IMPHAL: Famtah Pastor Lalthlunglien hrietzingna dinga bawl ICI Biekin, Lamphel, Imphal (Manipur) ram sunga Thlaisuongna ding In (Kitchen/Choka) chu Dec. 20, 2015 khan Rev. Hrangtinai, Mission Promoter, ICI in a hawng. A renga sum seng chu 1.2 lakh chuong met a ni a, ama sunghai thawlawm chu India sumfaiin iemani zat lai a tling phaka suklang kher an nuom naw leiin ei hung suklang nawh. Famtah Pastor Lalthlunglien kha mi tam tak ngainat a ni zing laiin Thalai hai ngainat hlaw em em, ama ang Pastor kha an vang hle a nih. Thalaihaiin an harsatna ngampa taka an intlun ngamna le thalai lungril hrie hne em em el. Thalaihai ngaisang le ngainat hlaw tak el a nih. Hi khawvel a lo maksan kha kokir thei nisien chu vawisunni hin tam tak chun kokir ngei an tih.
Famtah Pastor Lalthlunglien hi Dr. John Pulamte Gen. President, Hmar Inpui, Gen. Hqr. a piengna pa le ICI Kohran a Pastor sinthaw hlak le Pathien-in a rawngbawlna a hmang em em el a lo ni hlak. Ama ang Pastor kha vawisunnia thalai harsatna nei tam tak, intlun ngamna ding neilo haiin an harsatna intlun ngamna ding Pastor an mamaw tak zet a nih. A chin a lien, hausa-pasie, puitling-naupang, a tar-a zuor in ruol pawlin an pawl thei vawng hlak kha a danglamna le ngainat a um em emna chu a nih.

Post a Comment

Powered by Blogger.