WIFS thuah review meeting nei
CCPUR: Zani 11:00AM khan CMO Office Chamberah 1st review meeting on weekly Iron Folic Acid Supplementation for Adolescent(WIFS)/National Iron Plus InitativecumIron Feric Acid Distribution” nei a nih. Hi huna hin ZEO/DI of school (planning); PO/ICDS; block 10 a CDPOhai. BPM (NHM), Dist Program Officer (NHM) hai an thang a. Education le Anganwadi hnuoia Iron Folic Acid syrup 19000; Iron Feric Acid tablet 3.5 lakh sem dan ding an hriltlang. Meeting zo hin ZEO hnuoia Schools le Anganwadi Centre haia ding Iron Feric Acid sem a nih. Iron Feric tablet hi chi 3 a um a, blue color naupang kum 1019 inkar, pink colour hai kum 610 inkar le Red color hai puitling baka nuhmei naupai hai kuoma sem ning a tih. Iron Feric Acid syrup hi karkhatah vawikhat dawn ding a nih.
Mushroom training nei
CCPUR: Zanikhan IWMP/DRDDA huoihawtnain DTC campusah Capicity Building & Training prog. on Cultivation of Mushroom nei a nih. Training a hin Samulamlan block; Henglep block; Tuibuong block; Thanlon block; Singngat block; Sangaikot block le Saikawt block haia inthawk WSHG 1 seng an thang a, Sashi Kumar, Project Officer, IWMP/DRDA inrawi staff hai resource person in an thang.
Pistol leh mi pakhat man
CCPUR: December 16, 2015, zan dar 11:30 khan 7Assam Rifles han ralthuoma sumdawngtu ni dinga ringhla Mr Chongkhothang (53) s/o (L) Jamkhohen of B. Vengnuam chengna in an dap a, Country made 9mm Pistol 1 le magazine pakhat dapdawkin an man niin zanita Police thusuok chun a hril. Mr Chongkhothang le a ina silai mana um hai chu zani zingkar 1:00AM khan Police kutah an pek a, CCPur Police chun FIR No.97 (12) 2015 CCPPS U/S 400 IPC & 25 (1C) A.Act an registered bakah zanikhan Court hmaah an inlangtir.
LWSIT le MELC in Relief Material an sem
CCPUR: Lutheran World Service India Trust (LWSIT) le MELC hai chun Actalliance hnuoia ni 3 sung aw ding zanikhan Zomi Colonya MELC Campusah Relief material an sem tan. Ms. Mannuamching, IAS, CEO/ADC chun relief material semna hi a hawng. Sangaikot le Saikawt blok hnuoia tukum tuilien leia harsatna tuok sungkuo 720 hai kuoma Rs. 16,35,120/ anghu ding sem a ni a, sungkuo pakhatin Rs. 2271/ anghu pei relief material an chang ang a ni a, thil an sem hai chu sungkuo pakhat in Bufai kg. 30; Dal kg. 1, Antamthau litre 1, Bekan kg. 2, Chi kg. 1, Blanket double size 1, Bedsheet double size 1; thosilen double size 1 pei le Pher double size 1 pei a nih.
Ms. Mannuamching chun, tlangmi han midang thangpuina beisei lova mani le mani intodel dinga lungril ngaituona ei nei a pawimaw tiin a hril.
Hmar FC Player hai dam takin an hung tlung
CCPUR: New Delhi hmuna 9th NE Tamchon Football Tournament, 2015 a zu thang Hmar FC players hai chu zanikhan dam takin Churachandpur an hungtlung nawk tah. Zani zantieng 1PM khan Imphal an hungtlung a, HYA Imphal Jt. HQ in lawmlutna an lo nei zovin HYA Ambulance in player hai hi CCPur chen hung thak an nih. Hmar FC player hai hi HYA GHQ hmalaknain Pu Samson, President, HYA Rengkai Branch chengnain ah lawmlutna le thingpui dawnpuina nei a ni a, hi huna hin Upa Laldawnlien Varte, President, HYA GHQ chun hrat tak nina chang zonaw hai sienkhawm lunghnuol lo dingin an fui tawl.
Pu Samson chun players hai thatho taka hmatieng thang la pei dingin an fui a. Pu Lalramsiem Neitham, Secy. If. HYA GHQ chun, hratna ei chan a ni ang bawkin hratnaw khawm ei chan a ni thu hrilin, hnam chawisangtu le sukhmingthatu an nizie hrilin theitawpa thang la pei dingin an fui.
Players hai hi Imphala inthawk hung inthla malam pei an ni a, Rengkai, CCPur chena hung tlung hi mi 4 an ni a, hnena nopui dawm phaknaw hai sienkhawm an lunghnuolnaw thu le thang nasa lema an lak ding thu an hril.
Upa Laldawnlien Varte chun players hai dam taka an hung kir thei Pathien kuoma lawmthu hrilna le fak ding tawngtainaa an hlan zoin thingpui dawnna nei a nih.
Hmar FC hin 3rd Place an lak a nih. (Ralsun Rama Hmar).
APa MLA hel han CM thar dingin Kalikho Pul an thlang:
Gauhati High Court in Assembly thurel hai a cheltang
ITANAGAR: Arunachal Pradesha tulai hnaia Congress MLA 21 han BJP MLA 11 le Independent MLA 2 thangruol han an Assembly Speaker Nabam Rebia peithlak tuma hma an lakna le inzawma Arunachal Pradesha politics buoina chun zuol tieng a pan pei a. Zani hmasa khan Assembly lut phal loa khar a ni hnungin MLA hel han Hotel pakhata tungkhawma Speaker Nabam Rebia voice votea an hnawl hnungin zanikhan Congress party laka hel MLA le BJP thangruol han an Chief Minister Nabam Tuki ringzonawna motion putlutin Chief Minister thar dingin Kalikho Pul an thlang. Arunachal Pradesh Assemblya hin seats 60 a um a, Congress MLA hel le BJP thangruol pawla hin member 33 an um a, Chief Minister Nabam Tuki le a thlawptu han MLA 26 an nei mek a nih.
MLA hel hai hin Assembly khar a ni leiin Itanagar bula hotel pakhata conference Halla inthungkhawma Kalikho Pul hi CM thar dinga an thlang a nih. Hi huna hin Congress a inthawka hel Dy. Speaker T. Norbu Thongdok, Congress MLA 21, BJP MLA 11 le Independent MLA 2 hai an thang a nih.
Hieng laizing in Nabam Tuki le a thlawptu MLA 26 hai chun MLA hel hai thilthaw hi boycott in dan lo le constitution kal a nih tiin an hril a, Tuki chun zanikhan a hran ve vein President Pranab Mukherjee le PM Narendra Modi hai inhmupuiin state politics buoina thua hin inrawl dingin ngen. Assembly session vawi 6na hi December 1618, 2015 inkar sunga nei dinga ko, sienkhawm hi Politics buoina um leia Speaker thupek anga zani hmasaa kha District Administration in a khar a ni a. Amiruokchu, Dy. Speaker Thongdok inrawinaa MLA hel hai han Assembly khara um theidaa Itanagar bula Naharlagun hotel pakhat conference Halla Session hi an nei lui a nih.
Hieng laizing hin Assembly Speaker in writ petition a file le inzawmin Gauhati High Court chun zanikhan MLA hel han Assembly hall puotieng session neia Speaker Nabam Rebia an peithlak (impeached) na le Assembly in thutlukna an siem hai po po a cheltang. Speaker Mr Rebia in petition a file le inzawma hearing nawk chu February 1, 2015 a nei ning a tih. Guahati High Court a Justice Hrishikesh Roy Order dungzuiin Dy. Speaker in disqualifieda um MLAs 14 hai membera laklut nawkna le Speaker banna hai khawm a cheltang vawng a nih.
Arunachal Politics buoina thua hin zanikhan Congress chun Lok Sabha le Rajya Sabha haia risie nasa tak an siem leiin inpui inthung vawi iemanizat sukchawl pha a nih. Lok Sabhaa Congress leader Mallikarjun Kharge chun Arunachal Pradesh politics buoina hi Congresss sawrkar sukthlukna dinga BJP in Congress MLA hai thendar tuma hma a lakna leia tlung a nih tiin an tum.
Moreh bandh in nundan pangngai a sukbuoi
IMPHAL: Mission Blind School, Hekakpokpi Student’s Union in an School puitling (fullfledged government school)a hlangkai dinga ngennaa National Highway No. 102 (ImphalMoreh road) a bandh an thaw leiin Imphal le Moreh inkar a chun nundan pangngai nasa takin a sukbuoi. Bandh hi December 21, 2015 chen aw dinga an thaw a nih. Bandh lei hin Imphala inthawk Moreh pan motor tam tak Imphal tieng an hung kir nawk tawl.
KIM 22nd General Assembly nei
IMPHAL:Zanikhan Kuki Inpi Manipur chun Kuki Inn, Imphal hmuna 22nd General Assembly an hmang a, thuoitu hlui lo thi ta hai sunna hun hmang a ni bakah Haokholal Hangshing, Chairman, ADC Sadar Hills in Souvenir a tlangzar. Assembly huna hin Budget le KIM election chungthu bakah ILPS Bill le martyrs 9 hai ruong vui loa la um chungthu hai an hriltlang.
Save Indigenous People’s campaign tan
IMPHAL: Zanikhan Manipur Press Club, Imphal hmuna began ‘Save Indigenous People’s Campaign’ tan a nih. Manipura hnam tum tum hai inkara communication gap um chingfel beiseina leia Joint Committee on Inner Liner Permit System (JCILPS) in hi campaign hi an buotsai a nih.
Ksh Rajen in Sahitya Akademi Award
IMPHAL: Manipuri poet Kshetri Rajen chu tukuma Sahitya Akedemi Award dawngtu dinga thlang hai lai a thang ve. Kum 2009 a collection of poems Ahingna Yekshilliba ti a siemna le inzawma Award dawng dinga thlang a nih. Rajen hin short stories lekhabu 6, petry 6, novels 4, essay books 2 hai a lo ziek ta a nih.
Modi sawrkarin officer tam tak a ban tah
NEW DELHI: Centrea Modi PM nina hnuoia NDA sawrkar chun kum 1 le a chanve liemta sung khan sin an thaw thanaw leiin Central Civil Service/All India Service officers 13 hai an sin haia inthawk ban annawleh compulsory retirement pek an ni bakah Central Civil Service/All India Service officers 45 hai chunga action lak a ni ta bawk tiin Minister of state for personnel Jitendra Singh in zanikhan Rajya Sabhaah indawnna dawnin a hril.
Reva Khetarpal in Delhi Lokayukta dingin
NEW DELHI: Delhi High Court judge hlui Justice Reva Khetarpal chun zanikhan Lt. Governor Najeeb Jung hmaah Delhi Lokayukta dingin intiemkamna a nei. Hi huna hin Delhi CM Arvind Kejriwal khawm a thang. Lokayukta hi kum 5 sung chel a tih.
Nau pasal dit leiin nau 16 zet a nei
DAHOD: Gujarata Jariburj village, Dahod a cheng Ramsinh Sangot (43) chun nau pasal dit leiin tuchena hin nau 16 zet a nei tah. Nau nuhmei ngawt 14 an nei hnungin Sagot nuhmei chun kum 2013 khan naupasalte a nei a, naupasal dang nei nawk beiseiin pakhat dang an nei nawk a, sienkhawm nuhmei bawk a ni leiin tuhin nau nuhmei 15 le naupasal 1 a nei ta a; nau pasal an la dit sa leia beiseiin tuhin a nuhmei chun nau a pai nawk mek. A nau nuhmei 15 hai laia 2 chu an thi ta a, pahni dang han pasal an nei ta a, 2 hai chu Rajkot hmuna farm sinthawin an um mek.
Gujarata hin nau 10 le a chungtieng nei sungkuo 8,000 chuong an um a, hienghai laia sungkuo 10 hai chun nau nuhmei vawng an nei a, 8 hai chun nau nuhmei 5 le a neka tam an nei tawl.
Jharkhand byelectionah Congress
LOHARDAGA: Jharkhanda Lohardaga Assembly byelection neia chun Congress candidate Sukhdeo Bhagat thlangtling a nih. Sukhdeo Bhagat hin BJP candidate Niru Shanti Bhagat chu votes 23,228 zetin a hne a nih. Votes a hmu zat chu a rengin 73,859 a ni a, Niru in votes 50,571 a hmu. AJSU leader Kishore Bhaghat kum 1993a doctor thatna thua Jaila an tang leia Dec. 14 a kha byelection hi nei a ni a, Niru Shanti hi Kishore Bhaghat nuhmei a nih.
VAWISUN THUPUI
‘Chun, nang Juda rama Bethlehem, Juda khawpuihai laiah i chin tak naw tawp; I sunga inthawkin awptu a hung suok ding a ni sih a, Ka mi Israelhai vengtu ding chu,’ ti hi,” an ta. Mathai 2:6
Editorial
Thuoitu tha ei tlaksam nasan
Ram le hnamin hma a sawn theina ding hi thuoitu le hotu tha ringawtah an nghat naw a, hnungzuitu tha ni hi a pawimaw ti hi khawvela history ei thlir chun chieng taka hmu thei a nih. Historya thuoitu le hotu ropui tak tak hai bul tanna chu hnungzuitu tha nina hi a nih. Bible a khawm ei en chun Israel hai ramtiem ram thuoitlungtu Joshua khawm khan kum 40 chuong zet ringum takin Mosie hnung a zui a ni kha. Thuvar chun ‘To be a good leader, you must first become a good follower’a ti a, ei Bible a khawm in hotu ngirhmun le hotu/thuoitu tha ni dingin hnungzuitu tha ni hmasak a tul zie chieng takin a mi zieklang pek bawk a nih. Hi lei hin thuoitu/hotu tha ni ding chun hnungzuitu tha ni phawt a tul ti hi mitinin ei hriet nuom a um.
Lekhathiem le var pung pei si chun ei ram le hnam inthuoina khawm felin hrat lem awm tak a ni a, ei ro hi an nawi deu deu a, hotu le thuoitu hai lei am annawleh mipui izirnaw lei ti khawm hriet harsa tak a nih. Lekhathiem, mivar le ngaidan tha tak tak le awm tak tak nei ei pung a, tulai technology in a hung phur suok Social Networking Site tum tum hai ei lut lem chun mivar ei tam zie hmu thei a nih. Mi han thil tha le ngaidan tha tak an hril le ziek hai inpaktu tam tak an um laiin mi tam tak chun a that nawna le a fel nawna an lo hmu nawk pei a. Thil tha tak le thuziek tha tak khawm kha mivar thenkhat hai chun ‘Ek’ an insuo tho tho.
Hiengang bawk hin hnam kalsiemna kawnga khawm hin hotu le thuoitu han thiltha dinga an ngaia thutlukna an siem hai khawm inza chuong lova a that nawna le felnawna zawnga, sawisel tal tal tum pawl tam tak ei um bawk. Hieng khawpa ei ro an nawi nasan hi mivar le thiem ei tam lei chu a ni phawt a, ei varna le thiemna hai hi ram le hnam ta dingin a tha takpa a ni am, ei inhmangaina le inngainatna suksetu a ni el am ti ruok chu ei ngaituo lem nawh. Mani lungril ngaituonaa indik le tha nia ei hriet ang ang khan thil ei thawin ei fepui el niin an lang. Hi kawnga hin hotu le thuoituhai chau ni loin mipui khawm ei nih. Hnungzuitu ni khawma mani thu dita ei ngaidan inphet nuom lova chel tlat mi ei ni chun thuoitu le hotu ngirhmun khawm chel inla zui tlak, mipui zui nuom le thlawp ei ni chie dim ti hi ei ngaituo a tul.
A hmaa ei hril ta angin thuoitu le hotu tha ni ding chun hnungzuitu tha ni phawt a tul leiin hotu le thuoitu tha ni hi thil awlsam a ni nawh. Pawl hlawtling le hrat ni ding chun thuoitu tha nei a tul ang bawkin hnungzuitu tha nei khawm a tul ve. Hnungzuitu tha nisi lo han hotu le thuoitu nina ei hung chel hlak hi ei hnam thangmawbawk a nih. “Leadership is for others” ti a nih lai zingin ei ram le hnam thuoitu tam tak ei en chun “Leadership is for self” a nih. Thuoitu le hotu tha ni ding chun mipui ringzo khawpa ringum, taima, lungril lien, mani hmasiello, mi insumthei, inngaitlawm etc. ni a tul. Mi tam takin hotu le thuoitu hai ei ringzo nawna le ei zui zo nawna san khawm hieng thil hai lei hi a ni tlangpui hlak. Hotu le thuoitu tam takin ei nina suonga thil ei thaw rawk rawk hlak leia mipui thlawpna ei dawngnaw chang a um hlak a, chuongang bawkin mipuiin var intina ei nei lien leia thuoitu le hotu hai thu iengma lova ngaia mani ngaidan chau fepui ngur ngur ei um hlak bawk leiin ei hrat ding ang le ei ni ding ang ei ni phak ngainaw bawk a nih. Mipui le hotu a tutu khawmin mani thil suksuol pawma ngaidam inhni ei rin em em el hi ei chapo zie suklangtu a nih. Chapona hi ei thethlak thei hmakhat chu eini sunga inremna le lungruolna hi um thei ngainaw ni a, lungruolna ei neinaw chun ienganga inrimin hma la inla khawm ei hrat ding angin hrat thei ngai nawng ei ta, hma ei sawn ding angin hma sawn thei ngai bawknaw manih.
Hi lei hin ei ram le hnamin hotu le thuoitu tha tlasama ei inhriet a ni chun hnungzuitu tha (mipui, mi tha) ei um naw lei a nih ti inla inkhel naw nih. Sam Rayburn chun, “You cannot be a leader, and ask other people to follow you, unless you know how to follow, too.” tiin a lo hril a. Hnungzuitu ni thiem si lo chun hotu le thuoitu tha ni hi an theinaw ding hrim a ni a, hnungzuitu tha ei ni sinaw chun thuoitu tha ni ngaina a um nawh. A san chu lekhaziek ei tiem thei a, thiemna le varna ei inchuk pei theina dingin A.B.C.. ei inchuk a ngai phawt. A.B.C. thiem si lo chun khawvel thiemna le varna inchuk thei a ni nawh. Hi lei hin hotu le thuoitu tha ei tlaksam nasan chu mipui tha, hnungzuitu tha ei umnaw lei a nih ti a chieng. Hieng a ni lei hin mitinin hnungzuiutu tha ni tum seng inla, hotu le thuoitu tha chu hung um el an tih; hotu le thuoitu chu mipuia inthawka suok an ni si a.
CCPUR: Zani 11:00AM khan CMO Office Chamberah 1st review meeting on weekly Iron Folic Acid Supplementation for Adolescent(WIFS)/National Iron Plus InitativecumIron Feric Acid Distribution” nei a nih. Hi huna hin ZEO/DI of school (planning); PO/ICDS; block 10 a CDPOhai. BPM (NHM), Dist Program Officer (NHM) hai an thang a. Education le Anganwadi hnuoia Iron Folic Acid syrup 19000; Iron Feric Acid tablet 3.5 lakh sem dan ding an hriltlang. Meeting zo hin ZEO hnuoia Schools le Anganwadi Centre haia ding Iron Feric Acid sem a nih. Iron Feric tablet hi chi 3 a um a, blue color naupang kum 1019 inkar, pink colour hai kum 610 inkar le Red color hai puitling baka nuhmei naupai hai kuoma sem ning a tih. Iron Feric Acid syrup hi karkhatah vawikhat dawn ding a nih.
Mushroom training nei
CCPUR: Zanikhan IWMP/DRDDA huoihawtnain DTC campusah Capicity Building & Training prog. on Cultivation of Mushroom nei a nih. Training a hin Samulamlan block; Henglep block; Tuibuong block; Thanlon block; Singngat block; Sangaikot block le Saikawt block haia inthawk WSHG 1 seng an thang a, Sashi Kumar, Project Officer, IWMP/DRDA inrawi staff hai resource person in an thang.
Pistol leh mi pakhat man
CCPUR: December 16, 2015, zan dar 11:30 khan 7Assam Rifles han ralthuoma sumdawngtu ni dinga ringhla Mr Chongkhothang (53) s/o (L) Jamkhohen of B. Vengnuam chengna in an dap a, Country made 9mm Pistol 1 le magazine pakhat dapdawkin an man niin zanita Police thusuok chun a hril. Mr Chongkhothang le a ina silai mana um hai chu zani zingkar 1:00AM khan Police kutah an pek a, CCPur Police chun FIR No.97 (12) 2015 CCPPS U/S 400 IPC & 25 (1C) A.Act an registered bakah zanikhan Court hmaah an inlangtir.
LWSIT le MELC in Relief Material an sem
CCPUR: Lutheran World Service India Trust (LWSIT) le MELC hai chun Actalliance hnuoia ni 3 sung aw ding zanikhan Zomi Colonya MELC Campusah Relief material an sem tan. Ms. Mannuamching, IAS, CEO/ADC chun relief material semna hi a hawng. Sangaikot le Saikawt blok hnuoia tukum tuilien leia harsatna tuok sungkuo 720 hai kuoma Rs. 16,35,120/ anghu ding sem a ni a, sungkuo pakhatin Rs. 2271/ anghu pei relief material an chang ang a ni a, thil an sem hai chu sungkuo pakhat in Bufai kg. 30; Dal kg. 1, Antamthau litre 1, Bekan kg. 2, Chi kg. 1, Blanket double size 1, Bedsheet double size 1; thosilen double size 1 pei le Pher double size 1 pei a nih.
Ms. Mannuamching chun, tlangmi han midang thangpuina beisei lova mani le mani intodel dinga lungril ngaituona ei nei a pawimaw tiin a hril.
Hmar FC Player hai dam takin an hung tlung
CCPUR: New Delhi hmuna 9th NE Tamchon Football Tournament, 2015 a zu thang Hmar FC players hai chu zanikhan dam takin Churachandpur an hungtlung nawk tah. Zani zantieng 1PM khan Imphal an hungtlung a, HYA Imphal Jt. HQ in lawmlutna an lo nei zovin HYA Ambulance in player hai hi CCPur chen hung thak an nih. Hmar FC player hai hi HYA GHQ hmalaknain Pu Samson, President, HYA Rengkai Branch chengnain ah lawmlutna le thingpui dawnpuina nei a ni a, hi huna hin Upa Laldawnlien Varte, President, HYA GHQ chun hrat tak nina chang zonaw hai sienkhawm lunghnuol lo dingin an fui tawl.
Pu Samson chun players hai thatho taka hmatieng thang la pei dingin an fui a. Pu Lalramsiem Neitham, Secy. If. HYA GHQ chun, hratna ei chan a ni ang bawkin hratnaw khawm ei chan a ni thu hrilin, hnam chawisangtu le sukhmingthatu an nizie hrilin theitawpa thang la pei dingin an fui.
Players hai hi Imphala inthawk hung inthla malam pei an ni a, Rengkai, CCPur chena hung tlung hi mi 4 an ni a, hnena nopui dawm phaknaw hai sienkhawm an lunghnuolnaw thu le thang nasa lema an lak ding thu an hril.
Upa Laldawnlien Varte chun players hai dam taka an hung kir thei Pathien kuoma lawmthu hrilna le fak ding tawngtainaa an hlan zoin thingpui dawnna nei a nih.
Hmar FC hin 3rd Place an lak a nih. (Ralsun Rama Hmar).
APa MLA hel han CM thar dingin Kalikho Pul an thlang:
Gauhati High Court in Assembly thurel hai a cheltang
ITANAGAR: Arunachal Pradesha tulai hnaia Congress MLA 21 han BJP MLA 11 le Independent MLA 2 thangruol han an Assembly Speaker Nabam Rebia peithlak tuma hma an lakna le inzawma Arunachal Pradesha politics buoina chun zuol tieng a pan pei a. Zani hmasa khan Assembly lut phal loa khar a ni hnungin MLA hel han Hotel pakhata tungkhawma Speaker Nabam Rebia voice votea an hnawl hnungin zanikhan Congress party laka hel MLA le BJP thangruol han an Chief Minister Nabam Tuki ringzonawna motion putlutin Chief Minister thar dingin Kalikho Pul an thlang. Arunachal Pradesh Assemblya hin seats 60 a um a, Congress MLA hel le BJP thangruol pawla hin member 33 an um a, Chief Minister Nabam Tuki le a thlawptu han MLA 26 an nei mek a nih.
MLA hel hai hin Assembly khar a ni leiin Itanagar bula hotel pakhata conference Halla inthungkhawma Kalikho Pul hi CM thar dinga an thlang a nih. Hi huna hin Congress a inthawka hel Dy. Speaker T. Norbu Thongdok, Congress MLA 21, BJP MLA 11 le Independent MLA 2 hai an thang a nih.
Hieng laizing in Nabam Tuki le a thlawptu MLA 26 hai chun MLA hel hai thilthaw hi boycott in dan lo le constitution kal a nih tiin an hril a, Tuki chun zanikhan a hran ve vein President Pranab Mukherjee le PM Narendra Modi hai inhmupuiin state politics buoina thua hin inrawl dingin ngen. Assembly session vawi 6na hi December 1618, 2015 inkar sunga nei dinga ko, sienkhawm hi Politics buoina um leia Speaker thupek anga zani hmasaa kha District Administration in a khar a ni a. Amiruokchu, Dy. Speaker Thongdok inrawinaa MLA hel hai han Assembly khara um theidaa Itanagar bula Naharlagun hotel pakhat conference Halla Session hi an nei lui a nih.
Hieng laizing hin Assembly Speaker in writ petition a file le inzawmin Gauhati High Court chun zanikhan MLA hel han Assembly hall puotieng session neia Speaker Nabam Rebia an peithlak (impeached) na le Assembly in thutlukna an siem hai po po a cheltang. Speaker Mr Rebia in petition a file le inzawma hearing nawk chu February 1, 2015 a nei ning a tih. Guahati High Court a Justice Hrishikesh Roy Order dungzuiin Dy. Speaker in disqualifieda um MLAs 14 hai membera laklut nawkna le Speaker banna hai khawm a cheltang vawng a nih.
Arunachal Politics buoina thua hin zanikhan Congress chun Lok Sabha le Rajya Sabha haia risie nasa tak an siem leiin inpui inthung vawi iemanizat sukchawl pha a nih. Lok Sabhaa Congress leader Mallikarjun Kharge chun Arunachal Pradesh politics buoina hi Congresss sawrkar sukthlukna dinga BJP in Congress MLA hai thendar tuma hma a lakna leia tlung a nih tiin an tum.
Moreh bandh in nundan pangngai a sukbuoi
IMPHAL: Mission Blind School, Hekakpokpi Student’s Union in an School puitling (fullfledged government school)a hlangkai dinga ngennaa National Highway No. 102 (ImphalMoreh road) a bandh an thaw leiin Imphal le Moreh inkar a chun nundan pangngai nasa takin a sukbuoi. Bandh hi December 21, 2015 chen aw dinga an thaw a nih. Bandh lei hin Imphala inthawk Moreh pan motor tam tak Imphal tieng an hung kir nawk tawl.
KIM 22nd General Assembly nei
IMPHAL:Zanikhan Kuki Inpi Manipur chun Kuki Inn, Imphal hmuna 22nd General Assembly an hmang a, thuoitu hlui lo thi ta hai sunna hun hmang a ni bakah Haokholal Hangshing, Chairman, ADC Sadar Hills in Souvenir a tlangzar. Assembly huna hin Budget le KIM election chungthu bakah ILPS Bill le martyrs 9 hai ruong vui loa la um chungthu hai an hriltlang.
Save Indigenous People’s campaign tan
IMPHAL: Zanikhan Manipur Press Club, Imphal hmuna began ‘Save Indigenous People’s Campaign’ tan a nih. Manipura hnam tum tum hai inkara communication gap um chingfel beiseina leia Joint Committee on Inner Liner Permit System (JCILPS) in hi campaign hi an buotsai a nih.
Ksh Rajen in Sahitya Akademi Award
IMPHAL: Manipuri poet Kshetri Rajen chu tukuma Sahitya Akedemi Award dawngtu dinga thlang hai lai a thang ve. Kum 2009 a collection of poems Ahingna Yekshilliba ti a siemna le inzawma Award dawng dinga thlang a nih. Rajen hin short stories lekhabu 6, petry 6, novels 4, essay books 2 hai a lo ziek ta a nih.
Modi sawrkarin officer tam tak a ban tah
NEW DELHI: Centrea Modi PM nina hnuoia NDA sawrkar chun kum 1 le a chanve liemta sung khan sin an thaw thanaw leiin Central Civil Service/All India Service officers 13 hai an sin haia inthawk ban annawleh compulsory retirement pek an ni bakah Central Civil Service/All India Service officers 45 hai chunga action lak a ni ta bawk tiin Minister of state for personnel Jitendra Singh in zanikhan Rajya Sabhaah indawnna dawnin a hril.
Reva Khetarpal in Delhi Lokayukta dingin
NEW DELHI: Delhi High Court judge hlui Justice Reva Khetarpal chun zanikhan Lt. Governor Najeeb Jung hmaah Delhi Lokayukta dingin intiemkamna a nei. Hi huna hin Delhi CM Arvind Kejriwal khawm a thang. Lokayukta hi kum 5 sung chel a tih.
Nau pasal dit leiin nau 16 zet a nei
DAHOD: Gujarata Jariburj village, Dahod a cheng Ramsinh Sangot (43) chun nau pasal dit leiin tuchena hin nau 16 zet a nei tah. Nau nuhmei ngawt 14 an nei hnungin Sagot nuhmei chun kum 2013 khan naupasalte a nei a, naupasal dang nei nawk beiseiin pakhat dang an nei nawk a, sienkhawm nuhmei bawk a ni leiin tuhin nau nuhmei 15 le naupasal 1 a nei ta a; nau pasal an la dit sa leia beiseiin tuhin a nuhmei chun nau a pai nawk mek. A nau nuhmei 15 hai laia 2 chu an thi ta a, pahni dang han pasal an nei ta a, 2 hai chu Rajkot hmuna farm sinthawin an um mek.
Gujarata hin nau 10 le a chungtieng nei sungkuo 8,000 chuong an um a, hienghai laia sungkuo 10 hai chun nau nuhmei vawng an nei a, 8 hai chun nau nuhmei 5 le a neka tam an nei tawl.
Jharkhand byelectionah Congress
LOHARDAGA: Jharkhanda Lohardaga Assembly byelection neia chun Congress candidate Sukhdeo Bhagat thlangtling a nih. Sukhdeo Bhagat hin BJP candidate Niru Shanti Bhagat chu votes 23,228 zetin a hne a nih. Votes a hmu zat chu a rengin 73,859 a ni a, Niru in votes 50,571 a hmu. AJSU leader Kishore Bhaghat kum 1993a doctor thatna thua Jaila an tang leia Dec. 14 a kha byelection hi nei a ni a, Niru Shanti hi Kishore Bhaghat nuhmei a nih.
VAWISUN THUPUI
‘Chun, nang Juda rama Bethlehem, Juda khawpuihai laiah i chin tak naw tawp; I sunga inthawkin awptu a hung suok ding a ni sih a, Ka mi Israelhai vengtu ding chu,’ ti hi,” an ta. Mathai 2:6
Editorial
Thuoitu tha ei tlaksam nasan
Ram le hnamin hma a sawn theina ding hi thuoitu le hotu tha ringawtah an nghat naw a, hnungzuitu tha ni hi a pawimaw ti hi khawvela history ei thlir chun chieng taka hmu thei a nih. Historya thuoitu le hotu ropui tak tak hai bul tanna chu hnungzuitu tha nina hi a nih. Bible a khawm ei en chun Israel hai ramtiem ram thuoitlungtu Joshua khawm khan kum 40 chuong zet ringum takin Mosie hnung a zui a ni kha. Thuvar chun ‘To be a good leader, you must first become a good follower’a ti a, ei Bible a khawm in hotu ngirhmun le hotu/thuoitu tha ni dingin hnungzuitu tha ni hmasak a tul zie chieng takin a mi zieklang pek bawk a nih. Hi lei hin thuoitu/hotu tha ni ding chun hnungzuitu tha ni phawt a tul ti hi mitinin ei hriet nuom a um.
Lekhathiem le var pung pei si chun ei ram le hnam inthuoina khawm felin hrat lem awm tak a ni a, ei ro hi an nawi deu deu a, hotu le thuoitu hai lei am annawleh mipui izirnaw lei ti khawm hriet harsa tak a nih. Lekhathiem, mivar le ngaidan tha tak tak le awm tak tak nei ei pung a, tulai technology in a hung phur suok Social Networking Site tum tum hai ei lut lem chun mivar ei tam zie hmu thei a nih. Mi han thil tha le ngaidan tha tak an hril le ziek hai inpaktu tam tak an um laiin mi tam tak chun a that nawna le a fel nawna an lo hmu nawk pei a. Thil tha tak le thuziek tha tak khawm kha mivar thenkhat hai chun ‘Ek’ an insuo tho tho.
Hiengang bawk hin hnam kalsiemna kawnga khawm hin hotu le thuoitu han thiltha dinga an ngaia thutlukna an siem hai khawm inza chuong lova a that nawna le felnawna zawnga, sawisel tal tal tum pawl tam tak ei um bawk. Hieng khawpa ei ro an nawi nasan hi mivar le thiem ei tam lei chu a ni phawt a, ei varna le thiemna hai hi ram le hnam ta dingin a tha takpa a ni am, ei inhmangaina le inngainatna suksetu a ni el am ti ruok chu ei ngaituo lem nawh. Mani lungril ngaituonaa indik le tha nia ei hriet ang ang khan thil ei thawin ei fepui el niin an lang. Hi kawnga hin hotu le thuoituhai chau ni loin mipui khawm ei nih. Hnungzuitu ni khawma mani thu dita ei ngaidan inphet nuom lova chel tlat mi ei ni chun thuoitu le hotu ngirhmun khawm chel inla zui tlak, mipui zui nuom le thlawp ei ni chie dim ti hi ei ngaituo a tul.
A hmaa ei hril ta angin thuoitu le hotu tha ni ding chun hnungzuitu tha ni phawt a tul leiin hotu le thuoitu tha ni hi thil awlsam a ni nawh. Pawl hlawtling le hrat ni ding chun thuoitu tha nei a tul ang bawkin hnungzuitu tha nei khawm a tul ve. Hnungzuitu tha nisi lo han hotu le thuoitu nina ei hung chel hlak hi ei hnam thangmawbawk a nih. “Leadership is for others” ti a nih lai zingin ei ram le hnam thuoitu tam tak ei en chun “Leadership is for self” a nih. Thuoitu le hotu tha ni ding chun mipui ringzo khawpa ringum, taima, lungril lien, mani hmasiello, mi insumthei, inngaitlawm etc. ni a tul. Mi tam takin hotu le thuoitu hai ei ringzo nawna le ei zui zo nawna san khawm hieng thil hai lei hi a ni tlangpui hlak. Hotu le thuoitu tam takin ei nina suonga thil ei thaw rawk rawk hlak leia mipui thlawpna ei dawngnaw chang a um hlak a, chuongang bawkin mipuiin var intina ei nei lien leia thuoitu le hotu hai thu iengma lova ngaia mani ngaidan chau fepui ngur ngur ei um hlak bawk leiin ei hrat ding ang le ei ni ding ang ei ni phak ngainaw bawk a nih. Mipui le hotu a tutu khawmin mani thil suksuol pawma ngaidam inhni ei rin em em el hi ei chapo zie suklangtu a nih. Chapona hi ei thethlak thei hmakhat chu eini sunga inremna le lungruolna hi um thei ngainaw ni a, lungruolna ei neinaw chun ienganga inrimin hma la inla khawm ei hrat ding angin hrat thei ngai nawng ei ta, hma ei sawn ding angin hma sawn thei ngai bawknaw manih.
Hi lei hin ei ram le hnamin hotu le thuoitu tha tlasama ei inhriet a ni chun hnungzuitu tha (mipui, mi tha) ei um naw lei a nih ti inla inkhel naw nih. Sam Rayburn chun, “You cannot be a leader, and ask other people to follow you, unless you know how to follow, too.” tiin a lo hril a. Hnungzuitu ni thiem si lo chun hotu le thuoitu tha ni hi an theinaw ding hrim a ni a, hnungzuitu tha ei ni sinaw chun thuoitu tha ni ngaina a um nawh. A san chu lekhaziek ei tiem thei a, thiemna le varna ei inchuk pei theina dingin A.B.C.. ei inchuk a ngai phawt. A.B.C. thiem si lo chun khawvel thiemna le varna inchuk thei a ni nawh. Hi lei hin hotu le thuoitu tha ei tlaksam nasan chu mipui tha, hnungzuitu tha ei umnaw lei a nih ti a chieng. Hieng a ni lei hin mitinin hnungzuiutu tha ni tum seng inla, hotu le thuoitu tha chu hung um el an tih; hotu le thuoitu chu mipuia inthawka suok an ni si a.
