CCPur College in mi 39 hai Proficiency Award an hlan
CCPUR: Zani 11:30AM khan CCPur Govt. College Room No. 3ah tukuma CCPur Govt. Collegea inthawk BA, B.Sc. final exama 1st class a passed mi 39 hai kuomah Proficiency Award2015 inhlan an nih.
Award semnaa hin L. Pangamte, Vice Principal in lawmlutna thucha hrilin S. Robert Gangte, HoD, Political Science in tawngtainain a hawng a; hi zo hin Ricky Vanllalawm, Principal in keynote address hrilin Dr Rosiem Pudaite, Controller of Examination inrawinain student 39 Educationah mi 15, Geography ah mi 13, Botanyah 5, Historyah 1, English ah mi 1, Economicsah mi 3 le Political Scienceah mi 1 hai kuomah Award inhlanna hun hmang a ni a, Proficiency Certificate le Rs. 500/ seng inhlan an nih.
Principal chun, competition khawvelah CCPur College chu tlahnuoi loin hma a sawn pei a, tukum Manipur University (MU) hnuoia BA/B.Sc Examination a khan CCPur Govt. Collegea inthawk student 39 first class in an passed a, hienghai laia mi 6 hai chu top 10 lai an thang phak nghe nghe a nih tiin thuhrilna hun a hmang huna a hril. Thiemna le varna ei nei theina dinga pawimaw hmasa tak chu Pathien a nih tiin a hril.
Dr Rosiem Pudaite chun, mi tlawmte in History an siem a, student tlawmte in CCPur Govt. College a dingin History an hung siem a nih tiin a hril a, ProficiencyAward hi kum tina sem dinga ti a ninaw thu a hril.
S. Robert Gangte chun, student hai hi ram innghatna banpui an ni thu hrilin inchuklai hai chu IAS, IPS, IFS an hung hmu hnunga khawm insung, ruol le pai le society theinghil ngai lo ding le tumru le taima taka lekha inchuk sunzawm pei dingin an fui tawl.
Paupu Lenlai 3 tlangzar
CCPUR: Pu Michael Ginzasuan, District Supply Officer (DSO) CAF & PD) chun zani 1:30AM khan Zogal memorial Hall Complex, Zovengah Zotal Film Company in an siem “Paupu Lenlai3” chu mitin en thei dingin a tlangzar. Pu Michael chun, Paupu Lenlai 1 le 2 hai khawm ennuom um tak a ni thu hrilin Paupu Lenlai 3 khawm hi mi tam tak suknuia sukhlimtu a ni ngei a beisei thu a hril.
Paupu Lenlai3 tlangzar a ni le inzawm hin Zogal Hallah Charity Show nei dinga ti a ni a, sienkhawm remchangnawna leiin thul a ni a. Singngat khuo a chun zani zan khan Charity Show nei a ni a, hi taka thang ding hin ZFC team chun programme zoin zanikhan Singngat an pan.
HPC (D) in Mipui Kuoma Ngenna le Inhriettirna an siem
CCPUR: John F. Hmar, Secy. Inf. & Publicity Dept. HPC(D), Gen. HQ, Sinlung in zani December 15, 2015 a mipui kuoma ngenna le inhriettirna a siema chun hieng a hnuoia thu hai hi an ziek:
Hungtlung ding Krismas le Kum Thar hmangtu dinghai popoin hlawtling, hlim le lawm taka ei hmang seng theina dingin HPC (D) Chairman Pawl, Gen. Hqrs., Sinlung chun ditsakna vochuom Chibai kan buk cheu.
Hi ni hlu tak el hi mitinin ralmuong, hlim le lawm, hlawtling taka ei hmang seng theina dingin hiengang hin mipui kuomah ngenna le inhriettirna kan hung siem a. Hi thu bawsehai chu an chunga iengang khawm lo tlung sien anni mawphurna ning a tih.
1. Silai (Toy Gun/Pistol), Rawpuok, Rawmawi/Rawtek, Bomb (Crackers) hai hrim hrim Dec. 15, 2015 – Jan. 15, 2016 inkar sung Hmar khuo a hai khap tlat a nih. Chun, hieng thil leia insuk pal/ siet tuok an lo uma buoina an tuok a ni chun an chunga thil tlung ang ang chu anniin mawphur bawk a tih. Chun, Pawl dangin hieng thil an khap va bawsietna leia kut an lo tuor a ni khawma hnam thil a lak thei ni naw nih.
2. Pathien ropui le inza taka ei chawimawi seng nuom a um a, Kohran tinin inzatuo a Mike (Loudspeaker) hmang dana mani sieletha hrietna hmang/bengvar insuoa insuk buoilo dingin ei in ngen.
3. Inrui leia mawi naw taka hi hun sunghaia khawlai le hieng hun lawmna hun le hmunhaia um hmu an ni chun an phutawk hremna pek ni bawk a tih.
4. Remchanga hmanga hieng hun ding le inzawma thuomhnaw man sukpung le mi hlem hriet an ni chun an sumdawngna le dawr khar pek ning an tih.
5. Hieng hun sung hai a hin mipui Bazar kai le Kohran programme hmang an tam hlak leiin lampui le mipui bubitna hmun haia motor hrat tak taka khal le tlan khap a nih. Emergency thil a um khawmin fimkhur dinga ngen ei nih.
Chun, tulaia Manipur Tribal Issue thuah hnam tin inrem taka ei um a, hma ei lak tlang hi dit a um a. “Hmar hnam ka nih” in ti taphawt chun Hmar Inpui Executive Council in a rel angang zawm seng dingin ei inngen a nih. Mani mimal thu a hnam hrietpuilo le hnam thuoituhai hrietpuilo a hmalaknaa lo inrawl leia buoina le harsatna tuok pal an lo um chun hnamin a maw a phur thei naw ding a nih. Mitin hotuhai thu ngaichanga, zawm seng dingin ei inngenin, ei inhriettir a, Hmar hnam chunga thawluina hmanga hnam thuoituhai inzanaw taka chang khum le thaw phal a ni naw bawk.
7AM-5PM inkar an duty ding
CCPUR: December 16, 2015 a inthawk chun Traffic Police hai chu CCPur khawpui sung hmun tum haia zing dar 7 a inthawk zantieng dar 4 chen an duty hlak chu zantieng 5PM chen duty ta dingin L. Mangkhogin Haokip, SP, CCPur in zanikhan thusuok a siem.
Captaina inthawk Major in a kaisang
CCPUR/DIPHU: Tv. Jonathan Joute s/o Pastor Lienhnun of Rengkai chu December 12, 2015 khan Captaina inthawk Major in a kaisang. Tv. Jonathan hi kum 2008 khan St. Anthony College, Shillonga inhtawk B.Sc. Biochemistry zoin kum 2009 a khan Captain an ziek tling a, Indian Military Academy, Dehraduna traning a nei zoin 8 Assam Regimenta lutin, Kargil, Sikkim, Madhya Pradesh, Kolkata le Manipur haia lo posting tah, tuta Diphu, Karbi Anglong, Assama Assam Riffle Training Centrea Directing Staff Coordinator sin thaw lai mek a nih.
NEICORD huoihawtnain meeting
CCPUR: December 17, 2015, 11:00AM khin NEICORD huoihawtnain DTC Hall, Tuibuongah “1st District Level Officer Meeting on Tips on Rural Development & Ten Schemes for Improving access to information and delivery of Public schemes in remote and backward district of North East India” um a tih. Hi huna hin NEICORD District Coordinator Khaihao in scheme chungthu hril a ta, DC/CCPur in Tips of Rural Development & Transformation thuah thu hril a tih.
MDM utensils la dingin
CCPUR: ZEO le District Council hnuoia Mid Day Meal (MDM) utensils dawng, zani chena la lalo hai chun December 20, 2015 chenah CCPur Govt. High Schoola la seng dingin Addl. Zonal Nodal Officer, MDM/CCPur in an hriettir.
JPO kutah Ralna Rs. 700/ a lut
CCPUR: District Hospitala JPO kutah zanikhan Tribal martyrs ralna Rs. 700/ a lut. Ralna petu hai chu H.Kamzapau & Family of Bethel Veng, New Lamka Rs.500/; Pumzalam of Bukpi Rs.100/ le Pamzaching of Dorcas Veng, New Lamka Rs.100/ hai an nih. Dec 16, 2015 a Morgue thingpui inlumtu ding chu YVA ning an ta, lengkhawm ding Bethel Veng, S.Muolcham; Saidan le Kamdou Veng nupui hai ning an tih.
CBI in Delhi Chief Minister Arvind Kejriwal Principal Secretary Office an dap
NEW DELHI: Central Bureau of Investigation (CBI) chun zani zingkar khan Delhi Chief Minister Arvin Kejriwal Principal Secretary Rajendra Kumar office le chengna in hai an dap. Mr Rajendra Kumar hin kum 20072014 inkar sung khan Mr Kumar le midang 6 han company thenkhat ditsak bikin contract an pek ti thu an dawng a, hi thua hin Court thupek angin Delhi le Uttar Pradesh hmun 14 hai khawm an dap niin CBI thupuongtu Devpreet Singh Rajendra Kumar chun a hril.
Hienganga CBI in a office an dapna thua hin Delhi CM Arvind Kejriwal chu a lungawinaw hle a, ama office khawm an dap sa niin an tum a, PM Narendra Modi chu ‘coward and psychopath’ a nih tiin a hril a, corruptionah a naupa ngei khawm inrawl sien a ngaidam naw ding thu a hril. Finance Minister Arun Jaitley le inzawm file zawngnaa a office hi CBI in an dap niin an tum bawk bawk. AAP chun December, 2013 chena kum 13 sunga Mr Jaitley in DDCA or Delhi and District Cricket Association President a chel lai khan sum hmang indiknawna a um niin an intum a, hi chungthua Jaitley hming chuongna file zawnga CBI hin a office an dap niin Kejriwal chun an tum.
Hieng laizing hin CBI chun corruptiona intum Kejriwal intumna hi hnielin Rajender Kumar tumnaa office hi an dap niin an hril a, an dapnaa hin Rs. 13 lakh le midang pakhat an man bakah Rajender Kumar chengnain ah ramdang pawisa Rs. 3 lakh anghu le Rs. 2.4 lakh an dapdawk niin an hril.
Delhi CM Office CBI in an dapnaa chungthua hi Parliamentah Trinamool Congress han hrilfiena siem dingin an phut a, hi thua hin Jaitley chun, Delhi Chief Minister Office chu dap a ni nawh tiin a hrilin Kejriwal tum bikna iengkhawm a um nawh tiin a hril.
BJP chun Kejriwal in PM chunga ‘coward’ ti tawngkam a hmang chu demin PM kuoma ngaidam inhni dingin an ti a. Kejriwal ruok chun, in thilthaw ah ngaidam inhni inla, kei khawmin ka tawngkam hmang thuah ngaidam inhni veng ka tih tiin a dawn.
AMWJU le EGM in an sinthaw chawlsanin sitinprotest an nei ding
IMPHAL: Zani hmasa zana helpawl thenkhatin IMPACT TV Editor Yumnam Rupachandra chengna ina Grenade an va sie chu AMWJU le Editors’ Guild chun nasa takin an dem a. Hi thil tlung le inzawm hin zanikhan Editors’ Guild President A. Mobi le AMWJU President W. Shyamjai hai inrawinain Manipur Press Clubah emergency joint meeting an nei. Joint meeting chun chun helpawl han Journalist hai that dinga vauna an siem dodalnain December 16, 2015 zingkara inthawk Keishampat hmuna sitinprotest nei dingin an rel bakah Dec. 16, 2015 issue Editorial column a dodalnaa sukruok (blank) a sie ding le Dec. 16, 2015 office hai khara sin thaw lo dingin an rel. Hi lei hin Imphala inthawka insuo chanchinbu hai chu December 17, 2015 khin an suok tawlnaw ding a nih.
Chun, AMWJU le EGM hnuoia journalist han vawisun hin Imphalah rally nei an tum bakah Manipur CM O.Ibobi Singh le Deputy Chief Minister le Home Minister chel bawk Gaikhangam hai kuoma Journalist hai venghimna pe dinga an ngenna Memorandum pek an tum.
Y. Rupachandra chun, tu ti hrietloin a mobile fethlengin a hung call a, sienkhawm TV programme a buoipui lai a ni leiin a lak naw a, a hnungin land line number hmanga hung call nawkin a gate bula bomb sie a ni thu hi a hung hril niin a hril. Thla khat vel liemta khan tu ti hrietlo 3 han a ina inhmupuiin, thu insuo dinga an pek chanchinbu pakhat khawma an insuo nawna chungthuah an lo vau ta niin a hril. Hiengang bawk hin a vautu hai hin AMWJU President le member dang hai khawma call an dawng a, thu insuo dinga an pek insuo dingin an vau a nih.
Bomb hi zani hmasa zan dar 8:15 vela kha sie sie, polythene baga sunga inthun a ni a, 8:30PM velin Policea bomb expert han an va lak hmang a nih.
ST Demand Committee in Memorandum an pek
IMPHAL: Meitei hai Schedule Tribe (ST) a zieklut dinga ngen pawl ST Demand Committee chun zanikhan Keishampat Laitembi Community Hallah thungbuma nuorna an nei bakah Manipur CM kuoma Memorandum an pek. ST Demand Committee ngenna hi MLA NG Bijoy in Assembly inthung nuhnung taka a lo putlut tasa le CM in hriltlang dinga a lo tiem ta a ni a, hi thu hi Manipur Assembly Winter Session hung um dinga hriltlang dingin an phut a nih.
AR le NSCN(K) an inkaptuo, 1 a thi
IMPHAL: Zani zingkar dar 6:30 a inthawk khan Arunachal Pradesha Changlang district sunga Nampong Lanka hmuna Assam Rifles le NSCN(K) hai nasa takin an inkaptuo a, inkaptuonaa hin NSCN (K) cadre pakhat a thi a, Assam Rifles personnel pakhatin hliemna a tuok niin ei thu dawngna chun a hril. Inkaptuona hmuna hin security tamlem tirlut le dappui nasa taka thaw a ni a, sienkhawm hi thu ei sut chena hin man an nei thu hriet a la ni nawh.
Army Recruitment Rally
IMPHAL: December 27, 2015 January 2, 2016 inkar sunga Indian Armya Soldier General Duty (GD), Soldier Clerk/Store Keeper, Cook, Inventory Manager, Soldier Technical, Soldier Tradesman lakna dinga online Registration thaw thei hun chu December 17, 2015 chena suksei a ni a, thu chieng lem Army or Assam Rifles haia kan thei ning a tih. Recruitment rally hi Football Ground, Kendriya Vidayalaya Leimakhong, Imphal West (Manipur) a nei ding a nih.
Nuhmei pakhat ringhlaum takin a thisaa hmu
IMPHAL: December 12, 2015 a intahwk a umna chin hriet lova inhmang Wanglun Samjoily (28) w/o W. Achan chu zani zantieng khan Sangluipung village, Chandel Districta thingkungah a khupin hnuoi tawk zing puma inkhaihlum saa hmu a nih. A ruong hi zanikhan JNIMS Morgueah postmortem thaw a nih. Postmortem thaw huna hin MLA Nunglun Victor khawm a um.
Eksiden leiin 1 a thi
IMPHAL: Zani hmasa zantieng 7:30PM khan Wangjing Bazar lai Activa le Bus an inbaw a, Activa a chuong Naorem Krishnananda (46) s/o Krishnamohan of Kakching, Senapati Leikai chu a hliemna tuorzo lovin a thi. Hi thua hin Police chun Bus driver an hrentang bakah case an registered.
Imphal Book Fair2015 tan
IMPHAL: December 24, 2015 chen aw ding 24th edition Imphal Book Fair 2015 chu zanikhan Thangmeiban Athletic Union (THAU) Ground, Imphal Westah tan a nih. Book fair hawngnaa hinUripok MLA L. Nandakumar khuollienin a thang. Lekhabu dawr 40 chuong hawng a nih.
Petrol le Diesel man sukhnuoi
NEW DELHI: Zani zanrila inthawk khan India rama chun Petrol man litre 1ah paise 50 le Diesel man chu litre 1ah paise 46a sukhnuoi a nih. Hi dungzui hin Delhi a chun petrol litre 1ah Rs 59.98/litre; Kolkata Rs 65.53/litre; Mumbai Rs 67.04/litre le Chennai ah Rs 60.28/litre ni tang a ta, Diesel chu Delhi - ah Rs 46.09/litre; Kolkata Rs 49.70/litre; Mumbai Rs 53.28/litre, le Chennai - ah Rs 47.28 a ni ta ding a nih.
EC team Assamah an inzin ding
NEW DELHI: Kum 2016a Assam Assembly Election hung um ding le inzawmin kar thar khin Chief Election Commissioner Dr Nasim Zaidi le Election Commissioners A.K. Joti le Om Prakash Rawat hai chu Guwahatiah inzin an ta, Assembly election hung um ding le inzawma insingsatna fe mek enfel an tih. Election Commission team hin December 21 le 22, 2015 hai khin Political party tum tum le officials hai a hran hranin meeting an neipui ding bakah law and Order ngirhmun khawm ennawn an tih tiin ei thu dawngna chun a hril.
Mizoramah MRPSA hmang tan
AIZAWL: Mizorama chun zanikhan “The Mizoram Right to Public Services Act, 2015” hmang tan a nih. Hi Bill dungzui hin India mi, sawrkarin mipui vantlang hmang dinga thil chi tum tum a pek haia ngenna an peklut a inthawk hunbi tiem sung ngeia an dawng theina ding dan a nih. Hi thil hin Mizoram Sawrkar hnuoia Department 7 - Food, Civil Supplies & Consumer Affairs Department,Transport Department,Taxation Department,Rural Development Department, Finance Department, Social Welfare Department leh Public Health Engineering Department han mipui kuoma public service an pek suok hlak thil 51 hai a huom a nih.
BJP MP hai sessiona thang dingin
NEW DELHI: BJP Parliamentary Affairs Minister Venkaiah Naidu chun, Parliament Winter Session fe meka Lok Sabha le Rajya Sabha inthung ding la um po haiah BJP MP hai chu mathei lova thang kim seng dingin zani zingkara BJP Parliamentary Party meeting huna an hriettir. Hi meeting a hin Chennai tuilien chungthu khawm hriltlang a ni a, BJP MP hai chun Chennai tuilien leia harsatna tuortu hai sawmdawlna dingin Rs. 10,000/ seng an thaw lawm ding thu Minister of state for Parliamentary Affairs Mukhtar Abbas Naqvi chun a hril.
Bus eksidenah mi 15 an thi
BHOPAL: Zanikhan Madhya Pradesh, Hoshangabad district sunga Sohagpur areaah molawma thang ding hai chuongna Bus changsuolin an letthlu a, a sunga chuong mi 15 an thi bakah mi tam takin hliemna an tuok. Bus hi Indorea inthawk Chindwara pan a nih. Madhya Pradesh Chief Minister Shivraj Singh Chouhan chun thina tuok sunghai zangnadawmna Rs. 1.50 lakh seng pek an ni ding thu le hliem inrik hai thangpuina Rs. 25,000/ seng pek dingin a puong. Transport minister chun hi motor eksiden chungthuah district collector chu darkar 24 sunga report pe dingin an hriettir.
Hotel Manager kap hlum
DIMAPUR: Zani hmasa zan dar 6:30 vel khan Dimapura Apna Hotel neitu/ Manager Ritika Mehta chu tu ti hrietlo han silaiin an kap hlum. Ms Ritika hin a customer thenkhat countera an biekpui lai taka a ring laia kap a nih. Ritika hi inrang takin Nikos Hospital panpui a ni a, a hnungin Zion Hospital panpui nawk a ni a, sienkhawm a hliemna tuorzo lovin a thi a nih. November 13, 2015 khawm khan tu ti hrietlo silai chawi pakhatin a dawr khar a tum laiin Ritika hi that tuma silaia kap lo ni ta sienkhawm hi tum hin himin a suokdawk a nih.
Assemblya film pawrche a en leiin suspended
BHUBANESWAR: Odisha Assembly speaker Niranjan Pujari chun Congress MLA Naba Kishore Das chu zani hmasaa Assembly house sungah a mobile phonea film thalo a en leiin ni 7 sung Assembly inthunga thang theilo dingin a suspended bakah Speaker chun Ethics committee kutah a pekdawk nghal bawk.
Hieng laizing hin Kishore Das chun, intuma umna hi hnielin, social media page lut a tumnaah YouTube ka tawkfuk pal a, ka tawl pei lai TV Camera in a mi lo lak fuk a nih tiin a hril. Film pawrche a en ngainaw thu hrilin a thiltuok chu thil vangduoi thlak tak a ni thu a hril a, intuma a umna thua hin Speaker kuoma petition a pek ding thu a hril.
VAWISUN THUPUI
Lalpa i Pathien chu i lungvar po poin, i thlarau po poin, i lungril po poin, i hratna po poin i hmangai ding a nih,’ ti hi. Marka 12:30
Editorial
Fimkhur a tul
Kristien han ei nghakhla em em, kumpui lingleta ei lo thlir Krismas 2015 ei tlungna ding ni 10 vel chau a um ta a. Krismas hmang dinga a chin a lien nasa taka ei insingsat lai mek hin fimkhur nading tam tak a um ti ruok hi chu ei hriet a tul. Mi thenkhatin mani In le compound hai cheimawiin rawng chi dang dangin light ei sukvar tawl a, thenkhatin milim hieng Ran in le ran bu pekna thleng bakah Isu (Naute), Mari, Joseph le Vantirko lim dam siem ei hung insukhmu ta pei a, Mizorama lem chun kawtthler pengthuom tin rawng chidang danga light sitvar le cheimawi a ni hlak a, hi thila ding hin state sawrkar chun pawisa a sanction hlak bawk a nih. A nina tak a chun a tha in a mawi em a, demna ding a um nawh. Hieng laizing hin milem ei siem hai hin a tak tieng neka a lem tiengpanga lungril ei pek le ei buoipui lem khawm thil um thei ngai a ni leiin ei fimkhur a tul hle awm ie.
Krismas hi hun lawm um tak, mitin a chin a lien ei zalen lai tak hun a ni bawk leiin thalai hai chau ni loin nu le pa hai khawm ei fimkhur tul zuol hun a nih. A san chu hi hun zalen tak hi mi tam takin thiltha khawm nisien, a suol khawm an thaw sin tanna a ni nuom vieu leiin nu le pa han nau le te hai fimkhur taka ei enkai tul zuol hun a ni a, thalai mani sie le tha hre thei chin hai khawmin vawisun annawleh vawizana ei thilthaw hin ei damsung hringnun controltu inchang thei a nih ti ngaituo zing puma, ei hringnun suola keilut thei ding thil hai hrim hrim hnawl hmak ngam dinga hi hun zalen le hlimum hi fimkhur taka ei hmang a pawimaw hle a nih.
Chun, thuomhnaw thar le in cheimawi hai hi a tha, sienkhawm a neilo le thaw zolo hai ta dinga ruol inhnarna a bikin naupang hai lai a siem thei leiin uor a tha vieu laiin chintawk ei hriet thil tul ni ngei a tih. Hieng thil hote nia inlang hai lei hin Krismas umzie le a hlutna, ei hmang nasan hi hmuthel thei a ni tlat, a bikin naupang hai ta dingin. Hieng a ni lei hin Krismas ei hmuokna le hmangna ding le inzawma in cheimawi le thil dang dang ei thaw hai hin a Birthday ei ilawm tak Isu hmel a hlie nawna dingin ei fimkhur a tul.
Krismas hmang dinga inbuotsaina ei fepui huna hin mi tam takin inbuotsaina indiklo lampui ei hraw rawp hlak leiin hun dang nekin a bik takin thalai hai lai motor eksiden le tuoksiet dang dang hi a tam nuom vieu leiin ei fimkhur a tul. Thalai chau ni loin nu le pa tam tak khawmin Lal Isu hung pieng chibai buk dinga ei inbuotsaina kawnga Isu Krista khawvela mihriem anga insienga a hung pieng nasan ei hmu thel rawp hlak leiin a min tlantu Van Lal nau ‘Isu Krista’ hung pieng hin a lo dawngsawngtu ding an vai rawp hlak a nih ti ei hriet a tul.
Hienganga Krismas ei hmuok dan le hmang tum dan ei thel rawp hlak lei hin sungkuo tam tak chu Krismas le Kum Thar lawm ei hmangzo le inruolin lungngaina le beidawngna han an mi hung tlakbuok rawp hlak a nih. Chuonganga thil ei tawng nawna dingin mitin, sungtinin ei hmaa Krismas le Kum Thar lawm ei hmang dinga hin Naute hmel hlie theitu ding thil hai hrim hrim hnawl ngam dingin fimkhur taka ei insingsat nuom a um.
CCPUR: Zani 11:30AM khan CCPur Govt. College Room No. 3ah tukuma CCPur Govt. Collegea inthawk BA, B.Sc. final exama 1st class a passed mi 39 hai kuomah Proficiency Award2015 inhlan an nih.
Award semnaa hin L. Pangamte, Vice Principal in lawmlutna thucha hrilin S. Robert Gangte, HoD, Political Science in tawngtainain a hawng a; hi zo hin Ricky Vanllalawm, Principal in keynote address hrilin Dr Rosiem Pudaite, Controller of Examination inrawinain student 39 Educationah mi 15, Geography ah mi 13, Botanyah 5, Historyah 1, English ah mi 1, Economicsah mi 3 le Political Scienceah mi 1 hai kuomah Award inhlanna hun hmang a ni a, Proficiency Certificate le Rs. 500/ seng inhlan an nih.
Principal chun, competition khawvelah CCPur College chu tlahnuoi loin hma a sawn pei a, tukum Manipur University (MU) hnuoia BA/B.Sc Examination a khan CCPur Govt. Collegea inthawk student 39 first class in an passed a, hienghai laia mi 6 hai chu top 10 lai an thang phak nghe nghe a nih tiin thuhrilna hun a hmang huna a hril. Thiemna le varna ei nei theina dinga pawimaw hmasa tak chu Pathien a nih tiin a hril.
Dr Rosiem Pudaite chun, mi tlawmte in History an siem a, student tlawmte in CCPur Govt. College a dingin History an hung siem a nih tiin a hril a, ProficiencyAward hi kum tina sem dinga ti a ninaw thu a hril.
S. Robert Gangte chun, student hai hi ram innghatna banpui an ni thu hrilin inchuklai hai chu IAS, IPS, IFS an hung hmu hnunga khawm insung, ruol le pai le society theinghil ngai lo ding le tumru le taima taka lekha inchuk sunzawm pei dingin an fui tawl.
Paupu Lenlai 3 tlangzar
CCPUR: Pu Michael Ginzasuan, District Supply Officer (DSO) CAF & PD) chun zani 1:30AM khan Zogal memorial Hall Complex, Zovengah Zotal Film Company in an siem “Paupu Lenlai3” chu mitin en thei dingin a tlangzar. Pu Michael chun, Paupu Lenlai 1 le 2 hai khawm ennuom um tak a ni thu hrilin Paupu Lenlai 3 khawm hi mi tam tak suknuia sukhlimtu a ni ngei a beisei thu a hril.
Paupu Lenlai3 tlangzar a ni le inzawm hin Zogal Hallah Charity Show nei dinga ti a ni a, sienkhawm remchangnawna leiin thul a ni a. Singngat khuo a chun zani zan khan Charity Show nei a ni a, hi taka thang ding hin ZFC team chun programme zoin zanikhan Singngat an pan.
HPC (D) in Mipui Kuoma Ngenna le Inhriettirna an siem
CCPUR: John F. Hmar, Secy. Inf. & Publicity Dept. HPC(D), Gen. HQ, Sinlung in zani December 15, 2015 a mipui kuoma ngenna le inhriettirna a siema chun hieng a hnuoia thu hai hi an ziek:
Hungtlung ding Krismas le Kum Thar hmangtu dinghai popoin hlawtling, hlim le lawm taka ei hmang seng theina dingin HPC (D) Chairman Pawl, Gen. Hqrs., Sinlung chun ditsakna vochuom Chibai kan buk cheu.
Hi ni hlu tak el hi mitinin ralmuong, hlim le lawm, hlawtling taka ei hmang seng theina dingin hiengang hin mipui kuomah ngenna le inhriettirna kan hung siem a. Hi thu bawsehai chu an chunga iengang khawm lo tlung sien anni mawphurna ning a tih.
1. Silai (Toy Gun/Pistol), Rawpuok, Rawmawi/Rawtek, Bomb (Crackers) hai hrim hrim Dec. 15, 2015 – Jan. 15, 2016 inkar sung Hmar khuo a hai khap tlat a nih. Chun, hieng thil leia insuk pal/ siet tuok an lo uma buoina an tuok a ni chun an chunga thil tlung ang ang chu anniin mawphur bawk a tih. Chun, Pawl dangin hieng thil an khap va bawsietna leia kut an lo tuor a ni khawma hnam thil a lak thei ni naw nih.
2. Pathien ropui le inza taka ei chawimawi seng nuom a um a, Kohran tinin inzatuo a Mike (Loudspeaker) hmang dana mani sieletha hrietna hmang/bengvar insuoa insuk buoilo dingin ei in ngen.
3. Inrui leia mawi naw taka hi hun sunghaia khawlai le hieng hun lawmna hun le hmunhaia um hmu an ni chun an phutawk hremna pek ni bawk a tih.
4. Remchanga hmanga hieng hun ding le inzawma thuomhnaw man sukpung le mi hlem hriet an ni chun an sumdawngna le dawr khar pek ning an tih.
5. Hieng hun sung hai a hin mipui Bazar kai le Kohran programme hmang an tam hlak leiin lampui le mipui bubitna hmun haia motor hrat tak taka khal le tlan khap a nih. Emergency thil a um khawmin fimkhur dinga ngen ei nih.
Chun, tulaia Manipur Tribal Issue thuah hnam tin inrem taka ei um a, hma ei lak tlang hi dit a um a. “Hmar hnam ka nih” in ti taphawt chun Hmar Inpui Executive Council in a rel angang zawm seng dingin ei inngen a nih. Mani mimal thu a hnam hrietpuilo le hnam thuoituhai hrietpuilo a hmalaknaa lo inrawl leia buoina le harsatna tuok pal an lo um chun hnamin a maw a phur thei naw ding a nih. Mitin hotuhai thu ngaichanga, zawm seng dingin ei inngenin, ei inhriettir a, Hmar hnam chunga thawluina hmanga hnam thuoituhai inzanaw taka chang khum le thaw phal a ni naw bawk.
7AM-5PM inkar an duty ding
CCPUR: December 16, 2015 a inthawk chun Traffic Police hai chu CCPur khawpui sung hmun tum haia zing dar 7 a inthawk zantieng dar 4 chen an duty hlak chu zantieng 5PM chen duty ta dingin L. Mangkhogin Haokip, SP, CCPur in zanikhan thusuok a siem.
Captaina inthawk Major in a kaisang
CCPUR/DIPHU: Tv. Jonathan Joute s/o Pastor Lienhnun of Rengkai chu December 12, 2015 khan Captaina inthawk Major in a kaisang. Tv. Jonathan hi kum 2008 khan St. Anthony College, Shillonga inhtawk B.Sc. Biochemistry zoin kum 2009 a khan Captain an ziek tling a, Indian Military Academy, Dehraduna traning a nei zoin 8 Assam Regimenta lutin, Kargil, Sikkim, Madhya Pradesh, Kolkata le Manipur haia lo posting tah, tuta Diphu, Karbi Anglong, Assama Assam Riffle Training Centrea Directing Staff Coordinator sin thaw lai mek a nih.
NEICORD huoihawtnain meeting
CCPUR: December 17, 2015, 11:00AM khin NEICORD huoihawtnain DTC Hall, Tuibuongah “1st District Level Officer Meeting on Tips on Rural Development & Ten Schemes for Improving access to information and delivery of Public schemes in remote and backward district of North East India” um a tih. Hi huna hin NEICORD District Coordinator Khaihao in scheme chungthu hril a ta, DC/CCPur in Tips of Rural Development & Transformation thuah thu hril a tih.
MDM utensils la dingin
CCPUR: ZEO le District Council hnuoia Mid Day Meal (MDM) utensils dawng, zani chena la lalo hai chun December 20, 2015 chenah CCPur Govt. High Schoola la seng dingin Addl. Zonal Nodal Officer, MDM/CCPur in an hriettir.
JPO kutah Ralna Rs. 700/ a lut
CCPUR: District Hospitala JPO kutah zanikhan Tribal martyrs ralna Rs. 700/ a lut. Ralna petu hai chu H.Kamzapau & Family of Bethel Veng, New Lamka Rs.500/; Pumzalam of Bukpi Rs.100/ le Pamzaching of Dorcas Veng, New Lamka Rs.100/ hai an nih. Dec 16, 2015 a Morgue thingpui inlumtu ding chu YVA ning an ta, lengkhawm ding Bethel Veng, S.Muolcham; Saidan le Kamdou Veng nupui hai ning an tih.
CBI in Delhi Chief Minister Arvind Kejriwal Principal Secretary Office an dap
NEW DELHI: Central Bureau of Investigation (CBI) chun zani zingkar khan Delhi Chief Minister Arvin Kejriwal Principal Secretary Rajendra Kumar office le chengna in hai an dap. Mr Rajendra Kumar hin kum 20072014 inkar sung khan Mr Kumar le midang 6 han company thenkhat ditsak bikin contract an pek ti thu an dawng a, hi thua hin Court thupek angin Delhi le Uttar Pradesh hmun 14 hai khawm an dap niin CBI thupuongtu Devpreet Singh Rajendra Kumar chun a hril.
Hienganga CBI in a office an dapna thua hin Delhi CM Arvind Kejriwal chu a lungawinaw hle a, ama office khawm an dap sa niin an tum a, PM Narendra Modi chu ‘coward and psychopath’ a nih tiin a hril a, corruptionah a naupa ngei khawm inrawl sien a ngaidam naw ding thu a hril. Finance Minister Arun Jaitley le inzawm file zawngnaa a office hi CBI in an dap niin an tum bawk bawk. AAP chun December, 2013 chena kum 13 sunga Mr Jaitley in DDCA or Delhi and District Cricket Association President a chel lai khan sum hmang indiknawna a um niin an intum a, hi chungthua Jaitley hming chuongna file zawnga CBI hin a office an dap niin Kejriwal chun an tum.
Hieng laizing hin CBI chun corruptiona intum Kejriwal intumna hi hnielin Rajender Kumar tumnaa office hi an dap niin an hril a, an dapnaa hin Rs. 13 lakh le midang pakhat an man bakah Rajender Kumar chengnain ah ramdang pawisa Rs. 3 lakh anghu le Rs. 2.4 lakh an dapdawk niin an hril.
Delhi CM Office CBI in an dapnaa chungthua hi Parliamentah Trinamool Congress han hrilfiena siem dingin an phut a, hi thua hin Jaitley chun, Delhi Chief Minister Office chu dap a ni nawh tiin a hrilin Kejriwal tum bikna iengkhawm a um nawh tiin a hril.
BJP chun Kejriwal in PM chunga ‘coward’ ti tawngkam a hmang chu demin PM kuoma ngaidam inhni dingin an ti a. Kejriwal ruok chun, in thilthaw ah ngaidam inhni inla, kei khawmin ka tawngkam hmang thuah ngaidam inhni veng ka tih tiin a dawn.
AMWJU le EGM in an sinthaw chawlsanin sitinprotest an nei ding
IMPHAL: Zani hmasa zana helpawl thenkhatin IMPACT TV Editor Yumnam Rupachandra chengna ina Grenade an va sie chu AMWJU le Editors’ Guild chun nasa takin an dem a. Hi thil tlung le inzawm hin zanikhan Editors’ Guild President A. Mobi le AMWJU President W. Shyamjai hai inrawinain Manipur Press Clubah emergency joint meeting an nei. Joint meeting chun chun helpawl han Journalist hai that dinga vauna an siem dodalnain December 16, 2015 zingkara inthawk Keishampat hmuna sitinprotest nei dingin an rel bakah Dec. 16, 2015 issue Editorial column a dodalnaa sukruok (blank) a sie ding le Dec. 16, 2015 office hai khara sin thaw lo dingin an rel. Hi lei hin Imphala inthawka insuo chanchinbu hai chu December 17, 2015 khin an suok tawlnaw ding a nih.
Chun, AMWJU le EGM hnuoia journalist han vawisun hin Imphalah rally nei an tum bakah Manipur CM O.Ibobi Singh le Deputy Chief Minister le Home Minister chel bawk Gaikhangam hai kuoma Journalist hai venghimna pe dinga an ngenna Memorandum pek an tum.
Y. Rupachandra chun, tu ti hrietloin a mobile fethlengin a hung call a, sienkhawm TV programme a buoipui lai a ni leiin a lak naw a, a hnungin land line number hmanga hung call nawkin a gate bula bomb sie a ni thu hi a hung hril niin a hril. Thla khat vel liemta khan tu ti hrietlo 3 han a ina inhmupuiin, thu insuo dinga an pek chanchinbu pakhat khawma an insuo nawna chungthuah an lo vau ta niin a hril. Hiengang bawk hin a vautu hai hin AMWJU President le member dang hai khawma call an dawng a, thu insuo dinga an pek insuo dingin an vau a nih.
Bomb hi zani hmasa zan dar 8:15 vela kha sie sie, polythene baga sunga inthun a ni a, 8:30PM velin Policea bomb expert han an va lak hmang a nih.
ST Demand Committee in Memorandum an pek
IMPHAL: Meitei hai Schedule Tribe (ST) a zieklut dinga ngen pawl ST Demand Committee chun zanikhan Keishampat Laitembi Community Hallah thungbuma nuorna an nei bakah Manipur CM kuoma Memorandum an pek. ST Demand Committee ngenna hi MLA NG Bijoy in Assembly inthung nuhnung taka a lo putlut tasa le CM in hriltlang dinga a lo tiem ta a ni a, hi thu hi Manipur Assembly Winter Session hung um dinga hriltlang dingin an phut a nih.
AR le NSCN(K) an inkaptuo, 1 a thi
IMPHAL: Zani zingkar dar 6:30 a inthawk khan Arunachal Pradesha Changlang district sunga Nampong Lanka hmuna Assam Rifles le NSCN(K) hai nasa takin an inkaptuo a, inkaptuonaa hin NSCN (K) cadre pakhat a thi a, Assam Rifles personnel pakhatin hliemna a tuok niin ei thu dawngna chun a hril. Inkaptuona hmuna hin security tamlem tirlut le dappui nasa taka thaw a ni a, sienkhawm hi thu ei sut chena hin man an nei thu hriet a la ni nawh.
Army Recruitment Rally
IMPHAL: December 27, 2015 January 2, 2016 inkar sunga Indian Armya Soldier General Duty (GD), Soldier Clerk/Store Keeper, Cook, Inventory Manager, Soldier Technical, Soldier Tradesman lakna dinga online Registration thaw thei hun chu December 17, 2015 chena suksei a ni a, thu chieng lem Army or Assam Rifles haia kan thei ning a tih. Recruitment rally hi Football Ground, Kendriya Vidayalaya Leimakhong, Imphal West (Manipur) a nei ding a nih.
Nuhmei pakhat ringhlaum takin a thisaa hmu
IMPHAL: December 12, 2015 a intahwk a umna chin hriet lova inhmang Wanglun Samjoily (28) w/o W. Achan chu zani zantieng khan Sangluipung village, Chandel Districta thingkungah a khupin hnuoi tawk zing puma inkhaihlum saa hmu a nih. A ruong hi zanikhan JNIMS Morgueah postmortem thaw a nih. Postmortem thaw huna hin MLA Nunglun Victor khawm a um.
Eksiden leiin 1 a thi
IMPHAL: Zani hmasa zantieng 7:30PM khan Wangjing Bazar lai Activa le Bus an inbaw a, Activa a chuong Naorem Krishnananda (46) s/o Krishnamohan of Kakching, Senapati Leikai chu a hliemna tuorzo lovin a thi. Hi thua hin Police chun Bus driver an hrentang bakah case an registered.
Imphal Book Fair2015 tan
IMPHAL: December 24, 2015 chen aw ding 24th edition Imphal Book Fair 2015 chu zanikhan Thangmeiban Athletic Union (THAU) Ground, Imphal Westah tan a nih. Book fair hawngnaa hinUripok MLA L. Nandakumar khuollienin a thang. Lekhabu dawr 40 chuong hawng a nih.
Petrol le Diesel man sukhnuoi
NEW DELHI: Zani zanrila inthawk khan India rama chun Petrol man litre 1ah paise 50 le Diesel man chu litre 1ah paise 46a sukhnuoi a nih. Hi dungzui hin Delhi a chun petrol litre 1ah Rs 59.98/litre; Kolkata Rs 65.53/litre; Mumbai Rs 67.04/litre le Chennai ah Rs 60.28/litre ni tang a ta, Diesel chu Delhi - ah Rs 46.09/litre; Kolkata Rs 49.70/litre; Mumbai Rs 53.28/litre, le Chennai - ah Rs 47.28 a ni ta ding a nih.
EC team Assamah an inzin ding
NEW DELHI: Kum 2016a Assam Assembly Election hung um ding le inzawmin kar thar khin Chief Election Commissioner Dr Nasim Zaidi le Election Commissioners A.K. Joti le Om Prakash Rawat hai chu Guwahatiah inzin an ta, Assembly election hung um ding le inzawma insingsatna fe mek enfel an tih. Election Commission team hin December 21 le 22, 2015 hai khin Political party tum tum le officials hai a hran hranin meeting an neipui ding bakah law and Order ngirhmun khawm ennawn an tih tiin ei thu dawngna chun a hril.
Mizoramah MRPSA hmang tan
AIZAWL: Mizorama chun zanikhan “The Mizoram Right to Public Services Act, 2015” hmang tan a nih. Hi Bill dungzui hin India mi, sawrkarin mipui vantlang hmang dinga thil chi tum tum a pek haia ngenna an peklut a inthawk hunbi tiem sung ngeia an dawng theina ding dan a nih. Hi thil hin Mizoram Sawrkar hnuoia Department 7 - Food, Civil Supplies & Consumer Affairs Department,Transport Department,Taxation Department,Rural Development Department, Finance Department, Social Welfare Department leh Public Health Engineering Department han mipui kuoma public service an pek suok hlak thil 51 hai a huom a nih.
BJP MP hai sessiona thang dingin
NEW DELHI: BJP Parliamentary Affairs Minister Venkaiah Naidu chun, Parliament Winter Session fe meka Lok Sabha le Rajya Sabha inthung ding la um po haiah BJP MP hai chu mathei lova thang kim seng dingin zani zingkara BJP Parliamentary Party meeting huna an hriettir. Hi meeting a hin Chennai tuilien chungthu khawm hriltlang a ni a, BJP MP hai chun Chennai tuilien leia harsatna tuortu hai sawmdawlna dingin Rs. 10,000/ seng an thaw lawm ding thu Minister of state for Parliamentary Affairs Mukhtar Abbas Naqvi chun a hril.
Bus eksidenah mi 15 an thi
BHOPAL: Zanikhan Madhya Pradesh, Hoshangabad district sunga Sohagpur areaah molawma thang ding hai chuongna Bus changsuolin an letthlu a, a sunga chuong mi 15 an thi bakah mi tam takin hliemna an tuok. Bus hi Indorea inthawk Chindwara pan a nih. Madhya Pradesh Chief Minister Shivraj Singh Chouhan chun thina tuok sunghai zangnadawmna Rs. 1.50 lakh seng pek an ni ding thu le hliem inrik hai thangpuina Rs. 25,000/ seng pek dingin a puong. Transport minister chun hi motor eksiden chungthuah district collector chu darkar 24 sunga report pe dingin an hriettir.
Hotel Manager kap hlum
DIMAPUR: Zani hmasa zan dar 6:30 vel khan Dimapura Apna Hotel neitu/ Manager Ritika Mehta chu tu ti hrietlo han silaiin an kap hlum. Ms Ritika hin a customer thenkhat countera an biekpui lai taka a ring laia kap a nih. Ritika hi inrang takin Nikos Hospital panpui a ni a, a hnungin Zion Hospital panpui nawk a ni a, sienkhawm a hliemna tuorzo lovin a thi a nih. November 13, 2015 khawm khan tu ti hrietlo silai chawi pakhatin a dawr khar a tum laiin Ritika hi that tuma silaia kap lo ni ta sienkhawm hi tum hin himin a suokdawk a nih.
Assemblya film pawrche a en leiin suspended
BHUBANESWAR: Odisha Assembly speaker Niranjan Pujari chun Congress MLA Naba Kishore Das chu zani hmasaa Assembly house sungah a mobile phonea film thalo a en leiin ni 7 sung Assembly inthunga thang theilo dingin a suspended bakah Speaker chun Ethics committee kutah a pekdawk nghal bawk.
Hieng laizing hin Kishore Das chun, intuma umna hi hnielin, social media page lut a tumnaah YouTube ka tawkfuk pal a, ka tawl pei lai TV Camera in a mi lo lak fuk a nih tiin a hril. Film pawrche a en ngainaw thu hrilin a thiltuok chu thil vangduoi thlak tak a ni thu a hril a, intuma a umna thua hin Speaker kuoma petition a pek ding thu a hril.
VAWISUN THUPUI
Lalpa i Pathien chu i lungvar po poin, i thlarau po poin, i lungril po poin, i hratna po poin i hmangai ding a nih,’ ti hi. Marka 12:30
Editorial
Fimkhur a tul
Kristien han ei nghakhla em em, kumpui lingleta ei lo thlir Krismas 2015 ei tlungna ding ni 10 vel chau a um ta a. Krismas hmang dinga a chin a lien nasa taka ei insingsat lai mek hin fimkhur nading tam tak a um ti ruok hi chu ei hriet a tul. Mi thenkhatin mani In le compound hai cheimawiin rawng chi dang dangin light ei sukvar tawl a, thenkhatin milim hieng Ran in le ran bu pekna thleng bakah Isu (Naute), Mari, Joseph le Vantirko lim dam siem ei hung insukhmu ta pei a, Mizorama lem chun kawtthler pengthuom tin rawng chidang danga light sitvar le cheimawi a ni hlak a, hi thila ding hin state sawrkar chun pawisa a sanction hlak bawk a nih. A nina tak a chun a tha in a mawi em a, demna ding a um nawh. Hieng laizing hin milem ei siem hai hin a tak tieng neka a lem tiengpanga lungril ei pek le ei buoipui lem khawm thil um thei ngai a ni leiin ei fimkhur a tul hle awm ie.
Krismas hi hun lawm um tak, mitin a chin a lien ei zalen lai tak hun a ni bawk leiin thalai hai chau ni loin nu le pa hai khawm ei fimkhur tul zuol hun a nih. A san chu hi hun zalen tak hi mi tam takin thiltha khawm nisien, a suol khawm an thaw sin tanna a ni nuom vieu leiin nu le pa han nau le te hai fimkhur taka ei enkai tul zuol hun a ni a, thalai mani sie le tha hre thei chin hai khawmin vawisun annawleh vawizana ei thilthaw hin ei damsung hringnun controltu inchang thei a nih ti ngaituo zing puma, ei hringnun suola keilut thei ding thil hai hrim hrim hnawl hmak ngam dinga hi hun zalen le hlimum hi fimkhur taka ei hmang a pawimaw hle a nih.
Chun, thuomhnaw thar le in cheimawi hai hi a tha, sienkhawm a neilo le thaw zolo hai ta dinga ruol inhnarna a bikin naupang hai lai a siem thei leiin uor a tha vieu laiin chintawk ei hriet thil tul ni ngei a tih. Hieng thil hote nia inlang hai lei hin Krismas umzie le a hlutna, ei hmang nasan hi hmuthel thei a ni tlat, a bikin naupang hai ta dingin. Hieng a ni lei hin Krismas ei hmuokna le hmangna ding le inzawma in cheimawi le thil dang dang ei thaw hai hin a Birthday ei ilawm tak Isu hmel a hlie nawna dingin ei fimkhur a tul.
Krismas hmang dinga inbuotsaina ei fepui huna hin mi tam takin inbuotsaina indiklo lampui ei hraw rawp hlak leiin hun dang nekin a bik takin thalai hai lai motor eksiden le tuoksiet dang dang hi a tam nuom vieu leiin ei fimkhur a tul. Thalai chau ni loin nu le pa tam tak khawmin Lal Isu hung pieng chibai buk dinga ei inbuotsaina kawnga Isu Krista khawvela mihriem anga insienga a hung pieng nasan ei hmu thel rawp hlak leiin a min tlantu Van Lal nau ‘Isu Krista’ hung pieng hin a lo dawngsawngtu ding an vai rawp hlak a nih ti ei hriet a tul.
Hienganga Krismas ei hmuok dan le hmang tum dan ei thel rawp hlak lei hin sungkuo tam tak chu Krismas le Kum Thar lawm ei hmangzo le inruolin lungngaina le beidawngna han an mi hung tlakbuok rawp hlak a nih. Chuonganga thil ei tawng nawna dingin mitin, sungtinin ei hmaa Krismas le Kum Thar lawm ei hmang dinga hin Naute hmel hlie theitu ding thil hai hrim hrim hnawl ngam dingin fimkhur taka ei insingsat nuom a um.
