Guwahati, December 6,2015 (Virthli): Hmar Welfare Society, Guwahati huoihawtna hnuoiah Guwahati khawpuia Hmarnau hai chun NEZCC, Shilpgram, Panzabari Guwahati hmunah  Sikpuiruoi 2015 chu tluongtak le hlimtlang takin zanikhan an hmang. Hi huna hin Rev (Dr) HM Songate chu Sikpui Pa-a hmang a nih.


Hun hmasa tieng hi Sikpuiruoi hi Sikpui Pa in hawngna neiin, hun hnia the a nia, hunkhatna hi tawngtaina in Upa L. Infimate in a hawng a nih. Sikpuiruoi Organising Committee Chairman Pu David Neitham in mipui pungkhawm hai lawmlutna a nei zo in Sikpui Pa a'nthawkin thu tha tak tak ngaithlak niin inchuklai hai BA tâwng nitum lo dingin, taimataka thawa BA khel tieng inchukna le sin a hlawtlingna zawng ngei ngei dingin an fui tawl.

HSA Joint Hqrs Guwahati haiin hnam lam chidang dang hai in entirna an neia, Pu Lalzuithang Hmar, Chairman HWSG chun Manipur buoina le inzawma hringna chan le hliem tuok hai bakah khawtlanga siet lo tuok ta hai suna condolence hun hmangin thuhril tawi a hmang bawk a nih.

Hunkhatna kharna le ruoi inhlanna Upa Lalmalsawm Hmar in a neia Sikpui ruoi tuihnai tak el kiltlangna nei zo ani hnungin hun hnina tan nawk nghal a nih.

Hun hnina a hin kum 2016-17 sunga Hmar Welfare Society, Guwahati thuoitu ding inthlangna nei ani a, hieng hai hi thlangtling an nih.

Chairman: Pu Thanghlun Hmar
General Secretary:  Pu Lalremthang Khawzawl
Committee Members:
1. Pu Dr C Chonzik
2. Pu CS Daniel
3. Pu Thangtinmang
4. Pu Rosanglien Puruolte
5. Pu David Neitham
6. Pu Lalzuithang

An Portfolio chel ding hai ruokchu Chairman le Secretary  haiin insiemremna neipui dinga ti a nih. Hieng thlangtlinga um hai hi tawngtain pekna GHCF Local Pastor Rev . Vanlaltlan Thiek in a nei.

Cultural Show Traditional Dress HSA Joint Hqrs Guwahati in a nei a, ei Pi le Pu hai inthuomdan le ei hnam puon mawi tak tak hai suklangna an nei bawk a nih.

Hi huna hin Sikpuiruoi 2015 Mr. & Miss thlangna nei a nia, Mr. dingin Tv. Daniel Khawral le Miss dingin Nk. Lalumpuii Biete hai thlangtling an nih. Hnam thuom inbel mawitak (Best Cutural Dress) nuhmei le pasal thlangdawk an nia, pasal tieng Tv. James Songate le nuhmei tieng Nk. Ruth Darngawn hai chu thlang an nih.

Rimawi tieng pangah Nk. Nancy Khawbung (Special Invitee), Sikpui Band hai bakah Guwahati a Hmar hlasak thiem tak tak haiin mipui an inawi.

Secretarial Report Pu Rosanglien Puruolte in a nei a, Vote of Thanks Organising Committee Secretary Tv. James Songate in a nei zovin hun khar tawngtaina Pastor Lalhmunsang F Tusing, EFCI Guwahati in a nei zovin hun suktawp a nih.

[Thlalak hai chu nakie tieng hung upload ning a tih]

Post a Comment

Powered by Blogger.