Felicitation cum advent Christmas
CCPUR: District Administration, CCPur hmalaknain December 22, 2015, 3:00PM hin DTC Hall, Tuibuongah Tamchon Memorial Championship 2015, New Delhi hmuna zu thang (football heroes) Muvanlai FC, SSPP FC le Hmar FC hai felicationcum Advent Christmas 2015 hmang ning a tih.
Hi huna hin Nk. Emma Pachuau; Naemi Haokip, Joycee Vaiphei le LL Muona han hla sak an ta, Mr Lunminthang, DC, CCPur in lawmlutna thucha hril a ta, Rev. Rohminglien Pakhuongte, Vice President, (Education) PMS in Chrismas thucha (message) hril a ta, Tribe leaders le student leaders hai le Team managers le captains han thuhrilna hun hmang bawk an tih. Zantieng ruoi kiltlang ning a tih.
Hi huna hin Muvanlai FC, SSPP FC le Hmar FC haia team Managers, Coaches le players hai thang seng dingin District Administration chun a fiel a, Tribe leaders, Student organisation leaders, Women and Philanthropic Organisation leaders hai khawm uop dingin a fiel bawk.
9th Tamchon Trophy a khan Muvanlai FC in champion an lak a, SSPP FC in pahnina le Hmar FC a pathumna an nih.
Scholarship sum Cheque a sem
CCPUR: industan Petroleum Corporation Ltd hnuoia “Means Scholarship for SC/ST/OBC” hmu Rayburn College- a inthawk student 73 hai kuomah zani 1:30PM khan Rayburn College campusah scholarship sum Chequea sem a nih. Scholarship sum hi Rev. Khen P.Tombing, Principal, Rayburn College in a sem a, scholarship hi an ang vawng naw a, Rs.4,800/ Rs.5,300/; Rs.5,900 le Rs.6,500/ a nit awl. Rev Khen P.Tombing chun, Hindustan Pretroleum Corporation Ltd a thawk Lalawmpuia of Bungmual ditsakna leia Rayburn College student han scholarship hi an dawng a ni thu a hril.
Hill House Tax chungthu an hriltlang
CCPUR: December 21, 2015, 10AM khan Henglep SubDivision sunga Chief Association han General Body meeting an nei a, state sawrkarin Hill House Tax le Kailam Wildlife Sanctuary thua Gazzette an suo chungthu an hriltlang. Hi huna hin Seiminthang, Fin. Secy in finance report a pek bakah Soiminlian Lengen, SDO/BDO, Henglep khawmin thuhrilna hun a hmang. Henglep SubDivn. sunga hin khuo 170 vel a um.
Relief Material sem
CCPUR: Zanikhan DTC Hall, Tuibuongah Sangaikot TD Block hnuoia tuilien leia harsatna tuortu hai kuomah relief material sem a ni a, ungkuo 693 hai kuomah sungkuo pakhat peiah Rs. 2,000/ sem a nih. Sangaikot block hnuoia in se vawng sungkuo 4 hai kuomah Rs. 10,000/seng pek an ni a, December 22, 2015 khawm hin relief material sem sunzawm ning a ta, hi zoah Saikot block hnuoia tuilien leia harsatna tuortu hai kuoma sem nawk ning a tih.
Lawmpuina hun an hmang
CCPUR: UZO GHQ chun zani zantieng 1:00PM khan Zogal Memorial Hall, Zovengah Ms Mannuamching in IAS a hmu lawmpuina; Sesei Zou, Chairman, ADC Chandel; Grace Zamnu, EM/ADCC; Hausuanthang, MDC le Pumtulthang, MDC hai lawmpuina hun an hmang. Rt. Rev Hangminthang, Bishop, MELC in tawngtaipekna a nei a, zantieng thlaithleng an awt tlang.
Thuomhnaw bag 30 an sem
CCPUR: Zodawn Warm Christmas inti pawl hai chun December 17, 2015 a inthawk khan Zodawn khuo 10 (Tangpizol A & B, Likhai, Bualkot, sehken, Lunmual, Tonzang, L. Kanaan, Behiang, Hiangtam (V) haiah secondhand thuomhnaw puonlum bags 30 vel an hang sem. Hi thil hi Dr Steve Minlun, Ph.D le Social worker Khamlianlal @ Kham Zotal hai hmalakna hnuoia thaw a nih.
Ralna Rs. 6390 a lut
CCPUR: Zanikhan District Hospitala JPO kutah tribal martyrs hai ralna Rs. 6390/ a lut. Zanita ralna petu hai chu Lalam S. Gangte of Chiengkawnpang Rs 500, Chinkhosum Tangpua & Family, IB Road, Hiangtam Lamka Rs 1000, Tangnuam Thumkhom Pawlte Rs 3390, H. Hauzakhum of Dinthar, Aizawl in Rs 1000, le H. Ginkholal of College Veng, New Lamka Rs 500/ hai a nih.
Dec. 22, 2015 a Dist. Hospital morgue a thingpui inlumtu ding HYA ning an ta, lengkhawm ding V. Munhoi, Bethel, Neihsial Veng le Manniang Veng nupui hai ning an tih.
Supreme Court in DCW ngenna a hnawl
NEW DELHI: December 16, 2012 nia Delhlia medical student nuhmei kum 23 mi Nirbhaya (Jyoti Singh) Bus tlan lai sunga suolluina le inzawma man hai laia a naupang tak kum tling lo pakhat Supreme Court in an suo zalen na le inzawma Delhi Commission for Women (DCW) in tha ti loa insuo a nina sukchawl dinga ngenna a siem chu zanikhan hearing nei a ni a. Vacation bencha Justice AK Goel le Justice UU Lalit hai chun, hi chungchang hi a tul chun dan ang peia thaw a ni ding thu an hril a. Hi thubuoi a kum tlinglo insuo zalena um ta hi Juvenile Law hnuoiah kum 2 dang insiemthatna (home) a la hrentang a remti lovin, India Constitution article 21 hnuoia nundan pangngaia mi an khawsak/um theina chanvo lakpek theina dan iengkhawm a um nawh tia DCW ngenna hi an hnawl a nih.
Insuo zalena um pa hi December 19, 2015 a kha Court in Remand Home - a kum 3 a um hnunga an suo zalen a ni a, man a ni huna khan um la tlingnaw sienkhawm tuhin chu kum 20 mi a ni ta a, hi leia DCW in insuo zalen dinga thutlukna a siem chu la hmang hri lo dinga Supreme Courta ngenna a siem a nih. Hi thubuoia intum mi 4 hai chu thi dinga thiemnaw inchangtir an ni a, mi pakhat chu Jailah a thi tah. Nirbhaya kha suolluia a um zo ni 13 hnungin Singaporea enkawla a umna hmuna a thi a nih.
Supreme Court in DCW ngenna a hnawl hin zanikhan Parliamenta khawm hril a hlaw hle a, members hai chun Juvenile Justice Act Amendment an rang thei anga thaw an rawt tawl a, Rajya Sabha a chun vawisun hin Juvenile Justice Bill hriltlang dinga remti a nih.
Nirbhaya nu le pa hai chun DCW ngenna Supreme Court in a hnawl hi an tuorna hle a, an la bei pei ding thu zanikhan Jantar Mantar hmuna an hril. Anni thlawptu Jantar Mantara protest neia fekhawm mi tam tak hai chun hi suolluinaa inrawl hai chu thi dinga thiemnaw inchangtir dingin an phut a nih.
Manipur Assembly Winter Session zo a ni tah
IMPHAL: December 18, 2015 a inthawka tan 10th Manipur Assembly 12th Session chu zanikhan sunzawm nawk a ni a. Hi huna hin December 18, 2015 nia passed dinga phar Bills pathumBillsManipur Municipaties (Ninth Amendment) Bill,2015, Manipur Medicare Service Personnel and Medicare Service Institutions(Prevention of Violence le Damage to Property) Bill 2015 and Manipur Motor Vehicle Taxation (Second Amendment) Bill 2015 lungruol takin member han an passed. Amiruokchu, Manipur Participatory Irrigation Water Users’ Bill 2005 zanita phara um ruok chu members 60 han an lakkir. Hieng Bills 3 hai passed a ni zo hin 10th Manipur Assembly session 12na (Winter Session) chu zo le suktawp a ni tah.
Zanita Manipur Assembly 11:00AM a inthung tan huna microphone infuknaw leiin Speaker chun Assembly inhung darkar iemanizat a sukchawl pha a, zani zantieng 2PM khan inthung tan thei chau niin ei thu dawngna chun a hril.
March thla chenah street light
IMPHAL: Manipur CM le Power minister ni bawk O.Ibobi Singh chun, Imphal khawpui sunga Paona Bazar le Thangal bazar haia street light inbunna chu March, 2016 chena zo ning a tih tiin zanikhan Assembly hmuna MLA RK Imo indawnna dawnin a hril.
JDDC JiribamImphal bandh a fe pei
IMPHAL: Jiribam District Demand Committee (JDDC) in Jiribam district puitlinga hlangkai dinga an nawrna le inzawma December 20, 2015 zingkar 6AM a inthawk darkar 32 sung ImphalJiribam Roadah bandh an thaw chu a la fe pei a, zanikhan bandh supporters han motor inlawn hai an dang a, bandh leia buoina lien taluo suok ruok chu hriet a ni nawh.
Hieng laizing hin Information Centre for Hill Areas of Manipur (ICHAM) chun ngenna siemin Christmas festival ding leiin tukhawma bandh thaw lo dingin an ngen bakah JDDC chu an bandh thaw sawn hla dingin an ngen.
Nurse recruitment result January ah puong dingin Director in a lo tiem
IMPHAL: August 18, 2013 a ANMs 200 le GNMs 21 lakna dinga recruitment neia um result chu January, 2016 thla sunga puong ni dingin Health Director O. Ibomcha chun a lo tiem niin All Manipur ANM/GNM Written Test Faced candidates Association han Director a office complexa an van hmupui zoa reporter hai an inhmupui huna an hril. Written test neina files hai enfel mek a ni thu a lo hril bawk niin hi Association a an hotu Sanasam Malemnganbi chun a hril. Hi thua hin Association le Health Minister hai meeting nei dan ding khawm department in a ngaituo pui ding thu le result puonglang ding thua Directorate chun Law Department khawm an rawnpui mek niin Director chun a hril. Director inhmupui dinga va fe hai hi zanikhan Directorate office buildingah security hai leh iemanichen an innawrtuo.
Muslim ni dinga ring thisa ruong hmu
IMPHAL: Zani hmasa khan Thoubal Districta Thangjing chinglak irak hmuna Muslim ni dinga ring pasal pakhat thisa ruong hmu a nih. Chun, Wangkhei Keithel Asangbi, Imphal East District hmuna nonManipuri pasal thisa ruong hmua um khawm a hming hriet a la ni nawh.
MEEU in an hlaw sukpung dingin an ngen
IMPHAL: Manipur Electricity Employees’s Union (MEEU) chun muster roll le work charge employees hai hlaw le allowance sukpung dingin an ngen a, an ngenna hi sukpuitling pek an ninaw chun December 31, 2015 khin nuorna an nei ding thu MEEU working president Y. Ranapratap chun zanita Keishampat hmuna chanchinbumihai an hmupui huna a hril. State Labour Department thupek dungzui chun skilled employees, semi skilled le nonskilled labourers hai hlaw chu Rs. 8190, Rs. 7440 le Rs. 6780/ neka tlawm ni lo ding ti a ni laiin tuhin skilled, semiskilled le unskilled hai chu Rs. Rs 3078/ , Rs. 3899/ le Rs. 3663/ pek an ni a, tulai ngirhmun leh an mil tanaw hle a nih tiin Y. Ranapratap chun a hril. MEEU chun an hlaw sukpung dinga ngenna memorandum vawi tam tak an lo pek ta thu le a nuhnung tak chu December 7, 2015 khan sawrkar kuoma an pek niin a hril.
ATMa inthawk inruk Rs. 38 lakh hmukir vawng
IMPHAL: December 3 le 4, 2015 haia Senapati distrit sunga Hazungla house laia um ATM bootha inthawk inruk hmang pawisa Rs. 38,62,500 chu hmukir vawng a ni tah. Hi ATM rawk a ni le inzawm hin December 7, 2015 khan Senapati SP K. Kabib, Addl. SP Khuplen Lhouvum, SDPO Hemand Pandey, OC Jonah Riamei hai inrawinaa Police chun ringhla mi 3 an man man a nih.
LS le RS in SC/ST Amendment Bill an passed
NEW DELHI: Zanikhan Lok Sabha le Rajya Sabha haia chun SC and ST (Prevention of Atrocities) Amendment Bill an passed. Rajya Sabha a chun hriltlangna iengkhawm um lovin supplementary demands for 201516 an passed bawk.
July- Oct. Sung HIV case thar a um nawh
AIZAWL: Mizoram State AIDS Control Society (MSACS) chun, JulyOctober, 2015 sung khan Mizoramah HIV invawi (case) thar hmu a ni nawh tiin a hril. MSACS chun October 1990 a inthawk June, 2015 chen khan Mizoramah HIV invawi 10,448 an hmu a nih. HIV invawi hmu suok thar hai laia 69.31 percent hai chu sex hmangnaa inthawka kai an ni a, a dawttu chu inkapna thim (needles) inhmang tawm lei niin MSACS thusuok chun a hril.
EC team Assamah
GUWAHATI: Kum 2016a Assam rama Assembly election hung um ding le inzawmin full Election Commission team CEC Dr Nasim Zaidi le Election Commissioners hai chu zanikhan Guwahati (Assam) ah an inzin a, political parties tum tum 8 a representatives hai an inhmupui. EC team hin vawisun hin District tina Deputy Commissioners le SP hai bakah senior official dang dang hai inhmupui an tih.
FIFA in Sepp Blatter le Platini kum 8 sung a ban
Football khawvela thuneina insang tak nei FIFA Ethics Committee chun, suspendeda um FIFA President Sepp Blatter le European Football Chief Michel Platini hai corruption thil leiin kum 8 sung football le inzawm activities hrim hrim nei thei lo dingin ban a puong bakah US dollar Rs. 40,000 le Rs. 80,000 chawi dingin an hriettir bawk. Blatter (79) hi kum 17 sung zet FIFA lo inrawi ta a ni a, Platini hi France player suongum, a hun laia player tha tak lo niin kum 2002 a inthawk UEFA lo inrawi ta a nih.
VAWISUN THUPUI
Mihriem inditnahai chu sukhnuoiin um a ta, mihai chapona chu suktlawmin um bawk a tih; chu nia chun Lalpa chau chu chawisangin um a tih. Isai 2:17
Editorial
Development boycottna
Manipur Assembly in August 31, 2015 nia AntiTribal Bills pathum a passed hai leia JAC indina um inrawinain tribal movement ei fepui mek a, tukum Krismas boruok khawm iemanichenah a hlap dei nghe nghe in an lang. Tribal MLA, a bik takin Churachandpur District sunga MLA 6 hai chu JAC in boycott an puong leiin hieng Bills 3 hai passed a ni a inthawk khan anni le an rawi hai khawm ri nei an um ta meu naw a, sienkhawm hieng bill pathum hai chungthua inban dinga ei phutna ruok chu an ngaipawimaw naw hle.
Tlangmi hnam tin chun Assembly in Bills pathum a passed hai sawrkarin lakir sien tha ei ti seng, hi chungthua hin JAC khawmin Bills 3 hai chungthua state sawrkar le inbiekna neia, inbiekremna a um theina dingin an ditdan le siemthat le sukdanglam dinga an dit hai pelutin deadline an lo pek a, sienkhawm deadline tawp hnung tuchena khawm sawrkar chun dawnna a la hung pek naw a nih. Iengleia sawrkarin ei thil phut hai a ngaisak naw am ning a ta! Manipura Assembly seats 60 um hai laia 20 chu Tribal seat an ni a, state sawrkar ta ding chun ei thil phut hai le ei lungawinawna hai hi a ngaisak ve chu a phu ve hlein ei hriet a, mipui khawmin ei tuor tawk ta hle bawk.
Ei ram le leilung humhalna ding chun theitawp suoa, huoisen taka thangkhaw ding ei ni lai zing hin ei thanglak dan ruok chu ei ennawn a tulin an lang. State sawrkar le tribal MLA hai boycott siin thil thenkhata sawrkar hmalakna ei lawmlut nawk si hi thil indik le thaw dan tha ni thei dingin an lang nawh. District hospital Morguea Cold Storage ding cheng nuoitel man state sawrkar suma inchawk ei lawmlut a, Directorate of Health Services hnuoia Manipur sawrkar chun tulai hnai el khan District Hospitalah khawl thar a hung inthut a, Electricity Department in Police Station tuol traffic point lai Street light var takel an tung bawk a, chuongang bawkin khawpui sunga Street light ban phunna ding siem zing a ni bawk.
Hieng lai zing hin Churachandpur district sunga Vangai SubDivision sunga Electric Power SubStation Dec. 22, 2015 nia hawng tumna um le inzawmin Joint Action Committee (JAC) Against AntiTribal Bill in hi SubStation hawng tumna an boycott thu le mipui tukhawma thlawp lo le thang lo dinga December 18, 2015 nia thusuok an siem hi thil indik a ni chie am? MLA hai ei lo boycott a ni khawmin Development (hmasawnna) sin thawna chen Boycott hi thil indik a ni am? ti hi ei ngaituo a tul. Hawng nuom tal chun MLA hai thang lo khawmin hawng thei a nih. Hi lei hin SubStation hawng tumna programme boycott tawp el hi chu thiltha le thil indik niin an lang nawh. MLA hai ei boycott ti chu ei hriet seng a, sienkhawm JAC in Development sinthawna an Boycott thu ruok chu hriet a ni nawh. Tribal MLA hai hawng dinga ti a ni nawa, Manipur CM in a hawng ding ti a ni leiin a programme kha boycott kher tulin an lang nawh.
Development sinthawna boycott ei ni sinaw chun hiengang thil boycott puong hi JAC khawmin ching ta ngainaw sien nuom a um. Bills pathum hai leia ngaidan le ditdan inkal leia harsatna ei tuok mek bakah ei movement in iengchen am hun a la aw ding ti khawm hriet ni si lova Development sinthawna ei boycott a ni chun inhawi muola dak naw hleng ei ta, eini sunga inthuruolna nekin inkhingna nasa lem a la hung ra suok ngei ding a nih. Hmasawnna sin thawna hai hi boycott puong ta ngainaw inla, JAC khawmin a hmalak dan ennawn sien, boycott ding chin le boycott lo ding chin felfai takin siem sienla thiltha ni ngei a tih. Thenkhata ruo insur tira, thenkhata nisa ei insat tir a ni chun thiltha suok ngainaw nih. Boycott ding boycott lo le dodal tak tak ngam si loa, boycott lo ding ei boycott hin ei ram le hnam ta dingin thiltha intlun naw nih.A nina taka chun tuta tuma JAC in Power SubStation hawng ding boycott an puong kha ei rama development sinthaw boycottna a nih ti inla ei hril suol ring a um nawh. Ei rama development sinthaw sukbuoina a ni leiin tuta hnung ching tanaw inla nuom a um.
CCPUR: District Administration, CCPur hmalaknain December 22, 2015, 3:00PM hin DTC Hall, Tuibuongah Tamchon Memorial Championship 2015, New Delhi hmuna zu thang (football heroes) Muvanlai FC, SSPP FC le Hmar FC hai felicationcum Advent Christmas 2015 hmang ning a tih.
Hi huna hin Nk. Emma Pachuau; Naemi Haokip, Joycee Vaiphei le LL Muona han hla sak an ta, Mr Lunminthang, DC, CCPur in lawmlutna thucha hril a ta, Rev. Rohminglien Pakhuongte, Vice President, (Education) PMS in Chrismas thucha (message) hril a ta, Tribe leaders le student leaders hai le Team managers le captains han thuhrilna hun hmang bawk an tih. Zantieng ruoi kiltlang ning a tih.
Hi huna hin Muvanlai FC, SSPP FC le Hmar FC haia team Managers, Coaches le players hai thang seng dingin District Administration chun a fiel a, Tribe leaders, Student organisation leaders, Women and Philanthropic Organisation leaders hai khawm uop dingin a fiel bawk.
9th Tamchon Trophy a khan Muvanlai FC in champion an lak a, SSPP FC in pahnina le Hmar FC a pathumna an nih.
Scholarship sum Cheque a sem
CCPUR: industan Petroleum Corporation Ltd hnuoia “Means Scholarship for SC/ST/OBC” hmu Rayburn College- a inthawk student 73 hai kuomah zani 1:30PM khan Rayburn College campusah scholarship sum Chequea sem a nih. Scholarship sum hi Rev. Khen P.Tombing, Principal, Rayburn College in a sem a, scholarship hi an ang vawng naw a, Rs.4,800/ Rs.5,300/; Rs.5,900 le Rs.6,500/ a nit awl. Rev Khen P.Tombing chun, Hindustan Pretroleum Corporation Ltd a thawk Lalawmpuia of Bungmual ditsakna leia Rayburn College student han scholarship hi an dawng a ni thu a hril.
Hill House Tax chungthu an hriltlang
CCPUR: December 21, 2015, 10AM khan Henglep SubDivision sunga Chief Association han General Body meeting an nei a, state sawrkarin Hill House Tax le Kailam Wildlife Sanctuary thua Gazzette an suo chungthu an hriltlang. Hi huna hin Seiminthang, Fin. Secy in finance report a pek bakah Soiminlian Lengen, SDO/BDO, Henglep khawmin thuhrilna hun a hmang. Henglep SubDivn. sunga hin khuo 170 vel a um.
Relief Material sem
CCPUR: Zanikhan DTC Hall, Tuibuongah Sangaikot TD Block hnuoia tuilien leia harsatna tuortu hai kuomah relief material sem a ni a, ungkuo 693 hai kuomah sungkuo pakhat peiah Rs. 2,000/ sem a nih. Sangaikot block hnuoia in se vawng sungkuo 4 hai kuomah Rs. 10,000/seng pek an ni a, December 22, 2015 khawm hin relief material sem sunzawm ning a ta, hi zoah Saikot block hnuoia tuilien leia harsatna tuortu hai kuoma sem nawk ning a tih.
Lawmpuina hun an hmang
CCPUR: UZO GHQ chun zani zantieng 1:00PM khan Zogal Memorial Hall, Zovengah Ms Mannuamching in IAS a hmu lawmpuina; Sesei Zou, Chairman, ADC Chandel; Grace Zamnu, EM/ADCC; Hausuanthang, MDC le Pumtulthang, MDC hai lawmpuina hun an hmang. Rt. Rev Hangminthang, Bishop, MELC in tawngtaipekna a nei a, zantieng thlaithleng an awt tlang.
Thuomhnaw bag 30 an sem
CCPUR: Zodawn Warm Christmas inti pawl hai chun December 17, 2015 a inthawk khan Zodawn khuo 10 (Tangpizol A & B, Likhai, Bualkot, sehken, Lunmual, Tonzang, L. Kanaan, Behiang, Hiangtam (V) haiah secondhand thuomhnaw puonlum bags 30 vel an hang sem. Hi thil hi Dr Steve Minlun, Ph.D le Social worker Khamlianlal @ Kham Zotal hai hmalakna hnuoia thaw a nih.
Ralna Rs. 6390 a lut
CCPUR: Zanikhan District Hospitala JPO kutah tribal martyrs hai ralna Rs. 6390/ a lut. Zanita ralna petu hai chu Lalam S. Gangte of Chiengkawnpang Rs 500, Chinkhosum Tangpua & Family, IB Road, Hiangtam Lamka Rs 1000, Tangnuam Thumkhom Pawlte Rs 3390, H. Hauzakhum of Dinthar, Aizawl in Rs 1000, le H. Ginkholal of College Veng, New Lamka Rs 500/ hai a nih.
Dec. 22, 2015 a Dist. Hospital morgue a thingpui inlumtu ding HYA ning an ta, lengkhawm ding V. Munhoi, Bethel, Neihsial Veng le Manniang Veng nupui hai ning an tih.
Supreme Court in DCW ngenna a hnawl
NEW DELHI: December 16, 2012 nia Delhlia medical student nuhmei kum 23 mi Nirbhaya (Jyoti Singh) Bus tlan lai sunga suolluina le inzawma man hai laia a naupang tak kum tling lo pakhat Supreme Court in an suo zalen na le inzawma Delhi Commission for Women (DCW) in tha ti loa insuo a nina sukchawl dinga ngenna a siem chu zanikhan hearing nei a ni a. Vacation bencha Justice AK Goel le Justice UU Lalit hai chun, hi chungchang hi a tul chun dan ang peia thaw a ni ding thu an hril a. Hi thubuoi a kum tlinglo insuo zalena um ta hi Juvenile Law hnuoiah kum 2 dang insiemthatna (home) a la hrentang a remti lovin, India Constitution article 21 hnuoia nundan pangngaia mi an khawsak/um theina chanvo lakpek theina dan iengkhawm a um nawh tia DCW ngenna hi an hnawl a nih.
Insuo zalena um pa hi December 19, 2015 a kha Court in Remand Home - a kum 3 a um hnunga an suo zalen a ni a, man a ni huna khan um la tlingnaw sienkhawm tuhin chu kum 20 mi a ni ta a, hi leia DCW in insuo zalen dinga thutlukna a siem chu la hmang hri lo dinga Supreme Courta ngenna a siem a nih. Hi thubuoia intum mi 4 hai chu thi dinga thiemnaw inchangtir an ni a, mi pakhat chu Jailah a thi tah. Nirbhaya kha suolluia a um zo ni 13 hnungin Singaporea enkawla a umna hmuna a thi a nih.
Supreme Court in DCW ngenna a hnawl hin zanikhan Parliamenta khawm hril a hlaw hle a, members hai chun Juvenile Justice Act Amendment an rang thei anga thaw an rawt tawl a, Rajya Sabha a chun vawisun hin Juvenile Justice Bill hriltlang dinga remti a nih.
Nirbhaya nu le pa hai chun DCW ngenna Supreme Court in a hnawl hi an tuorna hle a, an la bei pei ding thu zanikhan Jantar Mantar hmuna an hril. Anni thlawptu Jantar Mantara protest neia fekhawm mi tam tak hai chun hi suolluinaa inrawl hai chu thi dinga thiemnaw inchangtir dingin an phut a nih.
Manipur Assembly Winter Session zo a ni tah
IMPHAL: December 18, 2015 a inthawka tan 10th Manipur Assembly 12th Session chu zanikhan sunzawm nawk a ni a. Hi huna hin December 18, 2015 nia passed dinga phar Bills pathumBillsManipur Municipaties (Ninth Amendment) Bill,2015, Manipur Medicare Service Personnel and Medicare Service Institutions(Prevention of Violence le Damage to Property) Bill 2015 and Manipur Motor Vehicle Taxation (Second Amendment) Bill 2015 lungruol takin member han an passed. Amiruokchu, Manipur Participatory Irrigation Water Users’ Bill 2005 zanita phara um ruok chu members 60 han an lakkir. Hieng Bills 3 hai passed a ni zo hin 10th Manipur Assembly session 12na (Winter Session) chu zo le suktawp a ni tah.
Zanita Manipur Assembly 11:00AM a inthung tan huna microphone infuknaw leiin Speaker chun Assembly inhung darkar iemanizat a sukchawl pha a, zani zantieng 2PM khan inthung tan thei chau niin ei thu dawngna chun a hril.
March thla chenah street light
IMPHAL: Manipur CM le Power minister ni bawk O.Ibobi Singh chun, Imphal khawpui sunga Paona Bazar le Thangal bazar haia street light inbunna chu March, 2016 chena zo ning a tih tiin zanikhan Assembly hmuna MLA RK Imo indawnna dawnin a hril.
JDDC JiribamImphal bandh a fe pei
IMPHAL: Jiribam District Demand Committee (JDDC) in Jiribam district puitlinga hlangkai dinga an nawrna le inzawma December 20, 2015 zingkar 6AM a inthawk darkar 32 sung ImphalJiribam Roadah bandh an thaw chu a la fe pei a, zanikhan bandh supporters han motor inlawn hai an dang a, bandh leia buoina lien taluo suok ruok chu hriet a ni nawh.
Hieng laizing hin Information Centre for Hill Areas of Manipur (ICHAM) chun ngenna siemin Christmas festival ding leiin tukhawma bandh thaw lo dingin an ngen bakah JDDC chu an bandh thaw sawn hla dingin an ngen.
Nurse recruitment result January ah puong dingin Director in a lo tiem
IMPHAL: August 18, 2013 a ANMs 200 le GNMs 21 lakna dinga recruitment neia um result chu January, 2016 thla sunga puong ni dingin Health Director O. Ibomcha chun a lo tiem niin All Manipur ANM/GNM Written Test Faced candidates Association han Director a office complexa an van hmupui zoa reporter hai an inhmupui huna an hril. Written test neina files hai enfel mek a ni thu a lo hril bawk niin hi Association a an hotu Sanasam Malemnganbi chun a hril. Hi thua hin Association le Health Minister hai meeting nei dan ding khawm department in a ngaituo pui ding thu le result puonglang ding thua Directorate chun Law Department khawm an rawnpui mek niin Director chun a hril. Director inhmupui dinga va fe hai hi zanikhan Directorate office buildingah security hai leh iemanichen an innawrtuo.
Muslim ni dinga ring thisa ruong hmu
IMPHAL: Zani hmasa khan Thoubal Districta Thangjing chinglak irak hmuna Muslim ni dinga ring pasal pakhat thisa ruong hmu a nih. Chun, Wangkhei Keithel Asangbi, Imphal East District hmuna nonManipuri pasal thisa ruong hmua um khawm a hming hriet a la ni nawh.
MEEU in an hlaw sukpung dingin an ngen
IMPHAL: Manipur Electricity Employees’s Union (MEEU) chun muster roll le work charge employees hai hlaw le allowance sukpung dingin an ngen a, an ngenna hi sukpuitling pek an ninaw chun December 31, 2015 khin nuorna an nei ding thu MEEU working president Y. Ranapratap chun zanita Keishampat hmuna chanchinbumihai an hmupui huna a hril. State Labour Department thupek dungzui chun skilled employees, semi skilled le nonskilled labourers hai hlaw chu Rs. 8190, Rs. 7440 le Rs. 6780/ neka tlawm ni lo ding ti a ni laiin tuhin skilled, semiskilled le unskilled hai chu Rs. Rs 3078/ , Rs. 3899/ le Rs. 3663/ pek an ni a, tulai ngirhmun leh an mil tanaw hle a nih tiin Y. Ranapratap chun a hril. MEEU chun an hlaw sukpung dinga ngenna memorandum vawi tam tak an lo pek ta thu le a nuhnung tak chu December 7, 2015 khan sawrkar kuoma an pek niin a hril.
ATMa inthawk inruk Rs. 38 lakh hmukir vawng
IMPHAL: December 3 le 4, 2015 haia Senapati distrit sunga Hazungla house laia um ATM bootha inthawk inruk hmang pawisa Rs. 38,62,500 chu hmukir vawng a ni tah. Hi ATM rawk a ni le inzawm hin December 7, 2015 khan Senapati SP K. Kabib, Addl. SP Khuplen Lhouvum, SDPO Hemand Pandey, OC Jonah Riamei hai inrawinaa Police chun ringhla mi 3 an man man a nih.
LS le RS in SC/ST Amendment Bill an passed
NEW DELHI: Zanikhan Lok Sabha le Rajya Sabha haia chun SC and ST (Prevention of Atrocities) Amendment Bill an passed. Rajya Sabha a chun hriltlangna iengkhawm um lovin supplementary demands for 201516 an passed bawk.
July- Oct. Sung HIV case thar a um nawh
AIZAWL: Mizoram State AIDS Control Society (MSACS) chun, JulyOctober, 2015 sung khan Mizoramah HIV invawi (case) thar hmu a ni nawh tiin a hril. MSACS chun October 1990 a inthawk June, 2015 chen khan Mizoramah HIV invawi 10,448 an hmu a nih. HIV invawi hmu suok thar hai laia 69.31 percent hai chu sex hmangnaa inthawka kai an ni a, a dawttu chu inkapna thim (needles) inhmang tawm lei niin MSACS thusuok chun a hril.
EC team Assamah
GUWAHATI: Kum 2016a Assam rama Assembly election hung um ding le inzawmin full Election Commission team CEC Dr Nasim Zaidi le Election Commissioners hai chu zanikhan Guwahati (Assam) ah an inzin a, political parties tum tum 8 a representatives hai an inhmupui. EC team hin vawisun hin District tina Deputy Commissioners le SP hai bakah senior official dang dang hai inhmupui an tih.
FIFA in Sepp Blatter le Platini kum 8 sung a ban
Football khawvela thuneina insang tak nei FIFA Ethics Committee chun, suspendeda um FIFA President Sepp Blatter le European Football Chief Michel Platini hai corruption thil leiin kum 8 sung football le inzawm activities hrim hrim nei thei lo dingin ban a puong bakah US dollar Rs. 40,000 le Rs. 80,000 chawi dingin an hriettir bawk. Blatter (79) hi kum 17 sung zet FIFA lo inrawi ta a ni a, Platini hi France player suongum, a hun laia player tha tak lo niin kum 2002 a inthawk UEFA lo inrawi ta a nih.
VAWISUN THUPUI
Mihriem inditnahai chu sukhnuoiin um a ta, mihai chapona chu suktlawmin um bawk a tih; chu nia chun Lalpa chau chu chawisangin um a tih. Isai 2:17
Editorial
Development boycottna
Manipur Assembly in August 31, 2015 nia AntiTribal Bills pathum a passed hai leia JAC indina um inrawinain tribal movement ei fepui mek a, tukum Krismas boruok khawm iemanichenah a hlap dei nghe nghe in an lang. Tribal MLA, a bik takin Churachandpur District sunga MLA 6 hai chu JAC in boycott an puong leiin hieng Bills 3 hai passed a ni a inthawk khan anni le an rawi hai khawm ri nei an um ta meu naw a, sienkhawm hieng bill pathum hai chungthua inban dinga ei phutna ruok chu an ngaipawimaw naw hle.
Tlangmi hnam tin chun Assembly in Bills pathum a passed hai sawrkarin lakir sien tha ei ti seng, hi chungthua hin JAC khawmin Bills 3 hai chungthua state sawrkar le inbiekna neia, inbiekremna a um theina dingin an ditdan le siemthat le sukdanglam dinga an dit hai pelutin deadline an lo pek a, sienkhawm deadline tawp hnung tuchena khawm sawrkar chun dawnna a la hung pek naw a nih. Iengleia sawrkarin ei thil phut hai a ngaisak naw am ning a ta! Manipura Assembly seats 60 um hai laia 20 chu Tribal seat an ni a, state sawrkar ta ding chun ei thil phut hai le ei lungawinawna hai hi a ngaisak ve chu a phu ve hlein ei hriet a, mipui khawmin ei tuor tawk ta hle bawk.
Ei ram le leilung humhalna ding chun theitawp suoa, huoisen taka thangkhaw ding ei ni lai zing hin ei thanglak dan ruok chu ei ennawn a tulin an lang. State sawrkar le tribal MLA hai boycott siin thil thenkhata sawrkar hmalakna ei lawmlut nawk si hi thil indik le thaw dan tha ni thei dingin an lang nawh. District hospital Morguea Cold Storage ding cheng nuoitel man state sawrkar suma inchawk ei lawmlut a, Directorate of Health Services hnuoia Manipur sawrkar chun tulai hnai el khan District Hospitalah khawl thar a hung inthut a, Electricity Department in Police Station tuol traffic point lai Street light var takel an tung bawk a, chuongang bawkin khawpui sunga Street light ban phunna ding siem zing a ni bawk.
Hieng lai zing hin Churachandpur district sunga Vangai SubDivision sunga Electric Power SubStation Dec. 22, 2015 nia hawng tumna um le inzawmin Joint Action Committee (JAC) Against AntiTribal Bill in hi SubStation hawng tumna an boycott thu le mipui tukhawma thlawp lo le thang lo dinga December 18, 2015 nia thusuok an siem hi thil indik a ni chie am? MLA hai ei lo boycott a ni khawmin Development (hmasawnna) sin thawna chen Boycott hi thil indik a ni am? ti hi ei ngaituo a tul. Hawng nuom tal chun MLA hai thang lo khawmin hawng thei a nih. Hi lei hin SubStation hawng tumna programme boycott tawp el hi chu thiltha le thil indik niin an lang nawh. MLA hai ei boycott ti chu ei hriet seng a, sienkhawm JAC in Development sinthawna an Boycott thu ruok chu hriet a ni nawh. Tribal MLA hai hawng dinga ti a ni nawa, Manipur CM in a hawng ding ti a ni leiin a programme kha boycott kher tulin an lang nawh.
Development sinthawna boycott ei ni sinaw chun hiengang thil boycott puong hi JAC khawmin ching ta ngainaw sien nuom a um. Bills pathum hai leia ngaidan le ditdan inkal leia harsatna ei tuok mek bakah ei movement in iengchen am hun a la aw ding ti khawm hriet ni si lova Development sinthawna ei boycott a ni chun inhawi muola dak naw hleng ei ta, eini sunga inthuruolna nekin inkhingna nasa lem a la hung ra suok ngei ding a nih. Hmasawnna sin thawna hai hi boycott puong ta ngainaw inla, JAC khawmin a hmalak dan ennawn sien, boycott ding chin le boycott lo ding chin felfai takin siem sienla thiltha ni ngei a tih. Thenkhata ruo insur tira, thenkhata nisa ei insat tir a ni chun thiltha suok ngainaw nih. Boycott ding boycott lo le dodal tak tak ngam si loa, boycott lo ding ei boycott hin ei ram le hnam ta dingin thiltha intlun naw nih.A nina taka chun tuta tuma JAC in Power SubStation hawng ding boycott an puong kha ei rama development sinthaw boycottna a nih ti inla ei hril suol ring a um nawh. Ei rama development sinthaw sukbuoina a ni leiin tuta hnung ching tanaw inla nuom a um.
