Zou hnam sunga IAS hmasa tak Ms Mannuamching lawmpuina hun hmang
CCPUR: Zani 11:00AM khan Ms Mannuamching in IAS a hmu (conferred) lawmna hun MELC Compuondah nei a ni a, ADC/CCPur le District Administration tienga inthawk DLOs hai bakah Chandel le Sadar Hilla ADC haia Chairman le member hai; SP/Imphal West Principal Secy. Letkhogin Haokip, IAS; L.K. Haokip (Retd ADGP) le T. Hangkhanpau le Jainson Haokip hai khawmin an uop.
Hi huna hin Rev. Stephen Chinzathang, Executive Secretary, ZPCS in lawmlutna thucha le Rev. Dr Ginkhanmung Zou, D/S Lamka MELC inrawinain Pastor han Mannuamching ta dinga tawngtaipekna an nei.
Ms Mannuamching chun, promotion hi ‘routine matter’ a ni a, sienkhawm Pathien thanglo chun inpalthlukna ding tam tak a um thu hrilin lawmpuitu hai popo le Pathien kuoma lawmthu a hril. Nu le pa thenkhatin an nau nuhmei hai nekin pasal hai inchukna an ngaipawimaw lem hlak chu tawpsan dingin a ngen.
Ms Mannuamching hi 2003 batch MCS Officer niin a batch pui hai IAS le IPS conferred tam tak an um ta a, kum thar 2016 a chun a batch pui dang hai popo khawm IAS & IPS conferred anni vawng a beisei ta thu a hril.
UZO President Chinlunthang chun, Mannuamching chu Zou hnam sunga MCS hmasa tak le IAS hmasa tak a ni thu hrilin Dec. 21, 2015 khin UZO Executive meeting rel angin IAS a hmu lawmpuina le MDC thar hai lawmpuina hun an buotsai ding thu a hril.
Chandel ADC a Chairman, Sesei Zou chun, Nu le pa han MLA, Minister 1 ei siem nekin IAS siem inla ei ram le hnam ta dinga malsawmna an tlun lem ding thu a hrila, Ms Mannuamching in IAS a hmu chu a lawmpui hle thu; Pastor, Upa le Zo mipui han hnam sunga IAS pakhat bek nei dinga Pathien kuoma an lo ngenna rasuok a nih tiin a hril.
Langkhanpau Guite, Chairman, ADCC chun Mannuamching chu integrity nei, MDC han an ngainat em em a ni thu a hril.
Jt. Children Home Music video Album tlangzar ding
CCPUR: Churachandpur District sunga naufahra enkawlna Children Home po po inzawmkhawm Joint Children Orphan Home in an siem ‘Ka damna Kross” ti Music Video Album tlangzarna December 20, 2015, 1:00PM khin Rayburn College Auditorium, New Lamka hmuna nei ning a tih.
Hi huna hin Rev. Dr V Lalnghakthang, Gen. Secretary, RPCNEI Chief Guest in thang a ta, Rev Tualzachin, senior Executive Secy, ZPCS; Pastor Khamkhokai, Fin. Director, ECA le Rev. Khen P. Tombing, Chief Coordinator, PCIR hai chu guest of honour, functional president le Chief host in thang an tih.
Chief Guest in Album tlangzarna nei a ta, Rev.Sutkhanthang, Executive Secretary, CBA in tawngtainain Album inhlan a tih.
Hi Album tlangzarna huna thang dingin Joint Orphan Home Music Video releasing Committee chun mitin fielna le ngenna an siem.
Cold Storage zani zan khan fit zo beisei
CCPUR: District Hospital/CCPur Morguea ruong sie that na ding Cold Storage fit na sin chu M/s RS Appliance, Guwahatia Technical Engineer 3 han ngawr takin an thaw mek a, Cabinet pakhat (ruong 6 um theina) an fit zo hnungin Cabinet pakhat dang khawm zani zan khan an fit zo hman beisei a nih. An fit zo hun huna Tribal Martyrs hai ruong a rengin Cold Storagea sielut an nita ding a nih.
Ralna sum a la lut pei
CCPUR: District Hospitala JPO kuta chun tribal martyrs hai ralna a la lut pei a, zanita JPO kuta ralna lut hi a rengin Rs. 15,255/ a nih. A petu hai chu GK Pau & Ngailunniang of Khajang Pharmacy Rs.500/; Bangalore Zomi Rs.57.5; K. Pumzalam of Bukpi in JPO te ta dingin Rs.50 le V.Dongzathang of Pearsonmun in Rs. .9000/ hai an nih. Dec 16, 2015 -a Morguea thingpui inlumtu ding ZYO an ni a, lengkhawm ding Zellang Veng, Molhoi; Khawmawi le Zoumunmuam nupui hai ning an tih.
J&J Fast Food bieltu MDC in a hawng ding
CCPUR: Tuta hmaa New Bazara Synod building hnung laia um hlak J&J Fast Food chu Rengkai Bridge Streetah an insawn ta a. December 18, 2015, 5:00PM khin bieltu MDC M. Gouzamang in hawng a tih. Open Air J&J Fast Food hawngna huna hin hlasak thiem dang dang han hla an sak bawk ding a nih. A hmun hi Rengkai Tuithapui leilak bul lai a nih.
Sonia Gandhi le Rahul han National Herald Caseah bail an ngen naw el thei
NEW DELHI: National Herald Chanchinbu chungthua Congress President Sonia Gandhi le Congress Vice President Rahul Gandhi hai chu December 19, 2015 khin Court hmaa inlang dinga ti an ni a. Anni bakah hin hin midang 5 hai khawm tricl court in inlang dingin a ko bawk a nih. Sonia Gandhi le Rahul hai chun hi case ah suksuol an neinaw zie sukchiengna dingin bail an ngen naw el thei niin ei thu dawngna chun a hril a, a tul a ni chun Jaila lut khawm an hnielnaw niin Congress thusuok chun a hril.
Hieng laizing hin Sonia le Rahul Gandhi hai Patiala House Court hmuna an inlang huna hin Congress member a tam thei ang tak fekhawma court hearing hi uop an tum. Sonia le Rahul Gandhi han hi casea ko an nina thuah anni taksa kher inlang loa an aia midang inlang phal pek dinga ngenna a siem Court in a hnawla December 8, 2015 a kha inlang dinga a ko, sienkhawm an senior counsel Abhishek Manu Singhvi in Sonia hai nufa an buoi leia an lang hman naw ding thu hrila, an inlang ding hun sawn hla dinga ngenna a siem pawma Dec. 19, 2015a inlang dingaDelhi High Court in a ko an nih.
Sonia le Rahul hai an taksa ngei inlang dinga Court in a kona chungthua hin Congress le Opposition party hai chun politics a phuba lakna a nih tia sawiselin Parliament a risie siemin inpui inthung rorel thei loin ni iemanizat an siem ta a nih. Hi case a inlang dinga ko midang hai chu Suman Dubey, Moti Lal Vohra, Oscar Fernandez, Sam Pitroda le Young India Ltd hai an nih.
BJP leader Subramanian Swamy in Jawaharlal Nehru lo indin tuta insuo zawm ta lo, National Herald newspaper property hai chang theina dingin company an indin tia intumna a siem leia Sonia hai nufa le midang 5 hai chunga Court in case a siem a nih.
Vijay Diwas hmang a nih
IMPHAL: Zanikhan India ram pumpuiah Kum 1971 a India le Pakistan indonaa India in hnena a chang champha Vijay Diwas hmang a nih.
Manipur a khawm zanikhan 1st Manipur Rifles Banquet Hall, Imphal hmunah Vijay Diwas hi hmang a nih. Hi huna hin Manipur CM O.Ibobi Singh khuollienin a thang a, PWD Minister Dr Kh. Ratankumar functional president in a thang. India ram venghimna dinga hringna lo inhlan ta hai inzana pek an nih.
December 16, 1971 khan East Pakistan sipai 93,000 hai chu an hotu tak Lt. Gen. Amir Abdullah Khan Niazi inrawinaa India sipai kuta inpe in India chun hnena changtua puongin indo suktawp a nih. Hi ni le inzawma indonaa India sipai hai hrietzingna le chawimawina dinga kum tina Vijay Diwas hi hmang hlak a nih. Kum 1971a India le Pakistan indo kha December 3, 1971 a tan niin ni 13 a aw a, hi indonaa hin India sipai 3,800 chuong an thi a nih.
Journalist han sit in protest an nei
IMPHAL: Helpawl tu ti hrietlo han Imphal thangsana um Chanchinbu hai an vau dodalnain zanikhan Imphal khawpui thangsana insuo nitin chanchinbu han Dec. 16, 2015 issue editorial column an sukruok bakah zani 10AM4PM chen khan Keishampat junction, Imphalah All Manipur Working Journalists’ Union (AMWJU) le Editor’s Guild Manipur (EGM) hmalaknain sitinprotest an nei. Hi lei hin December 17, 2015 hin Imphal thangsana nitin chanchinbu hai a suoknaw ding bakah local cable TV channel pathum ISTV, Impact TV le Image TV hai chun Dec. 17, 2015, 6AM chenah Chanchin thar puong naw ni hai.
Mahila Congress Council meet
IMPHAL: Zanikhan AICC Media Hall, New Delhi hmuna National Council meet of All India Mahila Congress nei a nih. Hi huna hin Parliament Session fe mek chungthu, National Herald Case le GST chungthu hai hriltlang a nih. Manipura inthaw Manipur Pradesh Mahila Congress Committee President L. Tilotama a zu thang.
Dec.20 January 1 sung HC khar ding
IMPHAL: High Court of Manipur chu December 20, 2015 a inthawk January 10, 2016 inkar sung Christmas holiday le winter vacation leiin khar ning a ta, registry December 21, 22, 28, 29, January 4, 7 le 8, 2016 haiah function a tih tiin High Court thusuok chun a hril.
NDMA member Imphalah
IMPHAL: National Disaster Management Authority (NDMA), Govt. of India member Lt. General NC Marwah chu Manipurah a hung inzin a, zani hmasa khan Manipur CM O.Ibobi Singh a Office chamberah an hmupui. Lt. General NC Marwah hi Chandel district, Manipura mimkei nasa tak tlunga khuo pakhat a keichim leia mi tam takin thina an tuokna chungthua thil umdan enkai dinga hung inzin a nih.
ZBCCNEI in Centenary an hmang
IMPHAL: Zeliangrong Baptist Churches Council North East India (ZBCCNEI) chun ‘Witnessing God’s Faithfulness’ ti thupui hmangin Zeliangrong areaa Kristienna a lut kum 100 tling lawmna (Centenary Celebration)zani hmasaa inthawk khan Christian Centre, Chiuluan, Tamenglong Districtah an hmang. Zeliangrong hnam hai laia Kristien sakhuo zui hmasatak chu Namrijinang @ Maipak a ni a, kum 1914 khan Kristienah an zieklut a nih. Hi Centenary a thuhriltu tak ding chu Rev Dr Bobby Herrel of Cornerstone Baptist Church, Texas, USA ning a tih. Centenary celebration hmangna hi Assam le Nagaland a inthawk palai hai khawmin an uop ve.
SC in SUVs le Luxury Card registration a khap
NEW DELHI: Supreme Court chun Delhi khawpui sunga pollution titthawng um khawpa a pung dangna dingin March 31, 2016 chenah National Capital Region (NCR) huom sungah Diesel hmang SUVs le Luxury Cars 2000cc le a chungtieng hai registration thaw a khap. Hi dungzui hin Delhi pan ding ni lo hai khawmin National Highways No. 1 le 8 hai hrawa Delhi khawpui an fethleng phal a ninaw ding a nih. Hi baka hin Supreme Court chun Delhi khawpui sunga service Taxis/cabs hai khawm March 1, 2016 chena an taxi hai Compressed Natural Gas (CNG) a thlakthleng vawng dingin an hriettir.
Mizoram sawrkarin Dry Day a puong
AIZAWL: Mizoram Liquor (Prohibition and Control) Act, 2014 (Sec. 11) hnuoiah Commissioner of Excise & Narcotics chun Dec. 24, 25, 26 le Dec. 31, 2015 hai bakah January 1, 2016 hai ‘Dry Day’in a puong. Dry Day a puong ni haia hin Mizorama chun Zu inchawk, zawr le dawn khap a ni a, Mizoram Excise & Narcotic Dept. chun dan zama um hi bawsie lo dingin mipui hai a ngen.
Zee Cafe in Miss World le Miss Universe
Zee Cafe channel chun tukum Miss World le Miss Universe thlangna an pek ding a nih. Miss World pageant hi December 19, 2015 6PM in live in pedawk an ta, Miss Universe pageant chu December 21, 2015, 5:30PM a inthawk live in pedawk an tih. Miss World a hin India ram aiawin Aditi Arya thang a ta, Miss Universe pageantah Urvashi Rautela hai an thang ding a nih.
Sanghal hliem laka inthawk naupang a sanhim
SAKAWRDAI: December 14, 2015 khan Sakawrdai Hmar Veng, Mizorama Pi Roluahpuii chun Sanghal hliem in a bei naupang hai huoisen taka beiletin a sanhim. Roluahpuii hi loa fe, in an lawi tawmin an thenum naupang chu an Thlam sak met lai Sanghal hliemin a bei thut a, naupang thlabar khekri a hriet leiin a pan a, naupang sanhim a tumnaah Sanghal hliem hin Roluahpuii hi a lo baw ve a, sienkhawm a tluk pum chun huoisen takin thing lain Sanghal hi a hlap a, sienkhawm a hlapna thingtum hi a lo hmawn ta leiin a tliek nghal leiin hmangruo dang dap nawkin Sanghal hliemin a hung bei tum lai a lu takah thingtuma vuoin a vuok hlum der nia hril a nih. Ama khawm Sanghal le an inbeinaa hin hliemna a tuok met. (Billy Darngawn@ FB)
LIC ah Asst. Admn. Officer post 700 a ruok
NEW DELHI: Life Insurance Corporation of India (LIC) hnuoia Assistant Administrative Officer (Genaralist) Post 700 (UR349, SC106, OBC192, ST53) a ruok.Thiemna Graduate/Master Degree ni a tul. Hlaw Rs. 17240 32640/ ning a tih. Inhnikna nei hai chun December 15, 2015 a inthawk January 5, 2016 chenin Online in Application peklut thei ning a ta, thu chieng lem le application LIC Website: www.licindia.in ah hmu thei le fillup thei ning a tih. Imphal (Manipur) khawm exam Centre pakhata hmang ning a tih.
VAWISUN THUPUI
Thlemnaa in lut nawna dingin inrin zingin tawngtai ro; thlarau chun chu a pei a, tisa ruok chu a hrat naw a nih,” a ta. Mathai 26:41
Editorial
Ei rama pollution pung hi
Khawvel rambung tum tum le state sawrkar han tulaia an buoipui pakhat chu industry, factory le inlirthei han boruok thalo tam tak an phusuok hai leia ei rama boruok thalo hung pung pei ‘pollution’ hi a nih. National Green Tribunal (NGT) chun ei ram (India) a pollution hung pung do le vengna dinga an hmalak dan States tin le Union Territories (UTs) tin hai an hmalak dan report pe dingin Chief Secretaries hai a lo inhriettir ta bakah inlirthei (motor) umzat le air quality sample hai khawm laa, boruok thienghlim lem theina dinga rawtna an nei hai khawm pelut dingin a lo inhriettir ta a nih.
India khawpui tak New Delhia chun pollution pung pei dangna dingin National Green Tribunal chun tulai hnai el khan Delhi khawpui sunga Diesel motor hrim hrim inchawk a khap bakah Diesel hmang inlirthei hai chu registered thei ta lo dinga puongin Delhi sawrkar le sawrkar thlungpui khawm Diesel motor inchaw ta lo dingin an hriettir a; Diesel motor kum 10 chena upa ta hai chu khal suok a khap a, amiruokchu Delhi sawrkar chun siemthatin Diesel motor kum 15 chena upa chen dingin a hung siemtha nawk a; Delhia AAP sawrkar chun January 1, 2016 a inthawk boruok thalo pung pei sukkiemna ding bakah traffic intar taluo suk zieum na dingin motor number kawpkim le kawpkimlo hai in tlan sawktir tumin hma a lak mek bawk a nih.
Hi baka hin Supreme Court chun zanikhan thusuok siemin, March 31, 2016 chena dingin Diesel hmang SUVs le Cars 2000cc chungtieng hai hrim hrim registration thaw a khap a, Commercial vehicles kum 2005 hmaa registered hai chu Delhi khawpui sung an lut phal a ninaw ding thu;commercial vehicles Delhi pan ni lo hai khawmin Delhi khawpui an hrawthleng a khap a, Delhi khawpui sunga Taxis service hai khawm March 31, 2016 chena Compressed Natural Gas (CNG) a thlakthleng vawng dingin Supreme Court chun an hriettir. Delhi khawpui a Car registered hai laia 23 percent hai chu Diesel hmang an nih.
Pollution suktlawmna dinga sawrkarin Diesel hmang motor hai khap nasan tak chu Petrol hmang hai nekin boruok hrisel lo toxic nitrogen dioxide an phusuok rawn lem lei a ni a, World Health Organisation khawmin Diesel hmang inlirthei han boruok thalo an siemsuok hi Cancer intluntu laia pakhat niin an hril a nih. Boruok thalo SO2 in mihriem ta dinga natna an tlun thei dang hai chu Corneal haze;Breathing difficulty; Airways inflammation; Eye irritation; Psychic alterations.; Pulmonary oedema.; Heart failure le Circulatory collapse hai an nih.
Eini lai khawm motor a pung hrat hle a, Petrol man neka diesel man a tlawm lem leiin a neizo deu hai chun Petrol hmang nekin Diesel hmang motor inchawk ei insukhmu leiin Diesel hmang motor ei rama khawm a pung ta hle a. A bik takin ei rama pollution nasa taka sukpungtu chu Diesel Auto hai hi an nih. Mi ram le state han an hnawl ta hnung motor tawp le thalo hai nasa takin ei laklut bawk leiin ei rama pollution pung hrat zie hi an khina nei inla chu a thla telin nasa takin a pung ngei ring a um. Hiengang hi ei ngirhmun a ni leiin State sawrkar in ei rama pollution pung pei dang a ni theina dinga hma a lak ve hi a thaw ding makmaw a nih. Natna khawm a hun laia enkawl chun sukdam an hawi hlak. Tuta inthawka hma ei lak naw a ni chun ei rama pollution hi dang ruol loin a la hung um thei ding a nih.
Motor inchawtu hai khawmin, a man tlawm ringawt ngaituo lovin ei ram le khawtlang ta dinga him le hrisel chin chau motor inchawk le ei rama laklut insukhmu inla nuom a um. Chun, Transport Department khawmin motor hlui taluo, state danga hnawl ta hnung hai hi chu Registration thaw ta ngainaw hai sien, hi chungthua hin state sawrkarin Registration thaw thei ding chin bituk siem sienla thil tha ning a tih. Manipur sawrkar hnuoia khawm Manipur Pollution Control Board ei nei ve a, sienkhawm ei rama pollution dangna dinga an hmalakna hi hriet ding a vang hle. An website khawm kum 2012 chena an update bak update thar hmu ding a um nawh. Kum 2012 a Air pollution level an update dana chun MPCB Office complexa SO2 air pollution level chu 10 le Palace compound a SO2 level chu15 an nih. An websitea an update nuhnung taka inthawk hin kum 4 lai a ni nawk ta a, hang enfel thar nawk hai sien chu an sang ta hle ring a um. Tu chena SO2 level khawm hi mihriem ta dinga natna dang dang intlun thei a ni tah.
CCPUR: Zani 11:00AM khan Ms Mannuamching in IAS a hmu (conferred) lawmna hun MELC Compuondah nei a ni a, ADC/CCPur le District Administration tienga inthawk DLOs hai bakah Chandel le Sadar Hilla ADC haia Chairman le member hai; SP/Imphal West Principal Secy. Letkhogin Haokip, IAS; L.K. Haokip (Retd ADGP) le T. Hangkhanpau le Jainson Haokip hai khawmin an uop.
Hi huna hin Rev. Stephen Chinzathang, Executive Secretary, ZPCS in lawmlutna thucha le Rev. Dr Ginkhanmung Zou, D/S Lamka MELC inrawinain Pastor han Mannuamching ta dinga tawngtaipekna an nei.
Ms Mannuamching chun, promotion hi ‘routine matter’ a ni a, sienkhawm Pathien thanglo chun inpalthlukna ding tam tak a um thu hrilin lawmpuitu hai popo le Pathien kuoma lawmthu a hril. Nu le pa thenkhatin an nau nuhmei hai nekin pasal hai inchukna an ngaipawimaw lem hlak chu tawpsan dingin a ngen.
Ms Mannuamching hi 2003 batch MCS Officer niin a batch pui hai IAS le IPS conferred tam tak an um ta a, kum thar 2016 a chun a batch pui dang hai popo khawm IAS & IPS conferred anni vawng a beisei ta thu a hril.
UZO President Chinlunthang chun, Mannuamching chu Zou hnam sunga MCS hmasa tak le IAS hmasa tak a ni thu hrilin Dec. 21, 2015 khin UZO Executive meeting rel angin IAS a hmu lawmpuina le MDC thar hai lawmpuina hun an buotsai ding thu a hril.
Chandel ADC a Chairman, Sesei Zou chun, Nu le pa han MLA, Minister 1 ei siem nekin IAS siem inla ei ram le hnam ta dinga malsawmna an tlun lem ding thu a hrila, Ms Mannuamching in IAS a hmu chu a lawmpui hle thu; Pastor, Upa le Zo mipui han hnam sunga IAS pakhat bek nei dinga Pathien kuoma an lo ngenna rasuok a nih tiin a hril.
Langkhanpau Guite, Chairman, ADCC chun Mannuamching chu integrity nei, MDC han an ngainat em em a ni thu a hril.
Jt. Children Home Music video Album tlangzar ding
CCPUR: Churachandpur District sunga naufahra enkawlna Children Home po po inzawmkhawm Joint Children Orphan Home in an siem ‘Ka damna Kross” ti Music Video Album tlangzarna December 20, 2015, 1:00PM khin Rayburn College Auditorium, New Lamka hmuna nei ning a tih.
Hi huna hin Rev. Dr V Lalnghakthang, Gen. Secretary, RPCNEI Chief Guest in thang a ta, Rev Tualzachin, senior Executive Secy, ZPCS; Pastor Khamkhokai, Fin. Director, ECA le Rev. Khen P. Tombing, Chief Coordinator, PCIR hai chu guest of honour, functional president le Chief host in thang an tih.
Chief Guest in Album tlangzarna nei a ta, Rev.Sutkhanthang, Executive Secretary, CBA in tawngtainain Album inhlan a tih.
Hi Album tlangzarna huna thang dingin Joint Orphan Home Music Video releasing Committee chun mitin fielna le ngenna an siem.
Cold Storage zani zan khan fit zo beisei
CCPUR: District Hospital/CCPur Morguea ruong sie that na ding Cold Storage fit na sin chu M/s RS Appliance, Guwahatia Technical Engineer 3 han ngawr takin an thaw mek a, Cabinet pakhat (ruong 6 um theina) an fit zo hnungin Cabinet pakhat dang khawm zani zan khan an fit zo hman beisei a nih. An fit zo hun huna Tribal Martyrs hai ruong a rengin Cold Storagea sielut an nita ding a nih.
Ralna sum a la lut pei
CCPUR: District Hospitala JPO kuta chun tribal martyrs hai ralna a la lut pei a, zanita JPO kuta ralna lut hi a rengin Rs. 15,255/ a nih. A petu hai chu GK Pau & Ngailunniang of Khajang Pharmacy Rs.500/; Bangalore Zomi Rs.57.5; K. Pumzalam of Bukpi in JPO te ta dingin Rs.50 le V.Dongzathang of Pearsonmun in Rs. .9000/ hai an nih. Dec 16, 2015 -a Morguea thingpui inlumtu ding ZYO an ni a, lengkhawm ding Zellang Veng, Molhoi; Khawmawi le Zoumunmuam nupui hai ning an tih.
J&J Fast Food bieltu MDC in a hawng ding
CCPUR: Tuta hmaa New Bazara Synod building hnung laia um hlak J&J Fast Food chu Rengkai Bridge Streetah an insawn ta a. December 18, 2015, 5:00PM khin bieltu MDC M. Gouzamang in hawng a tih. Open Air J&J Fast Food hawngna huna hin hlasak thiem dang dang han hla an sak bawk ding a nih. A hmun hi Rengkai Tuithapui leilak bul lai a nih.
Sonia Gandhi le Rahul han National Herald Caseah bail an ngen naw el thei
NEW DELHI: National Herald Chanchinbu chungthua Congress President Sonia Gandhi le Congress Vice President Rahul Gandhi hai chu December 19, 2015 khin Court hmaa inlang dinga ti an ni a. Anni bakah hin hin midang 5 hai khawm tricl court in inlang dingin a ko bawk a nih. Sonia Gandhi le Rahul hai chun hi case ah suksuol an neinaw zie sukchiengna dingin bail an ngen naw el thei niin ei thu dawngna chun a hril a, a tul a ni chun Jaila lut khawm an hnielnaw niin Congress thusuok chun a hril.
Hieng laizing hin Sonia le Rahul Gandhi hai Patiala House Court hmuna an inlang huna hin Congress member a tam thei ang tak fekhawma court hearing hi uop an tum. Sonia le Rahul Gandhi han hi casea ko an nina thuah anni taksa kher inlang loa an aia midang inlang phal pek dinga ngenna a siem Court in a hnawla December 8, 2015 a kha inlang dinga a ko, sienkhawm an senior counsel Abhishek Manu Singhvi in Sonia hai nufa an buoi leia an lang hman naw ding thu hrila, an inlang ding hun sawn hla dinga ngenna a siem pawma Dec. 19, 2015a inlang dingaDelhi High Court in a ko an nih.
Sonia le Rahul hai an taksa ngei inlang dinga Court in a kona chungthua hin Congress le Opposition party hai chun politics a phuba lakna a nih tia sawiselin Parliament a risie siemin inpui inthung rorel thei loin ni iemanizat an siem ta a nih. Hi case a inlang dinga ko midang hai chu Suman Dubey, Moti Lal Vohra, Oscar Fernandez, Sam Pitroda le Young India Ltd hai an nih.
BJP leader Subramanian Swamy in Jawaharlal Nehru lo indin tuta insuo zawm ta lo, National Herald newspaper property hai chang theina dingin company an indin tia intumna a siem leia Sonia hai nufa le midang 5 hai chunga Court in case a siem a nih.
Vijay Diwas hmang a nih
IMPHAL: Zanikhan India ram pumpuiah Kum 1971 a India le Pakistan indonaa India in hnena a chang champha Vijay Diwas hmang a nih.
Manipur a khawm zanikhan 1st Manipur Rifles Banquet Hall, Imphal hmunah Vijay Diwas hi hmang a nih. Hi huna hin Manipur CM O.Ibobi Singh khuollienin a thang a, PWD Minister Dr Kh. Ratankumar functional president in a thang. India ram venghimna dinga hringna lo inhlan ta hai inzana pek an nih.
December 16, 1971 khan East Pakistan sipai 93,000 hai chu an hotu tak Lt. Gen. Amir Abdullah Khan Niazi inrawinaa India sipai kuta inpe in India chun hnena changtua puongin indo suktawp a nih. Hi ni le inzawma indonaa India sipai hai hrietzingna le chawimawina dinga kum tina Vijay Diwas hi hmang hlak a nih. Kum 1971a India le Pakistan indo kha December 3, 1971 a tan niin ni 13 a aw a, hi indonaa hin India sipai 3,800 chuong an thi a nih.
Journalist han sit in protest an nei
IMPHAL: Helpawl tu ti hrietlo han Imphal thangsana um Chanchinbu hai an vau dodalnain zanikhan Imphal khawpui thangsana insuo nitin chanchinbu han Dec. 16, 2015 issue editorial column an sukruok bakah zani 10AM4PM chen khan Keishampat junction, Imphalah All Manipur Working Journalists’ Union (AMWJU) le Editor’s Guild Manipur (EGM) hmalaknain sitinprotest an nei. Hi lei hin December 17, 2015 hin Imphal thangsana nitin chanchinbu hai a suoknaw ding bakah local cable TV channel pathum ISTV, Impact TV le Image TV hai chun Dec. 17, 2015, 6AM chenah Chanchin thar puong naw ni hai.
Mahila Congress Council meet
IMPHAL: Zanikhan AICC Media Hall, New Delhi hmuna National Council meet of All India Mahila Congress nei a nih. Hi huna hin Parliament Session fe mek chungthu, National Herald Case le GST chungthu hai hriltlang a nih. Manipura inthaw Manipur Pradesh Mahila Congress Committee President L. Tilotama a zu thang.
Dec.20 January 1 sung HC khar ding
IMPHAL: High Court of Manipur chu December 20, 2015 a inthawk January 10, 2016 inkar sung Christmas holiday le winter vacation leiin khar ning a ta, registry December 21, 22, 28, 29, January 4, 7 le 8, 2016 haiah function a tih tiin High Court thusuok chun a hril.
NDMA member Imphalah
IMPHAL: National Disaster Management Authority (NDMA), Govt. of India member Lt. General NC Marwah chu Manipurah a hung inzin a, zani hmasa khan Manipur CM O.Ibobi Singh a Office chamberah an hmupui. Lt. General NC Marwah hi Chandel district, Manipura mimkei nasa tak tlunga khuo pakhat a keichim leia mi tam takin thina an tuokna chungthua thil umdan enkai dinga hung inzin a nih.
ZBCCNEI in Centenary an hmang
IMPHAL: Zeliangrong Baptist Churches Council North East India (ZBCCNEI) chun ‘Witnessing God’s Faithfulness’ ti thupui hmangin Zeliangrong areaa Kristienna a lut kum 100 tling lawmna (Centenary Celebration)zani hmasaa inthawk khan Christian Centre, Chiuluan, Tamenglong Districtah an hmang. Zeliangrong hnam hai laia Kristien sakhuo zui hmasatak chu Namrijinang @ Maipak a ni a, kum 1914 khan Kristienah an zieklut a nih. Hi Centenary a thuhriltu tak ding chu Rev Dr Bobby Herrel of Cornerstone Baptist Church, Texas, USA ning a tih. Centenary celebration hmangna hi Assam le Nagaland a inthawk palai hai khawmin an uop ve.
SC in SUVs le Luxury Card registration a khap
NEW DELHI: Supreme Court chun Delhi khawpui sunga pollution titthawng um khawpa a pung dangna dingin March 31, 2016 chenah National Capital Region (NCR) huom sungah Diesel hmang SUVs le Luxury Cars 2000cc le a chungtieng hai registration thaw a khap. Hi dungzui hin Delhi pan ding ni lo hai khawmin National Highways No. 1 le 8 hai hrawa Delhi khawpui an fethleng phal a ninaw ding a nih. Hi baka hin Supreme Court chun Delhi khawpui sunga service Taxis/cabs hai khawm March 1, 2016 chena an taxi hai Compressed Natural Gas (CNG) a thlakthleng vawng dingin an hriettir.
Mizoram sawrkarin Dry Day a puong
AIZAWL: Mizoram Liquor (Prohibition and Control) Act, 2014 (Sec. 11) hnuoiah Commissioner of Excise & Narcotics chun Dec. 24, 25, 26 le Dec. 31, 2015 hai bakah January 1, 2016 hai ‘Dry Day’in a puong. Dry Day a puong ni haia hin Mizorama chun Zu inchawk, zawr le dawn khap a ni a, Mizoram Excise & Narcotic Dept. chun dan zama um hi bawsie lo dingin mipui hai a ngen.
Zee Cafe in Miss World le Miss Universe
Zee Cafe channel chun tukum Miss World le Miss Universe thlangna an pek ding a nih. Miss World pageant hi December 19, 2015 6PM in live in pedawk an ta, Miss Universe pageant chu December 21, 2015, 5:30PM a inthawk live in pedawk an tih. Miss World a hin India ram aiawin Aditi Arya thang a ta, Miss Universe pageantah Urvashi Rautela hai an thang ding a nih.
Sanghal hliem laka inthawk naupang a sanhim
SAKAWRDAI: December 14, 2015 khan Sakawrdai Hmar Veng, Mizorama Pi Roluahpuii chun Sanghal hliem in a bei naupang hai huoisen taka beiletin a sanhim. Roluahpuii hi loa fe, in an lawi tawmin an thenum naupang chu an Thlam sak met lai Sanghal hliemin a bei thut a, naupang thlabar khekri a hriet leiin a pan a, naupang sanhim a tumnaah Sanghal hliem hin Roluahpuii hi a lo baw ve a, sienkhawm a tluk pum chun huoisen takin thing lain Sanghal hi a hlap a, sienkhawm a hlapna thingtum hi a lo hmawn ta leiin a tliek nghal leiin hmangruo dang dap nawkin Sanghal hliemin a hung bei tum lai a lu takah thingtuma vuoin a vuok hlum der nia hril a nih. Ama khawm Sanghal le an inbeinaa hin hliemna a tuok met. (Billy Darngawn@ FB)
LIC ah Asst. Admn. Officer post 700 a ruok
NEW DELHI: Life Insurance Corporation of India (LIC) hnuoia Assistant Administrative Officer (Genaralist) Post 700 (UR349, SC106, OBC192, ST53) a ruok.Thiemna Graduate/Master Degree ni a tul. Hlaw Rs. 17240 32640/ ning a tih. Inhnikna nei hai chun December 15, 2015 a inthawk January 5, 2016 chenin Online in Application peklut thei ning a ta, thu chieng lem le application LIC Website: www.licindia.in ah hmu thei le fillup thei ning a tih. Imphal (Manipur) khawm exam Centre pakhata hmang ning a tih.
VAWISUN THUPUI
Thlemnaa in lut nawna dingin inrin zingin tawngtai ro; thlarau chun chu a pei a, tisa ruok chu a hrat naw a nih,” a ta. Mathai 26:41
Editorial
Ei rama pollution pung hi
Khawvel rambung tum tum le state sawrkar han tulaia an buoipui pakhat chu industry, factory le inlirthei han boruok thalo tam tak an phusuok hai leia ei rama boruok thalo hung pung pei ‘pollution’ hi a nih. National Green Tribunal (NGT) chun ei ram (India) a pollution hung pung do le vengna dinga an hmalak dan States tin le Union Territories (UTs) tin hai an hmalak dan report pe dingin Chief Secretaries hai a lo inhriettir ta bakah inlirthei (motor) umzat le air quality sample hai khawm laa, boruok thienghlim lem theina dinga rawtna an nei hai khawm pelut dingin a lo inhriettir ta a nih.
India khawpui tak New Delhia chun pollution pung pei dangna dingin National Green Tribunal chun tulai hnai el khan Delhi khawpui sunga Diesel motor hrim hrim inchawk a khap bakah Diesel hmang inlirthei hai chu registered thei ta lo dinga puongin Delhi sawrkar le sawrkar thlungpui khawm Diesel motor inchaw ta lo dingin an hriettir a; Diesel motor kum 10 chena upa ta hai chu khal suok a khap a, amiruokchu Delhi sawrkar chun siemthatin Diesel motor kum 15 chena upa chen dingin a hung siemtha nawk a; Delhia AAP sawrkar chun January 1, 2016 a inthawk boruok thalo pung pei sukkiemna ding bakah traffic intar taluo suk zieum na dingin motor number kawpkim le kawpkimlo hai in tlan sawktir tumin hma a lak mek bawk a nih.
Hi baka hin Supreme Court chun zanikhan thusuok siemin, March 31, 2016 chena dingin Diesel hmang SUVs le Cars 2000cc chungtieng hai hrim hrim registration thaw a khap a, Commercial vehicles kum 2005 hmaa registered hai chu Delhi khawpui sung an lut phal a ninaw ding thu;commercial vehicles Delhi pan ni lo hai khawmin Delhi khawpui an hrawthleng a khap a, Delhi khawpui sunga Taxis service hai khawm March 31, 2016 chena Compressed Natural Gas (CNG) a thlakthleng vawng dingin Supreme Court chun an hriettir. Delhi khawpui a Car registered hai laia 23 percent hai chu Diesel hmang an nih.
Pollution suktlawmna dinga sawrkarin Diesel hmang motor hai khap nasan tak chu Petrol hmang hai nekin boruok hrisel lo toxic nitrogen dioxide an phusuok rawn lem lei a ni a, World Health Organisation khawmin Diesel hmang inlirthei han boruok thalo an siemsuok hi Cancer intluntu laia pakhat niin an hril a nih. Boruok thalo SO2 in mihriem ta dinga natna an tlun thei dang hai chu Corneal haze;Breathing difficulty; Airways inflammation; Eye irritation; Psychic alterations.; Pulmonary oedema.; Heart failure le Circulatory collapse hai an nih.
Eini lai khawm motor a pung hrat hle a, Petrol man neka diesel man a tlawm lem leiin a neizo deu hai chun Petrol hmang nekin Diesel hmang motor inchawk ei insukhmu leiin Diesel hmang motor ei rama khawm a pung ta hle a. A bik takin ei rama pollution nasa taka sukpungtu chu Diesel Auto hai hi an nih. Mi ram le state han an hnawl ta hnung motor tawp le thalo hai nasa takin ei laklut bawk leiin ei rama pollution pung hrat zie hi an khina nei inla chu a thla telin nasa takin a pung ngei ring a um. Hiengang hi ei ngirhmun a ni leiin State sawrkar in ei rama pollution pung pei dang a ni theina dinga hma a lak ve hi a thaw ding makmaw a nih. Natna khawm a hun laia enkawl chun sukdam an hawi hlak. Tuta inthawka hma ei lak naw a ni chun ei rama pollution hi dang ruol loin a la hung um thei ding a nih.
Motor inchawtu hai khawmin, a man tlawm ringawt ngaituo lovin ei ram le khawtlang ta dinga him le hrisel chin chau motor inchawk le ei rama laklut insukhmu inla nuom a um. Chun, Transport Department khawmin motor hlui taluo, state danga hnawl ta hnung hai hi chu Registration thaw ta ngainaw hai sien, hi chungthua hin state sawrkarin Registration thaw thei ding chin bituk siem sienla thil tha ning a tih. Manipur sawrkar hnuoia khawm Manipur Pollution Control Board ei nei ve a, sienkhawm ei rama pollution dangna dinga an hmalakna hi hriet ding a vang hle. An website khawm kum 2012 chena an update bak update thar hmu ding a um nawh. Kum 2012 a Air pollution level an update dana chun MPCB Office complexa SO2 air pollution level chu 10 le Palace compound a SO2 level chu15 an nih. An websitea an update nuhnung taka inthawk hin kum 4 lai a ni nawk ta a, hang enfel thar nawk hai sien chu an sang ta hle ring a um. Tu chena SO2 level khawm hi mihriem ta dinga natna dang dang intlun thei a ni tah.
