from Virthi)
Tukum sung Malaria Positive 135 hmu
CCPUR: District Malaria Department/CCPur chun JanuaryDecember 15, 2015 sung khan damnaw mi 18715 hai thisen lain an enfel a, Malaria positive 135 an hmusuok. Malaria hrik pai hmusuoka um hai laia 88 chu Malaria PF an ni a, 47 hai chu Malaria PV an nih. August, 2015 thla sung khan Malaria Positive 35 zet hmusuok an ni a, hi laia 24 Malaria PF an ni a, tukum sunga Malaria positive hmusuoka um tamna tak a nih.
JAC in ni 10 sung ngei Special Assembly
CCPUR: Joint Action Committee (JAC) Against AntiTribal Bills chun, November 9, 2015 nia Charter of Demands an lo peklut le December 24, 2015 nia Inpuis/Tribe Councils, JAC le JPO leaders han thutlukna siema an lo rel ta angin tuta inthawk ni 10 sung ngeia Manipur State Legislative Assembly ko dingin zanikhan Manipur Chief Minister O.Ibobi Singh an ngen.
Workshop on creation & planning model dist
CCPUR: December 30, 2015, 10:00AM khin Dr Himanshu Bhushan, Director, Regional Resource Centre, NEcum Adviser, Public Health & Planning, NHSRC, New Delhi inrawinain District Hospital, Thoubalah “Workshop on Creation & Planning of Model District” um a tih. Hi huna hin CCPur District le Thoubal District haia CMOs hai; DFWO hai; Medical Superintendents; DPMU; CHC le PHC haia MO i/c hai thang an tih.
Music Video Album tlangzar
CCPUR: December 29, 2015, 11:30AM khan Rev. Thangkhosiem, Executive Director, ESC chun Bijang ESC Church campusah Bijang Naupang Sunday School Union in an siem “Nun Nawpna Kim Lal Isu” ti Music Video VolII a tlangzar. Albuma hin hla 13 a um. Kum 2013 khan “Nun Nawpna Kim Lal Isu” VolI tlangzar a nih.
Mrs. Hawihcha, BNSSU, Mother chun, tulai music le dance ‘hiphop’ le rap song’ han thalai hai lungril nasa takin a keihruoi a, hi lei hin thangthar hai hringnun a tha tienga keihruoina ding beiseia ESC Church Bijang in naupang han hla inchuk le sakna kawnga hun an hmang rawn lem theina dinga video album hi a buotsai a ni thu a hril.
Inlirthei khaltu hai fimkhurna ding
CCPUR: Kum 2015 ei hmang zo mek ta a; Churachandpur khawpui lampui a se el chau ni lovin hmun tum tuma Culvert chim hmu ding a um leiin Motor khaltu hai fimkhur thil tul a nih. A bik takin December 31, 2015 (Kumhlui inthla) ni le zan hun haia hin a bik takin thalai hai lai harfim taka motor khal ei vang nuom hle a, hi lei hin Culvert chim le thalo um hai leia eksiden ei tuok nawna dinga ei fimkhur thil tha ning a tih. Ei hriet theina dingin Light House Lanea Zoveng lutna ding lai hin Culvert chim a um bakah Mission Road lai Culvert chim a um bawk.
BJP in hratna an chang ngei an beisei
IMPHAL: January 11, 2016a phairam district Assembly Constituencies 40 huop sunga Municipal le Nagar Panchayat election hung um dinga khin BJP chun hrat filawrna an chang ngei a beisei thu Manipur BJP President Th. Chaoba in zanikhan a hril. Municipal le Nagar Panchayat seats um po poah BJP in candidate an nei vawng ding thu Mr Chaoba chun a hril.
Digital India Week Best performing district
IMPHAL: Ministry of Communication and IT hnuoia Department of Electronic and Information Technology chun Imphal East District le Bishenpur District hai chu Manipura District tin hai laia Digital India Week (1 July to 7 July 2015) Best performing district in a thlang. Award hi India Habitat Centre, New Delhi hmuna Union minister Ravi Shankar Prasad in zani hmasa khan a sem a, Dist. Collector Imphal East M. Joy Singh le Dist. Collector Bishenpur W. Bobby Singh han Award hi an dawng.
Archive Weeks - cum - Exhibition
IMPHAL: Zanikhan Manipur State Archives Complex, Keishampat hmuna Manipur State Archives Dirctorate of Art and Culture, Govt. of Manipur huoihawtnain ‘ 36th Archives Week celebration cum exhibition’ nei a ni a, hi huna hin kum 19011935 inkar sunga maps 56, political agent file le State assembly in resolution an passed hai pholang a nih. Hi huna hin Retd. Principal of LMS Law College Padmashree RK Jhalajit Singh khuollienin a thang a, K. Radhakumar, IAS, Secy. Art and culture le Y. Mohendro Singh, director of college development council hai functional president le guest of honour in an thang.
Assam Rifles han thil tum tum an sem
IMPHAL: 2Assam Rifles chun Dec. 28, 2015 khan Thoubal districta Phundrei Mayai Leikaia Weavers and Handicraft Co Operative Society kuomah puonthui khawl ‘Sewing machine’ set khat an pek.
Chun, December 18, 2015 khan 45Assam Rifles han Imphal East district sunga Nilakuti Sub Divisiona Awang Wabagai khawmi hai kuomah Solar lights an sem bawk niin zanita PRO Assam Rifles thusuok chun a hril.
PLA le KYKL cadre man
IMPHAL: December 28, 2015 khan 45Assam Rifles han Pangei hmuna PLA cadre No 2845, L/Cpl Laimujam Rupachandra @ Tanison (28) S/o (L) Joychandra, of Tangtha Khunou, Thoubal District an man a, Heingang Police Stationah an peklut.
Chun, hi ni ma hin 16Assam Rifles han Leimakhong Mapan hmuna motor inlawn hai an dapnaah KYKL cadre No 777, Batch No 30, SS Pvt Yumkhaibam Lukhoi @ Aboi Singh (23) S/o (L) Y Meipak Singh, of Andro Khuman village, Imphal East District an man a, Lamlai Police stationah an peklut niin zanita PRO Assam Rifles thusuok chun a hril.
Minister chengna in silaia kap
AGRA: Zanikhan Minister of State for Human Resource Ramshankar Katheria chengna in chu NSUI party worker Manish Gautam le midang thenkhat han silaiin an kap. Mr Ramshankar Katheria chengna in hi Agra University, Khandari campus sunga um a ni a, mihriem thi le hliemna tuok ruok chu an um nawh.
Jan. 1 a inthawk Junior level sin laknaah interview um talo ding
NEW DELHI: India rama Central Government ministries le Public Sector Undertaking (PSUs) hai chu January 1, 2015 a inthawk junior level post lakna haiah interview sukbo/thaw ta lo dingin Department of Personnel and Training (DoPT) in Central Govt. ministries tina Secretaries hai an hriettir. Amiruokchu, skill or Physical test chu la sunzawm thei an tih tiin DoPT thusuok chun a hril. Hi thil hi Group C le nongazetted post Group ‘B’category le a tlukpui post lakna haia hmang zawm dinga ti a nih.
Biharah VIPs han sirens an hmang khap
PATNA: Bihar sawrkar chun a state pumpuiah VIPs motor han sirens le hooters an hmang a khap. Siren le hooters hai hi State Governor, Chief Justice of Patna High Court, Fire Tenders le Ambulance hai chauin an hmang a phal. Hi thil hi Bihar state sunga sound pollution pung pei dangna dinga Chief Mininister Nitish Kumar inrawinaa cabinet meeting in an rel a nih. Hi khapna dan bawsetu hai chunga action khau tak la dingin officials hai an hriettir.
India ramah RNI registered newspaper 1,05,443 a um
NEW DELHI: India rama chun Registrar of Newspapers for India (RNI) a in registered Chanchinbu (newspapers) 1,05,443 a um niin Information and Broadcasting Minister Arun Jaitley chun zanita Registrar of newspapers for India siem 59th Annual report a tlangzarna huna a hril. Mr Jaitley chun, ei rama democracy sawmhringna dingin Chanchinbu hai an pawimaw hle thu a hril a, khawvel hmun hran hran haiah Chanchinbu hai intar deu deu hai sienkhawm India rama chun a pawimawna a la danglam chuong naw a, tuchena khawm hin India rama Chanchinbu inthangna chu zaah 6 a inthawk 8 percent in a pung a, hienganga Chanchinbu pung pei nasan le an pawimawna a danglam chuong nawna san chu hnam bing le state binga insuo chanchinbu a pung lei a nia hriet a ni thu a hril a. Chanchinbu/Mediaa Chanchin thar le mimal ngaidan insuoa um hai chu ngaipawl lo dingin mipui hai a ngen.
India rama chun kum 201415 sung khan RNI a in register thar 5,817 a um a, India rama Hindi tawnga chanchinbu circulation zat chu 25 crore chuong niin a tam tak an ni a, a dawttu chu English niin circulation 6 crore chuong a nih tiin zanita RNI report chun a hril. Bengali newspaper Ananda Bazar Patrika chu India rama circulation tam tak a ni a, Bengali (kolkata edition) in copies 11,78,779; Hindustan Times, English (Delhi Edition) 10,18,367 le Times of India (Delhi Edition) 9,72,180 a nih.Times of India English (33 editions) chun multieditionah nitin copies 46,30,220 published a, a tam tak an ni a, a dawttu chu Dainik Bhaskar, Hindi (34 editions) 36,94,385 a nih. Chanchinbu tamna tak state chu Uttar Pradesh niin Chanchinbu 16,130 a u m a, Maharashtraah 14,394 le Delhi –ah 12,177 a um.
Naxalites helpawl 23 an inpe
RAIPUR: Chhattisgarha Baster districta chun zanikhan nuhmei 3 thangin Naxalites cadres 23 hai chu Police kutah an inpe. Maoist ideologyah an lungawi tanaw bakah ringzona an nei tanaw lei le sawrkarin surrender policy a siem anga nundan pangngai hmanga hamthatna dawng an nuom leia inpe an nih tiin Baster region Superintendent of Police R.N. Dash chun a hril. Inpe hai laia 6 hai chu Kudum Khodra village mi, 5 hai chu Chandragiri village mi, 11 hai chu Biaspur village mi le pakhat chu Pungarpa village a cheng a nih. Inpe hai laia pahni Madkami Hidmo le Ando Markam hai chu sawrkarin luman Rs. 1 lakh neia a lo puong ta an ni a, inpe hai hi lawmpuinain Rs. 10,000/ seng inhlan an ni bawk. Kar hmasa khan Chintalnar area, Sukma Districtah Naxalites 70 an lo inpe ta bawk a nih.
Assam BJP in Congress leader chungah FIR
GUWAHATI: December 27, 2015 nia Congress leader Nilmani Sen Deka in Union Human Resource Development minister Smriti Irani chu PM Narendra Modi second wife a nih tia a hrilna le inzawmin BJP Assam President Sarbanand Sonawal in Deka chungah FIR a file a, Deka chunga action la dingin a ngen. Deka tawngkam hmang dodalnaa zani hmasaa BJP workers han Guwahatia Congress office tuola protest an nei huna inbeituonaah mi tam takin hliemna an lo tuok pha ta a nih. Hieng laizing hin Assam Congress President Anjan Dutta chun BJP workers han Congress workers hai an bei leiin Congress workers 7 zetin hliemna an tuok a nih tia intumin BJP workers 4 hai chungah FIR a file a, hi thua hin Police chun BJP workers 4 an man.
Assam CM Tarun Gogoi chun a Agriculture Adviser Nilmani Sen Deka le Parliamentary Secretary Rupjyoti Kurmi han PM le Union HRD minister chunga tawngkam mawilo a hmang chu a lawmnaw thu a hril ve.
UGC in online Admission system
NEW DELHI:University Grants Commission (UGC) chun academic Session nawka inthawk University tin hai chu Online Admission System hmang thei dinga induong dingin an hriettir. Hi thua hin UGC Chairman Ved Prakash chun Universities tin hai chu an hmalak dan progress report pe dingin an hriettir bawk. Hi thil hi admission thawna langtlang (transparency) lem theina ding; students le nu le pa han harsatna tam tak an tuok hlak chingfelna dinga thaw tum a nih.
Kum 2015 sungin journalist 110 zet an sinthawna hmuna that
PARIS: Reporters Without Borders (RSF) in zanita report a puonglang danin kum 2015 sung hin khawvel pumpuiah Journalist (Chanchinbumi) 110 zet that an nih. Journalist thi hai laia 67 hai chu an sinthaw (duty) na hmuna that an ni a, 43 dang hai chu a san mumal hriet lova thi an nih. Hi baka hin nonprofessional “citizenjournalist’ 27 le media workers 7 that an ni bawk niin RSF report chun a hril. Kum 2014 a journalist thi hai laia hmun thuma thea hmun hni chu indona (war zones) a an dutyna hmuna that an ni a, tukum (2015) a journalist thi hai laia a tamlem hmun 3a thea hmun 2 hai chu ram ralmuongna rama thi an ni thung.
India rama chun kum 2015 kum bula inthawk khan journalist 9 that an ni a, hieng hai laia thenkhat chu politicians hai inrawlna organised crime report lei le thenkhat chu illegal mining an cover leia that niin RSF report chun a hril a, hi lei hin India ram chu Asia rambung laia Journalist hai ta dinga rambung himlo pawl laia mi a nih tiin RSF chun a hril a, India sawrkar chu Journalist hai himna dinga plan siem dingin a ngen.
VAWISUN THUPUI
Nangni, unauhai, suok ni lo, dinga ko in ni sih a, nisienlakhawm, suok in ni nawna chu tisa ta dinga remchangah hmang naw unla, hmangainain rawng inbawl tuo pek seng lem ro. Galati 5:13
Editorial
Lungawina
Mihriem hai hriselna dinga tha le pawimaw tak pakhat chu lungawina hi a nih. Ei lung a awi chun ei hadam a, ei hadam chun ei hrisel hlak a nih. Kristien hai hin iengkima lungawi ding ei nizie ei hril uor hle. Sienkhawm mipui chau ni lovin Pastors le Kohran Upa hai khawm an hringnun hlimin an lawm zing theinaw ang bawkin lungawina kim nei hi chu ei vang vieu ring a um. Iengtik hun le hmuba khawm lungawi taka um thei mihriem hi chu khawvela hin ei vang vieu ring a um bawk. Sum le pai, rohlu le thil dang dang tam tak nei tam le tlawm khawmin mihriem nuna hin lungawina an nghat chuong nawh. Khawvela hausa tak le thilthaw thei tak tak hai khawmin lungawina kim an hmu thei chuong nawzie chu, khawvela mi inlar le hausa tam tak lungril beidawng leia mani inthat an khat tawka hriet dingin an um zing a. Lungawina zawnga inruithei chitin reng thawa nun hlimna famkim zawngtu hai khawmin an hmu chuong naw a, chu nekin an hringnun sukrinum zuoltu le an ta dinga harsatna le beidawngna nasa lem intluntu a hung ni pei hlak.
Khawvela natna tibaium tak takhai chau hi mihriem hringna suottu an ni tanaw a, chu nekin tulai khawvela mihriem hringna suot rawn tu tak chu lungawinawna le lungril beidawngna (depression) ‘ lifestyle disease’ an i ti el hi a hung ni ta hiel a nih. Khawvel a changkang pei a, tienlai le tekhi chun ei hausa tawl tain, mi hausa ei pung deu deu; taksa khawsakna le nitin nun nasa takin a hadam pei a, thil tha le changkang tak tak a suok pei bawk leiin mihriem hai hi lungawiin hlim deu deu awm tak nisi khan lungril beidawng ei pung deu deu a, lungawinawna a pung deu deu hin lungawina kim nei harsat zie chieng takin a suklang awm ie. Mihriem khawsakna ngirhmun an chennaw ang bawkin ei lungawina le lungawinawna khawm inchen naw nih. A pasie deu hai lungawina le lungawinawna a chin deu a, a hausa le a che thei deu hai lungawinawna a lien ting el a nih. A hausa le chethei, inhawi ti le lungawi lem dinga ei ring hai lem hman hman hi a a lungawilo an ni lem hman hmanin an lang. A san iengdang lei a ni nawh, mihriem hai hi duamnaa sip ei ni lei a nih.
Mitin chu lungawina zawngin ei tlan sup sup a, thenkhat in suol le tha khawm thlier hran thiemna nei lo khawp hielin lungawina ei hnawt a, sienkhawm, an tawpna chu sietna le beidawngna a ni hlak. Hi lei hin mani nina le ngirhmuna lungawi thei ni hi thil hlu tak, khawvel sum le paia inchawk zo ruollo chu a nih. Mi tam tak ei lungawi naw a, ei hlim thei ngai nawna san chu ei nina le ei neia lungawi lova ei neinaw dita ei zawng rawp hlak lei a nih.Hi hin khawvela dittawk a um theinaw zie chieng takin a suklang a, mihriem hringnuna hlimna, lawmna le lungawina hai hi khawvelin a mi pek thei ruollo a nizie a chieng hle bawk.
Lungawina le hlimna hai hi mihriem han ei hnawt nasa po leh a hla deu deu amani ti dingin a um hlak. Hi lei hin mani chantawka lungawi inchuk hi mihriem hai ta dinga thil pawimaw tak a nih. Mihriem hai hi chinlem nei lova duam ei ni a, ei pienga inthawk ei thini chena lungawina hnawta beisei nei ei ni leiin khawvel tieng thlir chun lungawina ding hrim hi a um naw a, Pathiena inthawk chau naw chun a um nawh.
